User Tag List

Էջ 11 15-ից ԱռաջինԱռաջին ... 789101112131415 ՎերջինըՎերջինը
Ցույց են տրվում 151 համարից մինչև 165 համարի արդյունքները՝ ընդհանուր 224 հատից

Թեմա: Ամուլսար

  1. #151
    Բարև
    Տրիբուն-ի ավատար
    Գրանցման ամսաթիվ
    17.05.2008
    Հասցե
    Երևան
    Գրառումներ
    14,856
    Բլոգի գրառումներ
    2
    Mentioned
    25 Post(s)
    Tagged
    0 Thread(s)
    Մեջբերում Chuk-ի խոսքերից Նայել գրառումը
    ՖԲ-իցս

    Ու սրա պատճառը մեզնից շատերի խոհեմության պակասն ա։
    Տխուր ա
    Չուկ ջան, պետք չի միշտ խոհեմությունը ժողովրդից պահանջել, թող մեկ-մեկ էլ իշխանությունները խոհեմություն դրսևորեն։ Ու իմ կարծիքով ամենախոհեմ որոշումն էս պահն Ամուլսարի շահագործման դադարեցումն ա։

    Ու ապեր, ռելաքս, ոչ մի վատ բան չի լինելու։ Եթե նույնիսկ իրավիճակը սրվի, հակամարտության երկու կողմերում ադեկվատ ուժեր են։ Մի կողմում հեղափոխություն արած ու լեգիտիմ ընտրված իշխանությունն ա, մյուս կողմում հեղափոխություն արած ու Հայաստանի ապագայով իրոք մտահոգ առողջ ուժերն են։ Մնացածը կողքից հավայի շիրա տվող ու պրոբլեմներով հրճվող կապիկներն են, որոնք բացարձակ ոչ մի ռեալ ազդեցություն չունեն պրոցեսի վրա։

    Էս վիճակից Հայաստանը ամեն դեպքում շահած ա դուրս գալու, քանի որ իրոք առողջ ուժեր են մեջտեղ գալիս, որոնք կարան հակակշռեն իշխանություններին։ Էտ էսօր մեզ պետք ա, որ կապիկները նույնիսկ լուսանցքից դուրս մղվեն։

  2. #152
    Կեցցե թագավորը Varzor-ի ավատար
    Գրանցման ամսաթիվ
    16.03.2009
    Հասցե
    Երկիր մոլորակ, ՀՀ ք. Երևան
    Տարիք
    37
    Գրառումներ
    6,472
    Mentioned
    6 Post(s)
    Tagged
    0 Thread(s)
    Մեջբերում Տրիբուն-ի խոսքերից Նայել գրառումը
    Ամեն ախամախություն լսելը առողջությանը վնաս ա:
    Իսկ կարդալը՞
    Լոխ մունք ենք, մնացածը` լոխ են...

  3. #153
    Կեցցե թագավորը Varzor-ի ավատար
    Գրանցման ամսաթիվ
    16.03.2009
    Հասցե
    Երկիր մոլորակ, ՀՀ ք. Երևան
    Տարիք
    37
    Գրառումներ
    6,472
    Mentioned
    6 Post(s)
    Tagged
    0 Thread(s)
    Ժողովուրդ, այսօր ՀԲՃ հայտարարությունում մի հատված կարդացի․
    2018թ․ Ընդերքի և բնապահպանության տեսչական մարմնի ընդունած վարչական ակտով արդեն իսկ դադարեցված է Լիդիանի գործունեությունը, հարուցված է ապօրինի արդյունահանման մասին քրեական գործ, ՇՄԱԳ եզրակացության ուժը կորցրած ճանաչելու մասին գրությունը Շրջակա միջավայրի նախարարություն ուղարկվել է դեռևս 2018թ․,
    աղբյուր

    Իրոք նման բան կա ու ոչ մեկ դա հաշվի չի առնու՞մ։
    Բա դրանից լավ օրինական միջոց են ուզու՞մ։

    Արդեն սկեսցի որիշ բաներ մտքովս անց կացնել
    Լոխ մունք ենք, մնացածը` լոխ են...

  4. Գրառմանը 1 հոգի շնորհակալություն է հայտնել.

    StrangeLittleGirl (10.09.2019)

  5. #154
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    35
    Գրառումներ
    24,980
    Բլոգի գրառումներ
    31
    Mentioned
    66 Post(s)
    Tagged
    1 Thread(s)
    Մեջբերում Տրիբուն-ի խոսքերից Նայել գրառումը
    Չուկ ջան, պետք չի միշտ խոհեմությունը ժողովրդից պահանջել, թող մեկ-մեկ էլ իշխանությունները խոհեմություն դրսևորեն։ Ու իմ կարծիքով ամենախոհեմ որոշումն էս պահն Ամուլսարի շահագործման դադարեցումն ա։

    Ու ապեր, ռելաքս, ոչ մի վատ բան չի լինելու։ Եթե նույնիսկ իրավիճակը սրվի, հակամարտության երկու կողմերում ադեկվատ ուժեր են։ Մի կողմում հեղափոխություն արած ու լեգիտիմ ընտրված իշխանությունն ա, մյուս կողմում հեղափոխություն արած ու Հայաստանի ապագայով իրոք մտահոգ առողջ ուժերն են։ Մնացածը կողքից հավայի շիրա տվող ու պրոբլեմներով հրճվող կապիկներն են, որոնք բացարձակ ոչ մի ռեալ ազդեցություն չունեն պրոցեսի վրա։

    Էս վիճակից Հայաստանը ամեն դեպքում շահած ա դուրս գալու, քանի որ իրոք առողջ ուժեր են մեջտեղ գալիս, որոնք կարան հակակշռեն իշխանություններին։ Էտ էսօր մեզ պետք ա, որ կապիկները նույնիսկ լուսանցքից դուրս մղվեն։
    Տրիբուն ջան, շատ չծավալվեմ, մենակ ասեմ, որ գրել էի «մեզնից շատերի խոհեմության պակասը», ու դրա մեջ ներառել էի թե՛ իշխանության մեջ գտնվողներին, թե՛ չգտնվողներին, շարքային քաղաքացի Չուկից մինչև երկրի վերաչապետ Նիկոլը:

    Մնացածն էլ, տեսնենք: Եթե կանխատեսումներս ճիշտ են, շատ դժվարամարսելի սիտուացիա կարա ստացվի: Հաղթահարելի, բայց դժվարամարսելի:

    Քայլ առ քայլ՝ դարից դար

    Խենթ եմ

  6. Գրառմանը 2 հոգի շնորհակալություն են հայտնել.

    Varzor (11.09.2019), Տրիբուն (11.09.2019)

  7. #155
    Պատվավոր անդամ Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    5,283
    Mentioned
    6 Post(s)
    Tagged
    0 Thread(s)
    Մեջբերում Chuk-ի խոսքերից Նայել գրառումը
    Տրիբուն ջան, շատ չծավալվեմ, մենակ ասեմ, որ գրել էի «մեզնից շատերի խոհեմության պակասը», ու դրա մեջ ներառել էի թե՛ իշխանության մեջ գտնվողներին, թե՛ չգտնվողներին, շարքային քաղաքացի Չուկից մինչև երկրի վերաչապետ Նիկոլը:

    Մնացածն էլ, տեսնենք: Եթե կանխատեսումներս ճիշտ են, շատ դժվարամարսելի սիտուացիա կարա ստացվի: Հաղթահարելի, բայց դժվարամարսելի:
    Կա տենց բան՝ խոհեմության պակաս: Վայթե համատարած ա: Ասենք էն, որ բանի անունը դրեցինք հեղափոխություն, բայց էդ բանից հետո ոչ Սահմանադրություն ա փոխվել, ոչ օրենսդրություն, ու «հեղափոխականները» «շարժվում են» տհասների գրած օրենքով, ու իբր սաղ հարցերը լուծվել են, մնացել ա Ամուլսարի թթվային դրենաժների ռիսկերի կառավարելիությունը պարզելը, լիքը խնդալու կամ լալու չափ խոհեմության պակաս ա:
    Էն դեպքում, որ՝

    ՀՀ ՔՕ Հոդված 291.

