StrangeLittleGirl-ի խոսքերից
Նայի, Նիկոլի հեղափոխությունը հենց էդ ա գաղափարական չէր։ Դեռ սկզբից ես խիստ անհանգիստ էի, որ ինքն ասում էր բոլոր տեսակի ֊իզմներին դեմ ա, որովհետև դա պարզապես նշանակում էր կա՛մ գաղափարի բացակայություն, կա՛մ գաղափարը կա, բայց դրա մասին չի ասում, որ ավելի լայն մասսաների տանի իրա հետևից։ Հեղափոխությունից հետո պարզվեց՝ երկրորդն ա, որովհետև գաղափարները կամաց֊կամաց ջրի երես են դուրս գալիս։ Ու չնայած գաղափարները կան, գովերգումը զուտ անձերի շուրջ ա, քննադատությունը՝ գաղափարական (ստեղ ՀՀԿ֊ականների քննադատության մասին չենք խոսում, այլ էն մարդկանց, որոնք հավասարապես մասնակցել են հեղափոխությանը, ու հիմա մի բառ են ասում, միանգամից հակահեղափոխական պիտակն են ստանում)։ Ես մենակ իմ անունից ասեմ, որ հույս ունեի, որ Նիկոլն ավելի ձախ գաղափարների կրող կլինի, բայց հանկարծ պարզվում ա, որ ավելի շատ կենտրոնամետ ա կամ նույնիսկ աջոտ։ Ասենք, խոսվում ա արվեստի ոլորտում մրցակցության, գիտությունն առևտրայնացնելու և այլնի մասին, ու էս բոլորն ինձ համար անընդունելի են։ Էս բոլորը գաղափարական առումով բավական քիչ են տարբերվում Սերժիկենց գործունեությունից, ուղղակի փողի իշխանությունն օրինական դաշտ ա բերվում։
Իհարկե, ստեղ նաև երկրորդ խնդիրը կա. արդյոք կառավարությունն իրո՞ք էդքան ամուր կապիտալիստ ա, թե՞ ուղղակի տեղյակ չի հարցերի այլընտրանքային լուծումների մասին։ Տեսել եմ մարդկանց, որոնք փորձում են կառավարության անդամներին կրթել էս հարցերում։ Կհաջողվի, թե չէ, ժամանակը ցույց կտա։
Քննադատելի եմ համարում նաև հանրահավաքի ժամանակ Նիկոլի ասած ուղիղ ժողովրդավարությամբ հարցեր լուծելը։ Հանրաքվեն իհարկե ընդունելի տարբերակ ա, բայց հրապարակում հարցեր լուծելն ընդունելի չի, որովհետև ինչքան էլ շատ ժողովուրդ հավաքվի հրապարակում, մեկ ա, դա ՀՀ ողջ բնակչության ներկայացուցչությունը չի ու չի կարա ընտրություններին կամ հանրաքվեին փոխարինի։
Քննադատելի եմ համարում նաև էսքան վիճելի անցումային, թե անցումային փուլի արդարադատության ներդրումը, որովհետև Հայաստանը դրա կարիքը չի, Հայաստանը ՄԻԵԴ անդամ ա, ու եթե մեր դատավորները ծախված են, մեկ ա, կարան հարցերը ՄԻԵԴ հասնեն ու էնտեղ լուծվեն։
Ու սենց լիքը բաներ, որոնց մասին բարձրաձայնելիս մարդուն հակահեղափոխական պիտակն են կպցնում։
Էջանիշներ