Մի քիչ համեստությունը ոչ մեկին չէր խանգարի: Հիմնականում գլուխ գովալու, գլխից վեր-վեր թռնելու մասին ա խոսքս: Կլինի դա ազգային մակարդակով, թե ինդիվիդուալ:
Մարդկության ստացած բոլոր ապտակները տիեզերքի կողմից, թերևս, ստեղծված են իրեն պարբերաբար համեստության մասին հիշեցնելու, և կյանքիդ ճաշը եփելու ընթացքում, աղ ու բիբար ցանելու հետ մեկտեղ, մի երկու պտղունց էլ համեստություն ցանելու համար:
-----
Մեկ-մեկ երբ մեծամիտ մասոններն ինձ իրենց միլիոնատեր կարգավիճակից, շվեյցարական ալպերում իրենց ունեցած համալիրներում, դահուկ քշելուց և տաք գինի խմելուց հետո, վերևներից և սեփական ջակուզիների խորքերից նայում են ու ասում՝ գիտես, Ադամ, դու՛ ես ինքդ քո աստվածն էս կյանքում, ու ամեն ինչ քո ձեռքում ա (մինչդեռ՝ տանը քաղցկեղով քիմիոթերապիա ընդունող 15-ամյա պատանի ունեն, ու օրական 3 անգամ դիալիզի տակ ընկած մայր)՝ ուզում եմ աչքերս նենգավարի ֆիքսեմ իրենց աչքերին, 10 վայրկյան առանց թարթելու լռեմ, ու իրենց համար անհասկանալի ռուսերենով ասեմ՝
Раз, два … меркурий во втором доме … луна ушла … вечер шесть …
Որից հետո իրենք ինձ կպատասխանեն.
- այդ ի՞նչ անմտություններ ես դուրս տալիս:
Ես էլ բա՝
- Թերևս ոչ մի: Ես ուղղակի փորձում եմ կենտրոնանալ և ձեզ տեղեկացնել, որ Աննուշկան արդեն պատրաստել է արևածաղկի ձեթը !!!
Մեջբերել
Էջանիշներ