User Tag List

Էջ 4 4-ից ԱռաջինԱռաջին 1234
Ցույց են տրվում 46 համարից մինչև 58 համարի արդյունքները՝ ընդհանուր 58 հատից

Թեմա: a little poetry

  1. #46
    Սկսնակ անդամ
    Գրանցման ամսաթիվ
    05.07.2018
    Տարիք
    19
    Գրառումներ
    42
    Mentioned
    3 Post(s)
    Tagged
    0 Thread(s)
    Ուռա՜։ Ուրեմն դնեմ

  2. #47
    Սկսնակ անդամ
    Գրանցման ամսաթիվ
    05.07.2018
    Տարիք
    19
    Գրառումներ
    42
    Mentioned
    3 Post(s)
    Tagged
    0 Thread(s)
    աճող սիրտ

    -քեզ,
    որ պատրաստվում ես լոլիկ ու վարունգ աճեցնել
    մեր լռության բացատներում


    շրջանաձև կրկնվող բառերը քեզ անդադար ավելի խոցելի են դարձնում, սեր իմ,
    ես նշմարում եմ ճանապարհը, որով մի օր կհայտնվես զգացմունքի վեկտորին՝ ճիշտ ու ճիշտ որտեղ ես եմ
    ու իմ սերը՝ անապատում բուսնած կակտուսի պես մի քանի կաթիլ ջրով ապրելու պարտաստ
    պատրաստ արմատներ գցելու օտար հողերում ու ծաղիկներ տալու երեք-չորս տարին մեկ անգամ
    քո լուսամուտագոգին էլ չի լինի
    պյարտի համերգին դահլիճում հազացող մարդու պես՝ այդքան ավելորդ ու նույնքան էլ սովորական-հասարակ մի բան։

    սիրելիս, ծեսը՝ խոսքերը քեզ մատուցելու ավարտվում է իրարից մի քայլ հեռավորության վրա
    ես մոռանում եմ բոլոր դերանունները անխտիր ու թե ինչ էի ուզում պատմել՝ նախորդ օգոստոսի հետ կապված,
    մտածում՝ անհրաժեշտ է ամուր բռնել կրծքավանդակը, որ դուրս չհոսի սիրուց ոչ մի կաթիլ,
    ու որքան կարևոր է, որ դու չխեդվես հինգ օվկիանոսներից մեկնումեկում։

    որ դու չխեղդվես հինգ օվկիանոսներից մեկնումեկում, գետերում իմ երկրի կամ ծովերում աղի,
    որ հյուսիսից եկող քամիները չքշեն-տանեն քեզ հեռու,
    որ չարթնանամ մի առավոտ՝ մտքով՝ ինչ նման ես դու աշխարհի վերջի կվարտետին։

    ես ամեն օր տեսնում եմ երազներ ու կարդում նորզելանդացի պոետների
    պատմելու քեզ՝ ինչ հրաշալիները կան աշխարհում,
    դու լռում ես, աստված իմ, ինչքան երկար ես լռում, դրանից ես փախչում-մտնում եմ պահարանը,
    դու գտնում ես բանալիները գորգի տակ կամ ծաղկամանում թաքցրած,
    հետո ես շարունակում եմ սիրել։

    հոգեհանգիստներ լսելը ինչ-որ բան է թաղում ներսում,
    ժամանակին միացնում ու լալիս էի օրերով,
    որովհետև դժվար է, այնքան դժվար է հրաժեշտ տալ մեռնողին, հատկապես, երբ սերն է,
    որին տաք պահել էր պետք, հագցնել ու շոյել փետրվարի կեսին,
    որովհետև դժվար է գերեզմանների լռության մեջ շվարած կանգնելը՝ անվստահ, որ ամառ կգա երբևէ
    կամ գարուն ու վարդը կբացվի գոնե։

    աստված իմ, հինգ մատիս պես սկսել եմ ճանաչել լռությունը, որ լիցքավորված ատրճանակի պես պատրաստ է օդը ճեղքելուն
    ես չեմ հավատում մահին
    դու չես հավատում մահին
    մահին չենք հավատում մենք
    մեր լռությունը հոմանիշ չէ դրան
    ատրճանակը խուսափում է կրակել քանի դեռ կողք կողքի ենք նստած մի աթոռին։
    ես վախենում եմ մեզ բաժանող տարածությունից
    այն լցված է երազներով, որոնցից վեր եմ թռչում կեսգիշերին,
    նավարկելի գետերով ու ծովերով,
    որտեղ անդառնալի սուզվում են խոստովանությունները ու լողում ձկները պսպղուն,
    ու զրորներով, որոնց երբեմն բաժանվում է ինչ-որ թիվ։

    մեկ-մեկ սիրտս թեթևանում է փետուրի պես,
    մեկ-մեկ դժվար է դառնում կանգնելը ոտքի վրա
    սիրտ-քար
    սիրտ-ծանրծանրլեռ
    սիրտ-հազարաթևթռչուն
    սիրտ-տիբեթյանբարձրավանդակ
    սիրտ-մոնեիլճիջրաշուշան
    սիրտ-իմուքոսևուսպիտակլուսանկար
    սիրտ-յասամանիբույր
    մի օր քամին կքշի-կտանի

    մարդիկների քաղաք,
    հեռացող ոտնաձայների քաղաք,
    ծանոթ այգիներ մեր ոտքերը հոգնած ու մարմինները՝ խոտերի վրա

    քաղաք- ստվերներիբարձրացածպատերին
    քաղաք- փակսենյակումհամբուրվելու
    քաղաք- իմպատուհանիքոպատուհանի
    իմսենյակիքոսենյակի
    իմկանգառիքոկանգառի
    իմսիրածքոչսիրած
    քաղաաք- իմվերադարձիուքոփախուստի
    քաղաք- իմուքո

    դու վեր ես կենում աթոռից, ես խնդրում եմ հետ գաս, նորից նստես կողքիս
    դու բռնում ես ձեռքս, ես վախենում եմ նայել աչքերիդ
    մենք փորձում ենք հաղթահարել դա ու անթարթ նայում ենք իրար,
    ընթացքում՝ մի քանի պատմություններ մեսիենի համակենտրոնացման ճամբարից
    շարունակ կրկնվող բառեր, թե ինչպես չձանձրացանք նույնահոս զրույցներից ամենօրյա,
    վեճեր, որ չեն տանում ոչ մի տրամաբանական ավարտի,
    ու այն մասին, թե որքան սիրահարված եմ վուլֆին
    ու քեզ, որ մի օր պարզ կխոսես սիրո մասին
    գրկելով ինձ
    իմ սիրտը
    չթողնելով մենակ
    չթողնելով մենակ
    գիշերցերեկ

    հետո
    հետո դու ասում ես, որ մեր մեջ եղած լռության բացատներում
    կարելի է լոլիկ ու վարունգ ցանել
    ու մի ամբողջ տնտեսություն հիմնել առհասարակ
    (սիրտս հաշտ-համերաշխ, թեթև-թեթև
    նոր ծիլ տվող իրիս մանուշակագույն)
    ես ծաղիկների սերմեր եմ պահում գրպանումս
    ու եգիպտացորենի՝ տոպրակի մեջ
    մենք ցանում ենք բոլորը
    աշնանը կհավաքենք բերք՝ մի քանի պարկ,
    կպահենք պապիկիդ տան մառանում ու երջանիկ կլինենք՝ չհասած ոչինչ չմնաց

    լոլիկ,
    վարունգ,
    եգիպտացորեն,

    ու շարունակ աճող-
    աճող
    իմ սիրտ

  3. Գրառմանը 6 հոգի շնորհակալություն են հայտնել.

    ivy (29.08.2019), LisBeth (30.08.2019), Peace (30.08.2019), Sambitbaba (29.08.2019), Varzor (29.08.2019), Ուլուանա (30.08.2019)

  4. #48
    .. ivy-ի ավատար
    Գրանցման ամսաթիվ
    01.04.2006
    Գրառումներ
    9,799
    Mentioned
    38 Post(s)
    Tagged
    0 Thread(s)
    Վերևի բանաստեղծությունը ժամանակավորապես է դրված թեմայում. Պի319-ն ուզում է մի քիչ կարծիքներ հավաքել իր ստեղծագործության մասին՝ վերջնական տեսքով հրապարակելուց առաջ:

    Կարո՞ղ եք խնդրում եմ կարդալ և կարծիք թողնել ստեղծագործության մասին. հեղինակին հաստատ շատ օգնած կլինեիք:

    @LisBeth
    @Progart
    @Ծլնգ
    @Sambitbaba

    և ուրիշներ...

  5. #49
    Սկսնակ անդամ
    Գրանցման ամսաթիվ
    05.07.2018
    Տարիք
    19
    Գրառումներ
    42
    Mentioned
    3 Post(s)
    Tagged
    0 Thread(s)
    Ivy, գրկում եմ։ Վերջնական տեսքի ա, զուտ էնքան ուշ ա հրապարակվելու, որ չէի դիմանա մի տեղ չկիսվեի

  6. #50
    .. ivy-ի ավատար
    Գրանցման ամսաթիվ
    01.04.2006
    Գրառումներ
    9,799
    Mentioned
    38 Post(s)
    Tagged
    0 Thread(s)
    Մեջբերում Պի319-ի խոսքերից Նայել գրառումը
    Ivy, գրկում եմ։ Վերջնական տեսքի ա, զուտ էնքան ուշ ա հրապարակվելու, որ չէի դիմանա մի տեղ չկիսվեի
    Ինձ մի քիչ հում թվաց, կարծեցի՝ դեռ ուզում ես վրան աշխատել, սխալվեցի:
    Իսկ ինչ ես ուզում խոսել ստեղծագործությանդ մասին:
    Գուցե ի՞նքդ սկսես

  7. #51
    Սկսնակ անդամ
    Գրանցման ամսաթիվ
    05.07.2018
    Տարիք
    19
    Գրառումներ
    42
    Mentioned
    3 Post(s)
    Tagged
    0 Thread(s)
    Թեկուզ մենակ կարդան ։Ճ ինձ թվում ա ես հիմա միայն դրա կարիքն ունեմ

  8. Գրառմանը 2 հոգի շնորհակալություն են հայտնել.

    ivy (29.08.2019), Sambitbaba (29.08.2019)

  9. #52
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,119
    Mentioned
    11 Post(s)
    Tagged
    0 Thread(s)
    Ինչ կասեմ ես:
    Եթե հանկարծ ջնջել ես էս ստեղծագործությունը, խոստանում եմ քո էլ ոչ մի ստեղծագործություն չկարդալ:
    Որովհետև դու հեղինակից՝ հանցագործ կդառնաս:
    Այվ ջան, չգիտեմ, թե քեզ ինչն է հում թվացել, բայց ինձ համար կատարյալ է սկզբից մինչև վերջ:
    Էնքան էներգիա կա մեջը, որ կարդալիս առավոտվա հովին անգամ քրտնեցի...
    Ափսոս, նկարիչ չեմ, էս բանաստեղծությունը կնկարեի կտավի վրա...

    Պի ջան, պետք է եզրակացնել, որ բոլոր Վուլֆերից՝ Վիրջինիայի՞ն ես սիրում...
    Իսկ երբ ես կարդում էի, առաջին մի քանի տողերից հետո անընդհատ Գարսիա Լորկան էր մտքիս...

    Խնդրում եմ, չջնջես, սա շատ անգամներ վերընթերցելու մեծ հավանականություն ունի:
    Ու շնորհակալ եմ շատ ստացած հաճույքի համար:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  10. Գրառմանը 1 հոգի շնորհակալություն է հայտնել.

    Պի319 (29.08.2019)

  11. #53
    Սկսնակ անդամ
    Գրանցման ամսաթիվ
    05.07.2018
    Տարիք
    19
    Գրառումներ
    42
    Mentioned
    3 Post(s)
    Tagged
    0 Thread(s)
    Մեջբերում Sambitbaba-ի խոսքերից Նայել գրառումը
    Ինչ կասեմ ես:
    Եթե հանկարծ ջնջել ես էս ստեղծագործությունը, խոստանում եմ քո էլ ոչ մի ստեղծագործություն չկարդալ:
    Որովհետև դու հեղինակից՝ հանցագործ կդառնաս:
    Այվ ջան, չգիտեմ, թե քեզ ինչն է հում թվացել, բայց ինձ համար կատարյալ է սկզբից մինչև վերջ:
    Էնքան էներգիա կա մեջը, որ կարդալիս առավոտվա հովին անգամ քրտնեցի...
    Ափսոս, նկարիչ չեմ, էս բանաստեղծությունը կնկարեի կտավի վրա...

    Պի ջան, պետք է եզրակացնել, որ բոլոր Վուլֆերից՝ Վիրջինիայի՞ն ես սիրում...
    Իսկ երբ ես կարդում էի, առաջին մի քանի տողերից հետո անընդհատ Գարսիա Լորկան էր մտքիս...

    Խնդրում եմ, չջնջես, սա շատ անգամներ վերընթերցելու մեծ հավանականություն ունի:
    Ու շնորհակալ եմ շատ ստացած հաճույքի համար:
    Sambitbaba ջա՜ն,
    շնորհակալ եմ։
    Վիրջինիային շատ եմ սիրում, բայց թող ների ինձ, Թոմաս Վուլֆը միակ ու անկրկնելի իմ սերն ա։
    Օ, Լորկա ժամանակին շատ էի կարդում, համ էլ ։Ճ

  12. #54
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,119
    Mentioned
    11 Post(s)
    Tagged
    0 Thread(s)
    Մեջբերում Պի319-ի խոսքերից Նայել գրառումը
    Sambitbaba ջա՜ն,
    շնորհակալ եմ։
    Վիրջինիային շատ եմ սիրում, բայց թող ների ինձ, Թոմաս Վուլֆը միակ ու անկրկնելի իմ սերն ա։
    Օ, Լորկա ժամանակին շատ էի կարդում, համ էլ ։Ճ
    Սկզբում հենց նրա մասին էի մտածում, քանզի ժամանակին ես էլ եմ շատ սիրել: Բայց որոշեցի, որ պոետին նկատի ունես...
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  13. Գրառմանը 1 հոգի շնորհակալություն է հայտնել.

    Պի319 (30.08.2019)

  14. #55
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    38
    Գրառումներ
    11,933
    Բլոգի գրառումներ
    21
    Mentioned
    18 Post(s)
    Tagged
    0 Thread(s)
    Ես էլ կարդացի : Դու ուրիշ ես, էլի, հո զոռով չի: Էսքան խտացված էմոցիա, էսքան քնքշություն, էսքան դիպուկություն ու սիրունություն... Մի խոսքով` գժվելիք :

    Բայց մի բան ասեմ.
    քաղաք- ստվերներիբարձրացածպատերին
    քաղաք- փակսենյակումհամբուրվելու
    քաղաք- իմպատուհանիքոպատուհանի
    իմսենյակիքոսենյակի
    իմկանգառիքոկանգառի
    իմսիրածքոչսիրած
    քաղաաք- իմվերադարձիուքոփախուստի
    քաղաք- իմուքո
    էս իրար կպած բառերը` հեշթեգի ոճով, դժվարընթեռնելի են, ու էդ առումով, ըստ իս, մի տեսակ կոտրում են ընդհանուր հոսքի սահունությունը: Ինձ թվում ա` բանաստեղծությունը ոչինչ չի կորցնի, եթե էդ բառերը սովորական ձևով գրվեն` բացատներով: Որոշ դեպքերում, օրինակ, «իմուքո»-ի դեպքում, կարծես նոր ու հավես բառ ստացված լինի, բայց մնացած դեպքերում իմաստ չեմ տեսնում, ու, ինչպես արդեն ասեցի, դժվարըթեռնելի ա դարձնում ուղղակի: Գուցե էլի լինեն տենց հավես ստացված բառեր, էս պահին մտքիս չեն գալիս, բայց ընդհանուր առմամբ կարծում եմ` արժե խուսափել դրանից:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  15. Գրառմանը 1 հոգի շնորհակալություն է հայտնել.

    Պի319 (30.08.2019)

  16. #56
    Սկսնակ անդամ
    Գրանցման ամսաթիվ
    05.07.2018
    Տարիք
    19
    Գրառումներ
    42
    Mentioned
    3 Post(s)
    Tagged
    0 Thread(s)
    Մեջբերում Ուլուանա-ի խոսքերից Նայել գրառումը
    Ես էլ կարդացի : Դու ուրիշ ես, էլի, հո զոռով չի: Էսքան խտացված էմոցիա, էսքան քնքշություն, էսքան դիպուկություն ու սիրունություն... Մի խոսքով` գժվելիք :

    Բայց մի բան ասեմ.

    էս իրար կպած բառերը` հեշթեգի ոճով, դժվարընթեռնելի են, ու էդ առումով, ըստ իս, մի տեսակ կոտրում են ընդհանուր հոսքի սահունությունը: Ինձ թվում ա` բանաստեղծությունը ոչինչ չի կորցնի, եթե էդ բառերը սովորական ձևով գրվեն` բացատներով: Որոշ դեպքերում, օրինակ, «իմուքո»-ի դեպքում, կարծես նոր ու հավես բառ ստացված լինի, բայց մնացած դեպքերում իմաստ չեմ տեսնում, ու, ինչպես արդեն ասեցի, դժվարըթեռնելի ա դարձնում ուղղակի: Գուցե էլի լինեն տենց հավես ստացված բառեր, էս պահին մտքիս չեն գալիս, բայց ընդհանուր առմամբ կարծում եմ` արժե խուսափել դրանից:
    Վախ
    իհարկե, հասկացա։ Ուրեմն ես որ գրում եմ, զուգահեռ կարդում եմ ու բառը նոր տող իջեցնելը-բան, լրիվ որպես շեշտ եմ ընթադրում։ Քաղաքի ու սրտի հատվածները էնքան մի տեսակ միասին հնչեցին, սիրտս- մոնելճիջրաշուշան օրինակ, որ ես ուղղակի վախեցա բացատներ դնել մեջտեղներում։ Որ դրանք կարդում եմ իրենք այ իրար կպածի արագությամբ են հնչում ու բառերի մեջտեղներում օդ/տարածություն չի մնում առհասարակ։

    էնքան շնորհակալ եմ, գրկում եմ

  17. Գրառմանը 1 հոգի շնորհակալություն է հայտնել.

    Ուլուանա (30.08.2019)

  18. #57
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    38
    Գրառումներ
    11,933
    Բլոգի գրառումներ
    21
    Mentioned
    18 Post(s)
    Tagged
    0 Thread(s)
    Մեջբերում Պի319-ի խոսքերից Նայել գրառումը
    Վախ
    իհարկե, հասկացա։ Ուրեմն ես որ գրում եմ, զուգահեռ կարդում եմ ու բառը նոր տող իջեցնելը-բան, լրիվ որպես շեշտ եմ ընթադրում։ Քաղաքի ու սրտի հատվածները էնքան մի տեսակ միասին հնչեցին, սիրտս- մոնելճիջրաշուշան օրինակ, որ ես ուղղակի վախեցա բացատներ դնել մեջտեղներում։ Որ դրանք կարդում եմ իրենք այ իրար կպածի արագությամբ են հնչում ու բառերի մեջտեղներում օդ/տարածություն չի մնում առհասարակ։

    էնքան շնորհակալ եմ, գրկում եմ
    Ես էլ քեզ եմ գրկում :
    Հասկանում եմ, որ մտքումդ «իրար կպած» են հնչում, էդ դեպքում գուցե գծիկնե՞ր դնես, տենց էլի իրար կպած կլինեն, բայց նաև ավելի հեշտ կկարդացվեն: Էդ տարբերակն էլ դիտարկի: Ուղղակի մի տեսակ ափսոս ա բանաստեղծությունն էդքան սահուն, սիրուն կարդալով գալն ու էդ բառերի վրա քեփլտալը, էլի :
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  19. #58
    Պատվավոր անդամ LisBeth-ի ավատար
    Գրանցման ամսաթիվ
    15.11.2012
    Գրառումներ
    2,222
    Mentioned
    17 Post(s)
    Tagged
    0 Thread(s)
    Մեջբերում Պի319-ի խոսքերից Նայել գրառումը
    Թեկուզ մենակ կարդան ։Ճ ինձ թվում ա ես հիմա միայն դրա կարիքն ունեմ
    Կարդացի

    Շատ գեղեցիկ ես գրում․․․ ապրես
    LiBi

Էջ 4 4-ից ԱռաջինԱռաջին 1234

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •