Թավշյա հեղափոխություն. փողոցային պայքարից հետո

[Ծլնգ]

Մոդերատորական․ «Ի՞նչ անել» թեմայից այստեղ են տեղափոխվել փողոցային պայքարի փուլից հետո հեղափոխության մասին գրառումները։ Հուսանք, որ այս թեման դեռ երկար ակտիվ կմնա։

հիմքերը մերժվելու ու համակարգը րեկոնստրուկցիա անելու մեջ երկար ճանապարհ է ընկած, ու այդ ամբողջ ճանապարհին դրսից էլ ներսից էլ պադնոժկա տվողների պակաս չի լինելու․․․ մարաթոնի առաջին կիլոմետրը ետևում է․․․

ասա եկրորդ կիլոմետրով հաջողվի Կարապետյանին դավայ դասվիդանյա անել

երկրորդ կիլոմետրն էլ է հետևում․․․ բան չմնաց, մի 40 կիլոմետր

[Գաղթական]

Ապեր, չթերագնահատելով էս ասածներդ, կուլիսների հետևում խաղերն ու Նիկոլի առաջ կանգնած վտանգները, արի չթերագնահատենք նաև ՀՀԿ–ին էմոցիոնալ ջախջախելը, ու հանրային մակարդակում հոգեբանական–էմոցիոնալ ընկալումները։ Մարդիկ խիստ էմոցիոնալ արարածներ են․ ՀՀԿ–ական ջոջերից սկսած, շարքային քաղաքացիներով վերջացրած։ Մեր գործողությունները ինչքան էլ մեզ թվում ա, թե տրամաբանական դատողությունների արդյունք են, առնվազն մի էդքան էլ, եթե ոչ ավելի, ենթագիտակցական, էմոցիոնալ հիմքեր ունեն։

Ի վերջո, էս հեղափոխությունն էլ եղավ ոչ թե կուլիսային խաղերի, այլ հանրային տրամադրությունների ու ընկալումների տրանսֆորմացիայի շնորհիվ ու միջոցով։ ՈՒ Նիկոլի կողմից, թեկուզ որոշ պոպուլիստական տարրերով ՀՀԿ–ին ժողովրդի առաջ էմոցիոնալ կոտրելը չափազանց էական մոմենտ ա։
Ինչպես որ քո բերած Գուրգեն Եղիազարյանն ա ասում ու որ ավելի կարևոր ա՝ Նիկոլն ա անընդհատ շեշտում, Նիկոլի գլխավոր զենքն ու հենարանը ժողովուրդն ա։

Համաձայն եմ Արշակ ջան, էդ ՀՀԿ-ի համար հաճախակի մանթո ընկնելը կարգին թերապիա կարա լինի:
Բայց ես դեռ մի քիչ հույս ունեմ, որ դրանք լավ ընդդիմություն կարող են լինել ապագա խորհրդարանում՝ կարգին քիմմաքրում անցնելուց հետո:

[Արշակ]

Համաձայն եմ Արշակ ջան, էդ ՀՀԿ-ի համար հաճախակի մանթո ընկնելը կարգին թերապիա կարա լինի:
Բայց ես դեռ մի քիչ հույս ունեմ, որ դրանք լավ ընդդիմություն կարող են լինել ապագա խորհրդարանում՝ կարգին քիմմաքրում անցնելուց հետո:

Կարգին քիմմաքրումը բարով–խերով անելուց հետո, տեսնենք տակը մի բան կմնա՞ ու արդյո՞ք տակը մնացածները կուզեն էդ վարկաբեկված բրենդը օգտագործել Էնքան էլ չեմ պատկերացնում, որ տենց լինի, չնայած չեմ բացառում, որ տակը մաքուրոտ մնացածները նոր կուսակցություն ստեղծեն կամ ցրվեն ուրիշ կուսակցությունների մեջ ու ընդդիմություն դառնան։

Նորից շեշտեմ․ էս էն դեպքում, եթե քիմմաքրումը բարեհաջող արվի ու արտահերթ արդար ընտրություններ անցկացվեն։

էդ ամումով էս պահին իմ գլխավոր մտահոգությունը Նիկոլի անվտանգությունն ա։ Կառավարության ծրագրի ԱԺ–ում քննարկման պահից ու վերջին մի քանի իրադարձություններից համոզվեցի, որ ՀՀԿ–ն հանրային տրամադրություններ փոխելով հակահեղափոխության, ռեվանշի ռեալ շանս չունի։ Նիկոլը իրանց ողջ գաղափարական թիմին յուրաքանչյուր առիթով մատների վրա խաղացնելով հետևողականորեն կոտրում ա։

[Շինարար]

Համաձայն եմ Արշակ ջան, էդ ՀՀԿ-ի համար հաճախակի մանթո ընկնելը կարգին թերապիա կարա լինի:
Բայց ես դեռ մի քիչ հույս ունեմ, որ դրանք լավ ընդդիմություն կարող են լինել ապագա խորհրդարանում՝ կարգին քիմմաքրում անցնելուց հետո:

Մեզ էնպիսի ընդդիմություն ա պետք որ հետագայում ուզենանք իրանց տեսնել նաև իշխանությունում։ ՔՊ-ին հակակշիռ գուցե նաեւ ավելի առաջադեմ ուժ ոչ թե ազգային պահպանողական կուսակցություն։ Առաջ նայող ուժեր են պետք։

[Գաղթական]

Մեզ էնպիսի ընդդիմություն ա պետք որ հետագայում ուզենանք իրանց տեսնել նաև իշխանությունում։ ՔՊ-ին հակակշիռ գուցե նաեւ ավելի առաջադեմ ուժ ոչ թե ազգային պահպանողական կուսակցություն։ Առաջ նայող ուժեր են պետք։

Հետդ համաձայն չեմ Շինարար ախպեր:
Նախ ընդդիմությունը միշտ չի, որ հետագայում որպես իշխանությունա պետք տեսնել:
Անգամ ամենալավ ու արդար ուժին միշտ էլ քննադատողա պետք, որ կողքից բացթողումները տեսնելով մատնանշի:
Ճիշտա՝ մենք սովոր ենք, որ իշխանավորը պիտի գռփող-չռփող լինի ու նրա դեմ պայքարողը՝ ժողովրդի թեկնածու, բայց իդեալական տարբերակում դա էնքան էլ էդպես չի:

Մյուս կողմից՝ ինքս լիահույս եմ, որ արտահերթ ընտրություններից սկսած ամենատարբեր պրոֆիլներով կուսակցություններ ի հայտ կգան ու շատ թե քիչ ներկայացված կլինեն Խորհրդարանում, ինչպես և հարիր է պառլամենտական երկրին: Կարծիքների բազմազանության դիալոգից է ծնվում պահի ամենաճիշտ լուծումը:

ՈՒ, վերջիվերջո, ազգային պահպանողականը դա ՀՀԿ-ն չի, այլ էն բալանսը, որ մեզ օդ ու ջրի պես պետքա՝ աշխարհին համաչափ քայլելով հանդերձ, միայն մեզ հատուկ դիմագծերը չկորցնելու համար:

[Շինարար]

Ես չասի քննադատել պետք չի։ Բայց դեպի առաջ նայող դիտակետից ոչ թե դեպի հետ։

[Գաղթական]

Օքեյ,
«ազգային պահպանողական»-ը դեպի հետ դիտարկելը հենց էնա, ինչ պետքա մեր չուզողին...

[Շինարար]

Օքեյ,
«ազգային պահպանողական»-ը դեպի հետ դիտարկելը հենց էնա, ինչ պետքա մեր չուզողին...

Լավ էլի

[Ծլնգ]

WTF?

ՆԵՐԽՈՒԺՈՒՄ ՀԱՅՈՑ ՑԵՂԱՍՊԱՆՈՒԹՅԱՆ ԹԱՆԳԱՐԱՆ-ԻՆՍՏԻՏՈՒՏ

Երեկ առավոտյան, ժամը 10:30-ի սահմաններում, օգտվելով Հայաստանից իմ բացակայելու հանգամանքից, Կրթության և գիտության նախարար Արայիկ Հարությունյանը և նրան ուղեկցող փոխնախարար Հովհաննես Հովհաննիսյանը, մտնելով ՀՑԹԻ վարչական մաս, մուտք են գործել իմ առանձնասենյակ, այն պահին, երբ հավաքարարը աշխատանքի ընթացքում սենյակի դուռը բաց էր թողել: Գործուղման մեկնելուց առաջ սենյակում էի թողել անձնական իրերս, համակարգիչը, Միացյալ Նահանգներից բերված, սակայն մշակման փուլում գտնվող թանգարանային արժեքներ: Այնուհետև այս երկու հայախոս օրգանիզմները, ովքեր, ի դեպ ՀՑԹԻ անձնակազմի միաձայն որոշումով, հրավիրվել էին թանգարան՝ լրատվամիջոցների ներկայությամբ առկա խնդրահարույց հարցերը համատեղ քննարկելու համար, փոխանակ տեղեկանալու, թե ինչ խնդիրներ են կան, բացահայտ ու անթաքույց հովանավորչություն դրսևորելով, փորձել են անձնակազմի շրջանում ստահոդ լուրեր տարածել, հոխորտալով, թե իմ մուտքը ՀՑԹԻ վարչական մաս այլևս արգելված է:
Մի փոքր նախապատմություն. Հարվարդի համալսարանում գիտական գործուղումից վերադառնալուց հետո, վերջին մեկ ամսվա ընթացքում փորձում էի կապ հաստատել և հանդիպել ԿԳ նախարարի հետ՝ իմ կարգավիճակի և թանգարանում առկա խնդիրները քննարկելու և նախորդ կառավարության որոշումների արդյունքում իմ խախտված իրավունքների վերականգման շուրջ լուծումներ գտնելու համար: Փոխարենը, մերժում ստանալով, փոխնախարար Հովհաննես Հովհաննիսյանը, սպառնաց ինձ, թե ոստիկաններ կուղարկի Հայոց ցեղասպանության թանգարան՝ իմ մուտքն այնտեղ արգելելու համար:
Այս երկու սուբյեկտներին պարբերաբար գրավոր տեղեկացրել եմ թանգարանում իրենց ընկերոջ ու հովանավորյալի կողմից իրականացված այլանդակությունների, թանգարանի ու հուշահամալիրի ընդհանուր անվտանգությունը խաթարելու, ինչպես նաև Գիտությունների ազգային ակադեմիայի և ԿԳՆ կողմից անցյալ տարի կայացրած անօրինական որոշումների պահով:
Այստեղ հետաքրքիր հարց է առաջանում. ինչու՞ նորանշանակ կրթության և գիտության նախարարն ու իր տեղակալը հետևողականորեն պաշտպանում են նախորդ կառավարության անօրինական որոշումնները հենց թանգարանի և իմ կարգավիճակի պահով: Ենթադրում եմ, որ վերջիններս կարծում են, թե ես տեղյակ չեմ այդ դիրքորոշման ակունքներին, ուստի չեմ կարող հանրայնացնել դրա դրդապատճառների մասին ու փաստեր հրապարակել: Իսկ դրանք աննախադեպ ցնցող ու խայտառակ են իրենց բնույթով…
Այս պահին արդեն կարող ենք արձանագրել, որ հռչակված «զրո հովանավորչության» և «զրո կոռուպցիայի» դարպասներին գրանցվել է մեկական գեղեցիկ ինքնագոլ՝ ԿԳՆ կատարմամբ: Իսկ որ նման պահվածքն ու դիրքորոշումը սերտորեն կապված է քաղաքական բնույթի հետապնդման հետ, այստեղ ինչպես ասում են, կենացները շատ են թանկանալու: Տղանե´ր, շատ շուտով ձեզ պարացնելու ենք, այնպես որ լավ նախապատրաստվեք: Հաշվի առնելով բացահայտումների ու հանրությանը ներկայացվելիք մանրամասնությունների ամոթալի ու խայտառակ բնույթը, ձեր փոխարեն կմտածեի հնարավորինս շուտ հրաժարականի դիմում ներկայացնելու մասին:
Միաժամանակ, մինչ իմ վերադառնալը մի քանի տնային հանձնարարություններ ունեմ ձեզ համար. Հովհաննես, նախքան չինովնիկական պատյանի մեջ մտնելն ու հղկված չինովնիկական տեքստեր արտաբերելը, լավ կլիներ ուշադրություն դարձնեիր փնթի կազմված կենսագրականիդ, որը զետեղված է ԿԳՆ պաշտոնական կայքէջում: Սա ի՞նչ է, նոր մոտեցում գիտական հրապարակումները կրկնապատկելու առումով: Անթույլատրելի է նման փնթիությունը քո պարագայում: Միաժամանակ որպես քեզանից տարիքով ավագ և գիտական աստիճանով բարձր անձ, պահանջում եմ, որպեսզի այս շաբաթվա ընթացքում գիտական հանրությանը ներկայացնես կենսագրականիդ մեջ հիշատակված «քառասունից ավելի գիտական հոդվածները»: Կրկնում եմ, առնվազն 41 հրապարակում և բոլորը պարտադիր կերպով պետք է լինեն ԳԻՏԱԿԱՆ հոդվածներ: Այստեղ զոքանչի, բաջանաղի ու քենու անունով տպագրված ոչինչ չի անցում, տեղյակ ես, չէ՞… Փարատիր իմ կասկածներն առ այն, որ միտումնավոր կեղծ տվյալներ ես մատուցել բոլորիս..
Հաջորդ գրառմամբ մանրամասն կներկայացնեմ, թե ինչ կետերով մեղադրանքներ են կազմվելու Կրթության և գիտության նախարարության և Գիտությունների ազգային ակադեմիայի դեմ, որոնք վստահաբար կկազմեն ձեր կենսագրականների անբաժանելի մասը:
Արայի´կ, իսկ դու մեկ էջի սահմաններում ներկայացրու քո հովանավորյալի հետ 1998 թ. Դամասկոսում չորս ամիս տևած մերձեցման մանրամասնությունները, որպեսզի հանրության շրջանում մութ կետեր չմնանան քո հովանավորչության ու կոռուպցիոն գործելաոճի մասով: Ի դեպ նա հինգ ամիս շարունակ չի ներկայացել աշխատանքի, սակայն բացակա օրերի փոխարեն ստորագրելով աշխատավարձ է ստացել: Այս կապակցությամբ առկա են երկու զեկուցագրեր, որոնք տրամադրվել են ԿԳՆ աշխատակազմի ղեկավարին, բայց որքան հասկանում եմ, դա քեզ չի հետաքրքրել թանգարան ներխուժելու ժամանակ... Հընթացս չէր խանգարի, որպեսզի ուշադրություն դարձնեիր անկատար հայերենիդ, քանզի գրական հայերենով ոչ մի ավարտուն միտք առայժմ չես արտաբերել…
Հաջորդիվ կլինեն նոր հանձնարարություններ, չթուլանաք հանկարծ ու մի´ հաբռգեք….
Անհամբեր ու «դուխով» սպասեք իմ վերադարձին:
Հա մի բան էլ ասեմ. «լայվը» այս պատմության մեջ փրկարար դեր չի կատարի….
Դե իսկ հիմա կարող եք համբուրվել տղաներ…

Հ․Գ․
Մենակ Հայաստանում ԿԳ նախարարը կարա չեկիստական ռեյդերություն անի, ցեղասպանության թանգարանի տնօրենն էլ՝ հոմոֆոբախառը ՖԲ-յական գյադա-աբիժնիկություն․․․․ ու սրանք էլ մեր գիտության դեմքերն են

Հ․Հ․Գ․
Աչքիս դեգեներալներին զուգահեր դեգիտնականների տռաս հանել ա պետք կազմակերպել

Հ․Հ․Հ․Գ․
Թյու․․․

[Ծլնգ]

Կենացները թանկանում են․․․

Scannews-ի հարցին, թե որպես Հայոց ցեղասպանության թանգարան-ինստիտուտի նախկին աշխատակից՝ ինչպե՞ս կմեկնաբանի Հայկ Դեմոյանի գրառումը՝ ուղղված ԿԳ նախարար Արայիկ Հարությունյանի և փոխնախարար Հովհաննես Հովհաննիսյանի հասցեին ու մասնավորապես նրանց այցին ՀՑԹԻ իր բացակայության պայմաններում, թուրքագետ, ՀՑԹԻ-ի նախկին աշխատակից, Ֆրիդրիխ-Ալեքսանդր համալսարանի (Էռլանգեն-Նյուրնբերգ) հրավիրյալ գիտնական Հայկ Մարտիրոսյանը պատասխանեց․

«Դե Հովհաննեսին չեմ ճանաչում, այդ թեմայի շուրջ չեմ ուզում խոսել։ Եղել եմ ինստիտուտի աշխատակից որոշ ընդմիջումներով մոտ 5 տարի, ճանաչում եմ թե՛ գրառման հեղինակին, թե՛ հասցեատերերից մյուսին` Արայիկ Հարությունյանին։ Գրառումը, ընդհանուր առմամբ, ցինիկ եմ որակել իմ ՖԲ էջում, բայց դա ինձ համար նորություն չէ, ես տարիների ընթացքում բազմիցս կարդացել և լսել եմ նման որակումներ (չեմ բացառում, որ մեկ այլ ցինիկ որակում էլ իմ մասին արած լինի ուրիշների ներկայությամբ և իմ բացակայությամբ)»։

Մեր դիտարկմանը, թե ինչպես Դեմոյանն է գրում, արդյոք կա՞ այդ գործողություններում քաղաքական հետապնդում իր նկատմամբ, Հ․Մարտիրոսյանը պատասխանեց․

«Որևէ քաղաքական հետապնդում չեմ տեսնում։ Տնօրենի ընտրություն պետք է լիներ արդեն վաղուց, առնվազն մեկ տարի առաջ, եթե ոչ 2, անձամբ ես տեղյակ չեմ՝ ինչու տեղի չի ունեցել (նախորդ իշխանության օրոք)։ ՀՑԹԻ աշխատակազմի անունից գրելը հին ավանդույթ է։ Իրականում դրանք գրվում են իր կողմից` տրվում մյուսներին ստորագրելու։ Քչերն են կարողանում «հանդգնել» ու չստորագրել դրանք»։

[Ծլնգ]

ԿԳնախի մեկնաբանությունները․


ինչ-որ խառը-խշտիկ պատմություններ են․․․ աչքիս Դեմոյանը անցած տարի արտերկիր ա մեկնել, որ վերադառնա ու պաշտոնատարությունը շարունակի, բայց այդ ընթացքում համ թանգարանի կարգավիճակն ա փոխվել, համ էլ՝ հեղափոխություն, մի երկու շաբաթ առաջ հետ է եկել, ու պաշտոնը այլևս իրենը չի, հիմա էլ աթոռակռիվ ա տանում։ Երկկողմանի տնգոցու հոտ ա գալիս․․․

[Շինարար]

ՀՀԿ-ի վաղտ ամեն բան մենաշնորհ էր Դեմոյանն էլ ցեղասպանությունն էր իրանով արել

[Chuk]

ԿԳնախի մեկնաբանությունները․


ինչ-որ խառը-խշտիկ պատմություններ են․․․ աչքիս Դեմոյանը անցած տարի արտերկիր ա մեկնել, որ վերադառնա ու պաշտոնատարությունը շարունակի, բայց այդ ընթացքում համ թանգարանի կարգավիճակն ա փոխվել, համ էլ՝ հեղափոխություն, մի երկու շաբաթ առաջ հետ է եկել, ու պաշտոնը այլևս իրենը չի, հիմա էլ աթոռակռիվ ա տանում։ Երկկողմանի տնգոցու հոտ ա գալիս․․․

Չէ, ինքը շատ վաղուց էդ պաշտոնին չի: Հեղափոխությունը կապ չունի: Հիմնադրամ դառել ա դեկտեմբերին ու հիմնաադրամում տնօրենի պաշտոնակատարն ուրիշն ա եղել: Բայց դեռ մինչև հիմնադրամ դառնալը, դեռ ՊՈԱԿ վիճակում, ինքն արդեն պաշտոնակատար չէր:

[Chuk]

Մենակ Հայաստանում ԿԳ նախարարը կարա չեկիստական ռեյդերություն անի

Ծլնգ ջան, բայց ի՞նչ չեկիստական ռեյդերության մասին ա խոսքը: Գնացել ա իրա նախարարության ենթակայության տակ գտնվող հիմնադրամում առկա խնդիրները լուծելու ու այլ խնդիրներին ծանոթանալու:

Իրա սխալն էն ա, որ եթե պատմությունը ճիշտ ա, ավելի շուտ պետք ա դիմած լիներ իրավապահներին, որ զբաղվեին Դեմոյանով՝ ինքնիրավչության մեղադրանքով:

[Ծլնգ]

Ծլնգ ջան, բայց ի՞նչ չեկիստական ռեյդերության մասին ա խոսքը: Գնացել ա իրա նախարարության ենթակայության տակ գտնվող հիմնադրամում առկա խնդիրները լուծելու ու այլ խնդիրներին ծանոթանալու:

Իրա սխալն էն ա, որ եթե պատմությունը ճիշտ ա, ավելի շուտ պետք ա դիմած լիներ իրավապահներին, որ զբաղվեին Դեմոյանով՝ ինքնիրավչության մեղադրանքով:

Չուկ ջան, ինչ պաշտոնավարում ա, կարծես կրթական ոլորտում ԱԱԾ-ի թևը լինի։ Հա, հասկացանք կոռուպցիա կա, բան, բայց կրթության ոլորտում տոննայով ուրիշ հարցեր կան, որ պաշտոնափոխություններից բացի տեսլականներ ու մտածելակերպի փոփոխություն են պահանջում։ Ու Այբ-ի մոմենտով էլ հեչ վարքը սրտովս չէր։ Ու այս հարցում էլ, նույնիսկ եթե այդ պաշտոնը արդեն իրավականորեն Դեմոյանինը չէր, այդ ինստիտուտը դեմոյանական ա, ու սենց չես վարվում էլի իր հետ։ Ու ճիշտն ասած իր պատասխանները ինձ այնքան էլ չհամոզեցին, որ համպատրաստի գնացել էր խնդիրներին ծանոթանալու՝ լուծելու։ Եթե իսկապես այդքան զբաղված է, ու այդ ինստիտուտը ԿԳ-ի ենթակայության կարևոր կազմակերպություններից չէր, ապա այդտեղից պիտի պատվիրակություն գար իր մոտ, ոչ թե ինքը գնար, ու երկու ոտով սենց պատմության մեջ ընկներ։ Հետո իր պատասխանը, թե որպես ԿԳ նախարար ինքը իր պաշտոնի բերումով ուր ու ոնց ուզում ա կարա ԿԳ-ի ենթակայության տակ գտնվող բոլոր տեղեր մտնի, մեղմ ասած բլթ ա։ Գոյություն ունի ակադեմիական ազատություն գաղափարը, ու քաղաքական պաշտոնյայի այսպիսի վերաբերմունքը ցույց ա տալիս, որ այդ նախարարությունը դեռ սովետից դուրս չի եկել։ Ամենափոքր մի բանը ասեմ, խոսքի ինչ-որ մեկի անձնական գրասենյակում մի ասպիրանտի գործով ղեկավարի մեկնաբանություններ-որոշումներով փաստաթղթեր են։ Սրանց լրիվ գաղտնիություն պիտի ապահովվի, այլապես գիտությունը դառնում ա քաղաքականացված ֆարս։ Ու այն որ նախարարը սենց բաներից կարծես տեղյակ էլ չի, հա, չեկիստության գարշահոտ ա տարածում։