Լյուքս համոզմունքներ

[One_Way_Ticket]

Տերմինը հորինել է ամերիկացի սոցիոլոգ Ռոբ Հենդերսոնը։ Ասում է՝ առաջ մարդիկ շքեղ ապրանքներով էին իրենց ստատուսը ցույց տալիս, որոնք ցածր խավն իրեն թույլ տալ չէր կարող, այսօր դա փոխարինվել է շքեղ համոզմունքներով։ Որպես օրինակ բերվում է այն, որ հարուստների մեջ աթեիստներն էապես ավելի շատ են։ Նրանք լիքը ուրիշ զբաղմունքներ ունեն իրենց կյանքն իմաստով լցնելու համար, իսկ 9-ից 5-ը միապաղաղ աշխատանքով ապրող մարդու համար եկեղեցին կարևոր հոգևոր դեր է խաղում։

Իմ կարծիքով, վերջին տարիներին, կամ ավելի ճիշտ՝ սկսած 2020-ից դա ավելի է ակտուալացել։ Լոքդաունի կողմակիցները առավելապես ապահով խավն էր, ովքեր կարող էին իրենց հարմարավետ տանը նստել, մեկ ու մեջ էլ կամերայի առաջ դիմակ հագնել ու արմունկով բարևել։ Կլիմայի փոփոխության, կանաչ էներգիայի մասին լեկցիաները ևս մեկ նման լյուքս համոզմունք է։ Որոշ մարդիկ սեփական ինքնաթիռով են գնում նման լեկցիաներ կարդալու։

Հակիրճ նկարագրությունը վիկիում․
https://en.wikipedia.org/wiki/Luxury_beliefs

Ի՞նչ կարծիքի եք, համաձա՞յն եք, համաձայն չե՞ք։ Ձեզ բռնացրե՞լ եք այդ մտքի վրա, որ ինչ-որ համոզմունքներով ձեր ստատուսն եք ցույց տալիս։

[Adam]

էդքան էլ համաձայն չեմ:

Շատ եմ շփվել լիքը հարուստ ու ֆանատիկ մորմոնների հետ, որոնք կուրորեն Ջոզեֆ Սմիթին ու Քրիստոսին են հավատում, ու մինչդեռ՝ հարուստ են, ու վայելում են կյանքն ամեն առումներով՝ ներքուստ էլի մեկ ա՝ « ''persevere till the end'' համոզմունքի մեջ են՝ գտնելով, որ էս աշխարհն ապրելու տեղ չի:

Շփվել եմ հարուստ մասոնների հետ, ովքեր հիմնականում գնոստիկ, կամ էլ լյուցիֆերական դոկտրինայի հետևորդ էին:

Իմ կյանքում ինձ պատահած որևէ հարուստ մարդ հլը էսքան վախտ աթեիստ չի եղել: Իհարկե՝ չեմ ընդհանրացնում իմ կյանքում պատահած մարդկանց, բայց որ նայում եմ էսօրվա աշխարհին ու tech զարգացումներին՝ կարծում եմ նույնիսկ Իլոն Մասկը, կամ Զուքերբերգը ներքուստ աթեիստներ չեն, ինչքան էլ իրենց ու իրենց ծավալած գործունեություններից «աթեիստության հոտ գա»: Ես կարծում եմ, որ իրանց ներքին դոկտրինան էլ A.I.-ն ա, որը դասական աթեիստությունից մի քիչ տարբերվում ա:

[Վիշապ]

Ինձ թվում է երևույթի դասական անվանումը քաղքենիությունն է, որը բուրժույների ժամանակից կա մարդկության տարբեր շերտերում։ Լյուքս համոզմունքները առաջանում են քաղքենիության համար անհրաժեշտ պայմանից՝ մեկերեսայնությունից ու սահմանափակ աշխարհայացքից:

[մարդ եղած վախտ]

ինձ թվում ա արժի համոզմունքների ձևավորման երկու բաղադրիչ առանձնացնել։ Մեկը էն ա, ինչին մարդ իրոք հավատում ա, մեկն էլ էն ա, ինչ գուցե ուզում ա ընդունի՝ սոցիալական ճնշումից ելնելով։

Ամեն առանձին հարցի շուրջ համոզմունքը առանձին թեմա ա։ Օրինակ՝ մարդիկ լգբտ թեմաներում պահպանողանական են Հայաստանում, որտև սոցիումն ա ճնշում, իսկ արևմտյան Եվրոպայի մեծ քաղաքներում սոցիումը ճնշում ա հակառակ ուղղությամբ։ Նույնը՝ կրոնի թեմայով։ Հայաստանում սոցիումը ճնշում ա լինել քրիստոնյա, և հակառակը։

Էս նույն տրամաբանությունը կարելի ա տարածել առանձնին փոքր համայնքներում ներգրավման "պայմաններ"֊ի վրա։ Օրինակ՝ եթե քո օֆիսում բոլորը սուրճ են խմում, հնարավոր ա դու էլ սկսես սուրճ խմել, նույն ձև եթե ուզում ես "լյուքս" համայնքի մաս դառնալ, հնարավոր ա՝ իրանց գաղափարները վերցնես։ Եթե տերմինի իմաստը էս տարբերակն ա, ապա ինձ համար շատ ռեալ գործոն ա (բայց ոնց֊որ դու այլ բան նկատի ունե՞ս)։

Գլոբալ թեմաների շուրջ հարցը մի քիչ այլ ա։ Եթե ճիշտ եմ հասկանում քեզ, ապա "լյուքս համոզմունքների" տեսակետից ստացվում ա, որ օրինակ՝ գլոբալ տաքացման օրակարգը կեղծ ա, ու ավելի ցածր ստատուսով մարդկանց ուղեղին ավելի բարձր ստատուսով մարդիկ կաթացրել են, որ հավատան կեղծ օրակարգերին, որ, օրինակ՝ ուժի անհավասարությունը պահպանվի։ Իմ համար էս արհեստական մոտեցում ա դավադրապաշտական էլեմենտներով։ Իմ կարծիքով ստեղ "էլիտաները" ոչ թե թելադրում են օրակարգը, այլ ստիպված են ընդունել էդ օրակարգը, որ իրանց իմիջը լինի ֊ "ես ձեզնից մեկն եմ, ինձ էլ են հուզում նույն հարցերը"։ Ասելը, օրինակ՝ գլոբալ տաքացումը կեղծ օրակարգ ա, որտև պայմանական Մէլոն Ասկը էդ համոզմունքի կրողն ա, բայց թռնում ա անձնական ինքնաթիռով, ճիշտ չի, որտև կարա պատահի, որ ինքը ուղղակի հիպոկրատ ա։ Բայց էլի ասեմ՝ ամեն հարցի իսկությունը առանձին քննարկման թեմա ա։

Հ․Գ․ Գլոբալ տաքացումը իմ համար ռեալ ա, ու իրա ահագին մեծ կոմպոնենտը մարդու գործունեությունն ա։ Ես անձամբ վերջին 150 տարում երկրի միջին ջերմաստիճանը չեմ չափել, ոչ էլ կարդացել եմ գլոբալ տաքացումը ցույց տվող հոդվածները, բայց ես հարում եմ մարդկանց, ովքեր հավատում են, որ ժամանակակից գիտությունը փորձում ա իրա հնարավորության սահմաններում օբյեկտիվորեն գտնել օրինաչափություններ ու պատճառահետևանքային կապեր, ու վերցրել եմ էդ համոզմունքը։ Տենց ստացվում ա, որ ես այո, ընդունել եմ "լյուքս համոզմունք"։

[enna]

Ինձ հետաքրքրում ա կարնիվորը լյուքս համոզմունք ա, թե չէ

[Վիշապ]

Ինձ հետաքրքրում ա կարնիվորը լյուքս համոզմունք ա, թե չէ

Հա բա ի՞նչ է։ Էս գլոբալ տաքացման, ճգնաժամի ու աղքատության դարում մենակ միս ուտելը դա քաղքենիության, ցուցամոլության ու պոռճության բարձրակետն ա, չտեսության դրսևորում։

[One_Way_Ticket]

բայց ոնց֊որ դու այլ բան նկատի ունե՞ս

Հա, թեման մի քիչ այլ երևույթի մասին է։ Չնայած գուցե քո նկարագրածի հետ մասամբ հատվում է։
Եթե գլոբալ տաքացման օրինակի վրա դիտարկենք, խոսքը նրա մասին չէ, որ օրակարգը կեղծ է (չնայած գուցե և կեղծ է, չգիտեմ)։ Խոսքը նրա մասին է, որ դու կարող ես քեզ թույլ տալ դրանով անհանգստանալ ու մասնակցել պայքարին։ Ու եթե, ասենք, բարեփոխման արդյունքում ջեռուցման համար պիտի ավել վճարես, դու կարող ես դա քեզ թույլ տալ։ Ու նման համոզմունք ունենալով ցույց ես տալիս պայմանական Պողոսին (գուցե ենթագիտակցորեն), ով չի կարող, որ իրենից բարձր ես։ Շեշտեմ, որ ստեղ "դու"-ն նույնպես պայմանական է, կոնկրետ քեզ նկատի չունեմ։

[մարդ եղած վախտ]

Հա, թեման մի քիչ այլ երևույթի մասին է։ Չնայած գուցե քո նկարագրածի հետ մասամբ հատվում է։
Եթե գլոբալ տաքացման օրինակի վրա դիտարկենք, խոսքը նրա մասին չէ, որ օրակարգը կեղծ է (չնայած գուցե և կեղծ է, չգիտեմ)։ Խոսքը նրա մասին է, որ դու կարող ես քեզ թույլ տալ դրանով անհանգստանալ ու մասնակցել պայքարին։ Ու եթե, ասենք, բարեփոխման արդյունքում ջեռուցման համար պիտի ավել վճարես, դու կարող ես դա քեզ թույլ տալ։ Ու նման համոզմունք ունենալով ցույց ես տալիս պայմանական Պողոսին (գուցե ենթագիտակցորեն), ով չի կարող, որ իրենից բարձր ես։ Շեշտեմ, որ ստեղ "դու"-ն նույնպես պայմանական է, կոնկրետ քեզ նկատի չունեմ։

Այսինքն հարցը մոտիվացիան ա՞, թե երևույթը։

Եթե երևույթն ա, ապա համաձայն եմ, որ մարդու ստատուսի/հնարավորությունների հետ հարցերը փոխվում են, ու նաև թե ինչ կարաս անես։ Էլեկտրական մեքենաներն էլ են դրա լավ օրինակ։