Ֆուտբոլ

**Egern.net** · 04.04.2006, 15:11

Առաջին 11 մետրանոցը ճիշտ էր, Կառլոսին էլ կարելի էր հանել: Բայց պետք էր նշանակել նաեւ Ռոնալդոյի 11 մետրանոցը, երբ նա աջից մտավ տուգանային հրապարակ, իսկ պաշտպանը գցեց գետնին... Կարելի էր նաեւ Գրավեսենի ձեռքով խաղի համար էլ մի պենալ դնել (չնայած միտումնավոր չէր).... Մի խոսքով, արդեն ուշ է:

**Մասսագետ** · 05.04.2006, 01:08

Դե ի՞նչ, սկսենք քննարկել չեմպիոնների լիգան: Էսօր արդեն երկու խաղ եղավ, Միլանը հաղթեց Լիոնին 3-1(ի ուրախոություն Սուրեն Բաղդասարյանին), Վիլլառեալ- Ինտեր խաղի հաշիվը չեմ նայում, որ նայեմ խաղը:
Վաղը կլինի Բարսելոնա-Բենֆիկա, Յուվենթուս-Արսենալ: Կատարեք ձեր խաղադրույքները:

Հ.Գ.
Ամսի 10-ից հետո կսկսվի միջբուհական առաջնությունը, հետաքրքիր ա՝ էդ ֆորումից մասնակցող կա՞:

**Koms** · 05.04.2006, 09:14

Միլան-Լիոն 3:1
Հիանալի խաղ ստացվեց, Միլանի փորձառու վետերանները կարողացան խաղի ընթացքը իրենց օգտին շրջել,

**Egern.net** · 05.04.2006, 14:21

Իրոք որ շատ գեղեցիկ ու լարված խաղ էր: Միլանին փրկեց միջազգային ասպարեզներում հսկայական փորձը: Լիոնը վատ չէր խաղում: Բայց վճռական պահին խուճապի մատնվեց: Հանուն արդարության պիտի նշեմ, որ մի 11 մետրանոց էր պետք նշանակել Լիոնի օգտին (երբ Նեստան լիոնցիների հարձակվողին գցեց` կարծեմ Մալուդան էր): Բայց, արդեն ուշ է...
Սպասենք Յուվե-Արսենալ դիմակայությանը...

**John** · 07.04.2006, 19:41

Վիլյառեալ–Ինտեր 1-0 1-2
Միլան–Լիոն 3-1 0-0
Բարսելոնա–Բենֆիկա 2-0 0-0
Յուվենթուս–Արսենալ0-0 0-2
1/2 եզրափակիչ
Միլան–Բարսելոնա
Վիլյառեալ–Արսենալ

Կարծում եմ չեմպիոն կդառնա Վիլյառեալ–Արսենալ զույգի հաղթողը.

**Venus** · 21.12.2008, 11:31

Համաձայն եմ լիովին.Միլանը միշտ կարողանում է պահպանել իր դեմքը,

չնայած որոշ անհաջողությունների:

**Ապե Ջան** · 21.05.2011, 00:03

Շաբաթվա լավագույն գոլերի տասնյակը, ըստ՝ TVGOLO - ի:

**Ապե Ջան** · 07.06.2011, 02:02

ԻՍՊԱՆԻԱՆ ԳԵՐԱԶԱՆՑԵՑ ԻՏԱԼԻԱՅԻՆ ՉԵՄՊԻՈՆՆԵՐԻ ԳԱՎԱԹՆԵՐԻ ՔԱՆԱԿՈՎ

Շաբաթ երեկոյան նվաճելով Չեմպիոնների լիգայի գավաթը, Բարսելոնան 13-րդ Չեմպիոնների լիգայի գավաթը նվաճեց Իսպանիայի համար: Բարսելոնայի հաղթանակը Մանչեսթեր Յունայթեդի նկատմամբ թույլ տվեց Իսպանիային այս ցուցանիշով գերազանցել Իտալիային: Մադրիդի Ռեալի 9 և Բարսելոնայի չորս գավաթներն այժմ գերազանցում են Իտալիայի ցուցանիշը` 12 գավաթ: Անգլիան Չեմպիոնների գավաթի հաղթող է դարձել 11 անգամ:

Եթե Իսպանիայի 13 գավաթները նվաճել են երկու ակումբներ (9 անգամ Ռեալը և չորս անգամ` Բարսան), ապա իտալական ակումբներից 7 անգամ մրցաշարի հաղթող է դարձել Միլանը, երկու անգամ Յուվենտուսը և երեք անգամ Ինտերը: Անգլիական ակումբներից ամենհաջողակը մրցաշարում Լիվերպուլն է, որը հինգ Չեմպիոնների գավաթ ունի, երեք անգամ հաղթել է Մանչեսթեր Յունայթեդը, երկու անգամ Նոթինգհեմ Ֆորեսթեը և մեկ անգամ` Ասթոն Վիլան:

Վեցական անգամ Չեմպիոնների գավաթի հաղթող են դարձել գերմանական (չորս անգամ Բավարիան, մեկական անգամ` Բորուսիան ու Համբուրգը) և հոլանդական ակումբները (չորս անգամ` Այաքս, մեկական անգամ` Էյնդհովեն և Ֆեյենորդ): Պորտուգալիան ունի չորս գավաթ (երկու անգամ Բենֆիկան և երկու անգամ Պորտու), իսկ մեկական անգամ Չեմպիոնների գավաթն ուղևորվել է Շոտլանդիա (Սելթիկ), Ֆրանսիա (Մարսել), Ռումինիա (Ստյաուա) և Հարավսլավիա (Ցրվենա Զվեզդա):

TotalFootball.am

**Ապե Ջան** · 07.06.2011, 02:04

GOLAZZO. ՇԱԲԱԹՎԱ ԼԱՎԱԳՈՒՅՆ ԳՈԼԵՐԻ ՏԱՍՆՅԱԿԸ

Ներկայացնում ենք վերջին մեկ շաբաթվա ընթացքում արձանագրված ամենագեղեցիկ 10 գոլերը: Դրանց օգտին կարող եք քվեարկել tvgolo.com կայքում:

1. Բենատ («Բետիս»)
2. Միքաել Արոյո (Էկվադոր)
3. Սերգեյ Դավիդով («Կուբան»)
4. Վակասո («Վիլյառեալ Բ»)
5. Գրոնկյաեր («Կոպենհագեն»)
6. Դանի Բենիտես («Գրանադա»)
7. Լամար Նիգլե («Սիեթլ Սաունդերս»)
8. Աբել Կամարա (Պորտուգալիա Մ21)
9. Լուան («Պալմեիրաս»)
10. Դավիդ Վիլյա («Բարսելոնա»)

♫ Երգը: Chameleon – “Starry Eyed” (UNICORN REMIX)

TotalFootball.am

**Ապե Ջան** · 17.06.2011, 08:35

Ուեմբլին ընդունելու է 2012/13թթ. Չեմպիոնների լիգայի եզրափակիչը

Շվեյցարական Նիոն քաղաքում տեղակայված ՈՒԵՖԱ-ի շտաբ-բնակարանում այսօր որոշվել է 2012/13թթ. մրցաշրջանի Չեմպիոնների լիգայի եզրափակիչ հանդիպման անցկացման վայրը:

Եվրոպական ակումբային ամենահեղինակավոր մրցաշարի եզրափակիչ խաղը հյուրընկալելու պատվին արժանացել է Լոնդոնի "Ուեմբլի" մարզադաշտը, որտեղ բոլորովին վերջերս կայացավ այս մրցաշրջանի Չեմպիոնների լիգայի եզրափակիչ հանդիպումը` "Բարսելոնայի" եւ "Մանչեսթեր Յունայթեդի" միջեւ:

- 1863թ.-ին հիմնադրված Անգլիայի ֆուտբոլային ասոցիացիան իր տեսակի մեջ Եվրոպայում հանդիսանում է հնագույնը, որը 2013թ.-ին նշելու է իր հիմնադրման 150-ամյակը: Հաշվի առնելով հենց այդ հանգամանքը, մենք որոշեցինք Չեմպիոնների լիգայի եզրափակիչը տալ Անգլիային, - ասել է ՈՒԵՖԱ-ի նախագահ Միշել Պլատինին:

Հետաքրքիր է, որ 1968-1971թթ. ընկած ժամանակահատվածում եւս, "Ուեմբլին" երկու անգամ ընդունել է Չեմպիոնների լիգայի եզրափակիչը:

ArmSport.am

**Ապե Ջան** · 19.06.2011, 22:37

Հենրիխ Մխիթարյանի գոլը լավագույնն է

Դոնեցկի Շախտյորի պաշտոնական կայքը նոր մրցաշրջանի մեկնարկից առաջ քվեարկություն է անցկացրել` որոշելու 2010/11 մրցաշրջանի լավագույն գոլը:

Հարցմանը մասնակցել է 2145 այցելու: Նրանցից 118-ն (5.5 տոկոս) իրենց ձայնը տվել են Ռոմայի դարպասը խփած Վիլլանի գոլին, որը ճանաչվեց 3-րդը: 2-րդ տեղը զբաղեցրեց Դուգլաս Կոստայի խփած գոլը նույն Ռոմայի հետ պատասխան խաղում` 147 ձայն (6.85 տոկոս):

Առաջին հորիզոնականը ձայների ճնշող մեծամասնությամբ զբաղեցրեց Հայաստանի ազգային հավաքականի առաջատար և Շախտյորի հենակետային կիսապաշտպան Հենրիկ Մխիթարյանի Կրիվբասի դարպասը խփած գոլը` 1597 ձայն (74.45 տոկոս):

totalbarca.do.am

**Աբելյան** · 23.06.2011, 23:16

ԿՈՆԿԱԿԱՖ-ի ոսկե գավաթի (Հս. Ամերիկայի առաջնություն) կիսաեզրափակիչներում արդյունքները սպասելի էին:
ԱՄՆ-Պանամա 1-0
Դեմփսի 77"
Մեքսիկա-Հոնդուրաս 2-0 (0-0` հիմնական ժամանակից հետո)
Դե Նիգրիս, Խավիեր Հերնանդես:

Եզրափակիչում 3-րդ անգամ անընդմեջ խաղալու են ԱՄՆ-ն ու Մեքսիկան: 2009-ին Մեքսիկան հաղթել էր 5-0:

**Աբելյան** · 26.06.2011, 19:54

Եզրափակիչը եղավ Լոս Անջելեսում: Մեքսիկան հաղթեց 4-2: Չնայած Բրեդլին ու Դոնովանը ԱՄՆ-ին առաջ մղեցին, բայց ացտեկները 4 գոլ իրար հետևից խփելով արժանի հաղթանակ տարան: Հատկապես Դոս Սանթոի գոլն էր լավը: