Ֆուտբոլ

[yerevanci]

Սկանդալ բուլղարական ֆուտբոլում



Բուլղարիայում ծեծել են աֆրիկացի ֆուտբոլիստին:
Երկրի բարձրագույն խմբում հանդես եկող Մազդրայի «Լոկոմոտիվի» ֆուտբոլիստներ Զդրավկո Ստանկովը եւ Վիկտոր Սոֆրոնիեւը մարզման ժամանակ հարձակվել են թիմի աֆրիկացի խաղացող Բամբայի վրա եւ ծեծել: Այդ մասին տեղեկացնում է Ring.bg կայքէջը:
Ակումբի ներկայացուցիչները չեն հերքել այդ փաստը, սակայն դեռ չեն նշել պատճառների մասին: «Լոկոմոտիվի» գլխավոր մարզիչ Վոյն Վոյնովն այդ առիթով հայտարարել է, որ այդ կարգի միջադեպեր պատահում են թիմերի մարզումների ժամանակ, ուստի պետք չէ այն քաղաքականացնել:
«Իհարկե, նման միջադեպերը ազդում են թիմի ներքին կյանքի վրա, բայց այժմ ամեն ինչ նորմալ է: Մարզումից հետո զրուցել եմ Բամբայի հետ: Երեքն առայժմ ազատված են մարզումներից, սակայն մենք չենք պատրաստվում մեկ զանցանքի համար թիմից անմիջապես հեռացնել որեւէ մեկին: Միայն մանրակրկիտ քննությունից հետո կորոշենք, ինչպես վարվել նրանց հետ»,-ասել է նա:

[yerevanci]

Կլինսմանը պատրաստ է վերադառնալ մարզչական աշխատանքի



Գերմանիայի ֆուտբոլի ազգային հավաքականի և Մյունխենի «Բավարիայի» նախկին գլխավոր մարզիչ Յուրգեն Կլինսմանը, ով աշխարհի առաջնության ընթացքում ֆուտբոլային վերլուծաբանի պարտականությունները կկատարի RTL ընկերությունում, հայտարարել է, որ ցանկանում է վերադառնալ մարզչական աշխատանքի և պատրաստ է քննարկել համապատասխան առաջարկները: Այս մասին հաղորդում է «Eurosport»-ը:
«Ես երբեք չեմ շտապում,- նշել է 45-ամյա Կլինսմանը, ով Մյունխենի «Բավարիայից» հեռացվել է 2008-2009 թթ. մրցաշրջանի վերջում:- Հաստատ ուզում եմ որևէ թիմ գլխավորել: Հնարավոր է, որ աշխարհի առաջնությունից հետո հետաքրքիր տարբերակներ ի հայտ կգան: Երբ դա քո բնավորության մասն է, միշտ մտածում ես այն մասին, թե ինչպես պետք է զարգանա մարզչի մասնագիտությունը: Մնալով առանց աշխատանքի` հնարավորություն ունես նոր գիտելիքներ ստանալ և շատ բան սովորել»:

[yerevanci]

Ծախսողները



Բավական ուշագրավ հետազոտություններ է ներկայացրել անգլիական «The Economist» պարբերականը: «Deliotte» հանրահայտ աուդիտորական գրասենյակի հետ համատեղ, պարբերականի աշխատակիցները հաշվարկել են, թե ինչքան գումար են ծախսում ֆուտբոլի ֆանատները իրենց սիրելի ակումբի վրա: Ըստ պարբերականի տվյալների, ամենամեծ գումարներ ծախսում են անգլիացի ֆուտբոլասերները, իսկ «Չելսիի» համակիրները այս առումով առաջինն են: Իսպանիայում առաջատարը Մադրիդի «Ռեալի», Գերմանիայում` «Համբուրգի» ֆանատներն են: Ծախսած գումարների մեջ են մտնում աբոնեմենտների, տոմսերի, ակումբային սիմվոլիկայի եւ այլնի վրա ծախսված գումարները: Հետաքրքիր է, որ միջին աշխատավարձի ու ծախսված գումարի հարաբերակցությամբ ամենածախսողը «Ռեալի» համակիրներն են, ովքեր իրենց սիրելի թիմի վրա մեկ տարվա ընթացքում ծախսում են Իսպանիայում միջին աշխատավարձից ավելի գումար: Պարբերականը ներկայացրել է այն ակումբների ցանկը, ում համակիրները ամենամեծ ծախսերն են անում իրենց թիմերի համար:
1. «Չելսի»- 2100 եվրո տարեկան
2. «Արսենալ»-1950
3. «Մանչ. Յունայթեդ»-1700
4. «Ռեալ»-1600
5. «Բարսելոնա»-1400
6. «Տոտենհեմ»-1300
7. «Լիվերպուլ»-1200
8. «Համբուրգ»-1050
9. «Բավարիա»-900

[Venus]

Հայտնի են դարձել ֆուտբոլի Եվրոպական լիգայի 1/8 եզրափակչի զույգերը՝
Ռուբին /Ռուսաստան/- Վոլֆսբուրգ /Գերմանիա/՛
Համբուրգ/ Գերմանիա/ -Անդերլեխտ /Բելգիա/
Ատլետիկո/ Իսպանիա/ -Սպորտինգ / Պորտուգալիա/
Բենֆիկա/ Պորտուգալիա/- Մարսել /Ֆրանսիա/
Պանատինաիկոս /Հունաստան/ -Ստանդարտ / Բելգիա/
Լիլ /Ֆրանսիա/- Լիվերպուլ /Անգլիա/
Յուվենտուս / Իտալիա/ -Ֆուլհելմ /Անգլիա/՛
Վալենսիա/ Իսպանիա/ -Վերդեր /Գերմանիա/

[yerevanci]

Առաջարկ



Աշխարհահռչակ ֆուտբոլիստ, Ֆրանսիայի հավաքականի կազմում աշխարհի ու Եվրոպայի չեմպիոնների կոչումը նվաճած Զինեդին Զիդանը առաջարկ է ստացել գլխավորել Ալժիրի ազգային հավաքականը: Ընդ որում` հետաքրքիր է, որ առաջարկը Զիդանին արել է անձամբ Ալժիրի նախագահը, երբ հյուրընկալել է հանրահայտ ֆուտբոլիստին ու նրա ընտանիքի անդամներին: Հիշեցնենք, որ Զիդանի ծնողները ծնվել են հենց այդ աֆրիկյան երկրում:

[Venus]

Դեռևս Ռուսաստանի ֆուտբոլի հավաքականի մարզիչ Գուս Հիդդինգը 2 ամսյա պայմանագիր է կնքել կոտ դ'Իվուարի հավաքականի հետ

Ընդ որում Գուս Հիդինգի առջև պայման են դրել որ մոտակա օրերի ընթացքում պետք է դադարեցնի Ռուսաստանի հետ պայմանագիրն այլապես Կոտ դ՛Իվուարի հետ պայմանագիրը որն ուժի մեջ է մտնելու մայիսի 15-ի չեղյալ կհամարվի

[yerevanci]

Ռուսները հավատում են տեղացի մարզիչներին



Ռուսաստանյան մի շարք հայտնի ֆուտբոլային մասնագետներ հանդիպել են ԶԼՄ-ների ներկայացուցիչների հետ: Այդ հանդիպումն արդեն ավանդական է դարձել. արդեն չորրորդ տարին է` այն կազմակերպում են Ռուսաստանի մարզական լրագրողների ֆեդերացիան և հայրենական մարզիչների միությունը: Այս անգամ քննարկումներին ներկայացել են Լեոնիդ Սլուցկին, Միխայիլ Գերշկովիչը, Հաջի Հաջիևը և Սերգեյ Օվչիննիկովը:
Գլխավոր հարցն այն էր, թե ով պետք է փոխարինի Գուուս Հիդդինկին Ռուսաստանի ազգային հավաքականի գլխավոր մարզչի պաշտոնում: Մասնագետները, որոնցից հատկապես Գերշկովիչը շատ կտրուկ արտահայտվեց, համակարծիք էին, որ ազգային թիմի ղեկը պետք է վստահվի տեղացի մասնագետի: Նրանց կարծիքով` միայն ազգային արժեքների կրողն աշխարհի 2018 թ. առաջնությունում թիմին կարող է առաջնորդել դեպի հաղթանակ:

[yerevanci]

Հիդդինկ. «Ես չեմ գլխավորի Կոտ Դ’Իվուարի ընտրանին»

Ռուսաստանի ազգային հավաքականի գլխավոր մարզիչ Գուուս Հիդդինկը հայտարարել է, որ աշխարհի առաջնությունում չի գլխավորի Կոտ Դ’Իվուարի ազգային հավաքականը:
«Ես Կոտ Դ’Իվուարի ազգային թիմն ընդունելու վերաբերյալ բանակցություններ, այո, վարել եմ այդ երկրի ֆուտբոլային ֆեդերացիայի նախագահ Ժակ Անոումայի հետ, սակայն որոշեցի այդ թիմի հետ չմեկնել Հարավաֆրիկյան Հանրապետություն: Նման որոշում կայացնելն ինձ համար հեշտ չէր. չէ՞ որ Դիդյե Դրոգբան, ում հետ ես աշխատել եմ «Չելսիում», ինչպես նաև Անոուման, շատ էին ուզում ինձ տեսնել մարզչի պաշտոնում: Բայց ես շատ աշխատանք ունեմ Թուրքիայի հավաքականում, և դա շատ կարևոր է ինձ համար: Մայիսի վերջին մենք ստուգողական հանդիպումներ ենք պլանավորել Իռլանդիայի, Չեխիայի և ԱՄՆ-ի ազգային թիմերի հետ, որոնք հիանալի հնարավորություն են` խաղացողներին գործի մեջ տեսնելու և նրանց հետ ծանոթանալու համար:
Ինձ վրա մեծ տպավորություն է գործել այդ երկրում ֆուտբոլի զարգացման գործում պրոֆեսիոնալ վերաբերմունքը, ինչը և իմ որոշման հարցում վճռորոշ դեր խաղաց: Հատկապես դուր եկավ այն, թե ինչպես են թուրքերը նախապատրաստվում` անցկացնելու «Եվրո-2016»-ը: Չնայած երկրի անունը, որտեղ 2016 թ. կկայանան Եվրոպայի առաջնության հանդիպումները, դեռ հայտարարված չէ, սակայն Թուրքիայում հաստատապես ֆուտբոլային նոր մարզադաշտեր, հյուրանոցներ, օդանավակայաններ կկառուցվեն, ինչն ավելորդ անգամ ապացուցում է, թե այդ երկրի համար որքան կարևոր է ֆուտբոլը»,- գրել է Հիդդինկը «De Telegraaf»-ի իր սյունակում:

aysor.am

[yerevanci]

Սեւ աստղերի երկրորդ փորձը

Ֆուտբոլի աշխարհի 2010 թվականի առաջնության ընտրական փուլում հերթական անգամ անակնկալի հեղինակ դարձած հավաքականներից մեկը Գանան է, որն իր պատմության ընթացքում երկրորդ անգամ ձեռք բերեց աշխարհի առաջնության եզրափակիչ փուլի ուղեգիր:
Գանայի հավաքականն առաջին անգամ աշխարհի առաջնության եզրափակիչ փուլին մասնակցել է 2006 թվականին:
Փաստորեն, աֆրիկյան հավաքականը երկրորդ անգամ անընդմեջ է հաղթահարում ընտրական փուլի արգելքը: Աֆրիկյան գոտու խմբային փուլում Գանան իր ենթախմբում զբաղեցրել է առաջին հորիզոնականը` ետեւում թողնելով Բենինի, Մալիի, Սուդանի հավաքականներին: Գանայի ֆուտբոլի ֆեդերացիան հիմնադրվել է 1957 թվականին, իսկ մեկ տարի անց դարձել է ՖԻՖԱ-ի անդամ: 1963, 1965, 1978 եւ 1982 թվականներին գանացիները հաղթող են դարձել Աֆրիկայի ազգերի գավաթի խաղարկությունում: 2008 թվականին էլ այս հավաքականը նույն մրցաշարում երրորդ հորիզոնականն է զբաղեցրել: Գանայի ազգային հավաքականի կորիզը կազմում են լեգեոներները եվրոպական թիմերից, իսկ գլխավոր մարզիչը ազգությամբ սերբ Միրովան Ռեժեվացն է: Գանացի ֆուտբոլիստները աֆրիկյան մյուս երկրները ներկայացնող ֆուտբոլիստների պես ֆիզիկապես լավ պատրաստված են, ատլետիկ տվյալներով եւ արագաշարժ: Նրանց ընդունված է անվանել սեւ աստղեր: Այսօր աֆրիկացի ֆուտբոլիստների հետ կապված միակ խնդիրն այն է, որ շատ դժվար է որոշել նրանց իրական տարիքը, քանի որ Աֆրիկայում ընդունված է այս տվյալը կեղծելը: Հետեւաբար դժվար է հստակ ասել Գանայի հավաքականի ֆուտբոլիստների միջին տարիքը: Այժմ Գանայի հավաքականի առաջատարն են իտալական «Բոլոնիայի» կիսապաշտպան Ստեփան Ապիան, Միլանի «Ինտերից»` Սուելի Մունտարին, Ֆրանսիական «Ռենից»` Գյան Ասամոան եւ Լոնդոնի «Չելսիից»` Միքայել Էսիենը: Վերջինս դասվում է աշխարհի լավագույն հենակետային կիսապաշտպանների թվին: 2006 թվականի աշխարհի առաջնությունում Էսիենն ընդամենը 23 տարեկան էր, սակայն ունենալով առաջատարի հատկանիշներ` իր ետեւից էր տանում խաղընկերներին: Աշխարհի առաջնության ընտրական փուլից հետո Ռեժեվացն ասել է, որ եզրափակիչում Ապիան եւ Էսիենը Գանայի հիմնական հույսն են լինելու, որոնք համագործակցելու են հավաքականի մյուս լեգեոներների հետ: «Միքայելը եւ Ստեֆանը ի զորու են հստակ կերպով համակարգել խաղը դաշտի կենտրոնում: Էսիենը բավական հաջող չեզոքացնում է գրոհները, իսկ Ապիան հրաշալի տեսնելով դաշտը` գրագետ գրոհներ է կազմակերպում: Այսօր քիչ են այն հավաքականները, որտեղ հանդես են գալիս նման մակարդակի կիսապաշտպաններ», - ասել է Ռեժեվասը:
Բավական հաջող է հանդես գալիս նաեւ Գանայի դարպասապահ Ռիչարդ Քինգսոնը, որը ներկայացնում է անգլիական «Ուիգանը»: Ազգային հավաքականում անցկացնելով 75 հանդիպում` Քինգսոնին նույնիսկ հաջողվել է մեկ գոլի հեղինակ դառնալ: Ընդհանուր առմամբ այսօր Գանայի հավաքականում խաղում են 5 ֆուտբոլիստներ Անգլիայի, 3-ական` Գերմանիայի, Իտալիայի, 2-ական` Շվեյցարիայի, Հոլանդիայի եւ Ֆրանսիայի, մեկական` Կիպրոսի, Շոտլանդիայի եւ Թունիսի բարձրագույն խմբի առաջնություններից: Գանայի բարձրագույն դիվիզիոնից ազգային հավաքականում ընդամենը երեք ֆուտբոլիստներ են, որոնք հազվադեպ են հայտնվում հիմնական կազմում: Այս վիճակագրությունը ցույց է տալիս, որ Գանայի հավաքականը մեծ պոտենցիալ ունի: Աշխարհի այս տարվա առաջնության խմբային մրցաշարում նրա մրցակիցներն են Գերմանիան, Սերբիան եւ Ավստրալիան: Առաջին հայացքից թվում է, թե այս խմբում ֆավորիտները գերմանացիներն եւ սերբերն են: Սակայն դժվար է նույնիսկ մոտավորապես գնահատել գանացիների հնարավորությունը: Հիշենք 2002 թվականի աշխարհի առաջնությունը, երբ Սենեգալի հավաքականը, սենսացիա մատուցելով, հասավ մինչեւ քառորդ եզրափակիչ: 2006 թվականին կայացած առաջնությունում էլ սենսացիոն էր նույն Գանայի հաջողությունը: Խմբային փուլում գանացիները առաջին խաղում 2: 0 հաշվով զիջեցին այնուհետեւ չեմպիոնի կոչումը նվաճած Իտալիային: Այնուհետեւ նույն հաշվով հաղթեցին Չեխիային եւ երրորդ տուրում 2: 1 հաշվով առավելության հասնելով ԱՄՆ-ի ազգային թիմի նկատմամբ դուրս եկան 1/8-րդ եզրափակիչ, որտեղ 3: 0 հաշվով պարտվեցին աշխարհի հնգակի չեմպիոն Բրազիլիային: ՖԻՖԱ-ի ազգային հավաքականների դասակարգման աղյուսակում Գանան այս պահին գտնվում է 28-րդ հորիզոնականում:

zhamanak.com

[yerevanci]

Արագոնեսը պայմանագիր կստորագրի «Սևիլիայի» հետ



Իսպանական «Սևիլիայի» գլխավոր մարզչի պաշտոնում մոտակա ժամերի ընթացքում կնշանակվի Իսպանիայի ընտրանու նախկին գլխավոր մարզիչ Լուիս Արագոնեսը: Այս մասին հաղորդում է AS-ը: Մարզչին մոտ կանգնած աղբյուրների տրամադրած տեղեկություններով` «Սևիլիայի» ղեկավարությունն այդ մասնագետի հետ բանակցություններն սկսել է անմիջապես այն բանից հետ, երբ հայտարարել է նախկին մարզիչ Մանոլո Հիմենեսի հեռացման մասին:
Ավելացնենք, որ «Սևիլիան» Արագոնեսին պայմանագիր է առաջարկում ընթացիկ և հաջորդ մրցաշրջանների համար: Ի դեպ, 71-ամյա մասնագետը 1993-1995 թթ. ժամանակահատվածում աշխատել է «Սևիլիայում»:

aysor.am

[yerevanci]

Հարուստները



Աշխարհի 2009 թվականի լավագույն ֆուտբոլիստ, արգենտինացի Լիոնել Մեսսին աշխարհում առաջինն է նաեւ մեկ տարվա ընթացքում իր վաստակած գումարի քանակով: Ֆրանսիական «Ֆրանս ֆուտբոլ» հանրահայտ ամսագրի տվյալներով, ֆուտբոլիստներից ամենաշատը վաստակում է «Բարսելոնայի» հարձակվող Լիոնել Մեսսին` 33 միլիոն եվրո: Երկրորդ տեղում է Անգլիայի հավաքականի ու «Միլանի» կիսապաշտպան Դեւիդ Բեքհեմը` 30,4, իսկ 3-րդ տեղում` «Ռեալի» ու Պորտուգալիայի հավաքականի ֆուտբոլիստ Կրիշտիանու Ռոնալդուն` 30 միլիոն եվրո: Ներկայացնենք մեկ տարվա ընթացքում ամենաշատ վաստակող ֆուտբոլիստների ցանկը` ըստ «Ֆրանս ֆուտբոլի»:
1. Լիոնել Մեսսի 33
2. Դեւիդ Բեքհեմ 30,4
3. Կր. Ռոնալդու 30
4. Կակա 18.8
5. Տիերի Անրի 18
6. Ռոնալդինյո 17,2
7. Կառլոս Տեւես 15,4
8. Զլ. Իբրահիմովիչ 14,5
9. Ֆրենկ Լեմպարդ 14,2
10. Սամուել Էտո'Օ 13,8
Ամսագիրը ներկայացրել է նաեւ մարզիչների ցուցանիշները: Իտալական «Ինտերի» մարզիչ Ժոզե Մոուրինյոն մեկ տարվա ընթացքում վաստակում է 13 միլիոն եվրո: Անգլիական «Մանչեսթեր Սիթիի» մարզիչ, իտալացի մասնագետ Ռոբերտո Մանչինին մի փոքր, «ընդամենը» 1 միլիոն եվրո է պակաս վաստակում Մոուրինյոյից, իսկ 3-րդ տեղում է ուզբեկական «Բունյեդկորի» մարզիչ, բրազիլացի Լուիս Ֆելիպե Սկոլարին` 9,5 միլիոն եվրո: Անգլիայի հավաքականի գլխավոր մարզիչ Ֆաբիո Կապելլոն վաստակում է 8,4, աշխարհի ուժեղագույն ակումբի` «Բարսելոնայի» մարզիչ Խոսե Գվարդիոլան` 6,5, իսկ «Արսենալի» մարզիչ Արսեն Վենգերը` 6,3 միլիոն եվրո:

armtimes.com

[yerevanci]

ՈՒԵՖԱ-ի դեֆիցիտը կազմել է 27,8 մլն եվրո



Իսրայելական Թել Ավիվում կայացած ՈՒԵՖԱ-ի համաժողովում հայտարարվել է, որ եվրոպական ֆուտբոլային ասոցիացիաների միության դեֆիցիտը 2009-2010 թթ. մրցաշրջանում կազմել է 27,8 մլն եվրո: Դեֆիցիտը, կապված ֆինանսական ճգնաժամի հետ, 16,2 մլն եվրոյով ավելի է պլանավորված չափից:
Ավելացնենք, որ վերջին 4 մրցաշրջանում ընդհանուր եկամուտը կազմել է 328,2 մլն եվրո: Այս մասին հայտնում է ռուսաստանյան «Սպորտ Էքսպրեսը»:

aysor.am

[yerevanci]

Մեքսիկայի ախորժակը մեծ է



2010 թվականի ամռանը Հարավաֆրիկյան Հանրապետությունում կայանալիք ֆուտբոլի աշխարհի առաջնությունում Հյուսիսային Ամերիկան ներկայացնող ամենաուժեղ հավաքականը Մեքսիկան է:
Վերջինս 13 անգամ մասնակցել է աշխարհի առաջնության եզրափակիչ փուլերին, իսկ 1970 եւ 1986 թվականների առաջնություններում հասել է մինչեւ 1/4-րդ եզրափակիչ: 2002 թվականի աշխարհի առաջնությանը Մեքսիկան 1/8-րդ եզրափակիչում անսպասելի պարտություն կրելով ԱՄՆ-ի հավաքականից` դուրս մնաց հետագա պայքարից:
2006 թվականին Գերմանիայում կայացած աշխարհի առաջնությունում մեքսիկացիները խմբային փուլում զբաղեցրին երկրորդ հորիզոնականը: Հյուսիսամերիկյան հավաքականը նախ 3: 1 հաշվով հաղթեց Իրանին, այնուհետեւ ոչ-ոքի` 0: 0 խաղաց Անգոլայի ազգային թիմի հետ: Երրորդ տուրում Մեքսիկան 2: 1 հաշվով զիջեց Պորտուգալիային եւ ենթախմբում զբաղեցնելով 2-րդ հորիզոնականը` դուրս եկավ 1/8-րդ եզրափակիչ: Այստեղ դրամատիկ պայքարում մեքսիկացիները լրացուցիչ ժամանակում 2: 1 հաշվով զիջեցին Արգենտինային: Վերջինիս հանդիպման 98-րդ րոպեին հաղթանակ պարգեւեց Ռոդրիգեսը: Մեքսիկացի ֆուտբոլիստները հիմնականում աչքի են ընկնում բարձր տեխնիկայով եւ արագաշարժությամբ: Մեքսիկայի հավաքականին հաճախ համեմատում են Իսպանիայի եւ Արգենտինայի հավաքականների հետ, որոնք եւս դավանում են արագ եւ նուրբ ֆուտբոլը: Պատահական չէ, որ իսպանական բարձրակարգ ակումբները հաճախ են հրավիրում մեքսիկացի ֆուտբոլիստների: Օրինակ` «Բարսելոնում» այսօր պաշտպանության առաջատարներից մեկը Մեքսիկայի հավաքականի անդամ Ռաֆայել Մարկեսն է: Ազգային հավաքականը գլխավորում է 51-ամյա մասնագետ Խավիեր Աքուիլեն, որի գլխավորությամբ մեքսիկացիները հյուսիսամերիկյան գոտու ընտրական մրցաշարում ենթախմբում զբաղեցրին երկրորդ հորիզոնականը` երեք միավորով զիջելով ԱՄՆ-ի ազգային թիմին: Այս մրցաշարում հերթական անգամ գերազանց է հանդես եկել 37-ամա հարձակվող Խուատեմոս Բլանկոն: Վերջինս Մեքսիկայի ազգային թիմում անց է կացրել ռեկորդային` 109 հանդիպում, դառնալով 38 գոլի հեղինակ: «Աշխարհի առաջնության ավարտից հետո այլեւս հանդես չեմ գա Մեքսիկայի ազգային հավաքականում: Ուղղակի երազում եմ այս տարիքում իմ երկրի հավաքականի կազմում տիտղոսի արժանանալ: Շատերը կարծում են խմբային փուլի արգելքը հաղթահարելն արդեն նվաճում կլինի Մեքսիկայի համար: Վստահաբար ասում եմ, որ այսօր մեր ազգային հավաքականը կարող է նվաճել նույնիսկ աշխարհի գավաթը: 10 տարուց ավելի է խաղում եմ Մեքսիկայի հավաքականում, եւ հիմա մենք ամենաուժեղ եւ մարտունակ կազմն ունենք», - ասել է Բլանկոն:
Աշխարհի գալիք առաջնությունում խմբային փուլում Մեքսիկայի հետ միեւնույն ենթախմբում են ՀԱՀ-ը, Ուրուգվայը եւ Ֆրանսիան: Իհարկե, մեքսիկացիները խմբում ֆավորիտ են համարվում, բայց կարծում ենք` Ֆրանսիայի եւ Ուրուգվայի հավաքականների հետ մրցավեճերում նրանք դժվարություններ կունենան: Մասնավորապես` այս հավաքականներն ավելի կոշտ ֆուտբոլ են դավանում: Ըստ էության այս ենթախմբում բոլոր հավաքականները կարող են պայքարել փլեյ-օֆի համար: Չի կարելի անտեսնել նաեւ ՀԱՀ-ին, որը տանտիրոջ կարգավիճակով մեծ եռանդով կգործի: Աքուիլեն աշխարհի առաջնության ընտրական մրցաշարի ավարտից հետո հայտարարել էր, որ իրենք ի զորու են հասնել մինչեւ կիսաեզրափակիչ: «Մենք պայքարելու ենք մրցանակային տեղի համար: Մեքսիկայի հավաքականը, որի ֆուտբոլիստների միջին տարիքը 25-ն է, կարող է հաղթել ցանկացած հավաքականի, ինչը բազմիցս ապացուցել է: Ենթախմբում մրցակիցները բավական բարդ են: Եթե անակնկալներ տեղի չունեցան, ապա մենք ֆրանսիացիների հետ դուրս կգանք 1/8-րդ եզրափակիչ: Նաեւ առաջնային նպատակը ենթախմբում առաջին հորիզոնականը զբաղեցնել է, որպեսզի փլեյ-օֆում համեմատաբար ավելի թույլ մրցակից բաժին հասնի», - ասել է Աքուիլեն: Այս տարի Մեքսիկայի հավաքականը արդեն անց է կացրել երեք ընկերական հանդիպում` տանելով նույնքան հաղթանակ եւ ընդհանուր առմամբ խփելով 9 գնդակ: Առաջինում խոշոր` 5: 0 հաշվով հաղթել են Բոլիվիային, երկրորդում անսպասելի 2: 0 հաշվով` Նոր Զելանդիային, իսկ երրորդ խաղում 2: 1 հաշվով` Հյուսիսային Կորեային: Վերջին տարիներին անցկացրած հանդիպումներից կարելի է առանձնացնել 2005-ին Կոնֆեդերացիայի գավաթի խաղարկության խմբային փուլի շրջանակներում կայացած Մեքսիկա-Բրազիլիա հանդիպումը: Այստեղ ունենալով զգալի առավելություն՝ մեքսիկացիները հաղթեցին 1: 0 հաշվով: Տվյալ մրցաշարում Մեքսիկայի հավաքականը զբաղեցրել է չորրորդ հորիզոնականը` կիսաեզրափակիչում 11 մետրանոցներով զիջելով Արգենտինային եւ երրորդ տեղի համար խաղում` լրացուցիչ ժամանակում 4: 3 հաշվով Գերմանիային: Ներկայումս Մեքսիկայի ազգային հավաքականը ՖԻՖԱ-ի վարկանիշային աղյուսակում զբաղեցնում է 15-րդ հորիզոնականը: Մեքսիկացիները այս հաշվարկում առաջ են Հյուսիսային Ամերիկայից: ԱՄՆ-ի ազգային հավաքականը գտվում է 18-րդ հորիզոնականում:

zhamanak.com

[yerevanci]

ՖԻՖԱ-ն հրապարակել է հավաքականների վարկանշային սանդղակը



ՖԻՖԱ-ն հրապարակել է ֆուտբոլի ազգային հավաքականների հերթական վարկանշային սանդղակը: Բելառուսի ընտրանու հետ Անթալիայում կայացած ստուգողական խաղում կրած պարտությունը բացասաբար է անդրադարձել մեր թիմի զբաղեցրած դիրքի և նրա վարկանշային միավորների վրա: Հայաստանի հավաքականը, այսպիսով, կորցրել է 28 միավոր և դասակարգման ցուցակում նահանջել է 3 կետով` հանգրվանելով 106-րդ հորիզոնականում:
Առաջատար եռյակը փոփոխություններ չի կրել: Առաջին տեղում Իսպանիայի հավաքականն է, երկրորդում` Բրազիլիայինը, երրորդում` Հոլանդիայինը: 6-րդ տեղից 4-րդ տեղ են տեղափոխվել պորտուգալացիները, իսկ իտալացիները նահանջել են 5-րդ հորիզոնական:
Եվրոպայի 2012 թ. առաջնության ընտրական փուլում Հայաստանի հավաքականի մրցակիցներից ամենաբարձր վարկանիշն ունի Ռուսաստանի ընտրանին (12-րդ տեղ):
Ստորև ներկայացնում ենք վարկանշային սանդղակի լավագույն տասնյակը, ինչպես նաև հետխորհրդային տարածքի երկրների հավաքականների ու «Եվրո-2012»-ի ընտրական փուլում մեր թիմի մրցակիցների վաստակած միավորներն ու զբաղեցրած դիրքերը:

1 (1). Իսպանիա-1602 միավոր
2 (2). Բրազիլիա-1589
3 (3) Հոլանդիա-1261
4 (6). Պորտուգալիա-1214
5 (4). Իտալիա-1183
6 (5). Գերմանիա-1157
7 (8). Անգլիա-1120
8 (7). Ֆրանսիա-1077
9 (9). Արգենտինա-1087
10 (11). Խորվաթիա-1051
12 (12). Ռուսաստան-1009
26 (24). Ուկրաինա-837
33 (31). Սլովակիա-791
44 (39). Իռլանդիա-704
46 (44). Լատվիա-666
58 (60). Լիտվա-570
65 (64). Մակեդոնիա-509
80 (79). Բելառուս-404
87 (100). Մոլդովա-373
95 (75). Ուզբեկստան-345
100 (97). Էստոնիա-317
106 (103). ՀԱՅԱՍՏԱՆ-292
110 (109). Ադրբեջան-257
118 (124). Վրաստան-232
129 (127). Ղազախստան-177
130 (128). Տաջիկստան-176
134 (130). Թուրքմենստան-163
151 (161). Ղրղզստան-112
201 (202). Անդորրա-2

Հ.Գ. Փակագծերում նշված են նախորդ սանդղակում թիմերի զբաղեցրած դիրքերը:

panorama.am

[tikopx]

Եսոր պաշտոնական նամակ գրեցի ֆիֆայի կայքին ,խնդրելով ուղղել Երևան բառը,խայտառակ եին արել մեզ ,արդեն ուղղղել են գրել էին EREWAN