    Ընդերքի պահպանման և օգտագործման կանոնները խախտելը
    1. Լեռնաարդյունահանող կազմակերպությունների կամ օգտակար հանածոների արդյունահանման հետ չկապված ստորգետնյա շինությունների նախագծման, տեղաբաշխման, շինարարության, շահագործման հանձնելու և շահագործման ընթացքում ընդերքի պահպանման և օգտագործման կանոնները խախտելը, ինչպես նաև օգտակար հանածոների հանքավայրերի մակերեսներն ինքնակամ կառուցապատելը, եթե այդ արարքներն անզգուշությամբ էական վնաս են պատճառել՝

    պատժվում են տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:

    2. Ընդերքի օգտագործման և պահպանության կանոնների խախտմամբ կամ համապատասխան նախագծերի շեղումներով կամ առանց պայմանագրի ընդերքի օգտագործումը, որն էական վնաս է պատճառել մարդու առողջությանը, շրջակա միջավայրին, ընդերքին, դրանում պարփակված օգտակար հանածոներին, շենքերին կամ շինություններին`

    պատժվում է տուգանքով՝ նվազագույն աշխատավարձի յոթհարյուրապատիկից հազարապատիկի չափով, կամ ազատազրկմամբ` առավելագույնը մեկ տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելուց զրկելով` առավելագույնը երեք տարի ժամկետով կամ առանց դրա:
    Մի կողմ դնելով, թե ինչքան տգետ ա ձևակերպված ինքը հոդվածը (որ ասենք «թղթաբանությունով» կարելի է ամեն ինչ կարգին համարել, չնայած տված վնասին) նայենք պատժաչափին՝ ՀՀ ժողովդրին կարելի է միլիարդների վնաս տալ ու պատժվել մեկ միլիոն դրամ տուգանքով (hամաձայն «Նվազագույն աշխատավարձի մասին» օրենքի, պատժաչափերում որպես հաշվարկային հիմք դեռևս կիրառվում է 1000 դրամը):
    Ես չեմ ջոկում ինչի շուրջ ա էսքան բազարը, եթե ՀՀ-ի համար ընդերքը գրոշի արժեք չունի:
    Դժվարին հանգամանքներում ժողովրդին կարող է փրկել հերոսությունը, սակայն նրա մեծությունը որոշում է միայն մանր առօրյա առաքինությունների ամբողջությունը:
    Գյուստավ Լեբոն

  8. Գրառմանը 5 հոգի շնորհակալություն են հայտնել.

    Lion (14.09.2019), StrangeLittleGirl (14.09.2019), Varzor (14.09.2019), Ուլուանա (15.09.2019), Տրիբուն (14.09.2019)

  9. #156
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    41
    Գրառումներ
    7,885
    Mentioned
    28 Post(s)
    Tagged
    1 Thread(s)
    ՀԵՂԱՓՈԽԱԿԱՆՈՒԹՅԱՆ ՍՊԻՏԱԿՆ ՈՒ ՍԵՎԸ - Մարինե Պետրոսյան


    Ընկերներիս մի մեծ մասը՝ բնապահպաններ, ակտիվիստներ, քաղաքական նոր կուսակցությունների, մասնավորապես՝ ՔՈ-ի անդամներ, նաև պարզապես հանրային հարցերով ակտիվ հետաքրքրվողներ, կատեգորիկ դեմ են Ամուլսարի հանքի շահագործմանը, ու քանի որ էսօր Նիկոլը պարզ ասեց, որ թույլ ա տալիս հանքի շահագործումը՝ դրա բնապահպական ազդեցությունը հսկողության տակ պահելու պայմանով, ընկերներս հայտարարում են թե շարունակելու են հեղափոխությունը՝ արդեն Նիկոլի դեմ։


    Աննախադեպ իրավիճակ ա։ Ուզում եմ հասկանալ՝ ոնց ստացվեց և ինչ ա սա նշանակում։


    Էն, որ Ամուլսարի հարցում կան ընդհատակյա, չերևացող դերակատարներ՝ թե ներքին, թե գուցե նաև արտաքին, որոնք, ունենալով քաղաքական ու ֆինանսական շահեր, հմտորեն շահարկում են հարցը, իմ համար ակնհայտ ա, բայց ես չեմ ուզում էս հարցի վրա ծանրանալ։ Բնապահպանական հարցերը համարյա միշտ են առնչվում մեծ փողերի հետ, իսկ մեծ փողերի դեպքում միշտ էլ գտնվում են տակից խաղացողներ։ Բայց էդ տակից խաղը արդյունքի կհասնի էն դեպքում, եթե լինեն ուրիշ նպաստող հանգամանքներ։ Ցավոք, էս հենց էդ հանգամանքներն եմ տեսնում, և հենց էդ ա ինձ վախեցնողը։ Հենց դրա մասին եմ ուզում խոսել։


    Բնապահպան ընկերներիցս մեկը, Ամուլսարի հանքի բացմանը կատեգորիկ դեմ լինելով և տեսնելով որ Նիկոլը դրան ա տանում, վերջերս ֆեյսում գրեց, թե տակն ուրեմն կոռուպցիա կա՝ Նիկոլը կոռուպցիոներ ա դարձել։ Նման բացատրությունն իմ համար ծիծաղելի ա։ Մարդը, որի քաղաքական ամբիցիան պատմության մեջ մտնելն ա՝ Հայաստանը հզոր երկիր դարձնելու միջոցով, իսկ Նիկոլը հենց էդ մարդն ա, չի կարող առաջնորդվել կոռուպցիոն շահով։ Ուրեմն ինչո՞ւ ա Նիկոլը կողմ Ամուլսարի հանքը բացելուն։ Կարծում եմ, որովհետև գլխավոր նպատակի՝ հզոր Հայաստան կառուցելու տեսակետից դա համարում ա անհրաժեշտ, իսկ բնապահպանական ռիսկերը կարծում ա որ կկարողանա պահել հսկողության տակ։ Առողջապահության նախարար Արսեն Թորոսյանը նույնպես կողմ ա Ամուլսարի հանքը բացելուն, հենց նույն՝ ռիսկերը կառավարելի համարելու պատճառով։ Հետաքրքիր ա, որ երբ Թորոսյանը հրապարակային կարծիք հայտնեց Ամուլսարի հարցում, անմիջապես թիրախավորվեց, էդ թվում էն մարդկանց կողմից, ովքեր նրան մինչև էդ ճանաչում էին որպես ներկա կառավարության լավագույն նախարարներից մեկին։ Հետո ֆեյսում սկսեց պտտվել նախորդ տարվա հրապարակումն էն մասին, որ Բնական պաշարների նախարարության երկրաբանության բաժնի գլխավոր մասնագետ Գևորգ Թորոսյանը Ամուլսարի հանքը շահագործելու՝ Լիդիանին տրված թույլտվությունը համարում ա օրինական ու հիմնավոր, և որ նա առողջապահության նախարարի հայրն ա։ Իմ կարծիքով, էս փաստը՝ երկրաբանության մասնագետ հայր ունենալը, Արսեն Թորոսյանին Ամուլսարի հարցում դարձնում ա ավելի տեղեկացված, ուրեմն և նրա կարծիքը՝ ավելի ծանրակշիռ։ Իսկ իմ բնապահպան և ակտիվիստ ընկերներից շատերն էս փաստը հակառակ ձևով ընկալեցին, պնդելով թե ուրեմն նախարարը անձնական շահ ունի՝ Ամուլսարի բացումը պաշտպանելու։ Այնինչ մինչև էդ Թորոսյանին որպես սկզբունքային մարդ գիտեին։ Ինչո՞ւ ա էսպես, ինչո՞ւ են իմ ընկերները անմիջապես թիրախավորում, պիտակավորում հակառակ կարծիք հայտնողներին, ինչո՞ւ խոսակցությունը չի կայանում։ Որովհետև իմ ընկերները հանդես են գալիս որպես հեղափոխականներ։ Իսկ հեղափոխությունը խոսակցության տեղ չի, հեղափոխությունը սև ու սպիտակի տրամաբանության մեջ ա գործում։


    Ամուլսարի հարցը երևակեց, ակնհայտ դարձրեց էն իրողությունը, որ 2018-ի հեղափոխության մասնակիցներից շատերը էսօր բավարարված չեն դրա արդյունքերով, ցանկանում են շարունակել հեղափոխությունը։ Դա ինքնին վատ բան չի, հակառակը՝ լավ բան ա, քանի որ նշանակում ա որ Հայաստանը չի դոփի տեղում, այլ առաջ գնալու հնարավորություն կունենա։ Բայց եթե էս միտքը տեսականից իջեցնենք գործնականի և քննենք հենց էսօրվա՝ Ամուլսարի հետ կապված կոնկրետ իրավիճակում, կտեսնենք որ ակտիվացած հեղափոխականության ալիքը, հնարավոր ա, էսօր մեզ ոչ թե առաջ տանի, այլ աղետի առաջ կանգնացնի։


    Բնապահպանների վերջնական նպատակը, գլոբալ առումով, նոր աշխարհի ստեղծումն ա, որտեղ մարդն ու բնությունը ներդաշնակության մեջ կապրեն—պայծառ երազանք ա, ես կուզենայի մի օր տեսնել դրա իրագործումը, ապրել նման աշխարհում։ Ձախերի նպատակը, որոնք նույնպես շատ ակտիվ են Ամուլսարի պայքարում, սոցիալական անհավասարության վերացումն ա—պայծառ երազանք ա, ես կուզեի մի օր տեսնել դրա վերջնական իրագործումը, ապրել էն աշխարհում, ուր մարդ արարածը ազատագրված կլինի կարիքից։ Երազանքները լավ բան են, բայց իրականությունը միշտ կոնկրետ ա։ Ես երջանիկների երջանիկը կլինեի, եթե նշված երազանքների իրականացումը սկսվեր հենց Հայաստանից ու հենց էսօր, բայց ես գիտեմ որ դա հնարավոր չի, հնարավոր կդառնա միայն էն ժամանակ, երբ Հայաստանը տնտեսապես զարգացած երկիր դառնա։ Ու երբ հնչում ա փաստարկ, թե Ամուլսարի հանքի աշխատանքների կասեցումը, երբ դրա համար իրավական հիմքեր չկան, կարող ա մեզ տնտեսական մեծ վնաս հասցնի՝ Հայաստանից վանելով ապագա պոտենցիալ ներդրողներին, և ի պատասխան էս փաստարկի իմ ընկերների կողմից հնչում ա հեգնանք ու քմծիծաղ, ես հասկանում եմ որ մեր երկրում վտանգավոր բան ա կատարվում, որ հեղափոխականության տրոփուն ներվը իմ ընկերներին վտանգավոր ուղղությամբ ա տանում։


    Ես ծնվել եմ Սովետական Միությունում, քաջ գիտեմ աշխարհի մեծագույն երազանքներից մեկի ձախողման արյունոտ պատմությունը։ Մարքսն ասում էր՝ կոմունիստական հեղափոխությունը պետք ա սկսել զարգացած կապիտալիստական երկրներից։ Լենինն ու ընկերները դա շատ լավ գիտեին, և նույնքան լավ գիտեին նաև, որ Ռուսաստանը զարգացած երկիր չի, դեռ նոր նոր ա ոտքերը կապիտալիզմի սայլակի մեջ դրել։ Գիտեին, բայց շատ էին ուզում կոմունիստական հեղափոխությունը հենց իրանք, հենց Ռուսաստանում անեին։ Ամեն գնով։ Եվ արեցին։ Գինն էլ միլիոնավորների արյունն էր։ Արդյունքն էլ ոչ միայն ձախողումն էր, այլև կոմունիստական երազանքի հիմնովին վարկաբեկումը։


    Ինչո՞ւ պատմեցի սա։ Որ բնապահպան և ձախական ընկերներիս ասեմ՝ հեղափոխականության վեկտորը սովորաբար դեպի ապագան ա ուղղված լինում, դեպի առաջ, բայց կոնկրետ իրականության մեջ, կախված կոնկրետ քաղաքական իրավիճակից, անզիջում հեղափոխականությունը կարող ա երկիրը դեպի առաջ տանի, կարող ա՝ հետ։ Եթե ձեր համար անընդունելի ա Ամուլսարի հանքը բացելու՝ Հայաստանի վարչապետի որոշումը, եթե ձեր համար անընդունելի ա ներկա կառավարության՝ հիմնականում աջական քաղաքականությունը, դիրքավորվեք որպես արմատական ընդդիմություն, բարձրացրեք ձեր կուսակցության, ձեր գործիչների վարկանիշը, հաջորդ ընտրություններում փորձեք մտնել պառլամենտ, գուցե մի օր էլ ստանաք մեծամասնության քվեն, որպեսզի իրագործեք ձեր ամենահամարձակ ծրագրերը։ Բայց էսօր՝ ձեր անհամաձայնությունը վարչապետի հետ մի՛ էսկալացրեք մինչև բախում։ Կարծում եք թե 2018-ի հեղափոխությունը կիսա՞տ ա մնացել, ուզում եք շարունակե՞լ հեղափոխությունը, ավելի առա՞ջ գնալ։ Շատ լավ ա, հոյակապ ա, հասունացրեք էն իրավիճակը, երբ մի օր կկարողանաք շարունակե՛լ հեղափոխությունը։ Էսօր էդ իրավիճակը չի։ Ամուլսարի հարցում ձեր անհամաձայնությունը էսկալացնելով մինչև բախում, դուք չե՛ք շարունակում հեղափոխությունը, հակառակը՝ հայաստանցիների մեջ վերականգնելով ջղայնության, թերահավատության, հոռետեսության, «թողեմ գնամ ստեղից» տրամադրությունները, որոնցից 2018-ի հեղափոխությամբ հազիվ էինք ազատվել, դուք Հայաստանը փաստորեն վերադարձնում եք հետ՝ դեպի սերժական ժամանակներ։

    Աղբյուր՝ https://www.marinepetrossian.com/hy/amulsar
    artak.am De gustibus et coloribus non est disputandum.

  10. Գրառմանը 1 հոգի շնորհակալություն է հայտնել.

    Գաղթական (15.09.2019)

  11. #157
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Կոպենհագեն
    Տարիք
    32
    Գրառումներ
    23,991
    Բլոգի գրառումներ
    17
    Mentioned
    29 Post(s)
    Tagged
    0 Thread(s)
    Մարինեն լրիվ իրականությունից կտրված տեքստ ա գրել։ Նիկոլենք ու իրենց թիմը բնապահպանների հետ չի ուզում երկխոսել, անընդհատ մանիպուլացնում ա հասարակությանը ու էլի լիքը տենց բաներ։ Հեսա մի ֆեյսբուքյան պոստ էլ ես գտնեմ, որ հենց դրան ա լավ անդրադառնում։
    Իսկ Ամուլսարի շահագործման դեմ հենց պետք ա սենց արմատական տրամադրվել, որովհետև Թեղուտի պատմությունն ուզում են կրկնել։ Թեղուտի ժամանակ էլ էին կառավարելի ռիսկերի մասին լոլոներ կարդում։ Իսկ հիմա, երբ ռիսկերի կառավարման ոչ մի գրավոր երաշխիք չկա, բացի Լիդիանի կերած բանավոր երդումից, Մարինե Պետրոսյանն ու Նիկոլն ուզում են մեզ համոզել, թե ռիսկերը կառավարելի են։

  12. Գրառմանը 2 հոգի շնորհակալություն են հայտնել.

    Lion (14.09.2019), Varzor (14.09.2019)

  13. #158
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Կոպենհագեն
    Տարիք
    32
    Գրառումներ
    23,991
    Բլոգի գրառումներ
    17
    Mentioned
    29 Post(s)
    Tagged
    0 Thread(s)
    Գայանե Շագոյանի գրառումը ֆեյսբուքից

    Շատ լավ բացատրում ա, թե ինչ ա կատարվում հիմա ու ինչու են մի խումբ հեղափոխականներ սենց շատ սուր նոր իշխանությունների դեմ դուրս եկել։

    Lusine Kharatyan-ի պատին մի քննարկում սկսվեց Ararat Mirzoyan-ի հետ միասին, թե արդյո՞ք Ամուլսարի հետ կապված այսօրվա քննադատողներս արդեն ունենք նախադրամադրվածություն իշխանության դեմ, թե՞ մեր դիրքորոշումը արդարացված է և որքանով ենք երկուստեք պատրաստ քննարկել ան/վստահության խնդիրը: Քանի որ Լուսինեի մոտ քոմենթների ֆորմատը հնարավորություն չէր տալիս ամբողջական տեղադրել տեքստս, փորձեմ դա անել առանձին ստատուսի ձևով:

    Պատաասխանելով նախ Lusine Kharatyan-ին: Ես ինձ չեմ բռնացնում ՆԱԽԱՏՐԱՄԱԴՐՎԱԾՈՒԹՅԱՆ վրա, չունեմ այդպիսինը: Այն ինչ ունեմ կանվանեի վստահության կորուստ: Ես ի վիճակի եմ գնահատել և լավը, և վատը, և նույնիսկ ստեղծված պարագայում շատ հարթակներում շարունակում եմ պաշտպանել, փորձում եմ հասկանալ մարդկանց, ում հիմա տեսնում եմ հակառակ ճամբարում: Այո, արդեն կան ճամբարներ, և մենք տարբեր կողմերից ենք հայտնվել: Օգոստոսի 19-ը դա ուղղակի ոստիկանության ինչ-որ գործողություններ չէին, դա փակ փողոցն էր, փակ դռները և լսելու ցանկության բացակայություն: Այնտեղ չթողեցին հնչեցնել այն, ինչը հետո հնչեց ԷԼԱՐԴ-ի հետ սկայպում: Մեզ լսելի դարձնելու համար ստիպված էինք մեքենաների դեմ դուրս գալ, որովհետև Նիկոլը մինչև "քննարկումը" արդեն որոշել էր, դա պարզ էր՝ փակ փողոցից, փակ դարպասներից, ոստիկանների քանակից ևն: Կարիք չկար նույնիսկ իրեն լսել, որ դա հասկանայինք: Սա նախատրամադրվածություն չէ, սա մանթրաժ էր, սա մեզ բոլորիս համար մի մեեեեեեծ սյուրպրիզ էր և, այո, վստահության կորուստ, ոչ թե որ ծեծվեցինք կամ բաժիններ տարվեցին (առաջին անգամը չէ), այլ որովհետև նախապես էր որոշված չխոսել հակառակ կողմի հետ և անել "քննարկման" իմիտացիա, ու դա "սերժիկի լեզուն" էր: Չգիտեմ, "Իմ քայլը" երբևէ կհասկանա՞ թե ինչ արեց օգոստոսի 19-ին: Ինչևէ, դա մեր երկուստեք պարտությունն էր, ավելին՝ դա հեղափոխության պարտությունն էր:

    Ararat Mirzoyan ջան, ուզում եմ լինել չափազանց անկեղծ, կարող է դուրդ չգա այն ամենն ինչ կգրեմ, բայց ես գտնում եմ, որ, այսպես ավելի շատ օգնած կլինեմ ձեր իշխանությանը, ուրիշը չունեմ ու դեռ չեմ տեսնում այլընտրանքը, թեև մոտեցել եք շատ վտանգավոր կետի, այն կետին, որտեղ ձեր հնչեցրած ինչ-որ տոկոսների աճ ու նոր թվեր այլևս նշանակություն չունեն (որովհետև դրանց գինը Ամուլսարն է, օնկոլոգիայի հաշվին սրտի ձրի ստենդավորում` մոտավորապես այսպիսի տրամաբանությամբ): Կարող է, ես սխալվում եմ, բայց իմ դիտանկյունից դա այդպես է երևում, և այս դիտանկյունը հաստատ տարբերվում է ազգային ժողովում կամ կառավարությունում հայտնվածների տեսակետից: Ենթադրում եմ, որ այդտեղից այնքան էլ այս սահմանային վիճակը չի երևում, ես դա անվանում եմ "закукливание властей": Դա ոչ թե հաճոյախոսելու խնդիրն է, այլ տրամադրությունները չզգալու, ձեր միջավայրից դուրս եղած մարդկանց չլսելու և չհասկանալու: "Անգրագետ Պողոսը" լեզվի սայթակում չէ, դա դիագնոզ է, նախ՝ խմբակցության, ապա՝ ողջ իշխանության: Սա ցանկացած իշխանությանը ուշ թե շուտ վրա հասնող հիվանդություն է, որը քաղցկեղի նման անտեսանելի է մինչև այն պահը, երբ արդեն ուշ է լինում որևէ բան ձեռնարկել: Ի դեպ, քո տեղը, այն վրա տվող կանանցից ես ոչ թե կնեղենայի,կնեղվեի, այլ կփորձեի հասկանալ ինչու, այդ ի՞նչ սիմպտոմ է, ի՞նչ է փոխվել, որ ես չեմ կարող նույնիսկ դուրս գալ այն մարդկանց մեջ, ովքեր ինձ հետ հեղափոխություն են արել: Այնտեղ հավաքվածները ոչ միայն քո հետ քայլող, փողոց փակող, այլև հեղափոխական հարթակներից խոսողներն ու ստրատեգիա մշակողներն էին: Ի՞նչ եղավ այդ մարդկանց հետ, դա նախատրամադրվածություն չէ, դա վստահության կորուստ է, դա լեգիտիմության կորուստ է: Եվ ձեզ պիտի հենց դա մտահոգի:

    Ի՞նչ եղավ, որ այսքան կարճ շրջանում ձեր այդ ահռելի ջանքերի դիմաց մարդիկ սկսում են կորցնել ձեր թիմի հանդեպ հավատը: "Մարդիկ անշնորհակալ են" ձևակերպումը չի բացատրում, այլ քողարկում է պատճառները: Խորհուրդ չէի տա դրանով ինքնասփոփվել: Սա ռեյտինգ իջնելու մասին էլ չէ, դա բնական է, շատերը կարող էին ունենալ ավելի բարձր սպասումներ և հիասթափվել, բայց սա վստահության կորստի մասին է, ընդ որում այն խմբում, որը ձեզ հետ մշակում էր նոր երկրի տեսալականը, ապրումակցում էր, ըմբռնումով էր մոտենում, իրեն ձեզ հետ էր նույնացնում և ձեր հասցեին հնչեցված քննադատությունը ընդունում իր հասցեին, քանի որ ինքը հեղափոխություն անողն էր ու այդ պատճառով պատաստախանատու է նաև ձեր արածի համար:
    2018 թ. դեկտեմբերյան ընտրություններն ազատ էին, անկախ, բայց ոչ մրցակցային, քանի որ շտապողականությունը թույլ չտվեց ոչ միայն ձևավորելու նոր կուսակցություններ կամ վերադասավորել եղածները, այլև "ՔՊ"-ին կայանալ որպես մեծամասնությանը հավաքնող ուժի: Եռյակներով պոտենցիալ դեպուտատ ընտրելու նվաստացուցիչ գործընթացը դրա ապացույցներից էր: "Իմ քայլի" 80 պատգամավորները հայտնվեցին խորհրդարանում հիմնականում ի հաշիվ Նիկոլի հանդեպ "սիրո և վստահության" (ավաղ, ոչ ծրագրային դրույթների): Ու պատգամավորներն անընդհատ հիշում են թե ում հաշվին են հայտնվել խորհրդարանում: Ես չգիտեմ ինչ իրավիճակ է ձեր ֆրակցիայի ներսում կամ առանց գաղափարախոսության կուսակցությունում (սա հեգնանք չէ, սա ձեր հնչեցրած դիրքորոշումն է գաղափարախոսության հարցում՝ «առանց իզմերի կուսակցություն»), բայց այս Ազգային ժողովը, ինչպես տեսնում ենք, որը ոչ միայն պիտի օրենքներ ընդունի, այլև վերահսկի կառավարության աշխատանքը, ի վիճակի չէ դա անել, քանի որ իրեն պարտական է զգում միայն Նիկոլին: Գիտեմ, կասես այդպես չէ, բայց այդպես եք ձեզ պահում, կողքից այդպես է երևում: Ամուլսարը ապացուցեց, որ քաղաքացիների շահերի պաշտպանը (թե Նիկոլը, թե խորհրդարանը) իրականում ոչ թե իրենց, այլ մեծ կորպորացիաների շահն է պաշտպանում: Հիմնավորումը՝ թե ինքը օրենքն է պաշտպանում, ծնում է դրանից բխող տրամանբանական հարցը՝ ինչու՞ միայն այն օրենքը, որը պաշտպանում է կորպորացիան և ոչ այն օրենքները, բազմաթիվ օրենքներ, որ կան և կոչված են պաշտպանելու քաղաքացուն: Ո՞վ պիտի Նիկոլին տար այդ անհարմար հարցերը, որոնք տալիս էր յուրաքանչյուր քաղաքացի էկրանի առաջ: Խորհրդարանում չգտնվեց գետ մեկ պատգամավոր, որ իրեն պարտավորված զգար դա անել, հանրային անել, սա շատ կարևոր է: "Անվերապահ աջակցելով" վարչապետին՝ վնասում եք երկրի ինստիտուտների կայացմանը ու վնասում եք նաև այդ իմաստով վարչապետության ինստիտուտը, վտանգում եք հեղափոխությունը, այն դեռ չի ավարտվել, մինչև իշխանության երեք անկախ թևերը չձևավորվեն, չենք կարող խոսել հեղափոխության հաջող ավարտի մասին: Ազգային ժողովի բակում հավաքվածները չեն ստանում իրենց հարցերի ողջամիտ պատասխանը: Ավելին՝ իրենց հարցերը ձեր ամբիոնից նույնիսկ չեն հնչեցվում, քանի որ դրանց պատասխանները Նիկոլն ու կառավարությունը չունեն, քանի որ դրանց միակ ողջամիտ պատասխանը եղած ՇՄԱԳ-ը ուժը կորցրած ճանաչելն է՝ դիմադրելով ԱՄՆ և Անգլիայի դեսպանատների ճնշումներըին ու, միգուցե, էլի ինչ-որ բաներին, որոնց մասին չեք ասում: Չգիտեմ, քանի որ այդ հարցերը ձեր ամբիոնից չեն հնչում: Ու դա նրանից է, որ այս Ազգային ժողովը չի վերահսկում գործադիրի քայլերը, այն դեռ "Նիկոլի թիմի" կարգավիճակում է: Նման դիրքավորումը ձեր կուսակցության դեմ է աշխատում, քանի որ կուսակցությունը դառնում է միայն Նիկոլը, սա կառավարման համակարգի դեմ է, քանի որ ծնում է միանձնյա իշխանություն: Բոլոր բռնապետերը սկզբից շատ սիրված հեղափոխականներ են լինում, չեմ ասում, որ մենք դրան ենք հասել, բայց կան բոլոր նախադրյալները, իսկ երբեմն էլ՝ լուրջ նշաններ: Այսպես են տեսնում իրավիճակը ձեզ սատարողները:

    Նիկոլի մենախոսությունները, որ ինքը անվանում է զրույց, դրա լավագույն ապացույցն են: Նույնը ազգային ժողովում է: Ձեզ, միգուցե, թվում է, թե դուք զրուցում եք, բայց դուք մենախոսում եք կամ զրուցում եք միայն վարչապետի հետ, ավելի շուտ նրա համար: Եվ դրա պատասխանատուները Նիկոլի ամենամոտ շրջապատն է, դրա պատսախանատուները դուք եք:
    Ամուլսարի հետ կապված՝ մինչև ԷԼԱՐԴԻ սկայպը և դրա արդյունքների անհասկանալի (!) անտեսումը, ձեր պատգամավորների զգալի մասը ոչ թե քաղաքացուն էին դիմում, այլ "անվերապահ աջակցում էին" վարչապետին, իրենց համար կարևոր էր միայն իր կարծիքը: Իսկ այդ պահին, ինչպես հետո նաև ապացուցեց ԷԼԱՐԴԻ հետ սկայպը վարչապետը ուղղակի կամ մոլորված էր իր անվերապահներով, կամ մոլորեցնում էր ձեզ ընտրողներին: Երկուսն էլ սարսափելի է, բայց երրորդը չկա:

    Արդյունքում լինում է "Ամուլսար շարժում", որը ստեղծում է մի ընդհանուր ճակատ՝ ծայրահեղ աջերից մինչև ծայրահեղ ձախեր, որովհետև մարդիկ այս հարցում տեսնում են գոյատևման խնդիր և մնացած հարցերը այս ֆոնին դառնում են երկրորդական: Մի բան, որ չի տեսնում Նիկոլն ու իր թիմը՝ և Ազգային ժողովում, և կառավարությունում, կամ չտեսնելու է տալիս: Նիկոլին, կարող է, թվում է, որ իր մենախոսությունը բավարար փաստարկված է և այն ավելի համոզիչ է, քան ԷԼԱՐԴ-ի, մինչ այդ Բրոնոզյանի հրավիրված լավագույն մասնագետների, նույնիսկ Շրջակա միջավայրի կամ բնապահպանական և իրավաբանական հարցերով տարիներ զբաղվող մասնագետների, Գիտությունների ազգային ակադեմիայի գիտնականների ևն փաստարկները (այլ ոչ թե "դուք խոստանու՞մ եք որ ոչ մի գրամ..."): "Անգրագետ Պողոսները" իրականում կարդալ գիտեն, նրանք հավատացին Նիկոլին և հիմա վստահ են, որ սա իրենց երկիրն է, և իրենք իրավունք ունեն ազդելու որոշումների կայացման վրա: Իսկ իր տնից քշվող ջերմուկցին նահանջելու տեղ չունի, քանի որ "անգրագետ Պողոսից" կարող է դառնալ "Պոպլավոկի Պողոս Պողոսյան": Այս ասոցիացաներն առաջանում են, որովհետև ազգային ժողովը ոչ մի նիստում, ոչ մի հարցով չի բարձրաձայնում այս մարդկանց տեսակետը: Քանի՞ պատգամավոր է գնացել տարուց ավել էքստրեմալ պայմաններում սար պահող մարդկանց մոտ, այն մարդկանց ում աշխատանքն ու առողջությունը պատրաստ եք կորպորացիային մատաղ անել: Ո՞վ է այս մարդկանց շահերը պաշտպանում Ազգային ժողովում, քանի՞ հարց հնչեց Նիկոլին հարցուպատասխանի ժամանակ իր այն լայվից հետո, երբ ինքը խնդրեց, "Հարգելի ջերմուկցիներ, խնդրում եմ, գնացեք մեռեք": Սա իմ բառերը չեն, սա ջերմուկցիների ձևակերպումն է, սա նրա մասին է, թե ինչ են այս մարդիկ լսում Նիկոլի լայվերից, իր խոսքը այլևս "անվերապահ" չէ, ինչը շատ լավ է, դժվար իր համար, բայց շատ ավելի լավ, քան նախկին անվերապահ վիճակը,որը հիմա մնացել է միայն կառավարությունում և խորհրդարանում: Սա Նիկոլի դեմ չէ, սա ադեկվատ և հավասարակշռված, փաստարկված որոշում կայացնելու նախապայման է: Մարդկանց այդպիսին դարձրեց ոչ թե ռոբա-սերժական քարոզը, մի փորձեք պարզեցնել իրական ընթացքը, նրանք պարզապես ապրում են հանքից 6 կմ հեռավորության վրա, իսկ ոմանք՝ գրեթե հանքում, և Լիդիանի «իդեալական» ՇՄԱԳ-ի ազդեցությունը արդեն են զգացել, այնքան, որ վարչապետի այցելությունը ունեցավ 0 էֆեկտ: Նա չէր գնացել լսելու, գնացել էր համոզելու, չէր գնացել իրենց շահերը պաշտպանելու, գնացել էր Լիդիանի հաջողության համար իր կորուստները գնահատելու: Գնահատականը՝ բաց սկայպն էր: Քանի՞ պատգամավոր գնաց ջերմուկցիների հավաքին, որ միանգամից ունեցան Նիկոլի տխրչահռչակ լայվից հետո: Ի՞նչ նեղություն, մեկ է "անգրագետ պողոսներ են", չէ որ դուք իրենցից լավ գիտեք թե իրենց ինչպես է ավելի հարմար մահանալ: Նիկոլն է իրենց հանդիպում, Նիկոլն է մեկնաբանում իրենց ասածը, Նիկոլն է իրենց պատասխանում, Նիկոլն է որոշում, Նիկոլն է պատվիրում, Նիկոլն է գործ բացում, Նիկոլն է գործ փակում և այսպես շարունակ: Ազգային ժողովում քաղաքացիների շահերը ներկայացնող գոնե մեկ պատգամավոր կա՞:

    ԷԼԱՐԴ-ի հետ սկայպից հետո և Իվանյանի հետ կապված բացահայտումներից հետո Ազգային ժողովի ոչ մի պատգամավոր հարց չունե՞ր տալու այդ կապակցությամբ Նիկոլին, Քննչական տեսչությանը՞, Շրջակա միջավայրի նախարարությանը՞: Իր համար չուներ, դե երևի Նիկոլը հավաքել ձեզ բոլորիդ բացատրել էր, բայց հասկանու՞մ եք, չէ՞, որ ձեզ պատվիրակած մարդիկ մնացին անպատասխան: Նորից, Նիկոլի լայվերը այդ հարցերի պատասխանները չեն տալիս, դրանք ավելի շուտ այդ հարցերից խուսափելու մաստեր-կլասեր են: Թող լինի իմ սուբյեկտիվ կարծիքը, կարդացեք այդ լայվերի տակ այսօր գրվող մեկնաբանությունները և կտեսնեք, որ ես մենակ չեմ, մենակ չեմ:

    Ի՞նչ է լինում այն երկրների հետ, որոնց խորհրդարանները չունեն իրական և ազդեցիք ընդդիմադիր ուժ, որը կապահովեր այլ կարծիքի ներկայությունը հանրային քաղաքական դաշտում: Այդտեղ հասարակությունները ռադիկալանում են, դրսում են հայտնվում այն խմբերը, որոնք խորհրդարանում ներկայացված չեն: Ձեզ ընտրողները այսօր խորհրդարանում այլևս ներկայացված չեն, նրանց կարծիքն ու տեսակետը ներկայացված չէ ձեր քննարկումներում: Արդյո՞ք հիմա դուք ունեք այդ մեծամասնությունը:

    շարունակելի

  14. Գրառմանը 4 հոգի շնորհակալություն են հայտնել.

    Lion (14.09.2019), Varzor (14.09.2019), Ուլուանա (15.09.2019), Վիշապ (14.09.2019)

  15. #159
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Կոպենհագեն
    Տարիք
    32
    Գրառումներ
    23,991
    Բլոգի գրառումներ
    17
    Mentioned
    29 Post(s)
    Tagged
    0 Thread(s)
    շարունակություն

    "Իմ քայլի" առաջ որպես անցումային խորհրդարանի մեծամասնության, դրված է անմարդկային խնդիր՝ լինել նաև ընդդիմադիր: "Ընտրողի հետ կապ չընդհատել" ի թիվս այլոց նշանակում է նաև լինել տարբեր խնբերի հավաքներին, նույնիսկ ձեր կարծիքից տարբերվող հավաքներին և նախևառաջ այնտեղ, դուք պատասխանատու եք այդ մարդկանց համար և առջև: Բայց ամենակարևորը, դուք այդ դիրքորոշումը պիտի հնչեցնեք Ազգային ժողովի ամբիոնից, և ձեր գործառույթների և պարտականությունների մեջ է կառավարությանը անհարմար հարցեր տալ, պահանջել հստակ պատսախաններ, Նիկոլի "կռուտիտ"-ները ռացիոնալ և հետևողական հարցադրումներով հասցնել իրական դիրքորոշման պարզեցմանը, Ազգային ժողովը դարձնել մտքերի բախման հարթակ, այլ ոչ թե փակ դռների ետևում մեծամասնության հետ չհամաձայնողներից մանդատ հավաքելն ու ճամփու դնելը: Միգուցե "Իմ քայլին" թվում է, որ իր միաձայն ներկայացչությունը դա թիմի կայացման գրավականն է, բայց մինչև նոր սահմանադրության ընդունումը երկրի և խորհրդարանի կայացման միակ հնարավոր ճանապարհը անկախ պատգամավոր ունենալն է: Մարդիկ ավելի քիչ փողոց դուրս կգան, եթե իրենց տեսակետը հնչի ձեր ամբիոնից, բայց այնքան ժամանակ, որքան ձեզ հետ չհամաձայնողները կմարգիլանացվեն, կդառնան "սև", "պիցցա ուտող" և այլն, այդքան կշատանան փողոց փակողները: Սա այնքան պարզ բանաձև է, որ կարծում եմ, դուք էլ շատ լավ գիտեք, բայց Նիկոլի հետ չհամաձայնվելը ձեզ ավելի սարսափելի է թվում, քան հեղափոխությունը տապալելը:
    Լավ արեցիր, որ իջար հավաքվածների մոտ, ճիշտ արեցիր, բայց դա ողորմություն չէր, հուսամ, այդպես չես մտածում, դա տարրական պատասխանատվություն է և պարտավորություն, ոչ թե գրված, այլ բարոյական պարտավորություն: Ազգային ժողովի խոսնակը իջել է Ամուլսարով քուն ու դատար չունեցող, օրուգիշեր այս խնդրի հետ կապված դուռ ու պատուհան ծեծող, նույնիսկ վարչապետի հետ հանդիպումներին գնացող ժողովրդի մոտ և հարցնու՞մ է՝ ի՞նչ նպատակով եք հավաքվել: Ֆորմալ առումով ճիշտ հարց է, երևի, բայց ինչպես տեսնում ես, ֆորմալ կողմը չեմ պահում, անկեղծ և ըստ էության եմ փորձում խոսել: Կարծում ես, ադեկվա՞տ հարց է այս պարագայում, երբ ձեր թիմը պիտի լիներ այս մարդկանց հետ, գոնե այն թևը, որ մինչև հեղափոխություն այս մարդկանց կողքին էր և սերժի օրով նույնպես պայքարում էր Ամուլսարի շահագործման դեմ: Այսպես են "կտրվում ժողովրդից"՝ գալիս հարցնում են ինչի՞ եք հավաքվել:
    Նիկոլի ասած, որ եթե դուք մեզ ընտրել եք, վստահեք, կարիք չունեք փողոց փակելու, քանի որ մենք ձեր իշխանությունն ենք, առ ոչինչ է, որովհետև մարդիկ իրենց փաստարկված հարցերը չեն լսում ազգային ժողովի հարթակից, նրանք այլևս ներակայացված չեն այդ խորհրդարանում:

    Դուք պիտի անեք անհնարինը, սպանեք ձեր մեջ "Նիկոլի պատգամավորին", դուք նրա վերահսկողն եք, և վստահ եմ, որ դուք էլ եք տեսնում նրա բազմաթիվ սխալներ, բայց փոխարենը քննադատելու, նրան զսպելու, նա է գալիս խորհրդարան և ձեր վրա մատ թափ տալիս: Եվ դուք ոչ միայն դա հանդուրժում եք, այլև վախենում եք, այո վախենում եք հնչեցնել որևէ հարց, որն իրեն դուր չի գա: Սա այն տպավորությունն է, որ քաղաքացին ստանում է ձեր ազգային ժողովի նիստերից: Եզրակացությունը. չունենք անկախ օրենսդիր մարմին, սա ամենակարևոր ինստիտուտի և ժողովրդավարության կայացման նախապայմանի ձախողումն է:

    Կներես, որ այսքան երկար էր, սրա կրկնակիից եմ կրճատել և դեռ շատ ասելիք ունեմ, բայց Ազգային ժողովում լսելու պատրաստ մարդ չեմ տեսնում: Այս ամենը շատ մեծ ցավով եմ գրում: Չգիտեմ որքան հաճախ ես ապրել հիասթափություն և հուսահատություն, բայց դա այն է, ինչ զգում են 2018-ի փողոց փակողները:

  16. Գրառմանը 4 հոգի շնորհակալություն են հայտնել.

    Lion (14.09.2019), Varzor (14.09.2019), Ուլուանա (15.09.2019), Վիշապ (14.09.2019)

  17. #160
    Բարև
    Տրիբուն-ի ավատար
    Գրանցման ամսաթիվ
    17.05.2008
    Հասցե
    Երևան
    Գրառումներ
    14,856
    Բլոգի գրառումներ
    2
    Mentioned
    25 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    ՀԵՂԱՓՈԽԱԿԱՆՈՒԹՅԱՆ ՍՊԻՏԱԿՆ ՈՒ ՍԵՎԸ - Մարինե Պետրոսյան


    Էն, որ Ամուլսարի հարցում կան ընդհատակյա, չերևացող դերակատարներ՝ թե ներքին, թե գուցե նաև արտաքին, որոնք, ունենալով քաղաքական ու ֆինանսական շահեր, հմտորեն շահարկում են հարցը, իմ համար ակնհայտ ա, բայց ես չեմ ուզում էս հարցի վրա ծանրանալ։
    Էս արտաքին-ներքին, ընդհատակյա, ստորջրյա դերակատարներ, անվտանգության հարցեր ․․․․ 30 տարի լսել ենք, ոչ մի նոր բան չկա։ Հենց իշխանությունները ուզում են մի բան սղցնեն վրեքս, միանգամից ․․․ դուք չգիտեք, ազգային անվտանգություն կա, քաղաքականություն, ներքին-արտաքին, բան-ման։ Ախպեր, ասեք իմնանք, էտ ի՞նչ ռիսկերի առաջ ենք կանգնում մի չմո հանքի շահագործումը թույլ չտալով, որ ազգովի ու լեգիտիմ, ընտրված, չկոռումպացված իշխանություններով չենք կարողանալու դեմն առնել։ Կարող ա, որ ասեք, մենք էլ ազգովի խելոքանանք, ասենք, ախպեր, ճիշտ եք ասում, վարյանտ չկա, էկեք էս անտեր հանքը շահագործենք, մենակ չկործանվենք։ Բայց դնել ու ասել, ոչ մի իրավական հիմք չկա շահագործումը թույլ չտալու համար ու անկառավարելի ռիսկեր կան ․․․․ դե կներեք, չի անցնում։

    Ու վաբշե, նոր Ամուլսարի երթն եմ նայում, ու շատ էլ ուրախանում եմ, որ մենք լիքը սկզբունքային ջահելություն ունենք, որը պահանջներ ունի ու դնում ա իշխանությունների առաջ։ Ղլբաշների առաջ չի դնում, թալանչի գռեհիկների առաջ չի դնում։ Դնում ա իրա ընտրված իշխանությունների առաջ, ու էտ շատ լավ ա։ Երևանը առանց երթերի ու մի բան պահանջելու պատկերացնելը մի քիչ տխուր ա

  18. Գրառմանը 4 հոգի շնորհակալություն են հայտնել.

    StrangeLittleGirl (14.09.2019), Varzor (14.09.2019), Ուլուանա (15.09.2019), Վիշապ (14.09.2019)

  19. #161
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    41
    Գրառումներ
    7,885
    Mentioned
    28 Post(s)
    Tagged
    1 Thread(s)
    1. Ես մի քանի մասնագետի կարծիք եմ հանդիպել, որոնք նշում են, որ Լիդիանի տեխնոլոգիաները մի քանի գլուխ բարձր են Հայաստանում գործող հանքերից։
    Հակառակը չեմ ասի, թե չկան, բայց չեմ հանդիպել։ Մենակ Բյուրի դրած տեքստի պես ջուր ծեծոցի, առանց տեխնոլոգիային կամ ընկերությանը վերաբերող փաստերի։

    2. Էս պահին գործող մետաղի հանքերը բոլորը ունեն փոչամբարներ, որոնցում տարեկան տոննաներով թույն ա հավաքվում։ Ու դրանց դեմ «կանաչները» տարիներով պայքարում են, առանց որևէ արդյունքի։ Իրանց տեսանյութերը նայում ես, լրիվ «мы все умрем» վիճակ ա։

    3. Լիդիանը չի ունենալու փոչամբար, ունենալու ա աննախադեպ անվտանգության համակարգեր (Էլարդը նշել ա կոնկրետ 16 համակարգ)։ Որպես նորմալ գործընկեր ինքը գյուղացիներից գնել ա հողերը շատ լավ գներով, ու նույնիսկ որոշ սոցիալական ծրագրեր ա ֆինանսավորել, ինչը իրան էլի բնութագրում ա որպես վստահելի գործընկեր։

    Այսինքն էս պահին միակ բողոքն էն ա, որ «կառավարությունը չի կարանալու վերահսկի» ու հերթական «Мы все умрем»։

    Ընդ որում, ես վստահ եմ, որ եթե պայմանագիրը կնքված չլիներ, ամենայն հավանականությամբ էս կառավարությունը չէր էլ կնքի, որտև Նիկոլը պոպուլիստ ա, ու դեռ չի կարում դիմի կտրուկ քայլերի։ Նույնիսկ էս Ամուլսարի որոշումը, որ ակնհայտ ա, իրա անձնական որոշումն ա, չի կարում միանգամից հայտարարի։

    Բայց պայմանագիրը վաղուց կնքված ա, որոշումը կայացած ա, հանքն էլ գործելու ա։
    artak.am De gustibus et coloribus non est disputandum.

  20. #162
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Կոպենհագեն
    Տարիք
    32
    Գրառումներ
    23,991
    Բլոգի գրառումներ
    17
    Mentioned
    29 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    1. Ես մի քանի մասնագետի կարծիք եմ հանդիպել, որոնք նշում են, որ Լիդիանի տեխնոլոգիաները մի քանի գլուխ բարձր են Հայաստանում գործող հանքերից։
    Հակառակը չեմ ասի, թե չկան, բայց չեմ հանդիպել։ Մենակ Բյուրի դրած տեքստի պես ջուր ծեծոցի, առանց տեխնոլոգիային կամ ընկերությանը վերաբերող փաստերի։

    2. Էս պահին գործող մետաղի հանքերը բոլորը ունեն փոչամբարներ, որոնցում տարեկան տոննաներով թույն ա հավաքվում։ Ու դրանց դեմ «կանաչները» տարիներով պայքարում են, առանց որևէ արդյունքի։ Իրանց տեսանյութերը նայում ես, լրիվ «мы все умрем» վիճակ ա։

    3. Լիդիանը չի ունենալու փոչամբար, ունենալու ա աննախադեպ անվտանգության համակարգեր (Էլարդը նշել ա կոնկրետ 16 համակարգ)։ Որպես նորմալ գործընկեր ինքը գյուղացիներից գնել ա հողերը շատ լավ գներով, ու նույնիսկ որոշ սոցիալական ծրագրեր ա ֆինանսավորել, ինչը իրան էլի բնութագրում ա որպես վստահելի գործընկեր։

    Այսինքն էս պահին միակ բողոքն էն ա, որ «կառավարությունը չի կարանալու վերահսկի» ու հերթական «Мы все умрем»։

    Ընդ որում, ես վստահ եմ, որ եթե պայմանագիրը կնքված չլիներ, ամենայն հավանականությամբ էս կառավարությունը չէր էլ կնքի, որտև Նիկոլը պոպուլիստ ա, ու դեռ չի կարում դիմի կտրուկ քայլերի։ Նույնիսկ էս Ամուլսարի որոշումը, որ ակնհայտ ա, իրա անձնական որոշումն ա, չի կարում միանգամից հայտարարի։

    Բայց պայմանագիրը վաղուց կնքված ա, որոշումը կայացած ա, հանքն էլ գործելու ա։
    1. Լիդիանը չունի հանքարդյունաբերության փորձ
    2. Անվտանգության «աննախադեպ» համակարգեր համաշխարհային հանքարդյունաբերության մեջ չկան
    3. Էդ «աննախադեպ» համակարգերի մասին Թեղուտի ժամանակ էլ էին ասում։
    4. Մեջբերածս գրառումը ջուրծեծոցի չի, այլ ամբողջն էն մասին ա, որ կառավարությունն ու ԱԺ֊ն հրաժարվում են «Պողոսներին» լսել, հրաժարվում են իրենց ընտրած «Պողոսների» հետ երկխոսության մեջ մտնել, պաշտպանում են ինչ֊որ մի օֆշորային ընկերության շահեր։ Իսկ դա հեչ օքեյ չի։ Մարդիկ դրա համար չէին հեղափոխություն անում ու դրա համար չէին ԻՔ֊ին ձայն տալիս։

  21. Գրառմանը 4 հոգի շնորհակալություն են հայտնել.

    Lion (14.09.2019), Varzor (14.09.2019), Ուլուանա (15.09.2019), Տրիբուն (14.09.2019)

  22. #163
    Բարև
    Տրիբուն-ի ավատար
    Գրանցման ամսաթիվ
    17.05.2008
    Հասցե
    Երևան
    Գրառումներ
    14,856
    Բլոգի գրառումներ
    2
    Mentioned
    25 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը

    Բայց պայմանագիրը վաղուց կնքված ա, որոշումը կայացած ա, հանքն էլ գործելու ա։
    Ապեր, պայմանագիր ա էլի, Արգիշտիի արձանագրությունը չի, որ չկարանանք փոխենք։ Երկրներում օրը մեջ օրենք ու սահմանադրություն են փոխում, մենք մի պայմանագիր չե՞նք կարում փոզմիշ անենք։

  23. Գրառմանը 4 հոգի շնորհակալություն են հայտնել.

    StrangeLittleGirl (14.09.2019), Varzor (14.09.2019), Ուլուանա (15.09.2019), Վիշապ (14.09.2019)

  24. #164
    Կեցցե թագավորը Varzor-ի ավատար
    Գրանցման ամսաթիվ
    16.03.2009
    Հասցե
    Երկիր մոլորակ, ՀՀ ք. Երևան
    Տարիք
    37
    Գրառումներ
    6,472
    Mentioned
    6 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    Բայց պայմանագիրը վաղուց կնքված ա, որոշումը կայացած ա, հանքն էլ գործելու ա։
    Ապ, սրանից տեղյա՞կ ես
    2018թ․ Ընդերքի և բնապահպանության տեսչական մարմնի ընդունած վարչական ակտով արդեն իսկ դադարեցված է Լիդիանի գործունեությունը, հարուցված է ապօրինի արդյունահանման մասին քրեական գործ, ՇՄԱԳ եզրակացության ուժը կորցրած ճանաչելու մասին գրությունը Շրջակա միջավայրի նախարարություն ուղարկվել է դեռևս 2018թ․
    Հենց քեկուզ Քկ-ի հրապարակած մոդելավորված տեսանյութը նայելուց հետո, նույնիսկ ոլորտից անտեղյակ, բայց տրամաբանություն ոնեցող մարդու մոտ խիստ կասկածներ են առաջանում Լիդիանի "աննախադեպ անվտանգության համակարգերի" հանդեպ:

    Ու ստեղ կան երկու ամենակարևորը կետերը.
    1. Մե՞նք ենք տերը մեր երկրի, թե՞ ոչ: Եթե իսկապես մենք ենք, ապա մենք էլ որոշում ենք պիտի հանքը աշխատի, թե՝ ոչ, քանզի երկրի ընդերքը ոչ կառավարության ոչ էլ առավել ևս որևէ պետական պաշտոնյայի սեփականությունը չէ՝ ազգային հարստություն է:
    2. ՀՀ-ն չպիտի մնա հանքարդյունաբերության վրա հենված տնտեսությամբ երկիր, ինչի մասին հենց նույն վարչափետը հայտարարել է անձամբ;

    Ու ստեղ էլի եմ ասում. մեր երկրն ահավոր շատ կարիք ունի պլոճիկով քաղաքական գործիչների՝ դեֆիցիտ է:
    Վերջին խմբագրող՝ Varzor: 14.09.2019, 22:07:
    Լոխ մունք ենք, մնացածը` լոխ են...

  25. Գրառմանը 2 հոգի շնորհակալություն են հայտնել.

    StrangeLittleGirl (14.09.2019), Ուլուանա (15.09.2019)

  26. #165
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    41
    Գրառումներ
    7,885
    Mentioned
    28 Post(s)
    Tagged
    1 Thread(s)
    Մեջբերում StrangeLittleGirl-ի խոսքերից Նայել գրառումը
    1. Լիդիանը չունի հանքարդյունաբերության փորձ
    2. Անվտանգության «աննախադեպ» համակարգեր համաշխարհային հանքարդյունաբերության մեջ չկան
    3. Էդ «աննախադեպ» համակարգերի մասին Թեղուտի ժամանակ էլ էին ասում։
    4. Մեջբերածս գրառումը ջուրծեծոցի չի, այլ ամբողջն էն մասին ա, որ կառավարությունն ու ԱԺ֊ն հրաժարվում են «Պողոսներին» լսել, հրաժարվում են իրենց ընտրած «Պողոսների» հետ երկխոսության մեջ մտնել, պաշտպանում են ինչ֊որ մի օֆշորային ընկերության շահեր։ Իսկ դա հեչ օքեյ չի։ Մարդիկ դրա համար չէին հեղափոխություն անում ու դրա համար չէին ԻՔ֊ին ձայն տալիս։
    1. Բայց ունի արդեն տեղադրված համակարգ, որը բավարար ա տեխնոլոգիայի ու մոտեցման մասին պատկերացում կազմելու մասին։ Ինչը թվարկածս մյուս փաստերի հետ միասին (հողերի գնում, սոցալական ծրագրեր) լիքը բան ա ասում։

    2. 3. Աննախադեպ են Հայաստանի համար։ Մետաղի հանք առանց պոչամբարի կարծեմ դեռ չենք ունեցել, դրան էլ գումարի էլարդի 16 պահանջները։ Թեղուտից տեղյակ չեմ, բայց գիտեմ, որ Թեղուտի ժամանակ «վերահսկողը» ՀՀԿ-ն էր։ Իմ համար Սերժի ու Նիկոլի մեջ տարբերություններն ավելի շատ են, քան ընդհանրությունները։

    4. Չգիտեմ կոնկրետ որ մարդկանց մասին ես խոսում, բայց ես էլ եմ եղել իրանց իշխանության բերողը, ու իմ համար ՕՔ ա, որ ինչ որ բաներ հաշվի առնելուց հետո սենց որոշում են կայացրել։

    Մի երկու բառ էլ երկխոսության մասին։
    Կոնկրետ Թեհմինե Ենոքյանը անձամբ հանդիպել ա Նիկոլին, իրան խոսքի իրավունք են տվել, ու քանի որ Նիկոլի որոշումը դուրը չի եկել, ինքը համարում ա, որ իրա փաստարկները հաշվի չեն առել։ Սա խնդալու ա, ուրիշ բան չունեմ ասելու։
    artak.am De gustibus et coloribus non est disputandum.

Էջ 11 15-ից ԱռաջինԱռաջին ... 789101112131415 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •