Ո՞ր ակումբցուն ենք նախանձում և ինչու՞

[Adam]

Ինձ ավելի հետաքրքիր կլիներ իմանալ, թե ով ինչ նախանձելի բան ունի, իր կարծիքով:
Օրինակ՝ @Ադամ ջան, քո կարծիքով, քեզ ինչի՞ համար կարելի էր նախանձել:

Էհ Այվ, էնքան բան կա, տո… (կատակ եմ անում իհարկե ), ես շատ խոնարհ անձնավորությունմն եմ. ինձ թվում ա՝ ինչպես Ուան Ուեյը նշեց՝ անեղծությանս համար: Ուրիշ բան միտքս չի գալիս

[Adam]

Այվ, իսկ քո՛ կարծիքով՝ դու՞ …

[ivy]

Այվ, իսկ քո՛ կարծիքով՝ դու՞ …

Ուրիշներինը լսելն ավելի հետաքրքիր ա

Դրա տեղը կարող եմ ասել, թե ինչն ինձ մոտ հեեեեչ նախանձելի չի
Ահավոր խանդոտ եմ՝ համարյա կենդանական բնազդների մակարդակի. որ ինձ բաց թողնեմ, կարող ա հարձակվեմ բզիկ-բզիկ անեմ «ճանապարհիս վրա հայտնվածներին»՝ բռունցքներով ու ծեծուջարդով, հատկապես որ ֆիզիկապես լավ ուժեղ եմ

[Ուլուանա]

Ուլու-ին եմ նախանձում՝ իրա սեփական երեխեքն ունենալու ու մեզ՝ իր որդեգրած երեխեքին մոռանալու ու մեր հանդեպ իր մայրական պարտականությունները դադարեցրած լինելու համար:

Ադամ, դու սա լու՞րջ ես գրել : Նախանձել ասելով` ի՞նչ ես հասկանում: Ուզենալ մի բան, որը դիմացինն ունի, դու չունես, չէ՞: Հիմա դու կուզենայիր երեխաներ ունենա՞լ (տեսնես` իմ` երեխաներ ունենալն ինչո՞վ ա տենց առանձնանում մյուս ակումբցիների` երեխաներ ունենալուց, որ հենց ի՛մն ա նախանձելի), թե՞ կուզենայիր ակումբցիների նկատմամբ մայրական պարտականություններ ունեցած լինել ու հետո էդ պարտականությունները դադարեցնել: Սրանցից ո՞ր մեկն ա քեզ համար տենց նախանձելի: Կարծես մի տեղ գրել էիր, որ երեխաներ ունենալ չես ուզում:
Ինձ թվում էր` ես ավելի լուրջ նախանձելու բաներ էլ ունեմ :

[Ուլուանա]

Որոշել էի գրել, որ ես էլ Բյուրի պես ոչ մեկի չեմ նախանձում, հետո հիշեցի, որ չէ, այնուամենայնիվ, մեկը կա, որին նախանձում եմ. Բյուրն ա էդ միակ մարդը: Բյուրին նախանձում եմ իր նպատակասլացության (թեկուզև ինքը չի համարում, որ էդպիսին ա) ու միշտ` անկախ ամեն ինչից, առաջ շարժվելու ուժի ու հաստատակամության համար: Ինքն էդ առումով իմ ճանաչած ամենանախանձելի մարդն ա :

Հիմա էն մասին, թե, ըստ իս, ե՛ս ինչ ունեմ, որի համար կարելի ա ինձ նախանձել: Կարծում եմ` էն ամենակարևոր բաները, որոնց համար կարելի ա ինձ նախանձել, հիմնականում կողքից տեսանելի չեն: Ես մի անգամ էլ եմ ասել, որ ունեմ աներևույթ թագավորություն, և ուզում եմ, որ այն էդպես աներևույթ էլ մնա: Ինձ հեչ էլ պետք չի, որ ինձ որևէ մեկը նախանձի : Թող տենց էլ մտածեն, թե ամենանախանձելի բանը, որ ունեմ, երեխաներ ունենալն ա ու ակումբցիների նկատմամբ մայրական պարտականություններս դադարեցնելը :

[Adam]

Ադամ, դու սա լու՞րջ ես գրել : Նախանձել ասելով` ի՞նչ ես հասկանում: Ուզենալ մի բան, որը դիմացինն ունի, դու չունես, չէ՞: Հիմա դու կուզենայիր երեխաներ ունենա՞լ (տեսնես` իմ` երեխաներ ունենալն ինչո՞վ ա տենց առանձնանում մյուս ակումբցիների` երեխաներ ունենալուց, որ հենց ի՛մն ա նախանձելի), թե՞ կուզենայիր ակումբցիների նկատմամբ մայրական պարտականություններ ունեցած լինել ու հետո էդ պարտականությունները դադարեցնել: Սրանցից ո՞ր մեկն ա քեզ համար տենց նախանձելի: Կարծես մի տեղ գրել էիր, որ երեխաներ ունենալ չես ուզում:
Ինձ թվում էր` ես ավելի լուրջ նախանձելու բաներ էլ ունեմ :

Նախանձ ասելով՝ հասկանում եմ՝ հիացման արտահայտում նաև որևէ երևույթի հանդեպ: Անպայման չի, որ ես դրանից չունենամ, որ նո՛ր նախանձեմ: Հիմա՝ ես ինձ հումորով մարդ եմ համարում, բայց դա ինձ չի խանգարում նաև նախանձել ուրիշների հումորներին: Օրինակ՝ մտածելով. «լավ կլիներ՝ էս հումորը ե՛ս արած լինեի, կամ էս պատմվածքը ե՛ս գրած լինեի (ճիշտ ա՝ նարցիստական մոտեցում ա մի քիչ, բայց դա կա շատ ու շատ մարդկանց մոտ, համոզված եմ): Անպայման չի դու դրանից չունենաս՝ նո՛ր սկսես նախանձել: Մի խոսքով՝ չգիտեմ … Հ.Գ. իսկ քո առումով՝ իհարկե մեզ մայրություն չանելու պահը կատակ էր, իսկ երեխաներ ունենալունդ՝ չէ: Կապ չունի՝ ինքս ուզում եմ ունենալ, թե չէ: Երբեմն ցանկությունը կա (էդ վա՛խտ էլ բարի նախանձը հայտնվում ա) իսկ երբեմն՝ չէ:

[Adam]

Արշակին եմ նախանձում՝ իր համեստ, ոչ իմպուլսիվ, պոզիտիվ ու հանգիստ բնավորության ու ընդհանրապես՝ իրա դրական կերպար լինելու համար: Բայցևայնպես՝ չե՛մ նախանձում իրան՝ մոտակայում Քոչարյանին ազատության մեջ տեսնելու առիթով և դրա շրջանակներում իմ՝ իրեն ուղղված միասին Ստոկհոլմում գարեջուր ըմպելու հրավերքի առիթով:

[Յոհաննես]

Բայց էս Ադամը ինչ նախանձ մարդ դուրս եկավ է,սաղին նախանձումա

[Ուլուանա]

Հա, էլի, Ադամ. աչքիս` դու էս թեման բացել ես անձնական լիցքաթափման մղումներով, որ մեջիդ ամբողջ նախանձը դուրս թափես :

[Lion]

Բայց էս Ադամը ինչ նախանձ մարդ դուրս եկավ է,սաղին նախանձումա

Հա, հա, ինձ չի նախանձում

[Adam]

Լիոնին նախանձում եմ՝ փիղ կենդանու մասին շատ ավելի շատ տեղեկացված լինելու համար, քան national geographic -ը:

[Alphaone]

հաջորդ տարվա Ալֆային եմ նախանձում, էն նախորդ տարվանն էս տարվանին կարար նախանձեր, բայց էն, ինչ հիմա դրել, կառուցում եմ, սեր ա, էդ Ալֆային կարելի ա էսօրվանից նախանձել, համ էլ կարոտում եմ, թեև մի տարուց նոր հանդիպելու եմ իրեն:

[Lion]

Լիոնին նախանձում եմ՝ փիղ կենդանու մասին շատ ավելի շատ տեղեկացված լինելու համար, քան national geographic -ը:

Միայն հնդկական փղերի, ապեր, աֆրիկյանների հետ լավ չեմ...

[Adam]

Հիշեցի՝ Ուլուին ինչի համար էի նախանձում. , մի նախանձային խելքին մոտիկ բանի համար պիտի նախանձեի չէ՞ վերջիվերջո… , հայերենի կատարյալ իմացության: Միշտ մտածել եմ՝ մարդ չի կարա հարյուր տոկոսանոց կատարելության հասնի ինչ-որ լեզվում, բայց Ուլուն հայերենի մաստեր ա:

[Adam]

Արտակին ու Վերային՝ իրենց տենց համով-հոտով ակումբյան ընտանիք լինելու համար: Ինձ թվում ա՝ իրանք ոնց որ էս ժամանակաշրջանի համար ծնված չլինեն: