Ամուլսար

[Յոհաննես]

Ամուլսարի շահագործման մասին ի՞նչ կարծիքի եք


Մոդերատորական։ Թեման ստեղծվել է «Թեմայից դուրս, բայց հետաքրքիր կամ կարևոր գրառումներ» թեմայի գրառումներից։

[Արշակ]

Ամուլսարի շահագործման մասին ի՞նչ կարծիքի եք

ԱՄՆ–ն, Մեծ Բրիտանիան շատ բաց տեքստով պաշտոնապես սպառնացին որ գլուխներս կջարդեն, եթե Լիդիանին բան ասենք։ Դե պարզ ա․ որպեսզի զարգացած երկրներում պուպուշ ապրեն, մեր պես երկրորդ կարգի երկրները պիտի թեկուզ էկոլոգիական աղետների մեջ մտնեն‎։ Բայց դե սենց հանքերով Հայաստանը ապագա չունի։ Ես կասեի ընդհանրապես Երկիր մոլորակը ապագա չունի, եթե էկոլոգիական խնդիրներին շարունակենք նենց մատների արանքով նայել, ոնց մինչև հիմա ենք նայում։ Առավել ևս սենց խիտ բնակեցված մի բուռ Հայաստանում անթույլատրելի ա․ մեռնելով էլ լինի պիտի արևմուտքի ճնշումներին դիմակայենք։
Կառավարության համար էլ հեշտ չի ինչ խոսք․ որ ԱՄՆ–ն ու Եվրոպան ճնշումներ բանացնեն ու տարբեր տիպի պրոբլեմներ ունենանք, հասարակ ժողովուրդը որ Ամուլսարի հանք չբացել ա պահանջում էսօր, հետո էդ պրոբլեմները չի կապելու Ամուլսարի հանք չբացելու որոշման հետ․ էլի Նիկոլենց վրա են մունաթ գալու, թե բա լավ չեք աշխատում
Իրականում էն արգումենտը, թե բա արտասահմանյան ներդրողները հուշտ կլինեն, բլթ ա։ Մենակ հանքերում ներդրողները հուշտ կարան լինեն ու հեչ էլ վատ չի որ հուշտ լինեն։ Իսկ ոչ հանքային ներդրողները շատ էլ լավ հասկանալու են ինչը ինչոց ա, որ ընդամենը ժողովուրդը օկ չի որ իրանց գլխին բնապահպանական աղետ սարքելու հաշվին եվրոպայում մարդիկ պուպուշ ապրեն։ Ընդհակառակը՝ բնապահպանական գիտակցության բարձրացումը ցիվիլ երկիր դառնալու ինդիկատոր ա ու էդ ազնիվ, ոչ հանքակեր ներդրողի կողմից մենակ դրական ա ընկալվելու (եթե վաբշե էդքան խորանան, որ Լիդիանի մասին բան իմանան)։
Ինչ վերաբերում ա Լիդիանի իբր արբիտրաժային դատարան դիմելուն, ասում են էդ էլ ա յուղ․
https://www.facebook.com/arpine.galf...57343361978497

#միջազգային_արբիտրաժի_վախ_բռնող
#ինչ_է_էդ_արբիտրաժը_վերջապես
Եկեք հասկանանք, թե ինչ է վերջապես էդ միջազգային արբիտրաժի բոբո դատարանը: Միջազգային ներդրումային արբիտրաժային դատարանները իրոք ահավոր բոբո են, խայտառակ հակադեմոկտրատկան մարմիններ, որոնք ստեղծվել են հատուկ կորպորացիաների շահերը պաշտպանելու համար՝ հակառակ հանրությունների շահերի: Շանտաժի ուժեղ գործիք են, ոչ մի կասկած:
Ընկերությունները կարող են դիմել այս բոբո կորպորատիվ դատարաններին, եթե իրենց հիմնադրման վայր հանդիսացող պետություններն էդ մասին պայմանավորվել են: Դա արվում է հետևյալ կերպ. ստորագրվում են երկկողմ պայմանագրեր՝ ներդրումների պաշտպանության մասին: Եթե կողմերից մեկը խախտում է էդ պայմանագիրը ու չի պաշտպանում պայմանագրի մյուս կողմ հանդիսացող պետությունում գրանցված ընկերության ներդրումը, էդ ժամանակ գալիս է բոբո դատարանի թեման: ՀՀ-ը ունի նման երկկողմ պայմանագրեր Մեծ Բրիտանիայի և Կանադայի հետ, այո: Էդ պայմանագրերը կարելի է որակել առնվազն #գաղութային, ահավոր ճնշող՝ մանավանդ ՀՀ-ի պես փոքր ու աղքատ պետությունների համար: Բայց հիմա կոնկրետ Ամուլսարի պահով նայենք:
Lydian Armenia ՓԲԸ 100%-ով պատկանում է Lydian International-ին: Lydian International-ը գրանցված է Ջերսի օֆշորային գոտում, որը չի մտնում փաստացի ոչ մի պետության իրավական կարգավորումների տարածքի մեջ: Ջերսիի տարածքը Մեծ Բրիտանիայի մաս է, բայց որպես օֆշորային գոտի, նրա վրա Բրիտանական օրենքների մի ահագին մասը, այդ թվում նաև միջպետական ներդրումային պայմանագրերի կարգավորումները, չեն տարածվում: Ուրեմն ի՞նչ՝ Lydian International-ը չի կարող դիմել կորկորատիվ/արբիտրաժային դատարան Հայաստանի դեմ: Այո, ՉԻ ԿԱՐՈՂԱՑԵԼ և ՉԻ ԿԱՐՈՂ:
Բա ի՞նչ է եղել: Լիդիանը շուստրիություն է փորձել անել: 2018թ. օգոստոսից հետո, այսինքն Ամուլսարի ճանապարհները փակելուց արդեն ամիսներ անց, գրանցել է երկու ընկերություն՝ բուն Մեծ Բրիտանիայի և Կանադայի տարածքներում, և էդ նորաստեղծ իր ընկերություններով 2019-ի մարտին սկսել է սպառնալ, որ ՀՀ-ին դատի կտա: ՕՔ, մարդ ամսին սպառնաց, 3 ամիսն անցավ, դատարան մտնելուց լուր չեղավ: Ամենայն հավանականությամբ այն պատճառով, որ էս շուստրիությունը չի անցել, ընկերներ, ու նույնիսկ շանտաժի համար կարած էս դատարանը չեն կարողանում օգտագործել:
Հիշենք նաև, որ անցյալ տարի Ավինյանը ինչ-որ 2 մլրդի մասին էր խոսում, մի տարում էս թիվն ինչ-որ առեղծվածային կերպով 60% զեղչվեց դարձավ 700 մլն: Հավանաբար երկուսն էլ սուտ են, ինչպես, ասենք, այն, որ Լիդիանը Նիկոլին ասում էր, թե օրական 500 հզր դոլար էր կորցնում ու տենց էլ դա չկարողացավ ապացուցել, նույնիսկ Հայաստանի կոռումպացված դատարաններին:

Բայց դե իհարկե արևմուտքը մենակ արբիտրաժ–մարբիտրաժով չի, որ կարա մեզ նեղի։ Բայց էդքանով հանդերձ, կարծում եմ, որ արժանապատիվ կյանքի մեր շանսի համար պետք ա կռիվ տալ։ Էս Նիկոլենց որոշումը չի․ էս մեր բոլորի որոշումը պիտի լինի ու ու ինչ էլ որոշենք, բոլորս պիտի դրա լավ ու վատ հետևանքներն ու դրանց պատասխանատվությունը կրենք։

[Ծլնգ]

ԱՄՆ–ն, Մեծ Բրիտանիան շատ բաց տեքստով պաշտոնապես սպառնացին որ գլուխներս կջարդեն, եթե Լիդիանին բան ասենք։

Էս մասը մի քիչ ավելի կպարզաբանե՞ս։

[Արշակ]

Էս մասը մի քիչ ավելի կպարզաբանե՞ս։

Դեռ հեղափոխությունից անմիջապես հետո ԱՄՆ ու ՄԲ դեսպանները ու էդ երկրները ներկայացնող ուրիշ բարձրաստիճան պաշտոնյաներ մեկը մյուսի հետևից հանդիպեցին Նիկոլին ու Լիդիանի աշխատելու ու ներդրումների պաշտպանվածությունը երաշխավորելու «մտահոգություններ» հայտնեցին։ Էդքանը որ հրապարակային՝ մամուլի առաջ ասվեց, ենթադրում եմ, որ փակ դռների հետևում ավելի կոշտ էլ ա ասվել։ Որ լրատվամիջոցների առաջ ընդհանուր մի քանի տող տեքստի մեջ Լիդիանի թեման տենց հիշատակվեց, տեղից կարելի ա ենթադրել դրա կարևորության մասին։ Կոնկրետ ձևակերպումները չեմ հիշում, բայց մոտավորապես էությունը էդ էր․ «էդ որ հեղափոխություն–մեղափոխություն եք անում լավ եք անում, բայց տեսեք հա՜, Լիդիանը պիտի աշխատի»։

Ֆբ քննարկումներից էլ ոնց ջոկեցի, վերջերս էլի են էդ ոճով արտահայտվել արևմտյան դիվանագետները, չնայած իմ աչքին կոնկրետ բան չի ընկել։

[Արշակ]

@Ծլնգ, իսկ դու ի՞նչ կարծիք ունես էս թեմայի մասին, հետաքրքիր ա

[Ծլնգ]

Դեռ հեղափոխությունից անմիջապես հետո ԱՄՆ ու ՄԲ դեսպանները ու էդ երկրները ներկայացնող ուրիշ բարձրաստիճան պաշտոնյաներ մեկը մյուսի հետևից հանդիպեցին Նիկոլին ու Լիդիանի աշխատելու ու ներդրումների պաշտպանվածությունը երաշխավորելու «մտահոգություններ» հայտնեցին։ Էդքանը որ հրապարակային՝ մամուլի առաջ ասվեց, ենթադրում եմ, որ փակ դռների հետևում ավելի կոշտ էլ ա ասվել։ Որ լրատվամիջոցների առաջ ընդհանուր մի քանի տող տեքստի մեջ Լիդիանի թեման տենց հիշատակվեց, տեղից կարելի ա ենթադրել դրա կարևորության մասին։ Կոնկրետ ձևակերպումները չեմ հիշում, բայց մոտավորապես էությունը էդ էր․ «էդ որ հեղափոխություն–մեղափոխություն եք անում լավ եք անում, բայց տեսեք հա՜, Լիդիանը պիտի աշխատի»։

Ֆբ քննարկումներից էլ ոնց ջոկեցի, վերջերս էլի են էդ ոճով արտահայտվել արևմտյան դիվանագետները, չնայած իմ աչքին կոնկրետ բան չի ընկել։

Ու դրանից հետո ամիսներով հանքը կանգնա՞ծ ա։ Լուրջ չի, Արշակ ջան։ Իրենց ասածը կարծում եմ ավելի շատ եղել ա «հանկարծ Վենեսուալա կամ Արգենտինա չդառնաք՝ մոռանալով միջազգային պարտականությունների մասին»։ Թե չէ Լիդիանը շատ փոքր սոշկա ա, որ դրա համար միջպետական հարաբերություններ փչացվեն ($117 մլն կապիտալիզացիա, բլին)։

@Ծլնգ, իսկ դու ի՞նչ կարծիք ունես էս թեմայի մասին, հետաքրքիր ա

Քո հետ մեծապես համակարծիք եմ․ Հայաստանում բոլոր տիպի հանքարդյունաբերությունը պիտի վերանա։ Էդ աշխատատեղերն ու հարկերը չնչին բաներ են երկրի համար, իսկ ջրային ռեսուրսների մաման կապիտալ լացացնելու ռիսկը մեծ ա։ Ու մի քիչ պիտի լրջանանք էլի որպես երկիր ու իսկապես գիտելիքային տնտեսական մոդելների զարգացման մեջ ներդրվենք, ոչ թե բնաբռնաբարման։ Իսկ կոնկրետ Ամուլսարի մոմենտով․ Թեղուտն ու Արմանիսից հետո Ամուլսարը վաբշե տեղ չունի օրակարգում ու ըստ իս քաղաքականապես ինքնասպանություն ա, թե փակը չդնեն վրեն։

[Varzor]

Ու դրանից հետո ամիսներով հանքը կանգնա՞ծ ա։ Լուրջ չի, Արշակ ջան։ Իրենց ասածը կարծում եմ ավելի շատ եղել ա «հանկարծ Վենեսուալա կամ Արգենտինա չդառնաք՝ մոռանալով միջազգային պարտականությունների մասին»։ Թե չէ Լիդիանը շատ փոքր սոշկա ա, որ դրա համար միջպետական հարաբերություններ փչացվեն ($117 մլն կապիտալիզացիա, բլին)։

Հանքի շահագործումը սկսելու համար անհրաժեշտ աշխատանքները դեռ լիարժեք չեն ավարտվել` դեռ գործ ունեն անելու: Այ հենց դա է կանգնած:
Ստեղ խնդիրը մեծ ու փոքր լինելը չի (որքան հիշում եմ $4.5 մլրդ եկամուտի մասին էր խոքսը գնում ) Այլ այն, որ համաշխարհային շուկայի տարբեր ոլորտների վրա տարբեր երկրներ ունեն րենց ազդեցությունը: Կնոկրետ ոսկու և թանկարժեք քարերի հարցում ՄԹ-ն վաղուց թելադրողի դերում է: Երևի հիշում եք նախորդ վարչակազմի տարիներին ՄԹ արքայազնի այցը և նրա խոսքերը: Կարծում եմ պարզ էր, որ մենակ Սևանում քյաբաբ ուտելու համար չէր եկել:
Իրենք միջպետական հարաբերություն փչացնելու մասին մտածելու չունեն, քանզի միջազգային ասպարեզում իրենք են մեզ պետք, ոչ թե մենք իրենց:
Էս հարցում Արշակի հետ լրիվ համամիտ եմ: Ու ընդհանրացնելով ասեմ, որ բարեկեցիկ երկրներին անհրաժեշտ են անբարեկեցիկ երկրներ, հարուստ երկրներին` աղքատ երկրներ, խաղաղության մեջ ապրողներին` պատերազմողներ և այլն:

[Տրիբուն]

Ամուլսարի շահագործման մասին ի՞նչ կարծիքի եք

Ես փիս կհիասթափվեմ, եթե թույլ տան շահագործումը:

[Varzor]

Ամուլսարի շահագործման մասին ի՞նչ կարծիքի եք

Ամուլսարի ոսկու պաշարների մասին հայտնի էր դեռ ԽՍՀՄ տարիներին: Իմ հիշելով ոսկու քանակությունը մեկ տոննա գրունտում առնվազն երկու անգամ ավել էր գնահատվում, քան ներկայացվում է Լիդիանի կողմից:
Բայց նույնսիկ ԽՍՀՄ-ի պես բնություն աղտոտող ու բնապահպանության մասին հոգ չտանող երկրում Ամուլսարը չշահագործվեց: Բուն պատճառների մասին տեղեկություն չունեմ:

ԻՀԿ մեր երկրիի համար ընդհանուր վերցրած հանքի շահագործումը բացասական ազդեցություն է ունենալու: Բայց հաշվի առնելով օտարերկրյա ճնշումները, մասնավորապես ԱՄՆ-ի ու ՄԹ-ի, շատ դժվար է լինելու շահագործումը կասեցնելը: Մանավանդ, որ արդեն եզրակացությունն էլ ստացել ենք:
Ամբողջությամբ միայն մեմորանդումն եմ կարդացել: Հանքարադյունաբերության վերաբերյալ որևէ մասնագիտական հիմնավոր գիտելիք չունեմ, բայց զուտ ընդհանուր տեքստից հասկանալի է, որ արդեն իսկ նախագծում առկա են թերություններ և անհրաժեշտ է կատարել լրացուցիչ գործողություններ և շտկումներ: Բայց հենց այստեղ էլ թաքնված վտանգ եմ տեսնում: Եղրակացությունը ոչ թե համակողմանի է և անկախ, այլ Լիդիանի ներկայացված տվյալների և նախագծի հիման վրա կատարված եզրակացություն է:
Ընդհանուր առմամբ չեն ասում, որ շահագործումը վերջնականորեն վնաս է էկոլոգիային և բնապահպանական վտանգներ է պարունակում: Ընդամենն ասում են, թե ինչպիսի միջոցներ կարելի է ձեռարկել բնությանը հասցվող վնասը մեղմելու և նվազեցնելու նպատակով:

Կածում եմ այս հարցին վերջնական լուծում տալու համար մեր կառավարությանն ընդամենը քաղաքական կամք է անհրաժեշտ:
Մոտավորապես սենց. "մեր հայրենիքի բնությանը հացված վնասը դրամով չի չափվում, բայց նույնիսկ 10 դրամ գնահատվող վնասը շատ ավելի մեծ է քան դրա դիմաց ստացվող 10000 դրամ եկամուտը":

Համ էլ հերիք չի մեր երկրի հարստությունը ուրիշները կրեն տանեն դուրս ?

[Lion]

Ամուլսարի շահագործման մասին ի՞նչ կարծիքի եք

Համառորեն զգուշանում եմ նեղ մասնագիտական մոտեցում ունեցող նման թեմայով, այն էլ վերջնանական, կարծիք արտահայտել, բայց...

Հլը սաղ մի կողմ, էլի, մի Հայաստան, մի Ամուլսար...

Ուրեմն Ամուլսարը եթե շահագործվի, պիտի շահագործվի օֆշորում գրանցված մի ինչ որ անհայտ ծագումով կազմակերպության կողմի՞ց, որի հետևում չգիտես ով է կանգնած?! Ընդհանրապես, ըստ իս իրեն հարգող պետությունը, այն էլ նման պետական մակարդակի ծրագրերում, իրավունք չունի օֆշորում գրանցված կազմակերպությունների հետ գործ ունենալ:

Կրկնեմ և ընդգծեմ՝ օֆշոր - այստեղ գրանցվում են եկամուտները թաքցնելու, հարկեր չվճարելու, ապօրինի ձեռք բերածը օրինականացնելու, իրական սեփականատերերին թաքցնելու համար և նմանատիպ այլ նպատակներով: Համաձայնեք, որ Հայաստանն ու Ամուլսարը մեր Ջերմուկի հետ միասին հաստատ ավելիին արժեն:

[Varzor]

Համառորեն զգուշանում եմ նեղ մասնագիտական մոտեցում ունեցող նման թեմայով, այն էլ վերջնանական, կարծիք արտահայտել, բայց...

Նեղ "ժողովրդականն" եմ հայտնում․

Երկիրը մերն է,
էդ սարը մերն է,
Սարում մի հանք կա,
Ու հանքում ոսկի,
Էդ ո՞վ է ուզում մեր գլխից թռնի
Ու մեր կամքին դեմ էդ ոսկին հանի։

[Ծլնգ]

Համառորեն զգուշանում եմ նեղ մասնագիտական մոտեցում ունեցող նման թեմայով, այն էլ վերջնանական, կարծիք արտահայտել, բայց...

Հլը սաղ մի կողմ, էլի, մի Հայաստան, մի Ամուլսար...

Ուրեմն Ամուլսարը եթե շահագործվի, պիտի շահագործվի օֆշորում գրանցված մի ինչ որ անհայտ ծագումով կազմակերպության կողմի՞ց, որի հետևում չգիտես ով է կանգնած?! Ընդհանրապես, ըստ իս իրեն հարգող պետությունը, այն էլ նման պետական մակարդակի ծրագրերում, իրավունք չունի օֆշորում գրանցված կազմակերպությունների հետ գործ ունենալ:

Կրկնեմ և ընդգծեմ՝ օֆշոր - այստեղ գրանցվում են եկամուտները թաքցնելու, հարկեր չվճարելու, ապօրինի ձեռք բերածը օրինականացնելու, իրական սեփականատերերին թաքցնելու համար և նմանատիպ այլ նպատակներով: Համաձայնեք, որ Հայաստանն ու Ամուլսարը մեր Ջերմուկի հետ միասին հաստատ ավելիին արժեն:

Սա ահագին պարզունակ մոտեցում ա։ Լիդիան ինթերնեշնըլը ԲԲԸ ա, ու իր բոլոր ֆինանսները օրենքով թափանցիկ են։ Եվ որպես ԲԲԸ, ինքը պարտավորություն ունի իր սեփականատեր-ներդրողների դիմաց շահույթները մաքսիմալացնելու, ինչը նաև նշանակում է հարկային պարտավորությունները նվազեցնել, ինչը միջազգային հանքարտադրության մեջ կատարվում ա հենց օֆշորում իրավաբանական գրանցման միջոցով։ Սա ստանդարտ ա։ Հայաստանում իրենց արածի համար իրենք տալու են հայաստանյան օրենqով պահանջվող բոլոր հարկերը՝ ընդերքարտադրության գործունեության հետ կապվածից մինչև ԱԱՀ ու արտահանման հետ կապվածները (եթե այդպիսին կան ԱԱՀ-ից զատ)։ Բայց շահույթը իրականացվելու ա Հայաստանից դուրս, ու բնականոն ա, որ սա արվելու ա շահութահարկ չունեցող օֆշորներում։

Իրականում հետևները կանգնածներին էլ այնքան էլ դժվար չի գտնել՝ ֆինանսական թղթերին հետևելով, ինչը ԲԲԸ-ի դեպքում ահագին հեշտացված ա։ Էս ոլորտը (պոստսոցիալսիտական «եթիմ» երկրներում միջազգային կազմակերպությունների կողմից ընդերքարտադրությունը) ժամանակին ուսումնասիրություններիցս, ու էս երկու օրը արագի մեջ Լիդիանի թղթերը նայելով սա է իմ պատկերացումներով վիճակը...

Սենց գործունեություն սովորաբար սկսում ա ներսից. անցած էպոխայի գեոլոգիական պաշտոնատար անձինք գիտեն կոնկրետ ընդերքի հարստությունը ու պոտենցիալը ու փորձում են միջազգային կանալներով մեկի վրա դուրս գան, ով կուզենա գա ներդնել ու ոսկի հանել։ Ամուլսարի դեպքում սա կարծես հենց Հայկ Ալոյանն ա եղել իր աջակիցներով։ Էդ կանալներն էլ սովորաբար ուշ թե շուտ հանգում են մեծ արտադրողների, որտև փոքրերը սովորաբար արդեն թաթախված են իրենց փայ ամուլսարների մեջ։ Ու ստեղ կարծես կանալը դուրս ա հանել Նյումոնտի վրա, ով աշխարհի մեծագույն քառյակի մեջ էր մտնում, իսկ հիմա Գոլդքորփի հետ միանում են՝ կազմելով աշխարհի ամենամեծ ոսկու հանքարդյունբերության ընկերությունը (գունավոր մետաղների շուկայում հիմա ահռելի կոնսոլիդացիաներ են գնում)։ Ինչևէ, Նյումոնտն ինքը իրենով չի մտել սրա մեջ, բայց Նյումոնտի հետ կապված մի երկու արկածախնդիր մարդ հիմնել են Լիդիանը ու Նյումոնտից էլ որոշ գումար որպես ներդրում են ստացել ու խոստումներ ապագա ներդրումների ու հելել են լայն ճամփա։ Սֆթու գործունեությունից մի քիչ ավանծյուրայի հոտ ա գալիս, քանի որ շատ-շատ շուտ են արժեթղթերի շուկա դուրս եկել, հավանաբար մեծ ֆինանսական ներդրող չգտնելու հաշվին, կամ էլ Նյումոնտն ա ստիպել, որ իրենց ներդրումը կարողանան գոնե արժեթղթերի շուկայից արագ հետ բերեն։ Բայց 2010-ի կողմերը Նյումոնտը լրիվ դայվեստ ա լինում Լիդիանից (ենթադրում եմ, որ հասկանալով թե ինչ կեղտոտ գնով ա Ամուլսարը Սերժենց ռեժիմում իրենց տրվելու, ու համարելով որ ստացածները դրան չարժի, բայց կարող ա նաև ընդգրկված անձանք նկատմամբ վստահության պակասից էլ լինել), իսկ մի քանի տարի հետո նույնիսկ Լիդիանի իրենց (համար չնչին) պարտքն են ծախում երրորդ կողմին (սա էլ արդեն նշան ա, որ Նյումոնտը սկի գումարները հետ բերելու վրա հավես չունի ջանքեր գործադրելու... կոպիտ ասած սպիսատի նման մի բան)։ Սրանից հետո Լիդիանը ահագին ֆինանսների հետ կապված խնդիրներ ա ունեցել, ու պարտքը պարտքով ֆնանսավորելով վերջը հասել ա նրան, որ սկսի հանքի վրա շինարարական գործին։ Իսկ հեղափոխությունից հետո Լիդիանի վերին ղեկավարության մեջ իրար հետևից հեղափոխությունենր են լինում։ Ու ֆին իրավիճակը նենց ա, որ մի քանի ամիս էլ հանքի բլոկադան շարունակվի, կարող ա սննկանան, քանի որ ծախսերը շարունակվում են, իսկ ներդրողների վստահությունը գնալով պակասում ա, վարկերի սպասարկումն էլ գնալով թանկանում ա։

Սրանց հախից գալը հեշտից հեշտ ա, ու իմ կարծիքով որոշումը պիտի լինի քաղաքական, այլ ոչ թե բնապահպանական կամ տնտեսական/ներդրումային։ Կարծում եմ ոչ մեկս էլ չենք կասկածում, որ Սերժի ռեժիմի օրոք սրանց հասած Ամուլսարը հաստատ մաքուր չի եղել ու Նիկոլը հիմա հնարավորություն ունի դրա վերջը դնելու՝ ասելով նաև նեդրողներին, որ սրանից հետո լրիվ մաքուր ա ու հների հետ հանցավոր պայմանավորվածությունները ֆուկ են եղել։

Իսկ բնապահպանական կողմով. Հայաստանը չունի օրենսդրական բազան ու դատական համակարգը, որ կարողանա միջազգային հանքարտադրողին պարտադրի վթարներն ամբողջ ծավալով վերացնել/փոխհատուցել։ Նենց որ Լիդիանի խոստումները ոչ մի բան էլ չարժեն, իսկ հանքարտադրության մեջ վթարները լինում են... Իսկ էդ բազան ստեղծելուց հետո, նորից կարելի կլինի խոսել՝ արժի ամուլսարից ոսկի քամել, թե չէ։

[Վահե-91]

բացի զուտ խոսքերից, ի՞նչ տրամաբանական բացատրություն կա, թե ինչի՞ պետք ա Ջերմուկի ու Սևանի ջրերը թունավորվեն

[Lion]

Կարճ Նիկոլն ասումա՝ ես մասնագետ չեմ, հեղինակավոր կազմակերպությունն ասումա, որ որևէ ռիսկ չկա, ես իրենց հավատում եմ, դուք էլ հավատացեք, ընդ որում ես ինքս ցանկացած պահին կընդհատեմ պրոցեսը, եթե մի որևէ վատ բան նկատեցի...

Ըստ իս, քաղաքական որոշում է, թեև ոչ-ոք հստակ չի կարող ասել, ինչը ոնց կլինի: Ուղղակի կարծում եմ, պետք չէ փոքրիկ Հայաստանում, այն էլ Ջերմուկի կողքին, հանք շահագործել, թեկուզ տնտեսական զգալի օգուտների դիմաց: Ի վերջո այդ մի քանի հարյուր միլիոն դոլլարը կարելի էր շահել տնտեսություն զարգացնելով, այլ ոչ թե ընդերքը փորելով:

[Ծլնգ]

բացի զուտ խոսքերից, ի՞նչ տրամաբանական բացատրություն կա, թե ինչի՞ պետք ա Ջերմուկի ու Սևանի ջրերը թունավորվեն

Լիդիանը ո՞վ ա, ի՞նչ փորձ ունի հանքարտադրության մեջ, ի՞նչ փորձ ունի հանքագործության հետ կապված վթարների վերացման հետ, ի՞նչ ապահովագրական մեխանիզմներ կան, որ քաքի համը հելնելուն պես էդ ընկերությունը ոտի վրա չի սննկացվի՝ բոլոր ունեցածները առաջնահերթ պարտքատերերին տալով ու հօդս ցնդի մեկ օրվա մեջ, ի՞նչ գարանտիաներ կան, որ թանկարժեք մետաղների ցիկլիկ շուկայի մյուս անկման հետ մեկտեղ ընկերությունը անտիրական ֆինանսական մենեջմենթի պատճառով չի սննկանա՝ Հայաստանին թողնելով կիսաքանդ հանքեր, որոնց փակելը ավելի թանկ ա նստելու, քան բոլոր մինչև էդ Հայաստանին բերած օգուտը։ Հարցը մենակ բնապահպանությունը չի այստեղ, չնայած դրանով ճնշելը ամենահեշտն ա։

Ու քանի ստեղ ենք, ELARD-ի մասին ի՞նչ գիտենք... փորփրում եմ, բայց նենց էլ չեմ գտնում թե ինչով են իրենք գունավոր մետաղների ընդերքարտադրության մեջ փորձագետ... մերձավոր արևելքում նավթի ու գազի գործ ա մեծամասամբ արածները, ու Լիդիանի դրանց պատասխանից նենց տպավորություն ա ստեղծվում, որ Լիդիանը ահագին տեխնիկական մանրուքներով ասում ա՝ դուք տուֆտա եք, մենք ձեզնից լավ գիտենք։ Ջրի մենեջմենթից բացի ինչ-որ արժեք պարունակո՞ւմ ա դրանց արածը։

Կարճ Նիկոլն ասումա՝ ես մասնագետ չեմ, հեղինակավոր կազմակերպությունն ասումա, որ որևէ ռիսկ չկա, ես իրենց հավատում եմ, դուք էլ հավատացեք, ընդ որում ես ինքս ցանկացած պահին կընդհատեմ պրոցեսը, եթե մի որևէ վատ բան նկատեցի...

Ըստ իս, քաղաքական որոշում է, թեև ոչ-ոք հստակ չի կարող ասել, ինչը ոնց կլինի: Ուղղակի կարծում եմ, պետք չէ փոքրիկ Հայաստանում, այն էլ Ջերմուկի կողքին, հանք շահագործել, թեկուզ տնտեսական զգալի օգուտների դիմաց: Ի վերջո այդ մի քանի հարյուր միլիոն դոլլարը կարելի էր շահել տնտեսություն զարգացնելով, այլ ոչ թե ընդերքը փորելով:

Կարճ՝ պիզդե՛ց։ Չեմ զարմանա, որ սրանից հետո իմ քայլում ներքին կրիզիս սկսի...