Ինչպե՞ս ենք սիրում/ուզում, որ մեզ դիմեն

[Smokie]

Մարդ կա ուզում է, որ իրեն մենակ անունով դիմեն, մարդ կա բոլորովին անտարբեր է այդ հարցում, մարդ էլ կա չի սիրում, որ իր հետ խոսելիս միայն իր ամբողջական անունը տան` չափից շատ պաշտոնական ա թվում:
Ինձ թվում ա ես երրորդ դասին եմ պատկանում: Եթե ավելի կոնկրետ ասեմ`շատ ուրախ եմ, որ ինձ մենակ Գևորգ չեն ասում, տարբեր դիմելաձևեր ունեմ: Բայց չգիտեմ` եթե էդպես չլիներ, ոնց կարձագանքեի: Հիմա մտածում եմ, որ մենակ Գևորգը պաշտոնական ա հնչում:

Ինձ ասում են`
Հիմնականում` Գևորգ, Գևոր, Գև, ոմանք Գևորիկ (двоюродный ախպորս պուճուր երեխեքը ու կինը (համարյա 29 տարեկան եմ էէ ես))
Որոշ առանձին դասարանցիներ ասում էին` 1-ը Ժոռժիկ և նման բաներ, 2-րդը Գոգո, Գոգոլիկ, 3-րդը Ջորջո Արմանի: Հեյ գիդի ջահելություն:
Ակումբում` Սմոքի, Սմոք, Գևորգ, Գև.
Տանը` քույրիկս ու մամաս պուճուր ժամանակվանիցս ինձ ասում են`

 •

• 

 Սեղմել՝ ցույց տալու համար

Ապեր, ապերիկ: Հարևաններն էլ երբեմն կարող ա ապեր ասեն:
Շատ հետաքրքիր ա ակումբում ինձ էդպես կանվանե՞ն այսուհետ (եթե իհարկե ուզեն):

[Գաղթական]

Ժոռժիկը լավն էր )))

[StrangeLittleGirl]

Քանի որ անունս բավական բարդ ա շատերի համար, ես հազար ձևի կարճ դիմելաձևեր ունեմ։ Բոլորն էլ սիրում եմ, բայց ինձ համար շատ կարևոր ա, որ մարդիկ մնան իրենց դիմելաձևի սահմաններում։ Երբ գրեթե անծանոթ մեկն ասում ա «Բյուրակ», ֆազերս քցում են, որովհետև էս ձևով մենակ ընտանիքիս անդամներն են դիմում։ Կամ էլ երբ լրիվ նոր ակումբցին, որին բացարձակ չեմ ճանաչում, մեկ էլ գրում ա «Բյուր»։

Անվանս հետ կապված մի հետաքրքիր բզիկ էլ ունեմ։ Քանի որ Հայաստանից դուրս եմ ապրում, անընդհատ ներկայանում եմ տարբեր մարդկանց, որոնք, բնականաբար, անունս արտասանելու դժվարություն ունեն։ Եթե շատ են խնդրում, որ կարճ տարբերակ ասեմ, ասում եմ «Բյուր»։ Ավելին՝ երբեմն էլ ասում են, թե՝ արևմտյան անուն չունե՞մ, ոնց որ չինացիները։ Էդպիսի մի երկու դեպքից հետո ավելի հազվադեպ եմ սկսել կրճատ տարբեր առաջարկել ու ստիպում եմ, որ անունս սովորեն։

Հա, ուսանողներս էլ են ինձ անունով դիմում, բայց ֆազերս քցում են, որ մեկ էլ մեյլ ա գալիս զանազան դիմելաձևերով, պլյուս ազգանունս։

[Գաղթական]

Իրականում շատ հետաքրքիր ու կարևոր թեմա ա:
Մարդու համար իրեն դիմելաձևը բնականաբար ամենազգայուն թեմաներից ա ու պատահմամբ կարողա իրեն խիստ վիրավորես, եթե իր նշած սահմանագիծն անցնես:
Բայց ո՞րտեղից իմանաս իր սահմանագծերի մասին:

Ես օրինակ աշխատում եմ միշտ ուշադրություն դարձնել, թե մարդն ինչպես է ինքն իրեն ներկայացնում ու մնալ էդ ֆորմայի մեջ:
Բայց գործն ավելի է բարդանում, երբ իրեն մեկ ուրիշն է ներկայացնում կամ էլ անվանը դոշի բեյջից ես ծանոթանում:

Հայ գիդա ջահելություն..
ՈՒմ ոնց ուզեիր կրճատ դիմում էիր ))
Բայց երբ արդեն հասնում ես մի տարիքի, երբ, սենց ասենք, համ դու ավագ սերնդիդ էլ «Դուք»-ով չես դիմում, համ էլ՝ հաջորդ սերունդդ դեռ չի սկսել քեզ «Դուք»-ով դիմել, ամեն տարեկիցիդ չի էլի, որ «Սաք» կասես )))


Հ.Գ. Էն օրը պիտի կուրսեցուս զանգեի, որ ամառվա համար տուն-տրանսպորտ բան դասավորի իրանց մոտ Իսպանիայում, ու մի պահ կոմպս կախել էր, թե ոնց իրեն դիմեմ..
Ասենք ինքը մեր Վիցինն ա միշտ եղել, բայց դե էդ 20 տարի առաջ էր: Հիմա արդեն եքա մարդա դառել, մի քանի անգամ ֆբ գրվել ենք ու հիմա զանգում եմ.. ոչ էնա Վիցին ասեմ, ոչ էնա՝ Տիգրան )))

[Գաղթական]

Էս ինչքան նայես՝ նայվումա )))

[Շինարար]

Ես սիրում եմ որ ինձ դիմում են ամբողջական անունով։ Տանը երբեք չեն կրճատել, փաղաքշական չեն դարձրել։ Անվանական առաջին ցանկով չեն դիմել։ Հետագայում արդեն որոշ ընկերներ դիմում են առաջին վանկով։ Նորմալ ա։ Հիմնականում աղջիկներն են սիրում կրճատել ի դեպ։ Ինձ համար մեկ ա, բայց հա կրճատ տարբերակը մտերմություն ա ենթադրում։ Էստեղ շեշտի խնդիր ա առաջանում։ Բայց քանի որ ես լոռեցի եմ, էդ էլ ա մեկ։ Արևմտահայ արտասանությունն էլ եմ սիրում։ Ինձ կմնար տառադարձելիս արևմտահայերենից կտառադարձեի, որովհետև տ-թ-ի խնդիր չէր լինի, բայց անձնագրում արդեն տառադարձած ա։

Ուսանողներս դիմում են անունով, բայց դա ընդհանրապես էստեղ տենց ա ընդունված։ Դպրոցում աշակերտներիցս մեկը ուզում էր վիզ դրած կոչում ազգանունով դիմեր, որովհետև դպրոցում կոչումով ուրիշ դասատուները իր ասելով պահանջում են իրանց կոչումով դիմեն։ Չգիտեմ ինչքանով ա ճիշտ բայց շատ անսովոր էր ականջիս, համոզեցի, որ եթե ինձ անունով դիմի իմ տված գիտելիքների որակը ոչ մի կերպ չի պակասի

Հավեսս գալիս ա որ դասին ինքնուրույն աշխատանոի ժամանակ մեկ էլ լսում եմ Տիրան էս ինչ բանը ոնց ենք ասում։ Անմիջական հավես։

Չեմ սիրում անվանս հետ կապված որևէ տեսակի կատակ, կատակային փաղաքշականացում և այլն։ Կռիվ չեմ անի, բայց տրամադրությունս հաստատ կփչանա։

[Skeptic]

Անունս չեմ սիրում, հատկապես՝ ամբողջական տարբերակը։ Նախընտրելի ա առանց «-իկ»-ի ու տարատեսակ վարիացիաների, որոնցով հարուստ ա իմ անունը։

[Sagittarius]

Օհ, մայ Լորդ

[Sagittarius]

Անունս չեմ սիրում, հատկապես՝ ամբողջական տարբերակը։ Նախընտրելի ա առանց «-իկ»-ի ու տարատեսակ վարիացիաների, որոնցով հարուստ ա իմ անունը։

Սկե՞պտ

[Skeptic]

Սկե՞պտ

Քիթս կտրեմ, թե չգիտեի, որ մեկը հաստատ ճպպցնելու էր սա
Մականունս ով ոնց ուզում ա, թող ասի, դրա «-իկ»-ը փաղաքշական չի։

[StrangeLittleGirl]

Պրոգարտի խաթր մեկ էլ ահավոր չեմ սիրում, երբ ինձ Բիւր են ասում

[Progart]

իսկ ես չեմ սիրում, երբ պրոգարտ են ասում, փ֊փ֊փ

[laro]

@StrangeLittleGirl ես քեզ դեռ էն մալալետկա վախտից էլ Բյուր եմ ասում, երբեք չեմ մտածել, որ դա քեզ կնեղացնի։
Անունս որ կրճատում են Լիկա, ցնդվում եմ, նեռվայնացնող ա։ Անժելիկա, Անժել, Անժ օք ա։
Իսկ ակումբցիք, լավ կլիներ դիմեին անունով, չգիտեմ 15 տարեկանում գլխիս ինչ ա փչել, որ նիկս laro եմ դրել, հիմա էլ ինչ իմաստ կա փոխեմ :Դ

[StrangeLittleGirl]

@StrangeLittleGirl ես քեզ դեռ էն մալալետկա վախտից էլ Բյուր եմ ասում, երբեք չեմ մտածել, որ դա քեզ կնեղացնի։
Անունս որ կրճատում են Լիկա, ցնդվում եմ, նեռվայնացնող ա։ Անժելիկա, Անժել, Անժ օք ա։
Իսկ ակումբցիք, լավ կլիներ դիմեին անունով, չգիտեմ 15 տարեկանում գլխիս ինչ ա փչել, որ նիկս laro եմ դրել, հիմա էլ ինչ իմաստ կա փոխեմ :Դ

Էլի հերթական մեկը նեղ կռուգից էկավ ու որոշեց, որ նեղացնում ա ինձ Չէ, չես նեղացնում ու չես նեղացրել, արխային։

[Հարդ]

Ստեղ լիքը մարդկանց նիկեր ես համառորեն տարիներով սխալ եմ կարդացել ու սխալ եմ իմացել: Ինչ որ տառ եմ բաց թողել, կամ տեղերով սխալ կարդացել: Վերջին բացահայտումս եղավ էն, որ Pogart չի, Progart ա: Նենց որ մտքիս մեջ հաստատ լիքը մարդկանց նյարդայնացնող ձևով դիմած կլինեմ

Ինձ ոնց էլ դիմեն, կրճատ, մեգակրճատ, թե լրիվ, դուրս գալիս ա (ներառյալ նիկով), բնականաբար իկ - ով եթե չի: