Էսօր ստացա երեխեքից մեկի համար ամենասպասելի նվերը։ Հուսով եմ, հրաշքները նրա կյանքում շատ կլինեն։
••Սեղմել՝ ցույց տալու համար
Էսօր ստացա երեխեքից մեկի համար ամենասպասելի նվերը։ Հուսով եմ, հրաշքները նրա կյանքում շատ կլինեն։
••Սեղմել՝ ցույց տալու համար
Վաղը նվերների մի մասը արդեն կգնա գյուղ՝ երեխեքին ուրախացնելու։
Ուզում էի ամսի 25-26-ին տանել, բայց քանի որ մեր հովանավորյալները վառելիքի խիստ կարիք ունեն, վաղը 4 խորանարդ մետր վառելափայտի, լվացքի մեքենայի (նորածին բալիկ ունեցող ընտանիքի համար) ու քաղցրեղենի տոպրակներով այցելելու եմ գյուղ։
Նվերների շարքում են տիկնիկներ, պուլտով մեքենաներ, հեծանիվ, ugears կոնստրուկտորներ համեմատաբար մեծ տղաների համար, ձմեռային վերարկուներ, կոշիկներ, գրքեր և այլն։
Հ.Գ. Վառելիքի գումարն ունեի հավաքած նախապես, նվերների գումարից մի քիչ տնտեսելով օգտագործած լվացքի մեքենա պիտի վերցնեմ։
Վերջին խմբագրող՝ Cassiopeia: 16.12.2020, 23:31:
Էսօր գնացի գյուղ
Երեխու վուն-վուն-ը լսեցի, նայեմ տեսնեմ, նստել ա հեծանիվն ու «քշում ա»
4 խորանարդ մետր փայտ առա, մի մասը մի ընտանիքին, մյուս մասը՝ մյուս։ Էս մի ընտանիքի հայրը անկյունում դրված 50սմ-ոց բարակ փայտի կտորը ցույց տալով ասեց՝ էսօր սրա հույսին էինք։ Փայտն իսկը ժամանակին էր։ Մի անգամ էլ հունվարի վերջ փայտ կտանեմ ու արդեն հանգիստ շունչ կքաշեմ, որ երեխեքը ձմռանը չեն սառի խոնավ տներում։
Երեխեքի նվերներն եմ բաժանում։ Քանի որ էս անգամ մենակ էի գնացել, օգնում ա արցախցի տիկին Սիլվան՝ իմ «կապավորը»։
Էս տղերքը Հադրութից են։ հագի հագուստներով են թողել, դուրս եկել։ Երբ հարցրեցի ինչ նվեր անեմ՝ ասեցին ձմեռային վերնազգեստ չունեն։ Կուրտկաներն առա, բայց ուզեցա, որ ուրիշ նվեր էլ ունենան։ Խաղային համակարգչ է՝ երկուսի համար։
Մի քանիսին իրար գլխի հավաքեցի, որ նկարեմ
Հ.Գ. երեքշաբթի օրը մնացած նվերներն էլ գնալու են մյուս բալիկներին։
Աստղը նվերներն ա փաթեթավորում
Էսօր օրն էր։
Ամեն ինչ էնքան լավ անցավ, էնքան սիրուն Երեխեքը միջոցառումից գոհ, նվերներով ուրախացած, ես՝ երեխեքի ուրախությունից հուզված (հա, լացել եմ )
Շնորհակալ եմ, ընկերներ ջան <3 Ես հարուստ եմ ձեզանով։
Cassiopeia (23.12.2020), Varzor (23.12.2020), Գաղթական (23.12.2020), Ձայնալար (24.12.2020), Նաիրուհի (06.01.2021)
Երբ կիրակի օրն իմացա, որ կտրուկ ցրտելու է, զանգեցի արցախցիներին։ Պարզվեց, փայտը վերջացել է։ Մոտս մի քիչ գումար էր մնացել, փայտի հետ պայմանավորվեցի, 2 ընտանիքի համար սնունդ գնեցի ու այսօր տարա։ Ժամանակին էր
Չեմ կարծում, թե մինչև գարուն փայտը կբավականացնի, բայց գոնե առաջիկա ցուրտ օրերին մտածելու բան չեն ունենա հաստատ։
Հադրութցի ընտանիքը մի քիչ փայտ էր գնել (զոհված հարազատիի համար տրված գումարով)։ Դրա համար իրենց մի փոքր քիչ փայտ տվեցի, քան մարտունեցիներին։
Երկու ընտանիքն էլ անչափ շնորհակալ էին։
Ես էլ ձեզ եմ շնորհակալ, որ էսքան լավն եք ու հասնող։
Հ.Գ. էն առաջին ընտանիքը, ում մասին գրել եմ իսկզբանե, հրավիրեց սրճելու։ Մտա ներս, վարագույրով մի սենյակն առանձնացված ա, որտեղ վառարանն ա դրված։ Ասում եմ՝ բա ներսը ո՞նց եք տաքացնում։ Պատասխանը՝ փակել են, որ սև պատերը չերևան Ասում եմ՝ մի փակեք, թողեք տաքանա։ էդ սև պատերն են ինձ բերել ստեղ, որ չլինեին, չէի գա։
Վերջին խմբագրող՝ Cassiopeia: 19.01.2021, 17:49:
Ի, Վեր, բա ախր պայմանավորվել էինք, որ հաջորդ անգամ իրանց մոտ գնալիս ինձ էլ պիտի ասեիր, որ մասնակցեի: Մոռացե՞լ ես:
Երջանկությունը ճամփորդելու ձև է, ոչ թե նպատակակետ։
Ռոյ Գուդման
Cassiopeia (19.01.2021), Աթեիստ (19.01.2021)
Երեկ Հայոց բանակի տոնն էր։ Հանրակացարանի բալիկները, որպես շնորհակալություն իրենց օգնություն ցուցաբերած անձանց, միջոցառում էին կազմակերպել։ Քանի որ միայն մենք էին ներկայացուցիչ, ես էլ ձեզ փոխանցեմ իրենց շնորհակալությունը
Դե, գյուղի բնակիչ արցախցիներն էլ ամեն անգամ ինձ տեսնելիս շնորհակալություն են փոխանցում
Եկել եմ հերթական խնդրանք-հարցով.
Կարո՞ղ ա որևէ մեկիդ տանը աշխատող կարի մեքենա լինի, որն այլևս չեք օգտագործելու։ Ընտանիքներից մեկի տանտիկինը կարուձև գիտի։ Ուզում եմ, այդ ընտանիքին գոնե ապահովել հետագա եկամտի աղբյուրով։
Մոտիս գումարը սպառվել է։ Լիստում ոնց նայում եմ, օգտագործած մեքենաները կամ մոտորով չեն կամ էլ շատ հնամաշ են։ Ոտնակով օգտագործած կարի մեքենաների արժեքը տատանվում ա 15000-40000 դրամ, մոտորով նորմալ մեքենա չեմ հանդիպել։ Մոտորով մեքենա եմ փնտրում, քանի որ տանտիկինը ձմռանը ոտնաթաթը կոտրել է ու ոտնակով կարի մեքենայով կար անել չի կարող։ Նոր կարի մեքենաները (մոտորով) սկսվում են 59000 դրամից։
Եկեք խելք-խելքի տանք ու մի բան անենք։
Գաղթական (26.04.2021)
Cassiopeia (26.04.2021)
Cassiopeia (27.04.2021), Աթեիստ (27.04.2021)
Էսօր իրագործեցի մեր ամենալավ օգնության միտքը
Գաղթականը կարի մեքենա նվիրեց, Բյուրակնը՝ կտորեղեն ու սնունդ, Մալուն՝ տիկնիկներ ու փոշեկուլ, հագուստ կար բավական հավաքված։ Լցրեցինք մեքենան ու դեպի Սայաթ-Նովա։
Նվերն ուրախացրեց տիկին Սիլվային Բացի այդ՝ էսօրվանից արդեն նաև աշխատանքի է տեղավորվել՝ Վեգայի մատրասների արտադրման ֆաբրիկայում։ Հուսով եմ, հիմա արդեն կկարողանան հոգալ իրենց ընտանիքի հոգսերն գոնե մինչև ձմեռ։
Տիկին Սիլվան որպես շնորհակալություն, ինձ անակնկալ էր պատրաստել, բայց տրամադրությունն ընկած էր պատվերի վրա սխալ բառ էին գրել՝ շնորհակալության փոխարեն՝ շնորհավոր (Տիկին Սիլվան շնորհակալությունը բոլորիդ է հայտնում, ուղղակի, քանի որ միայն ինձ է ճանաչում, իմ անունն է գրել տվել)
Հ.Գ. Քանի որ մինչ էսօր չեմ անդրադարձել մեր ձմեռվա ընթացքում արած բարի գործերին, հիմա ասեմ։ Բարեկամի ու Ուլուանայի շնորհիվ 3 ընտանիք տաք ձմեռ ունեցավ։ Պարբերաբար փայտ ու սնունդ եմ տարել, իսկ մի ընտանիքի էլ ձմռանը վառած գազի գումարն եմ վճարել։
Շատ շնորհակալ եմ ընկերներիս, որ այսքան բարի եք։
Այս պահին թեմայում են 1 հոգի. (0 անդամ և 1 հյուր)
Էջանիշներ