Դավադրական տեսություններ

[Adam]

Եկեք էստեղ գրենք մեր լսած դավադրական տեսությունների մասին ու ինչքան էլ հավատանք դրանց կամ ոչ՝ փորձենք ծավալվել դրանց շուրջ ու փորձենք տեսնենք մինչև ուր կգնանք: Ես, օրինակ, առաջին հայացքից հիմար ու անմիտ թվացող դավադրական տեսություններին կարող ա մեկ էլ տեսար՝ բռնեմ ու հավատամ: Հենց տենց ! Իրավունք չունե՞մ: Թողեք հավատամ, էլի:
Հավատամ կամ կասկածեմ, օրինակ, որ Կուբրիկին Eyes Wide Shut -ի համար սպանել են…
կամ որ Միշել Օբաման տրանս ա…
Կամ որ ամերիկացիները լուսնի վրա առաջին անգամ ժամանելը պավիլոնում նկարել են ու խաբել աշխարհին…
որ MK ultra -ն մինչև հիմա կիրառում են…
կամ, ասենք… որ 88-ի երկրաշարժը ռսների սարքած գործն էր…
կամ որ Մակրոնը գեյ ա ու Բրիջիտի հետ պայմանավորված ամուսիններ են (Գալկին-Պուգաչովայատիպի) …

գրեք ձե՛ր լսած ու հավատացած կոնսպիրացիոն տեսությունները…

[Գաղթական]

[Adam]

« Լուսնի վրա իրականում կյանք կա ու դրա մասին միմիայն գիտեն CIA -ը ու KGB-ն: Էն ինչ հանրությանը ցույց ա տրվել էսքան վախտ ՝ ֆարս ա եղել (պավիլոնային նկարահանումներ ու կեղծ ֆոտոներ): Իրականում ասում են, որ լուսնի վրա ա նստած մեր երկրագունդը կառավարող ադմինիստրացիան: Ու ուղիղ հրամաններ ա տալիս երկրագնդի էլիտ խմբերին. նախագահներ, միլիարդատերեր ու սորոսներ … » (c)

Հ.Գ.

[Chilly]

Իմ սիրելի տեսությունը Հայաստանի մասին ա
ՌՔ-ն կեղտոտ մարդ ա, վտանգավոր ու ընչաքաղց: Խախտել ա իրանց վերին կռուգների շատ լուրջ չգրված օրենքներ (ու դրանք կապ չունեն ոչ մարտի մեկի, ոչ էլ հոկտեմբերի քսանյոթի հետ), ու դրա համար իրան պատժելու են, ու լուրջ: ՍՍ-ն ունի պրինցիպներ, ու ամբողջ կյանքում խաղացել ա շունշանորդու դեր, որ կարողանա մնալ ալիքի կատարին էս համակարգում, բայց դա ոչ մի պահ իրան դուր չի եկել: Ու երբ 2008-ին հասունացավ ՍՍ նախագահ դառնալը, ինքը միակն էր, որին ՌՔ-ն թույլ կտար նստել աթոռին, որտև պայման ունեին, որ քանի էնտեղ ա, ապահովելու ա ՌՔ խախտած էն չգրված օրենքների մարսումը: Բայց ՍՍ-ն ատում ա ՌՔ-ին էլ, էդ ամբողջ համակարգին էլ, ու շատ սիրում ա ՀՀ-ն: Ատում ա նաև իր ախպերներին, որոնք ի ծնե իդիոտ լինելով, չեն ընկալել տենց էլ, որ ինքը դեր ա խաղում, որ կարողանա ալիքի կատարին մնալ:

Ու ՌՔ-ն մարտի մեկ արեց, արյունը թողնելով ՍՍ վրա, բացի արյունից էլ, իր ոչ պակաս արյունոտ համակարգից ՍՍ-ին թողեց լուրջ կախման մեջ, որ կանտրոլի խնդիր չունենա:

ՍՍ-ն տարիներ շարունակ տանջվում էր, խղճի բեռն ահավոր ծանր էր: Մտածեց, մտածեց, ու գտավ լուծում, ու հանճարեղ լուծում: Մի քայլով նա վրեժ լուծեց ՌՔ-ից, նրա համակարգից, իհարկե էդ ամեն ինչի պապա ՎՊ-ից և այլն: Մի քանի տարի շարունակ ՍՍ-ն երկիրն ապահովեց աբսուրդի ու բեսպրեձելի էնպիսի չափաբաժնով, որ իրեն ատեն անգամ հայաթի շները: Խախտեց լիքը գրված ու չգրված օրենքներ երկրի ներսում, բայց տակից, շաաաատ աննշմար ձևով, ապահովեց ՆՓ-ի աճը ժողովրդի աչքերում: Ու երբ աբսուրդի ու բեսպրեձելի թատրոնը հասավ իրա պիկին, արեց վերջին քայլը (ձիով). խոստացավ վարչապետ չդառնալ ու հետո գնաց դառնալու:

Բոլորս գիտենք ինչ եղավ հետո:

Հիմա թաքուն, հնարավոր ամեն ինչով օգնում ա ՆՓ-ին, շարունակել իրա թաքուն գծած պլանն ու իրականություն դարձնել իրա երազանքը` ինքնիշխան, ուժեղ, հարուստ ՀՀ սարքելու: Իսկ արտաքուստ գլխավորում ու կանտրոլի տակ ա պահում նախկին կեղտը, որ չանեն բաներ, որոնք պետք չի, որ անեն:

Շախ և մատ, աթեիստներ (Արտակին նկատի չունեմ):

[StrangeLittleGirl]

Էս վերջերս մենք մի գիտական պրոյեկտ ենք սկսել ամենատարածված դավադրության տեսություններից մեկի՝ պատվաստումների մասին։ Երբ նայում ես տարբեր մշակույթներում ինչ բառեր են օտգագործվում, ամեն տեղ շատ տարբեր ա (Հայաստանում «հայոց արգանդը չորացնել», ԱՄՆ֊ում՝ աուտիզմ առաջացնել)։ Բայց ստեղ հարցն էդ չի, այլ էն, որ ի տարբերություն այլ դավադրության տեսությունների հավատացողների, անտի֊վաքսերը բավական տրամաբանված են բանավիճում ու գիտական հոդվածներ են օգտագործում իրենց փաստարկները հիմնավորելու համար։ Պարզապես իրենք լեզուն ուրիշ կերպ են գործածում։ Արդյունքում՝ նույն գիտական հոդվածը մեկնաբանում լրիվ դավադրության տեսության տեսանկյունից։ Օրինակ, եթե հոդվածն ասում ա, որ «աուտիզմի և պատվաստումների միջև կապի առկայության փաստ չկա», իրանք հասկանում են, որ էդ կապը կա, բայց թաքցվում ա։

Հետո, դավադրության տեսություններն ուսումնասիրող մի գիտնական կա՝ Կարեն Դուգլաս։ Ինքը շատ հետաքրքիր բան ա հայտնաբերել. դավադրության տեսության հավատացողները հակված են հավատալու իրար հակասող պնդումների (օրինակ, ինչքան ուժեղ են հավատում, որ արքայադուստր Դիանան մահացել ա, էնքան ուժեղ են հավատում, որ կենդանի ա)։ Էսպիսի բաներ։ Կներեք թեմային սենց լուրջ գույներ հաղորդելու համար

[Varzor]

Իսկական դավադրությունը այն է, որի մասին տեսություն չկա` իմանում ես, երբ արդեն իրագործվելէ
Իմ սիրած դավդրության տեսությունը դա ժողովրդավարության գոյության մասին "փաստն" է` մաթեմատիկորեն սխալ է, բայց մեծամասնությունը "ապացուցում" են, որ դրանից լավը դեռ չի ստեղծվել:
Բայց դե, ինչպես գրված է (բառացի չմ հիշում).
Սատանայի իմաստությունը կայանում էնրանում, որ ամբողջ աշխարհին համոզել է, որ ինքը գոյություն չունի

[StrangeLittleGirl]

Դավադրության տեսությունների հանք եմ գտել։
Հենց տրամադրությունս լավ չի լինում, մտնում, մի երկու բան կարդում եմ, ուրախանում եմ։

[Գաղթական]

Մասոններից ու Սորոսից դեռ շատ դարեր առաջվանից մինչ օրս կենդանի ու ամենատարածված հայկական դավադրության տեսություններից էր ճամփեդ կտրող սև կատուն..

[Adam]

Հիսուս Քրիստոսն իրականում էզոթերիկ գուռու ա եղել:
Ջրի վրա քայլելը չերեզ սև մագիա ա իրականացրել ու վամպիրությամբ ա զբաղվել նաև:
հաց-գինու «ահա և իմ արյունն ու մարմինը» արտահայտության տակ վամպիրական ու էզոթերիկ սիմվոլիկա ա թաքնված:

[Quyr Qery]

Պատվաստումները հայու գենի դեմ են ստեղծվել:

[Adam]

Ասում ա ինչ-որ հենց սրա վակսինը գտան՝ մարդկանց հորդորելու են չիպավորվել:

[Alphaone]

2011-ին Ճապոնիայում աշխատելու հնարավորություն կար, հայրիկին հայտարարեցի, որ գնալու եմ, էնտեղ ատոմակայան պայթեց, արգելեց, էս տարի Արցախից հետո ասացի, որ Քյավառում լճանալու եմ, մի երկու տարով գնամ Չինաստան խոպան, միանգամից կորոնավիրուսն ի հայտ եկավ, մարտի 16-ին ասացի՝ վաղը Երևան եմ գնում, Հայաստանում արտակարգ դրություն հայտարարեցին։ Էսքա՞ն զուգադիպություն, չէ, էս հաստատ իմ ազատ տեղաշարժման իրավունքի դեմ դավադրություն ա