ALARM ❗❗
Նոր կառավարության դեմ դիվերսիոն-հետախուզական գործողություններն ավարտվեցին, հիմա իսկական լայնածավալ գրոհ ա` տարբեր տրամաչափի զինատեսակների օգտագործմամբ:
Էն տարիներով մշակված, հղկված ու բազմիցս փայլուն կերպով օգտագործված մեդիա ու սոցցանցային ռեսուրսը, որ Վատիկանի դեռևս գործող դեսպանը ստեղծել-կայացրել էր ու որը «պադվադիտ արեց» հեղափոխության ժամանակ, հիմա ամբողջ թափով էլի օգտագործվում ա:
Քանի որ ռեալ քննադատության պատճառները հիմնականում շատ չնչին են, շեշտը դրվում ա ամենաքստմնելի «բացահայտումների» ու անմեղ վրիպումների վրա: Շահարկվում են կրոնի ու եկեղեցու, սեռական փոքրամասնությունների, հայրենասիրության ու նմանատիպ զգայուն թեմաներ` էս ամենը համեմելով կառավարության անդամների անփորձության ու ոչ կոմպետենտության մասին անընդհատ ու անդադար հիշեցումներով:
Ֆեյսբուքը ողողվել ա բազմաժանր ֆեյքերի (քֆուրջիներից մինչև ինտելեկտուալ) ու փորձագետ-վերլուծաբանների մի մեծ բանակով, որոնք գրպանային լրատվամիջոցների հետ ձեռք-ձեռքի տված կաթիլ-կաթիլ վարկաբերկում են Նիկոլ Փաշինյանին, նրա թիմին ու հեղափոխության արդյունքները` էն հույսով, որ ամիսների ընթացքում էդ կաթիլները քար են ծակելու: Եթե ընտրված ինչ-որ ռազմավարություն հանկարծ լավ չի աշխատում, ժամերի ընթացքում գեներացվում են նորերը, աջ ֆլանգից պարտություն են կրում` ձախից են փորձում, էդ էլ չի ստացվում` անցում են օդային հարձակման ու այսպես շարունակ:
Եթե հեղափոխության առաջին ամսվա ընթացքում նոր իշխանությանը «կպնող» ցանկացած հոդվածի տակ 99 տոկոս հայհոյանքներ էին տվյալ լրատվամիջոցի լրագրողների, խմբագիրների ու նրանց պատվիրատուների հասցեին, ապա հիմա ուղղորդված աշխատանք ա գնում` էդ պատկերը ֆեյքերի հաշվին բալանսավորելու ուղղությամբ: Փորձ ա արվում քանակի հաշվին հասնելու նրան, որ Նիկոլին քննադատելն արդեն ավելի անվտանգ լինի, քան սկզբում էր, երբ քեզ ուղղակի կհոշոտեին:
Նույնիսկ վախենալու ա պատկերացնել, թե ինչ կկատարվի հոկտեմբեր-նոյեմբերին, երբ մի էսքան կամ դրանից ավել ռեսուրս էլ սրսկի ԲՀԿ-ն, իսկ ՀՅԴ-ն ու ՊՊԾ գունդը գրաված խմբավորումն էլ իրանց համակիրներին հրահանգեն ագրեսիվ կերպով գործի անցնել:
Ուզում եմ հիշացնել, որ 2017 թվականին տեղամասերի ներսում ընտրություններն անցել են հիմնականում առանց կեղծիքների: Գործը դուրսն ա արվել: Էս անգամ էլ ա դուրսը արվելու, բայց մարդկանց որոշման ընդունման վրա ներգործության այլ մեխանիզմներ են կիրառվելու հակահեղափոխական ուժերի կողմից:
Թե քանի տոկոս կիջնի Նիկոլի` մայիսի դրությամբ արձանագրված 80-85 տոկոս վարկանիշը, դժվար ա ասել: Ամենայն հավանականությամբ` ոչ էնքան, որ հնրավորություն չտա միայնակ կառավարություն ձևավորել ընտրություններից հետո: Բայց որ լրջագույնս ազդելու ա ընդհանուր լեգիտիմության վրա ու թույլ չի տալու անկաշկանդ գործել հետագայում, էս պահին շատ հավանական ա: Էլ չենք խոսում 2023 թվականի ընտրությունների մասին, որը էնքան էլ հեռու չի:
Ի՞նչ անել:
1. Ավելի ակտիվ ու ավելի որակով աշխատել հանրության հետ: Հավաքել պրոֆեսիոնալների մեծ թիմ, որոնք ճիշտ ձևով կմատուցեն կառավարության աշխատանքներն ու տեղին, ժամանակին կարձագանքեն ապատեղեկատվություններին: Բոլոր պաշտոնյաների թիվ մեկ պարտականությունը պետք է լինի հանրության հետ գրագետ կապերի ապահովումը, այլ ոչ առավոտյան 6-ին լույս տեսած հրապարակումը գիշերվա 1-ին հերքելը, ինչպես եղավ օրինակ Աճեմօղլուի «պահանջած» 300 հազարի դեպքում:
2. Անընդհատ, առանց վարանելու ձերբազատվել անհաջող, կոռումպացված կամ ձախողված կադրերից` լինեն նորանշանակ թե վերանշանակված. հանուն հեղափոխության վերջնական հաղթանակի ու երկրի ապագայի` առանձին անհատների ամբիցիաները կամ էմոցիաները առ ոչինչ են, ինչքան էլ նրանք նպաստած լինեն ապրիլ-մայիսյան պրոցեսների հաջողությանը: Ամոթ բան չկա, որ որոշ մարդիկ կուսակցաշինությամբ ակտիվ զբաղվեն էս փուլում, հետո էլ ԱԺ-ում կամ ՏԻՄ-ում արդյունավետ աշխատեն: Գործադիրը լուրջ տեղ ա, ամեն մարդու բան չի:
3. Միշտ ականջալուր լինել իրական դժգոհություններին, փորձել տալ օպերատիվ լուծումներ: Հանկարծ չնեղացնել ՓՄՁ-ներին, հասարակության խոցելի խմբերին:
4. Անընդհատ ու անդադար աշխատել կադրային բանկի համալրման վրա` գլխավոր չափանիշ ունենալով պրոֆեսիոնալիզմն ու չկոռումպացվածությունը, այլ ոչ թե կուսակցական պատկանելիությունը: Փորձել վերապատրաստումների ու հատուկ ծրագրերի օգնությամբ բարձրացնել նրանց որակավորումը:
5. Որպես 4-րդ կետի առաջին ծիծեռնակ կարելի է օգտագործել մի շարք խոշոր համայնքներում, այդ թվում` Երևանում սպասվող արտահերթ ընտրությունները, որտեղ քաղաքապետի թեկնածուները կարող են լինել վստահելի, պրոֆեսիոնալ, բայց ոչ ՔՊ-ական գործիչներ:
6. Վրաստանի օրինակով իրականացնել շարքային քաղաքացիների համար խիստ տեսանելի ու նրանց կյանքի որակը լավացնող ռեֆորմներ, ըստ անհրաժեշտության դրանց ուղղելով Եվրոպայից սպասվող դրամաշնորհների առյուծի բաժինը: Մարդիկ պետք է ամեն օր իրենց մաշկի վրա զգան հեղափոխված երկրի բարիքները, իսկ նախկինների վրա հարուցվող կոռուպցիոն գործերը միայն բավարար չեն դրա համար:
Մեջբերել
Chuk-ի խոսքերից
Էջանիշներ