Զարգացումները հետհեղափոխական Հայաստանում

[Վիշապ]

Նախադրյալ. «Դրսի աչքերով» դիտելիս, թվում է, թե պրոցեսները հետհեղափոխական Հայաստանում ավելի դանդաղ են, քան կարելի էր սպասել, այսինքն` ավելի շուտ աչք է ծակում բարոյախոսությունը (սիմվոլներ, մաքրություն, վերաբերմունք), դրական խրախուսիչ քարոզչությունը (մանսավորապես տնտեսության բնագավառում իբր խտրականություն չկա, իրավունքները հավասար են), քրեա-տնտեսական աղմկոտ գործեր, հին իշխանությունների կադրային մնացորդներից ազատում (դպրոցներում, գյուղերում...), միջազգային թույն ելույթներ...
Ադեկվատ ընդդիմություն ինչ-որ չի երևում, հիմնական քննադատությունները ծիծաղելի են՝ տրանսգենդերի ելույթ, արագաչափեր, ինքնաթիռի ծախսեր ու էլի ինչ-որ ողորմելի, մակերեսային բազարներ:
ՈՒ էլ բոլորի կիզակետում կարծես մենակ վարչապետն է, որ կա (our superman):
Մյուս կողմից, ինչ-որ անհասկանալի դեգրադացիոն խնդիրներ կան՝ աղբի կուտակումը, Մեղրիի զորամասի դեպքը, էս «տրանսգենդերի» շուրջ առաջացած ծիծաղելի հիթերիան, ինչ-որ գողական մի շաբաթով փիլոնազրկված տերտեր, բիչոկներ, կեղտոտ դրոշ ու անլվա աշխատող մաքսայինում, ու... էլ ուրիշ խնդիր չկա՞ Հայաստանում:
Թե՞ ճգնաժամը լրատվության միջոցների մեջ է, գուցե ՀՀ-ում ադեկվատ լրագրողների լուրջ դեֆիցի՞տ կա:

Առաջարկում եմ քննարկել, թե հետ-հեղափոխական Հայաստանում, բացի վերոհիշյալը, կոնկրետ՝
- Ի՞նչ էական ու շոշափելի զարգացումներ կան, կամ սպասվում են
- Սպասվում էին, բայց չկան ու վայթե չեն լինելու
- Կան, բայց ավելի շուտ բացասական են
- Ի՞նչ կարճաժամկետ, երկարաժամկետ խնդիրներ եք տեսնում դուք
- ՈՒ՞ր է ընդհանրապես ադեկվատ Հայ ժողովուրդը

Հ.Գ. Ակումբում ամենաակտիվ թեմաները «զվարճալի», «դեսից-դենից», «օրագրեր» բաժիններում են, ստեղ էլ մի բան էն չի :Ճ

[Ծլնգ]

Հ.Գ. Ակումբում ամենաակտիվ թեմաները «զվարճալի», «դեսից-դենից», «օրագրեր» բաժիններում են, ստեղ էլ մի բան էն չի :Ճ

Ճիշտ ա ասում․ հե՜տ բերե՛ք ինտիմը․․․

[Տրիբուն]

Հոպար, էս թեմադ կրկնում ա էս թեման, բայց որ աաաախխխպերս ա բացել, ասեմ․․․Էսօր ՀԺ-ում մի հատ հոդված աչքովս ընկավ, ոնց որ ես գրած լինեի․

«Գո՛րծ արեք, գո՛րծ, հերիք ա ժողովրդին տեսարաններով կերակրեք»։ Սա այն հիմնական քարոզչական կարգախոսն է, որով նախկին իշխանություններն ու կառուցողական ընդդիմության անվան տակ ծպտված նրանց թաքուն դաշնակիցները փորձում են ազդել հասարակական գիտակցության վրա։ Իսկ առավել կրթվածներն ավելի բարդ բառեր են օգտագործում՝ «կոնցեպտ», «տեսլական», «հայեցակարգ»․․․Իբր՝ իշխանություններն այդ ամենը չունեն, ու քանի որ չգիտեն ինչ անել՝ ստիպված անում են այն, ինչը գիտեն։

Երևի մի քնաի անգամ էլ ես ստեղ գրած կլինեմ, որ սրանք ահավոր նյարդայնացնող արտահայտություններ են, ու արվում են նրանց կողմից, ովքեր բացարձակ գաղափար չունեն, թե իրանց ասած ու սիրած համակարգերը ոնց են աշխատում։

Ինչևէ, կետ առ կետ․

- Ի՞նչ էական ու շոշափելի զարգացումներ կան, կամ սպասվում են

Բյուջեի թալանը կանգնել ա։ Էս կարամ քեզ ասեմ հազար տոկոսով։ Կաշառակեր լինելն էլ դարձել ա խիստ վտանգավոր, բռնվում են մարդիկ։ Ուրիշ բան որ չլիներ էս երկրում, էս արդեն հերիք ա։ Բայց ձեռի հետ մանր մունր, մի 200.000 գյուղացիական տնտեսությունների վարկային տույժ ու տունգանքները ներացրեցին, սրան գումարած գոյւղատնտեսության սուբսիդավորման ծրագրեն են ներդրվում, որոնք ահագին տարիներ ա չէին արվել։ Առողջապահությունում ահագին բաներ։ Սենց էլի ․․․ Բայց ամենակարևորը նորմալ ընտրություններ անցկացվեցին։ Լիքը չմոներ կասեն, հա բայց ինչ, բայց էտ երևի ամենակարևորն ա։

Սպասում եմ Երևանի հասարակական տրանսպորտի հարցի մի ձևի լուծում։

- Սպասվում էին, բայց չկան ու վայթե չեն լինելու

Ես լավատես եմ։

- Կան, բայց ավելի շուտ բացասական են

Չասեք ՆԻլոի վկա եմ, ես տենց սարսափելի բացասական զարգացում չեմ տեսնում։ Մի քիչ խառը խշտիկ, ափա թափալ, մեկ ու մեջ անհասկանալի պրոցեսները լրիվ նորմալ են։ Ես դեռ հեղափոխության հաջորդ օրն էի ստեղ գրել, որ մեզ ահագին խառնակ օրեր են սպասում, ու էտ շատ նորմալ ա։

Պետք ա նաև հասկանալ, որ լիքը մարդ, որը հեղափոխության աջակցի պոզայա ա յանի ընդունել, իրականում կոմֆոռտ զոնայից դուրս ա եկել։ Լավագույն օրինակը ԲՀԿ-ակա չմոներն են, որոնց ներքին հիստերիան ու լարվածությունը ու ամեն անգամ <քայլողները> <գմփ գմփ հու> ձեռառնողական տոնով ասած-գրածներից զտռում ա, թե ինչքան իրանցը չի էս ամեն ինչը ու ինչքան նեղված են իրանք ու ոնց են երազում կորցրած հհկական տաք, ապահով ու կանխատեսելի քաքի բոշկի մասին։

- Ի՞նչ կարճաժամկետ, երկարաժամկետ խնդիրներ եք տեսնում դուք

Կարճաժամկետ․ կառավարության ռացիոնալ կառուցվածքի հաստատում, նորմալ հարկային օրենսգրքի ընդունում, որը մի 5-6 տարի առանց փոփոխությունների կաշխատի, կոռւպցիայի դեմ անդադար պայքար։

Երկրաժամկետ․ թուրքերի մաման, ղարաբաղի հարցը, մեր դիքրը, դատական համակարգի տակից վրից բարեփոխում, որը կարող ա մի տաս-քսան տարի քաշի։

- ՈՒ՞ր է ընդհանրապես ադեկվատ Հայ ժողովուրդը

Ադեկվատ հայ ժողովուրդը իրա գործը մի տարի առաջ արել ա, ու հիմա մուղամով ու ըմբռնումով աշխատում ա, մի քիչ էլ համբերատար սպասում ա։ Ես մի քանի հեղափոխություն արած ժողովուրդ եմ տեսել։ Էս պահին էլ դրանցից մեկի հետ գործ եմ անում Հայ ժողորվրդի ադեկվատությունը, իրա բոլոր բզիկներով հանդերձ, աչք ա ծակում։

[Վիշապ]

Հոպար, էս թեմադ կրկնում ա էս թեման, ...

Մտածում էի, որ կրկնում է, բայց ասի նոր թեմա բացեմ, համ ավելի քիչ էմոցիոնալ վերնագրով, համ էլ մի քիչ պրովոկացիոն, որ ցրվենք զվարճալի թեմաներից, մի քիչ հանգստանանք :Ճ
Վերջերս OSAC-ի (Overseas Security Advisory Council - խորհրդատվական կառույց է, օտար երկրներ այցելող ամերկացիքին նախազգուշացնելու տվյալ երկրի անվտանգության, ապահովության ու այլ վիճակների մասին) թարմ՝ 2019 թվի զեկույցը աչքովս ընկավ, ոնց որ 2018-ի զեկույցից զգալի տարբերություններ կային, բայց ուշադրություն դարձրեք, թե ինչ ճշգրիտ են նկարագրում ՀՀ տրանսպորտի, ճանապարհների, բժշկության ու ոստիկանության վիճակը :Ճ Մանրամասներին հետո կանրադառնամ:

[Varzor]

Վերջերս OSAC-ի (Overseas Security Advisory Council - խորհրդատվական կառույց է, օտար երկրներ այցելող ամերկացիքին նախազգուշացնելու տվյալ երկրի անվտանգության, ապահովության ու այլ վիճակների մասին) թարմ՝ 2019 թվի զեկույցը աչքովս ընկավ...

marshrutka a.k.a marshutka, marshutni

Լավ ինֆորմացիա էր: Հատկանշական էր, որ չէին կարողացել գնահատել տեռորիզմի վտանգը վիճակագրական տվյալների բացակայոթւյան պատճառով, բայց ընդհանուր Եվրոպայի "կիսագառլախ" վիճակը մեր վրա էլ է ստվեր գցել

ԻՀԿ նման զեկույցներն ավելի ռացիոնալ ու անկողմնակալ են և արժանի են առնվազն "ի գիտույթուն, ի խորհում և ի գործողություն" ընդունվելու:

[Varzor]

Փաստորեն էլի հետ եմ մնացել․․․
Իրինա Ռոդնինայի գեղասահքի մարզադպրոցն անվանափոխվեց Երևանի գեղասահքի և հոկեյի մարզադպրոցի

[Տրիբուն]

- Ի՞նչ կարճաժամկետ, երկարաժամկետ խնդիրներ եք տեսնում դուք

Կարճաժամկետ․ կառավարության ռացիոնալ կառուցվածքի հաստատում, նորմալ հարկային օրենսգրքի ընդունում, որը մի 5-6 տարի առանց փոփոխությունների կաշխատի, կոռւպցիայի դեմ անդադար պայքար։

Երկրաժամկետ․ թուրքերի մաման, ղարաբաղի հարցը, մեր դիքրը, դատական համակարգի տակից վրից բարեփոխում, որը կարող ա մի տաս-քսան տարի քաշի։

Կառավարության կառուցվածքը հաստատվեց, նախարարները նշակված են։ Ինձ որ էս կառուցվածքը շատ դուր ա գալիս։ Նշանակումների հետ կապված էլ առանձնապես ոչ մի վերապահում չունեմ։ Ես մեր նախարարներին հավանում եմ։ Հետաքրքիր ա թե Զեյնալյանի փոխարեն ում են նշանակելու։ Փաստաբան Նորայր Նորիկյանը կարար ցենտր նախարար լիներ։

Հարկային օրենսգիրքը առաջին ընթերցումով ընդուված ա։ Եկամտահարկի համահարթեցումը հակասական զգացողություններ առաջացնում։ Ես կողմ եմ համահարթեցմանը, մի քանի անգամ քննարկել ենք էս թեման, բայց նաև շատ լավ հասկանում եմ նրանց փաստարկները, որոնք դեմ են։ Արդյունքները առաջիկա 2-3 տարում կերևան, եթե էս ձևով ընդունվի, որը դեռ հաստատ չի։

Ու քանի որ էս երկու հարցում հստակություն կա, իմ համար առաջնային են դառնում հետևյալ խնդիրները։

- դատաիրավական համակարգի ոտից գլուխ բարեփոխումը
- հարկերը հավաքելը ու պետական բյուջեի եկամուտները անընդհատ ավելացնելը ու ծախսերը ուղղել դեպի ենթակաուցվածքները, կրություն, առողջապահություն, բանակ։
- սկզբից Երևանի, հետո միջմարզային հասարակական տրանսպորտը խելքի բերելը
- դե ու թուրքերի նանը սամո սաբոյ ․․․․

[Varzor]

Նաիրա Զոհրաբյանը մի շարք գիտությունների ոլորտում հայտնագործություններ է կատարել, մասնավորապես՝ հնագիտության

Բանական միտքը կամ վերլուծությունը նրանց համար հավասարազոր է հին մայաների սեպագրերին

Հ․Գ․
Սա երևի Լրաբլթի թեմայում պիտ դնեի։ Կամ էլ՝ Մաղադանեխի (մաղադանոսի ու մանանեխի հզոր խառնուրդ) ազդեցությունը բաբելոնյան մայաների և նրանց տիեզերագնացության վրա։

[Varzor]

Անկեղծ արդեն չեմ հասկանում, թե ինչ է կատարվում այսպես կոչված արդարադատության համակարգում։
Գործից ազատել են "պաշտոնական դիրքի չարաշահում եւ պաշտոնական կեղծիք" մեղադրանքով, հիմա էլ գործից ազատողին են սխալ հանում ու ներից գործի վերցնու՞մ։
Արդյունքում բոլորը "սաղ ու սաղլամ" են, բայց պետությունը նորից հայտվեց անհույս տուժողի կարգավիճակում։
Այս տրամաբանությամբ, Քոչարյանը նորից նախագահ է դառնալու՞ ․․․

Դատարանը բավարարեց դպրոցի տնօրենի հայցն ընդդեմ մարզպետի

[Varzor]

Առաջարկում եմ քննարկել, թե հետ-հեղափոխական Հայաստանում, բացի վերոհիշյալը, կոնկրետ՝

- Ի՞նչ էական ու շոշափելի զարգացումներ կան, կամ սպասվում են
Ակհնայտ է, որ բյուջեի թալանը խիստ նվազել է՝ վախենում են։ Չէի ասի, որ իսպառ վերացել է՝ ուտոպիստ չեմ
Շատ փոքր և միջին ձեռնարկություններ իրենց ավելի վստահ ու հանգիստ են զգում։ Ու դա ոչ թե եկամուտի աճի հետ է կապված, ոմանց մոտ նույնիսկ նվազել է, այլ "խաղի" կանոնների հստակեցման և ապահովության զգացողության։
"Ես օրենքով և մաքուր եմ աշխատում, ինձ ձեռք չեն տա, գործս չեն խլի կամ դադարեցնի ․․․" այս սենց դրական զարգացում, որը վաղուց չկար։

- Սպասվում էին, բայց չկան ու վայթե չեն լինելու
Սպասում էր, որ պետական բյուջեն տասնամյակներով թալանած անձինք ոչ միայն պատասխան կտան, այլև միջոցները կվերադարձվեն։ Բայց դա դեռ միայն սպասվում է, քանի որ տեմպերն ուղղակի "ծիպուկ" քայլերով են ու մի քիչ էլ կասկածելի։
Սպասվում էր ավելի կոմպիտենտ ԱԺ, բայց ԻՀԿ այդպես չէ։

- Ի՞նչ կարճաժամկետ, երկարաժամկետ խնդիրներ եք տեսնում դուք
Ամենից ակտուալ խնդիրը կադրերի խնդիրն է՝ մի քանի տարի ժամանակ է պետք, որպեսզի լճացած ու կաշառակեր հաստիքները փոխարինվեն ադեկվատ ու գործունյա կադրերով։ Լուծելի խնդիր է, թեև համեմատաբար երկարաժամկետ։ Հաջորդ ինչ-որ չափով կապակցված խնդիրը, որն ԻՀԿ արագ լուծել չի լինի, բայց ճիշտ և հետևողական աշխատելու պարագայում կվերացնեն, դա պետական ապարատի աշխատողների մեղմ ասած "ծուլությունն է"։ Այն աշխատողների, որոնք թեև իրենց աշխատանքին տիրապետում էին, բայց կաշառքով էին փող վաստակում։ Քանի որ հիմա մեջը փող չկա, ավելի պասիվ են գործ անում։

- ՈՒ՞ր է ընդհանրապես ադեկվատ Հայ ժողովուրդը
Աշխարհով մեկ ցրված, նաև ակումբում Ամեն դեպքում Ադեկվատության ցուցանիշով հաստատ գերազանցում ենք նախորդ տարիներին։

[Գաղթական]

Օր ա գալու, որ, Նիկոլի անցած ճամփեն հետազոտելով, մարդիկ դիսերտացիաներ պաշտպանեն քաղաքագիտությունից:

[Գաղթական]

Վեթթինգ ըլնեմ..

[Varzor]

Վեթթինգ ըլնեմ..

Ախր դե ինձ էլ փոքր ժամանակ ասում էին "Այ տղա, խելոք մնա, բանավոր ընթերցանության դասերից մի փախի": Ես իսկի գլխի չէի, որ էս օրվա համար էին ասում:

[Գաղթական]

ՈՒրա թե ոստիկաններն էլ էս հոդվածի տեղն իմանային, ադեկվադերի վզին հա դնեին...

Զախարովայի էջի կարդաբալետի ընթացքում մի քանի հազար ֆեյք էր արածում:
Որի էջը մտնեիր՝ տոննաներով թույն էր լցրած

[Գաղթական]

Բելգիայում օրինակ կադաստրալ հարկն ու պրովինցիալ հարկն առանձին են հավաքում:
Բայց աղբահանության հարկը դրանցից ոչ մեկի մեջ չի մտնում՝ ինչպես դա Հոլանդիայում է:

Էստեղ աղբահանության գումարը գոյանում է աղբի տոպրակների վաճառքից:
Միայն հատուկ տոպրակով պիտի աղբը դուրս հանես, այլապես՝ մեծ տուգանքներ կստանաս:
60լ ծավալով 10 տոպրակը €18 արժի:

Խոսքն իհարկե սովորական տնային աղբի մասին է:
Պլաստմասե շշերի տոպրակները մի քիչ ավելի էժան են:
Ապակե թափոնի համար հատուկ կոնտեյներներ կան՝ քաղաքում մի քանի տեղ:
Իսկ մնացած ամեն ինչ՝ փայտե, երկաթե, տեքստիլի, էլ.ապրանքների և այլն, հատուկ հավաքատեղի ես տանում՝ քո միջոցներով, ու տեսակավորած ամեն մեկն իր կոնտեյներում լցնում:
Տենց հավաքատեղի մեկ անգամ մուտքը €5 է: id քարտդ էլ ամեն մտնելուց գրանցում են, որտև տարեկան 5 թե 7 անգամ իրավունք ունես էդ տեսակի ու ծավալի աղբ «արտադրել»:

Էս էլ սովորական աղբի տոպրակի օրինակ.