Աղոթք կամ Ներդիտարկում

**Sambitbaba** · 20.07.2018, 21:21

Հետաքրքիր է, ի՞նչ իմաստ են տեսնում մարդիկ այս երկու գործողություններում:
Ի՞նչ են հասկանում աղոթք ասելով:
Ի՞նչ են հասկանում ներդիտարկում (մեդիտացիա) ասելով:
Ինչու՞ են գերադասում մեկը և հերքում մյուսը:
Կամ օգտվում են երկուսից էլ:
Ի՞նչ սպասելիքներ ունեն դրանցից:
Հասե՞լ են արդյոք ինչ-որ արդյունքների:

Մի խոսքով, կա՞ն կարծիքներ, եզրահանգումներ, այս մասին խոսելու ցանկություն...

Համարձա՛կ...

**ivy** · 09.09.2018, 13:01

Էս թեման ինչ-որ պատճառով աչքիցս վրիպել էր, նոր հայտնաբերեցի։ Հետաքրքիր հարցադրումներ են` աղոթքի ու մեդիտացիայի միջև զուգահեռներ տանող։
@Sambitbaba, իսկ դու ինքդ քեզ համար ունե՞ս էս հարցերի պատասխանները։

**Sambitbaba** · 09.09.2018, 18:19

ivy-ի խոսքերից

Էս թեման ինչ-որ պատճառով աչքիցս վրիպել էր, նոր հայտնաբերեցի։ Հետաքրքիր հարցադրումներ են` աղոթքի ու մեդիտացիայի միջև զուգահեռներ տանող։
@Sambitbaba, իսկ դու ինքդ քեզ համար ունե՞ս էս հարցերի պատասխանները։

Իհարկե ունեմ, Այվի ջան: Բայց գրառմանս նպատակը սեփական եզրակացություններս ցուցադրելը չէր: Եթե վերցնեի և ուղղակի գրեի դրանք, կստացվեր օրագրային գրառման պես մի բան ու կանցներ-կգնար: Հա, այս տարբերակով էլ, ցավոք, անցավ-գնաց, բայց իմ ուզածն այն էր, որ մենք զրուցեինք այդ մասին: Որովհետև իրականում սա շատ կարևոր մասն է մեր կյանքի, որն աններելիորեն բարձիթողի է արված... Ու նույնիսկ նրանք, ովքեր աղոթում կամ ներդիտարկում են, նրանք էլ, ընդամենն "աղոթում" կամ "ներդիտարկում" են, և նրանց պատկերացումներն իրականում չեն համընկնում իրականությանը:
Կամ, ասենք, իմ տարբերակը: Համոզված եմ, որ մեր մեջ շատ են նրանք, որոնք ինձ պես սնուցված լինելով սովդեպական թե գաղափարախոսությամբ և թե կեղծ արժեքներով, այդպես էլ չեն կարողանում իրենց մեջ հաղթահարել իրենց աղոթքից բաժանող խոչընդոտը... նույնիսկ այն դեպքում, երբ հասկանում են աղոթքի կարևորությունը:
Կամ էլ նրանք, որոնք, իրենց համարելով լուրջ քրիստոնյա, գտնում են, որ լուրջ քրիստոնյան չպետք է զբաղվի "բուդդիստական մեդիտացիա-բաներով"...

Իսկ եթե ժողովուրդը չի ցանկանում դրա մասին խոսել, ուրեմն, ամենայն հավանականությամբ, առայժմ դրա ժամանակը չէ՞...

**StrangeLittleGirl** · 09.09.2018, 20:12

Հետաքրքիր թեմա ա։ Պրովոկացիոն բան եմ ասելու, խփել չկա, բայց վախտին նվիրյալ ու ամեն գիշեր աղոթող քրիստոնյա լինելով ու հիմա զբաղվելով յոգայով ու մի քիչ էլ քիթս մեդիտացիայի ջրերը մտցնելով՝ պիտի ասեմ, որ աղոթքն ու մեդիտացիան լրիվ նույն բանն են, ուղղակի տարբեր անուն ունեն։

**ivy** · 09.09.2018, 20:24

StrangeLittleGirl-ի խոսքերից

Հետաքրքիր թեմա ա։ Պրովոկացիոն բան եմ ասելու, խփել չկա, բայց վախտին նվիրյալ ու ամեն գիշեր աղոթող քրիստոնյա լինելով ու հիմա զբաղվելով յոգայով ու մի քիչ էլ քիթս մեդիտացիայի ջրերը մտցնելով՝ պիտի ասեմ, որ աղոթքն ու մեդիտացիան լրիվ նույն բանն են, ուղղակի տարբեր անուն ունեն։

Թեև ես երբևէ ոչ աղոթող եմ եղել, ոչ մեդիտացիա անող, ինձ համար էլ է նույն բանը ։)

**Sambitbaba** · 09.09.2018, 20:28

ivy-ի խոսքերից

Թեև ես երբևէ ոչ աղոթող եմ եղել, ոչ մեդիտացիա անող, ինձ համար էլ է նույն բանը ։)

Տիպա, ինձ համար էլ Մարսն ու բաոբաբն են նույն բանը՝ երկուսն էլ չե՞մ տեսել...

**Sambitbaba** · 09.09.2018, 20:26

StrangeLittleGirl-ի խոսքերից

Հետաքրքիր թեմա ա։ Պրովոկացիոն բան եմ ասելու, խփել չկա, բայց վախտին նվիրյալ ու ամեն գիշեր աղոթող քրիստոնյա լինելով ու հիմա զբաղվելով յոգայով ու մի քիչ էլ քիթս մեդիտացիայի ջրերը մտցնելով՝ պիտի ասեմ, որ աղոթքն ու մեդիտացիան լրիվ նույն բանն են, ուղղակի տարբեր անուն ունեն։

Հոյակապ ձևակերպում էր, Բյուր ջան: Խփեցիր հենց նշանակետի՛ն:

Բայց ի՞նչն էր պատճառը, որ եկար այդ եզրակացությանը: Չէ՞ որ լիքը աղոթողներ կան, ում մտքով անգամ չի անցնի ներդիտարկել: Կամ շա՞տ ներդիտարկողներ գիտես, որոնք որևէ նշանակություն են տալիս աղոթքին...

Կամ, միգուցէ, ավելի ճիշտ կլինի հարցադրել այսպես. ե՞րբ է մարդու համար գալիս այն պահը, երբ նա հասկանում է, որ աղոթքն ու ներդիտարկումը նույն բանն են: