User Tag List

Նայել հարցման արդյունքները: Հայկոն գնա՞, թե՞ մնա

Քվեարկողներ
10. Դուք չեք կարող մասնակցել այս հարցմանը
  • Հայկոին վստահում եմ, պիտի մնա

    6 60.00%
  • Հայկոին չեմ վստահում, պիտի գնա

    1 10.00%
  • Հայկոին վստահում եմ, բայց պիտի գնա

    1 10.00%
  • Հայկոին չեմ վստահում, պիտի մնա

    2 20.00%
Էջ 1 2-ից 12 ՎերջինըՎերջինը
Ցույց են տրվում 1 համարից մինչև 15 համարի արդյունքները՝ ընդհանուր 17 հատից

Թեմա: ՔՊ - Հայկ Մարության կոնֆլիկտ

  1. #1
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)

    ՔՊ - Հայկ Մարության կոնֆլիկտ

    Նոր վերջապես ֆեսյբուքում ավագանու անդամ Էդուարդ Ավետիսյանը որոշակի ինֆորմացիա տվեց կոնֆլիկտից։



    Եկեք, տեսնենք, թե ով որ կողմին ա վստահում։
    Ու արդյո՞ք կողմ եք քաղաքական հիմնավորմամբ, հանրային սեր վայելող քաղաքապետին փոխելուն


    ----------------------------------
    Հայկ Մարությանը լավ մարդ է ու լավ քաղաքապետ է։ Ես իրեն հարգում եմ, սիրում եմ ու ավագանու անդամությանս երեք տարիներին իր հետ ունեցել եմ և ունեմ լավ հարաբերություններ։ Բայց եկել է ժամանակը, որ նա թողնի այդ պաշտոնը։ Պատճառները ծավալուն ու խորքային են, այդտեղից էլ գրառումը երկար է ստացվել։
    Մենք, ավագանու անդամներս, համաձայնեցինք թեկնածություն դնել այն ժամանակ, երբ դեռ պարզ չէր, թե ով է գլխավորելու ցուցակը։ Եվ եկեք անկեղծ լինենք` անկախ նրանից, թե ով կլիներ ցուցակի առաջին համարը, այդ ընտրությունները հաղթած էին։ Դա հեղափոխությունից հետո առաջին ընտրություններն էին, որտեղ ըստ էության ֆիքսվում էր, թե Երևանցիների քանի տոկոսն էր կողմ հեղափոխությանը։ Ամբողջ քաղաքական թիմը ու վարչապետը ամենօրյա ռեժիմով մասնակցեցին քարոզարշավին ու արդյունքում Երևանի ավագանու ընտրություններին «Իմ Քայլը» դաշինքը ստացավ 81% քվե։
    Նորընտիր ավագանու կազմը սկսեց քաղաքապետի հետ ծանոթանալ միայն ընտրություններից հետո։ 30-40 կուսակցական, 15-20 անկուսակցական ու քաղաքապետի կողմից ցուցակ հրավիրված ևս մի քանի հոգով պետք է ստանձնեինք քաղաքային իշխանությունը ու գտնեինք դա իրար հետ անելու արդյունավետ ֆորմատ։ Պարբերական հանդիպումներ, քննարկումներ, մտքերի փոխանակություն 1-2 շաբաթը մեկ։ Գուցե պրակտիկայում թվում է, թե քաղաքապետը միանձնյա է կառավարում քաղաքը, բայց դա բնավ այդպես չէ։ Ավագանին քաղաքապետի հենարանն է։ Այո, օրենքը ասում է, որ ընտրություններից հետո 50%+ քվե ստացած քաղաքական ուժի առաջին համարը ավտոմատ դառնում է քաղաքապետ, բայց քաղաքապետին վերահսկելու, նրա աշխատանքին գնահատական տալու և հարկ եղած դեպքում նրան անվստահություն հայտնելով նոր քաղաքապետ ընտրելու լիազորությունը տրված է ավագանուն։ Եթե ավագանին չի սատարում քաղաքապետին ու չի գալիս նիստերի, առաջանում է ճգնաժամ։ Եթե ավագանին չի հաստատում տարեկան բյուջեն, առաջանում է քաղաքապետի անվստահության հարց։ Ավագանին է քաղաքում բարձրագույն իշխանությունը ու ընտրողների առաջնային մանդատ կրողը։ Առանց ավագանի չկա քաղաքապետ։ Ինչպես որ առանց Ազգային ժողով չկա վարչապետ։ Ուստի կենսական էր, որ քաղաքապետի ու ավագանու ջրերը նույն առվով հոսեն։
    Ընտրություններից ընդամենը մի քանի ամիս անց, 2019 մայիսի տեղի ունեցավ առաջին խնդրահարույց դեպքը, որը հանրության կողմից գուցե աննկատ անցավ, բայց շարունակական ճգնաժամի սկիզբն էր։ Քաղաքապետը հրատապ կերպով ավագանու օրակարգ բերեց աշխատավարձերի բարձրացման նախագիծ։ Մենք, ավագանու անդամներս, առհասարակ թեմայից տեղյակ չլինելով հանկարծ ստանում ենք նամակ, որ պետք է 3 օրից ավագանու նիստին քվեարկենք 2000 հոգանոց հաստիքացուցակի 20-30-50-100-200% աշխատավարձերի բարձրացմանը։ Համաձայնեք, որ գործընկերային մոտեցում չէ քաղաքապետի կողմից առանց նախապես խմբակցության հետ քննարկելու և համաձայնության գալու հրատապ կերպով նման նախագիծ բերելը։ Ընդհանուր առմամբ կողմ լինելով աշխատավարձերի բարձրացման գաղափարին, խմբակցության անդամները այնուամենայնիվ վերապահումներ ունեին, փոփոխության առաջարկներ ունեին ու մենք խնդրել էինք նախագծի համար քվեարկել ավելի ուշ` երբ գանք ընդհանուր հայտարարի։ Քաղաքապետը դեմ էր։ Ասում էր` չէ, կմնա օրակարգում, իսկ դուք ուզում եք կողմ քվեարկեք, ուզում եք` դեմ։ Եթե չանցնի նախագիծը, հանրությանը ու քաղաքապետարանի աշխատակիցներին կասեմ, որ ավագանին չուզեց, որ նախագիծը ընդունվի։ Այդտեղ սկսվեց «մենք ու դուք» բաժանումը։ Մենք, ավագանու անդամներս, փաստի առաջ էինք կանգնել։ Կամ պետք է կուրորեն կողմ քվեարկենք փոփոխությանը, որի առնչությամբ վերապահումներ ունեինք կամ պետք է քաղաքականությանը ոչ վայել մի դրվագի ականատես լինեինք, որտեղ ավագանում 87% (!) մեծամասնություն ունեցող քաղաքապետը նախագիծ է բերում և այն մերժվում է ավագանու կողմից։ Դա ավտոմատ կերպով ի ցույց է դնում կոնֆլիկտ և խզվածություն ավագանու ու քաղաքապետի միջև։ Ի սկզբանե հրաժարվելով օրակարգից հարցը հանելու գաղափարից, այնուամենայնիվ «վերևներից» հորդորներից հետո քաղաքապետը բարեբախտաբար հանում է հարցը ավագանու օրակարգից ու այդպիսով խուսափում ենք քաղաքական ճգնաժամից։ Ի դեպ այս տարի ավագանին ինքը նմանատիպ նախաձեռնությամբ հանդես եկավ և վերջապես բարձրացրեց աշխատավարձերը։
    Այս դրվագը բայց հենց այնպես չի անցնում-գնում։ Սկսում են անկեղծ խոսակցություններ, թե «ինչի համար ենք մենք այստեղ հավաքվել» ու ով ինչպիսի մոտեցում ունի։ Քաղաքապետը պնդում է, որ քաղաքականությամբ չի զբաղվում ու եկել է քաղաքին 5 տարի ծառայելու։ Ավագանուն ասում է, որ մենք օրգանիկ կապի մեջ չենք, քանի որ մեզ հավաքել են իրար հետ անկախ մեր կամքից ու քաղաքական վերնախավին ասում է, որ «ձեր բերած» ավագանին կողմ չի քվեարկում իմ նախագծերին։ Դրանից հետո ամեն շաբաթ տեղի ունեցող հանդիպումները գնալով պակասում են, դառնում են մի քանի ամիսը մեկ։ Իսկ ժամանակի հետ քաղաքապետը սկսում է գրեթե երբեք չներկայանալ խմբակցության նիստերին։ Իսկ երբ էլ ներկայանում էր, ավագանու խմբակցության` քաղաքապետին ուղղված հարցերը այնքան կուտակված էին լինում, որ հաճախ վերածվում էին բանավեճերի ու կոնֆլիկտների։ Ու այստեղից սկսեցին ավագանուն ուղղված ակնարկները, որ «սա իմ տարածքն է, մի խառնվեք իմ գործերի մեջ», «կադրային քաղաքականությունը միայն ես եմ որոշում», «ես իմ աշխատանքի մոտեցումները ունեմ»։
    Ավագանու 87%-անոց խմբակցությունը 2-3 տարի շարունակ միաձայն պահանջում էր ակնհայտ կոռուպցիայով զբաղվող մի քանի վարչության պետերի պաշտոնանկությունը, բայց չէր կարողանում դրան հասնել։ Երբ հեղափոխական «Իմ քայլը» դաշինքը իր ոտքը դրեց քաղաքապետարան, տարիներ շարունակ հանրությանը ու քաղհասարակությանը իրենց բացասական համբավով հայտնի կարկառում դեմքերը պետք է անմիջապես հեռացվեին։ Բայց նրանք շարունակում էին պաշտոնավարել, որովհետև ստատուս քվոն հարմար էր ու այդ անձինք «անփոխարինելի» էին ներկայացվում։ Ավագանու «Իմ քայլը» խմբակցությունը պահանջում էր սա ՄԻԱՁԱՅՆ, բայց այդ ձայնը տեղ չէր հասնում։


    Հենց այստեղ է գալիս քաղաքական լինելու կարևորությունը ու անխուսափելիությունը։ Չես կարող չհարգել քաղաքական ինստիտուտները ու իշխանության կառուցվածքը։ Ինչա թե ՔՊ վարչությունը կողմ է քվեարկել ցուցակում առաջին համարը լինելուն, իսկ Երևանցին քվե է տվել ԴԱՇԻՆՔԻ ցուցակին, չի նշանակում, որ դրա հիման վրա 5 տարի կարող ես անել այն, ինչ ուզես։ Մեծ քաղաքականության մեջ կարևոր է ոչ թե անձերի, այլ կուսակցությունների ու թիմերի մասնակցությունը հենց այն պատճառով, որ անձինք կարող են կամայական լինել, կարող են էմոցիոնալ լինել, կարող են տրվել գայթակղությանը, կարող են չհետևել իրենց ծրագրերին ու խոստումներին, կարող են չնկատել հանրության լայն զանգվածների շահերը։ Իսկ ինստիտուտները ի դեմս քաղաքական թիմերի ապահովում են կառավարման մասնակցային լինելը ու մատը պահում են զարկերակին։
    Չնայած նրան, որ քաղաքապետը դառել էր կուսակցության անդամ` ավագանու ընտրություններից մի քանի օր առաջ, նա երբեք կուսակցական գործունեություն չի ծավալել։ Չի մասնակցել ՔՊ նախաձեռնող նիստերին, չի մասնակցել քաղաքական քննարկումներին, հանրային տիրույթում քաղաքական խոսք չի արտաբերել։ Այս ապաքաղաքական դիրքավորումը քիչ քիչ բերել է նրան, որ նրա հարաբերությունները վատացել են կենտրոնական կառավարող ուժի հետ։ Կոմունիկացիան նախարարների, պատգամավորների ու այլ պետական կառույցների հետ դժվարացել է և ինչ որ պահի կանգ է առել։ Բայց հնարավոր չէ մեծ քաղաքականության մեջ լինել ապաքաղաքական։ Պետությունը ու համայնքը սերտորեն կապված են ու համայնքի կառավարումը մենակ վերելակով ու ավտոբուսով չի սահմանափակվում։ Կա կադրային քաղաքականություն, տնտեսության ու շինարարության ռազմավարություն, միջգերատեսչական ծրագրեր, կա ազգային ժողով ու օրենսդրություն, որը ազդում է համայնքի վրա, կա դիվանագիտություն ու միջազգային հարաբերություններ։ Պետությունը ու համայնքները, առավելևս ամենամեծը` մայրաքաղաքը, պետք է սերտ համագործակցեն իրար հետ ու դա ներառում է վերոնշյալ ու բազմաթիվ այլ քաղաքական հարթություններ։ Այն, որ Երևանի ավագանու ու կառավարող ուժի հետ այդ համագործակցությունը տեղի չի ունեցել հենց 2019ից սկսած, համայնքի կառավարումը պահել է շարունակական ճգնաժամի մեջ։ Նաև այս դժվարությունների պատճառով է, որ քաղաքապետը այս տարիների ընթացքում բազմիցս դիտարկել է հրաժարական տալու տարբերակը, պնդել է, որ ինքը այս ամենից հոգնել է և հարմար հնարավորության դեպքում վաղաժամ կլքեր պաշտոնը։ Եղել է նաև դրվագ, որ հրաժարական տալու իր որոշումից հետ է պահել հենց քաղաքական թիմը` երկրում ավելորդ ցնցումներ չառաջացնելու համար։
    Ճգնաժամի նոր փուլ սկսվեց անմիջապես պատերազմից հետո, երբ քաղաքապետը կուսակցությունից դուրս գալու որոշում կայացրեց։ Պետության ու քաղաքական թիմի համար դժվարագույն այդ պահին, մեծ հարված էր նմանատիպ լուր լսելը։ Ճիշտ է, այդ լուրը չհանրայնացվեց և միայն ամիսներ անց բացահայտ խոսվեց դրա մասին, բայց հենց այդ պահին ստացվեց հետևյալը` եթե մինչ այդ քաղաքապետը ֆորմալ առումով կուսակցական լինելով պնդում էր, որ չի զբաղվում քաղաքականությամբ ու զբաղվում է միայն Երևանի հարցերով, ապա կուսակցությունից դուրս գալով ուղիղ ասվեց, որ նա չի ցանկանում քաղաքական պատասխանատվություն կիսել կամ որևէ առնչություն ունենալ քաղաքական թիմի հետ։
    Քաղաքականության մեջ, երբ քաղաքական որևէ ուժի շնորհիվ որևէ անձ ստանձնում է պաշտոն, ապա այդ ուժի հետ կապերը խզելուն պես անմիջապես վայր է դնում նաև իր պաշտոնը։ Դա է հուշում քաղաքական տրամաբանությունը ու ազնվությունը։ Որոշ երկրներում կան նաև օրենքով ամրագրված երաշխիքներ` մանդատը հետ կանչելու կամ քաղաքականությունը լքած անձի պաշտոնավարումը տեխնիկապես անհնար դարձնելու համար։ Քաղաքական թիմը լքելուն պես քաղաքապետը պետք է հրաժարվեր իր պաշտոնից։ Իր` թիմը չլքելը ավելորդ բարդություններ առաջացրեց և հիմա թիմը պետք է որոշեր, թե երբ ու ինչպես հեռացնել նրան։ Կար նաև մեկ այլ տարբերակ` այո, հանդուրժել քաղաքական թիմի հետ կապերը խզած ու իրեն ապաքաղաքական հայտարարած քաղաքապետի պաշտոնավարումը ևս երկու տարի` մինչև նոր ընտրություններ։ Այս երկընտրանքը կուսակցական ավագանու անդամների մոտ երկու «թև» առաջացրեց` մի թևը պնդում էր, որ պետք է օր առաջ անվստահություն հայտնել քաղաքապետին։ Երկրորդ թևը պնդում էր, որ պետք չէ շտապել ու պետք է հավելյալ քննարկումներ կատարել, ծանր ու թեթև անել ու հավասարակշռված, հստակ քայլերով առաջ գնալ։ Ինքս լինելով կուսակցական ու գտնելով, որ քաղաքապետը պետք է հրաժարական տար, գտնում էի, որ համայնքին ու հանրությանը ավելի շահեկան կլինի, որ քաղաքապետը դեռևս շարունակի պաշտոնավարել։
    Այդ թեժ ներքին քննարկումներից անմիջապես հետո եղավ փետրվարի նիստը, որը գրեթե տապալվեց։ Ինքս ակտիվ լոբբինգ եմ արել, որ նիստը կայանա ու կուսակից որոշ ընկերներիս կողմից անգամ պիտակվել եմ որպես կուսակցական գծին դեմ գնացող, թեև այդ հարցով կուսակցական գիծ չկար, պարզապես կարծիքները բաժանված էին։ Նիստին ի վերջո ներկա գտնվեցին խմբակցության ղեկավարը, քարտուղարը ու մի քանի կուսակիցներ ու խմբակցության այլ անդամներ։ Կուսակցության անդամներից ոմանք էլ բացակա էին։ Այդ նիստով հաստատվեց քաղաքի համար ձեռք բերվող 211 նոր ավտոբուսների ներկրումը։ Ինքս ներկա եմ եղել ու կողմ եմ քվեարկել նախագծին։ Ավելացնեմ նաև որ անհեթեթ են այն պնդումները, թե «կուսակցականները բացակայել են, որ քաղաքապետը այդ փառքին չարժանանա» կամ «Երևանցիների շահը սաբոտաժ են անում»։ Եղել է պարզ զուգադիպություն, որ քաղաքապետի` կուսակցությունից դուրս գալուց հետո դա եղել է առաջին նիստը։ Ավելին` ներկրվող ավտոբուսների դասի(տեսակի) հետ կապված կառավարությունից եղել են վերապահումներ ու առաջարկվում էր այլ ավտոբուսներ ներկրել։ Այսպիսով ավագանու խմբակցության անդամներից մի մասը եկավ նիստի և կողմ քվեարկեց, մի մասը երկրորդում էր ավտոբուսների հետ կապված վերապահումը, մի մասն էլ այո` չէր կարող այլևս քաղաքական թիմի հետ խզած քաղաքապետի հրավիրած նիստերին ներկայանալ: Նաև այդ պատճառով է, որ վերջին մեկ տարին Երևանի ավագանին անդադար քվորումի խնդիր է ունենում` ինչպես քաղաքապետը չի ընդունում քաղաքական թիմին, նույն սկզբունքով քաղաքական թիմի որոշ անդամներ չեն ընդունում քաղաքապետին։ Ոչ թե կարգապահության, այլ քաղաքական խզվածության հետևանք է, որ 80% ներկայացվածություն ունեցող ավագանին հազիվ է ապահովում 50% ներկայությունը կամ ապահովում է ընդդիմության շնորհիվ։
    Գուցե հնարավոր լիներ այսպես ժամանակ ձգել մինչև մյուս ընտրությունները և ձև տալ, թե չկա որևէ խնդիր։ Բայց մի 10 օր առաջ տեղի ունեցավ մի բան, որը հատեց կարմիր գիծը։
    ————

    Շարունակելի
    artak.am De gustibus et coloribus non est disputandum.

  2. Գրառմանը 1 հոգի շնորհակալություն է հայտնել.

    Sambitbaba (20.12.2021)

  3. #2
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Շարունակություն

    Քաղաքապետը հայտարարեց, որ իր համար չկա խմբացություն ու ինքը գնալու է ընտրությունների իր սեփական թիմով։
    ————
    Նախ սա մի շարք հարցեր է առաջանում։ Ներքին խոսակցություններում քաղաքապետը բազմիցս հայտարարել է, որ ինքը եկել է 5 տարի ծառայելու ու որևէ ցանկություն չունի նորից առաջադրվելու։ Առավելևս, երբ ընթացքում դիտարկել է հրաժարական տալու ու այս ծանր բեռի տակից դուրս գալու հնարավորությունը։ Առաջին իսկ տարվանից ինչպես ավագանու, այնպես էլ կարծում եմ հենց իր` քաղաքապետի համար ակնհայտ դարձավ, որ քաղաքականությունը իրեն հարազատ բան չէ։ Սրա հիման վրա է, որ ինչպես ես, այնպես էլ շատ թիմակիցներ շարունակել ենք իրեն սատարել մտածելով` «Դե մարդը մասնավոր ոլորտից հանկարծ հայտնվել է մեծ քաղաքականության մեջ։ Եկել է մի քանի տարի աշխատի, գնա։ Օգնենք, գոնե պատվով գնա»։ Իսկ հիմա հանկարծ ցանկություն կա մեծ քաղաքականության մեջ շարունակելու՞։ Ո՞ւմ քաղաքական շահերն են այստեղ սպասարկվում։ երեք տարբերակ եմ տեսնում`
    - Գուցե մամուլում շրջանառվող անձա՞նց
    - Գուցե այլ ուժերի՞, որոնք մաքուր անունով մարդկանց հավաքագրելով փորձում են իշխանությանը հեղինակազրկել ու պետականության դեմ ուղղված կեղտոտ գործեր անել։ Չէ որ երբ քաղաքականությամբ չես զբաղվում, քաղաքականությունն է սկսում քեզանով զբաղվել։ Իսկ Երևանի կառավարման մեջ թաքնված են ահռելի ֆինանսական ու քաղաքական շահեր։
    - Գուցե քաղաքապետը ինքը իրե՞ն է հռչակելու որպես նոր քաղաքական ուժի առանցք։ Սա նույնպես տարակուսելի է, որովհետև քաղաքապետը երբեք չի արտահայտվել ներքաղաքական հարցերով, տնտեսական մոտեցումներով, արտաքին քաղաքականության ուղղվածության, Արցախի հարցի կարգավորման ու քաղաքականությանը վերաբերվող այլ ոլորտների վերաբերյալ։ Մեծ քաղաքականությունը չի լինում միայն «Ժողովուրդ ջան, ինձ ձայն տվեք, գամ Երևանը կառավարեմ» սկզբունքով։
    Իհարկե շատ հետաքրքիր է, թե ինչ դրդապատճառներով ու ինչ ուղղությամբ է գնալու Հայկ Մարությանը, բայց ներկայիս գործընթացներում դա էական չէ։ Էական է այն, որ քաղաքապետը այժմ ոչ միայն խզվել է իշխող մեծամասնությունից, այլ նաև իրեն քաղաքական հակառակորդ է հայտարարել։ Մեկ այլ մեծ հարց է, թե որքանով ազնիվ ու արդար է, որ մարդը հեղափոխության տրամպլինով գալիս և բարձր պաշտոն է ստանձնում, իսկ թիմի հետ կապերը խզելուց հետո ոչ միայն չի լքում իր պաշտոնը, այլ նաև հակառակ կողմից է դիրքավորվում։
    Այս պարագայում արդեն նոնսենս է, որ իշխող քաղաքական թիմը շարունակի հանդուրժել կամ սատարել գործչի, ով իր հակառակորդն է։ Եթե քաղաքապետը ցանկանում է զբաղվել քաղաքականությամբ, ապա հիմա լավագույն ժամանակն է` թող թողնի պաշտոնը, 1.5 տարի զբաղվի կուսակցաշինությամբ ու արդար մրցակցային պայմաններում մասնակցի հերթական ընտրություններին։ Իհարկե հավերժ կմնա այն բիծը, որ իրեն մեծ քաղաքականություն բերած թիմին հակառակ հայտ է ներկայացնում, բայց որոշումը իրենն է։
    Ինչ վերաբերվում է պնդումներին, թե «kusakcapetutyun en sarqum, ov mer het chi, mer dem a»։ Թեև ընտրություններից մի քանի օր առաջ քաղաքապետը դարձել է կուսակցական, այս երեք տարիներին նա երբևէ կուսակցականի վայել մոտեցում չի ցուցաբերել։ Եթե հարցը սա լիներ, վաղուց այդ հիմքով որոշում կկայացվեր։ Եվ դեռ մեծ հարց է` արդյո՞ք կուսակցության կայացրած այդ որոշումը հնարավոր կլիներ ի կատար ածել։ Երկրորդը` Երևանի ավագանու ՔՊ կուսակցական անդամները շուրջ 40% են և ՔՊ-ն չունի ավագանիում մեծամասնություն։ Քաղաքապետի փոփոխության հարցին հիմա սատարում են նաև բազմաթիվ անկուսակցականներ, ովքեր նույնպես հասկանում են, որ քաղաքապետի արածը թիմային մոտեցում չէ և քաղաքական աբսուրդ է։ Այս պահին քաղաքապետին աջակցելը նշանակում է աջակցել անորոշ քաղաքական ուժի` չիմանալով, թե ինչ շահեր և ինչ նպատակներ է այդ քաղաքական ուժը հետապնդում։
    Ոմանք պնդում են, թե «վարչապետը որոշել է քաղաքապետ փոխել` ավագանու ձեռքերը կեղտելով»։ Գիտեմ, տասնամյակներ նման բարքերի մեջ ենք ապրել, դրա համար դա է կանխավարկածը։ Բայց ՔՊ-ում որոշումները վերևից ներքև չեն իջեցվում։ Եվ չեն էլ կարող իջեցվել, առավելևս երբ ավագանին չունի վերադաս, ազատ է իր որոշումների մեջ ու բնավ վախեցած չի, որ հաջորդ ընտրություններին իր 68,000 դրամ փոխհատուցումով պաշտոնի համար իրեն նորից չեն առաջադրի: Այս պրոցեսը սկսվել է ավագանու անդամների կողմից, մի քանի օր առաջ, այն պահին, երբ քաղաքապետը շատ պատահական հայտարարել է, որ առանձին է մասնակցելու ընտրություններին։ Ինքս լսելով իր քաղաքական նպատակների մասին անմիջապես կարծիք եմ հայտնել, որ քաղաքապետը օր առաջ պետք է հեռանա։
    Ինչ վերաբերվում է «կուսակցական շահը վերադասում են հանրային շահին» պնդմանը։ Առաջադրված քաղաքապետի թեկնածու Հրաչյա Սարգսյանը անկուսակցական է։ Ու սա չի արվել որպես «կոմպրոմիս», որ քաղաքապետ փոխենք, հանրությունը ծանր չընդունի։ Չէ, սա արվել է այն պատճառով, որ Հրաչյա Սարգսյանը այս 3 տարին եղել է քաղաքապետի առաջին տեղակալը, քաղաքապետի բացակայության դեպքում` քաղաքապետի պաշտոնակատարը, ու նա է ամենալավը տիրապետում քաղաքի կառավարմանը։ Ի դեպ հենց ինքն է առաջնորդել տրանսպորտային բարեփոխումները։ Հավատացնում եմ, վերելակները ու ավտոբուսները նույն տեմպով շարունակելու են փոխվել, իսկ նոր քաղաքապետի` ավագանու խմբակցության ու կառավարության հետ առողջ հարաբերությունները բերելու են էլ ավելի տեսանելի արդյունքների։
    artak.am De gustibus et coloribus non est disputandum.

  4. Գրառմանը 1 հոգի շնորհակալություն է հայտնել.

    Sambitbaba (20.12.2021)

  5. #3
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Իմ անձնական մոտեցումը շարադրեմ։

    Ես Հայկոյի քաղաքապետարանի աշխատանքից հիմնականում շատ գոհ եմ։ Մի անգամ էլ անձամբ հանդիպելուց հետո անձամբ Հայկոյին էլ շատ եմ հավանել։
    Բայց մեր տան մոտ հիմա կառուցվում ա ապօրինի շենք, որի թույլատվության տակ դրած ա Հայկոյի ստորագրությունը։

    Ապօրինությունների լիքը փաստեր ու ապացույցներ հավաքած, հա փորձեցի հանդիպել, տենց էլ մարդատեղ չդրեց, առանց որևէ նորմալ բացատրության (ճիշտ այնպես, ինչպես հիմա ՔՊ-ն ա իրան փոխում)։

    Էս ընթացքում քաղաքաշինության ոլորտում լիքը ապօրինություններ են եղել, բայց մի անգամ քաղաքապետարանի աշխատակցի հետ զրույցի ընթացքում իմացա, որ շատ շատերն էլ մերժվում են (խախտումները անթույլատրելի շատ են լինում), բայց մեկ էլ կառավարությունից զանգում են, թե խի՞ եք մերժում, ներդրում ա ապահովում։
    Այսինքն կառավարություն-Հայկո կոնֆլիկտի էս մի էպիզոդից եմ տեղյակ, ու սա Հայկոյի օգտին ա խոսում։ Բայց աղբյուրը հենց Հայկոյի թիմից էր։

    Իսկ հակառակ կողմից կա հենց մեր շենքը։ Ենթադրում եմ, որ սրա հարցով էլ են նեղել, ստիպել են, որ թույլատվություն տա, բայց հիմա իմանում եմ, որ արդեն վաղուց կա կոնֆլիկտ, ու ոնց հասկանում եմ, էս որոշման պատասխանատուն հենց ինքն ա։

    Կարճ ասած, իմ անձնական վերաբերմունքն իրա նկատմամբ շատ հակասական ա, բայց ավելի շատ դրական եմ տրամադրված։

    Բայց մեկ ա, համարում եմ, որ էս դեպքում իշխող ուժի կողմից իրան հանելու որոշումը ճիշտ ա։ Քաղաքական պաշտոնի դեպքում հենց հաղթած քաղաքական ուժի ներկայացուցիչը պտի լինի քաղաքապետ։ Իսկ Հայկոն փաստացի վաղուց էդ ուժի հետ կապերը խզել ա։
    artak.am De gustibus et coloribus non est disputandum.

  6. Գրառմանը 2 հոգի շնորհակալություն են հայտնել.

    boooooooom (22.12.2021), Sambitbaba (20.12.2021)

  7. #4
    Պատվավոր անդամ Overdose-ի ավատար
    Գրանցման ամսաթիվ
    21.03.2008
    Հասցե
    Երեւան
    Գրառումներ
    603
    Mentioned
    5 Post(s)
    Tagged
    0 Thread(s)
    Որպես քաղաքապետ իմ կարծիքով վատը չի։ Տարոնից մի քիչ էր լավը։ Բայց ընդհանուր առմամբ՝ ինքը անկախ ամեն ինչից՝ իմ հիշողության մեջ մնալու ա որպես հասարակությունը սեւ-սպիտակի բաժանարար գիծը պաշտոնապես քաշած մարդ, ու ըստ այդմ՝ շարքային նիկոլիստ։ Երբեք չեմ մոռանա, թե ոնց էր սուպերմամայի կառայի ձենով ծամածռվելով ձեւակերպում սեւ-սպիտակ բաժանումը։

    Ըստ այդմ՝ իմ մոտեցումը հետեւյալն է՝ "շները կռվեցին, ճամփորդի բանն աջողեց", որը ցավոք քո առաջարկած քվեարկման տարբերակներում չկար։ Ըստ այդմ, նիկոլիստները ինչքան իրար ուտեն, էնքան հայերը կշահեն։
    ԴԵ ԶԶՎՑՐԻՔ ԷԼԻ…

  8. #5
    . keyboard-ի ավատար
    Գրանցման ամսաթիվ
    05.12.2007
    Գրառումներ
    4,771
    Mentioned
    0 Post(s)
    Tagged
    0 Thread(s)
    Հարցմանը չեմ մասնակցել, ոնց հասկանում եմ իմ ուզած տարբերակը չկա։
    Հայկոյի արածները լավ իմաստով անհերքելի են, բայց լիքը բայցեր կան, ոնց որ ինքն էր ասում՝ դա լավ չի, դա նորմալա։ Ինչպես նաև, ինքը, իմ կարծիքով, լիքը բան արել ա, որ բոլորը նրան ասեն՝ օօօ՜։
    Որպես քաղաքական գործիչ ինքը իմ համար չկայացած ա, քանի որ ինքը էսքան տարիների ընթացքում տենց էլ չհասկացավ առաջնային անհրաժեշտության ու առաջնային կարևորությանը գործերը իրարից տարբերելը, ալյա էն տղու սարքած ապօրինի շինությունը քանդելը, ինչը հեչ կարևոր չէր քաղաքաի մանդարինի յաշիկների ու աջ ու ձախ տարիներով կայանված ու շատացող չօգտագործվող մեքենաների ֆոնին, ոնց որ օր օրի մեծացող ավտոների գերեզմանոց լինի քաղաքը։
    Որպես մարդ շփվել եմ մինչև քաղաքապետ լինելը, վատ տպավորություններ չունեմ, կարծիք չեմ կարա ասեմ քաղաքապետ դառնալուց հետոյի մասին, փոխվել ա որպես մարդ, թե չէ։
    Իսկ գնալու/մնալու մասով կարծում եմ ով էլ գա մի 2 լավ բան անելու ա, որ բոլորը իրան ասեն օօօօ՜, իսկ ժողովրդին դրանից օգուտ շատ քիչ բանա լինելու։ Երևանի վիճակը կկայունանա, եթե քաղաքապետարանից արմատախիլ արվի տարոնիզմը և քաղաքական թիմը երկրի ներսում սեփական գաղափարներով կառավարելու հնարավորություն ստանա ռուսաստանից։

  9. Գրառմանը 3 հոգի շնորհակալություն են հայտնել.

    Freeman (21.12.2021), Sambitbaba (21.12.2021), Աթեիստ (20.12.2021)

  10. #6
    Պատվավոր անդամ boooooooom-ի ավատար
    Գրանցման ամսաթիվ
    26.05.2009
    Հասցե
    Երևան
    Գրառումներ
    1,814
    Բլոգի գրառումներ
    2
    Mentioned
    9 Post(s)
    Tagged
    0 Thread(s)
    Եթե լիներ "հեչ վեջս չի ով ա հիմա, ով կլինի հետո ու ով ա եղել սրանից առաջ", ես կմասնակցեի հարցմանը ու էդ կետը կընտրեի։ Որովհետև իմ կռիվը մի հոգու հետ չի։ Ես ներքևից վերև փոփոխություններին եմ հավատում, վերևից ներքևը ժամանակավոր "կապիկություն" ա։
    Կարճ
    Կոնկրետ

  11. Գրառմանը 1 հոգի շնորհակալություն է հայտնել.

    Sambitbaba (24.12.2021)

  12. #7
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)
    Ես սխալ եմ քվեարկել, պիտի քվեարկեի չեմ վստահում, բայց պիտի մնա։ Էն գլխից էլ դեմ եմ եղել իր՝ քաղաքապետ դառնալուն, իսկ մարդկանց սև-սպիտակ բաժանելը չեմ մոռացել։ Երևանում էլ չեմ ապրել իր օրոք, որ դատեմ կատարած աշխատանքը։ Բայց Հայկոյի դեմ սկսված արշավն էս պահին հենց էդ «սև-սպիտակի» շրջանակներում ա, ու ոչ յուրայինին փորձում են հեռացնել իրենց շարքերից։ Բավական հակաժողովրդավարական գործընթաց ա գնում, երբ իշխող ուժը փորձում ա խառնվել ՏԻՄ-ի գործունեությանը։ Կայացած ժողովրդավարության նշաններից ա նաև հարաբերականորեն անկախ ՏԻՄ-եր ունենալը, ինչը, բնականաբար, չենք տեսնում։ Իսկ Հայկոյին հեռացնելը պետք ա դատել նաև այլ ՏԻՄ-երում ձերբակալությունների ու ճնշումների համատեքստում, ճնշումը մենակ Երևանի վրա չի, ուղղակի մենակ դրա մասին ա ակտիվ քննարկվում։

  13. Գրառմանը 1 հոգի շնորհակալություն է հայտնել.

    Դեղին մուկիկ (24.12.2021)

  14. #8
    . keyboard-ի ավատար
    Գրանցման ամսաթիվ
    05.12.2007
    Գրառումներ
    4,771
    Mentioned
    0 Post(s)
    Tagged
    0 Thread(s)
    Մեջբերում StrangeLittleGirl-ի խոսքերից Նայել գրառումը
    Բավական հակաժողովրդավարական գործընթաց ա գնում, երբ իշխող ուժը փորձում ա խառնվել ՏԻՄ-ի գործունեությանը։ Կայացած ժողովրդավարության նշաններից ա նաև հարաբերականորեն անկախ ՏԻՄ-եր ունենալը, ինչը, բնականաբար, չենք տեսնում։ Իսկ Հայկոյին հեռացնելը պետք ա դատել նաև այլ ՏԻՄ-երում ձերբակալությունների ու ճնշումների համատեքստում, ճնշումը մենակ Երևանի վրա չի, ուղղակի մենակ դրա մասին ա ակտիվ քննարկվում։
    Ինչն ա հակաժողովրդական, օրենքն ա դա ասում, էն օրենքը որ դեռ էդ սրիկա նախկինների օրոք ա գրվել, մարդիկ ասում են, որ ժողովուրդը ընտրել ա նիկոլիլն, դրա համար քպ-ն էդքան տեղա ունեցել ավագանիում, հիմա Հայկը էլ նիկոլիստ չի, նիկոլիստներն էլ ասում են, որ մեզնից չի, թող գնա մենք ղեկավարենք, դրա հակաժողովրդականը ո՞րն ա, ասենք ընտանիքում մարդիկ որոշում են բաժանվեն ու կինը որոշում ա, որ պիտի ուրիշ տղամարդու հետ շարունակի իր կյանքը, նախկին ամուսինը պիտի մնա էդ տանը ու սոցիալական հարցերը միասին կառավարեն, որ հակաերեխայական չդիտվի՞ դա։

  15. #9
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)
    Մեջբերում keyboard-ի խոսքերից Նայել գրառումը
    Ինչն ա հակաժողովրդական, օրենքն ա դա ասում, էն օրենքը որ դեռ էդ սրիկա նախկինների օրոք ա գրվել, մարդիկ ասում են, որ ժողովուրդը ընտրել ա նիկոլիլն, դրա համար քպ-ն էդքան տեղա ունեցել ավագանիում, հիմա Հայկը էլ նիկոլիստ չի, նիկոլիստներն էլ ասում են, որ մեզնից չի, թող գնա մենք ղեկավարենք, դրա հակաժողովրդականը ո՞րն ա, ասենք ընտանիքում մարդիկ որոշում են բաժանվեն ու կինը որոշում ա, որ պիտի ուրիշ տղամարդու հետ շարունակի իր կյանքը, նախկին ամուսինը պիտի մնա էդ տանը ու սոցիալական հարցերը միասին կառավարեն, որ հակաերեխայական չդիտվի՞ դա։
    Ժողովուրդն ավագանիում նիկոլին չի ընտրել, ընտրել ա Իմ քայլը դաշինքին, որը նախ մենակ ՔՊ չէր, հետո որի ցուցակում նիկոլ չկար, առաջին համարը Հայկոն էր։ Ժողովրդավարությունը նաև էն ա, որ պառլամենտական մեծամասնություն ունեցող քաղաքական ուժը կարա ՏԻՄ մեծամասնություն չունենա։ Ու նաև էն ա, որ պառլամենտական իշխող ուժը չի խառնվում ու չի որոշում, թե ով ղեկավարի տվյալ քաղաքը։ Երևանը վախտին մարզի կարգավիճակ ուներ, ու վերևից էին ասում ով ըլնի քաղաքապետ։ Էն զզվելի նախկիններն օրենքը փոխեցին, ընտրովի սարքեցին։ Ուրեմն կամ պիտի ընտրովի լինի, ասենք ժողովրդավարություն ա, կամ էլ վերևներից նիկոլն ասի՝ Հայկոյին չեմ ուզում, ուրիշին դրեք, դա արդեն ավտորիտարիզմ ա։ Բայց իրերը կոչենք իրենց անուններով։

  16. Գրառմանը 1 հոգի շնորհակալություն է հայտնել.

    Դեղին մուկիկ (24.12.2021)

  17. #10
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)

    Հոդված 181. Տեղական ինքնակառավարման մարմինների ընտրությունները


    1. Տեղական ինքնակառավարման մարմիններն են համայնքի ավագանին և համայնքի ղեկավարը, որոնք ընտրվում են հինգ տարի ժամկետով: Ընտրական օրենսգրքով կարող է սահմանվել համայնքի ղեկավարի ուղղակի կամ անուղղակի ընտրություն: {…}


    Հոդված 182. Համայնքի խնդիրները և տեղական ինքնակառավարման մարմինների լիազորությունները


    4. Համայնքի ղեկավարը կատարում է համայնքի ավագանու որոշումները, իրականացնում է համայնքի աշխատակազմի ընդհանուր ղեկավարումը։ ՀԱՄԱՅՆՔԻ ՂԵԿԱՎԱՐԸ ՊԱՏԱՍԽԱՆԱՏՈՒ Է ՀԱՄԱՅՆՔԻ ԱՎԱԳԱՆՈՒ ԱՌՋԵՎ:


    ---------------------------------------
    Էսօր Հայկոն ինքն էլ ընդունեց ավագանու ու իր միջև կապի խզումը։ Ու դա արդեն նշանակում էր, որ ավագանին պարտավոր էր իրան հանել։ Բայց աբսուրդ էր, որ նշում էին, որ թեև 2019 թվից խնդիր կար, բայց 2022-ի նախաշեմին նոր հանում են։
    Կամ որ հա խոսում են ինչ որ կոռուպցիոն ռիսկերից, ու դրանում մեղադրում Հայկոյին։ Կա՞ն կոռուպցիայի դրսևորումներ, դիմեք համապատասխան մարմիններին, Հայկոն չէր, որ պտի դրանով զբաղվեր։
    Կարճ ասած երկու կողմն էլ մեղավոր են էս հարցում։ Հայկոն, որ չի ենթարկվել ավագանուն, ինչպես պահանջում ա օրենքը, իսկ ավագանին, որ մինչև հիմա հիմա ձգել են խնդիր, ու էդքանով հանդերձ չկարացան նորմալ հիմնավորեն։
    artak.am De gustibus et coloribus non est disputandum.

  18. #11
    Պատվավոր անդամ Freeman-ի ավատար
    Գրանցման ամսաթիվ
    28.05.2010
    Գրառումներ
    4,142
    Mentioned
    9 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    [FONT="]
    Հոդված 181. Տեղական ինքնակառավարման մարմինների ընտրությունները

    [/FONT]

    [FONT="]1. Տեղական ինքնակառավարման մարմիններն են համայնքի ավագանին և համայնքի ղեկավարը, որոնք ընտրվում են հինգ տարի ժամկետով: Ընտրական օրենսգրքով կարող է սահմանվել համայնքի ղեկավարի ուղղակի կամ անուղղակի ընտրություն: {…}
    [/FONT]

    [FONT="]
    Հոդված 182. Համայնքի խնդիրները և տեղական ինքնակառավարման մարմինների լիազորությունները

    [/FONT]

    4. Համայնքի ղեկավարը կատարում է համայնքի ավագանու որոշումները, իրականացնում է համայնքի աշխատակազմի ընդհանուր ղեկավարումը։ ՀԱՄԱՅՆՔԻ ՂԵԿԱՎԱՐԸ ՊԱՏԱՍԽԱՆԱՏՈՒ Է ՀԱՄԱՅՆՔԻ ԱՎԱԳԱՆՈՒ ԱՌՋԵՎ:


    ---------------------------------------
    Էսօր Հայկոն ինքն էլ ընդունեց ավագանու ու իր միջև կապի խզումը։ Ու դա արդեն նշանակում էր, որ ավագանին պարտավոր էր իրան հանել։ Բայց աբսուրդ էր, որ նշում էին, որ թեև 2019 թվից խնդիր կար, բայց 2022-ի նախաշեմին նոր հանում են։
    Կամ որ հա խոսում են ինչ որ կոռուպցիոն ռիսկերից, ու դրանում մեղադրում Հայկոյին։ Կա՞ն կոռուպցիայի դրսևորումներ, դիմեք համապատասխան մարմիններին, Հայկոն չէր, որ պտի դրանով զբաղվեր։
    Կարճ ասած երկու կողմն էլ մեղավոր են էս հարցում։ Հայկոն, որ չի ենթարկվել ավագանուն, ինչպես պահանջում ա օրենքը, իսկ ավագանին, որ մինչև հիմա հիմա ձգել են խնդիր, ու էդքանով հանդերձ չկարացան նորմալ հիմնավորեն։
    Ամենամեղավորը ՔՊ-ն ա, որ էդ ամեն ինչը արեց հնարավորինս անասուն, ստոր, երեխավարի ձևով։
    Էն, որ օրենքով կարա ավագանին հանի քաղաքապետին, էս պահին ոչ մեկի չի հետաքրքրում, ոչ էլ էն, որ կապի խզում կար, սաղ ջղայնանում են էն քայլերից, որով ՔՊ-ն գնաց Հայկոյին հանելու։
    Ասենք ասում են Քոչարյանի հետ ա հանդիպել ։դ Լավ ա չեն ասում գեյ էր կամ քաղաքապետարանի զուգարանում գետնից բան ա վերցրել։ Չնայած չեմ զարմանա, որ դրան էլ հասնի մի երկու շաբաթից
    The cake is a lie.

  19. #12
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Մեջբերում Freeman-ի խոսքերից Նայել գրառումը
    Ամենամեղավորը ՔՊ-ն ա, որ էդ ամեն ինչը արեց հնարավորինս անասուն, ստոր, երեխավարի ձևով։
    Էն, որ օրենքով կարա ավագանին հանի քաղաքապետին, էս պահին ոչ մեկի չի հետաքրքրում, ոչ էլ էն, որ կապի խզում կար, սաղ ջղայնանում են էն քայլերից, որով ՔՊ-ն գնաց Հայկոյին հանելու։
    Ասենք ասում են Քոչարյանի հետ ա հանդիպել ։դ Լավ ա չեն ասում գեյ էր կամ քաղաքապետարանի զուգարանում գետնից բան ա վերցրել։ Չնայած չեմ զարմանա, որ դրան էլ հասնի մի երկու շաբաթից
    ՔՊ-ն շատ լայն հասկացություն ա։
    Ես մենակ գիտեմ, որ տարվա սկիզբ, որ մեր տան մոտի ապօրինի շինարարության թեմայով Թորոսյանին դիմեցի, որ ինձ Հայկոյի հետ հանդիպում կազմակերպի, ասեց Հայկոն վերահսկողություննից դուրս ա։ Ես էդ պահին դեռ լավ չէի պատկերացնում ավագանու դերը, ու լուրջ մտածում էի, որ քաղաքապետն ա գլխավորը։ Իսկ էս օրերին, արդեն հստակ օրենքին ծանոթանալուց հետո ՔՊ-ի վրա կատաղում եմ, որ էնքան են ձգձգել, որ հանելու համար դրել ամեն մեկը մի փաստարկ բերում ա, ու երբեմն էդ փաստարկը շատ հիմար բան ա լինում։

    Սա էլ նույն Թորոսյանի խոսքերը՝ Հայկոյի հետևից։

    https://www.armtimes.com/hy/article/228014
    artak.am De gustibus et coloribus non est disputandum.

  20. #13
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Խաժակյանին երբեք չեմ հավանել, բայց էս ելույթով ուզում եմ կիսվել։

    https://www.facebook.com/watch/?v=597541187995396

    Լիքը խնդիրներ են եղել, որոնց մասին չգիտես ինչու երբեք նորմալ չի խոսվել, թեև Հայկոյի մեջքին ոչ մի ուժ կանգնած չէր, ու պտի բոլորն էդ մասին խոսեին, ոչ թե սպասեին վերջին պահին։
    artak.am De gustibus et coloribus non est disputandum.

  21. #14
    . keyboard-ի ավատար
    Գրանցման ամսաթիվ
    05.12.2007
    Գրառումներ
    4,771
    Mentioned
    0 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    ՔՊ-ն շատ լայն հասկացություն ա։
    Ես մենակ գիտեմ, որ տարվա սկիզբ, որ մեր տան մոտի ապօրինի շինարարության թեմայով Թորոսյանին դիմեցի, որ ինձ Հայկոյի հետ հանդիպում կազմակերպի, ասեց Հայկոն վերահսկողություննից դուրս ա։ Ես էդ պահին դեռ լավ չէի պատկերացնում ավագանու դերը, ու լուրջ մտածում էի, որ քաղաքապետն ա գլխավորը։ Իսկ էս օրերին, արդեն հստակ օրենքին ծանոթանալուց հետո ՔՊ-ի վրա կատաղում եմ, որ էնքան են ձգձգել, որ հանելու համար դրել ամեն մեկը մի փաստարկ բերում ա, ու երբեմն էդ փաստարկը շատ հիմար բան ա լինում։

    Սա էլ նույն Թորոսյանի խոսքերը՝ Հայկոյի հետևից։

    https://www.armtimes.com/hy/article/228014
    Ստացվում ա, որ նոր քաղաքապետը քպ-ական չի, դա երկրորդականա, բայց Հայկոյի դեպքում դա առաջնային էր, նույն ինքը թորոսյանն էլ, ըստ քո պատմածի, էդ հիստերկ լրբի "զոհն" էր ԱՆ նախարար եղած ժամանակ ու լիքը բաներ չի կարողացել անի, որտր հիստերիկ վիժվածքը "դաբռո" չի տվել, բայց արի ու տես, որ էսօր էդ հիստերիկի կապրիզն ա անում թորոսյանը։ Սկզբից էլ, որ սրան չէի սիրում, ճիշտ էր էլի, մի լպրծուն ոռմտնուկ էլ սա ա։

  22. #15
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Մեջբերում keyboard-ի խոսքերից Նայել գրառումը
    Ստացվում ա, որ նոր քաղաքապետը քպ-ական չի, դա երկրորդականա, բայց Հայկոյի դեպքում դա առաջնային էր, նույն ինքը թորոսյանն էլ, ըստ քո պատմածի, էդ հիստերկ լրբի "զոհն" էր ԱՆ նախարար եղած ժամանակ ու լիքը բաներ չի կարողացել անի, որտր հիստերիկ վիժվածքը "դաբռո" չի տվել, բայց արի ու տես, որ էսօր էդ հիստերիկի կապրիզն ա անում թորոսյանը։ Սկզբից էլ, որ սրան չէի սիրում, ճիշտ էր էլի, մի լպրծուն ոռմտնուկ էլ սա ա։
    Քաղաքապետի կուսակցական պատկանելիությունը կարևոր չի։ Օրենքի պահանջ ա, որ ինքը ենթարկվի ավագանուն։ Իրան հանեցին ոչ թե կուսակցությունից դուրս գալու համար, այլ վերահսկողությունից դուրս գալու համար։
    artak.am De gustibus et coloribus non est disputandum.

Էջ 1 2-ից 12 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •