Դավադրության տեսություններ ու դրանց հավատացողներ, իհարկե, միշտ են եղել ու միշտ էլ կլինեն:
Բայց հատկապես էս կորոնապատմության շրջանն ի հայտ բերեց, թե ինչ հեշտությամբ կարող են միլիոնավոր մարդիկ մանիպուլյացիայի ենթարկվել տեսական թեզերից, որոնք չունեն գիտական որևէ հիմք:
Ընդ որում՝ «միլիոնավոր մարդկանց» թվին են պատկանում աշխարհի չորս ծակերից ներկայացուցիչներ՝ անկախ հոգևոր, մշակութային, գաղափարախոսական և այլ տարբերություններից:
Ընդ որում՝ էդ մարդիկ ոչ թե միայն քննարկում են թեման և/կամ վախենում դրանից, այլ պատրաստ են կոնկրետ գործողությունների դիմել, ասենք՝ 5G աշտարակներ «վնասազերծել» կամ կորոնակիր համաքաղաքացիների քարկոծել:
Տարածված թյուր կարծիք կա, թե դավադրության տեսությունների հավատում են հիմնականում թերուս մարդիկ:
Բայց էս ընթացքում կարծում եմ բոլորս համոզվեցինք, որ դա այդպես չի ու մինչև անգամ բժիշկ պրոֆեսորներ են հանդես գալիս՝ կոչ անելով բոյկոտել տարատեսակ պրեվենտիվ միջոցառումներ:
Այս թեմայում եկեք քննարկենք, թե ինչպե՞ս և ինչո՞ւ են մարդիկ հավատում դավադրության տեսությունների և ինչպես խուսափել դրանից:
Ինչպե՞ս համոզել մարդուն, որ նա մոլորության մեջ է:
Եվ ո՞ւմ է ընդհանրապես ձեռնտու հրահրել էս մանիպուլյատիվ տրամադրությունները:
Հ.Գ. Կոչ եմ անում թեմայում պահպանել կառուցողական քննարկումների մթնոլորտը ու չպիտակավորել և չանպատվել դավադրության տեսությանը հավատացողներին:
Մեջբերել
Էջանիշներ