Փաշինյանի կառավարության գործունեությունը

[Գաղթական]

Քեֆս բերեց..
Հիմա յուրաքանչյուր ոլորտում գոնե մի սենց մասնագետ պիտի լինի, ով համ էլ դրսի փորձ ունենա.

[Lion]

124 միլիոն դրամ... քաղաքացու օրը նշելուն: Տղերք, լաաաաավվվ էլի, ախր էնքան ծակեր կա փակելու ախր... չի կարելի, էլի, պետական փողերի հետ սենց

[Տրիբուն]

124 միլիոն դրամ... քաղաքացու օրը նշելուն: Տղերք, լաաաաավվվ էլի, ախր էնքան ծակեր կա փակելու ախր... չի կարելի, էլի, պետական փողերի հետ սենց

Սաղ հանրապետության տարածքով մեկ, մեկ մարդու հաշվով՝ 0.08 դոլար։

Ինձ թվում ա, շատ էլ լավ մտածած օր ա, ու հանուն բարի հիշողությունների կարելի ա էս մի թեթև «շռայլությունն» էլ թույլ տալ։

[Ծլնգ]

Բլին, էն հանրապետական շաբաթօրյակի վրա մեկը գին չխփեց, թե քաղաքացին ինչքան փող ա հանրապետությանը ու տեղական կառավարական մարմիններին խնայել, բայց քաղաքացու օրվա տոնելու վրա ծախսված փողերի հաշվով, որոնք հաստատ տնտեսական ակտիվության շնորհիվ որոշ մասով փոխհատուցվելու են, վռազ սաղ սկսում են բողոքել․․․

[Lion]

Սաղ հանրապետության տարածքով մեկ, մեկ մարդու հաշվով՝ 0.08 դոլար։

Ինձ թվում ա, շատ էլ լավ մտածած օր ա, ու հանուն բարի հիշողությունների կարելի ա էս մի թեթև «շռայլությունն» էլ թույլ տալ։

Չի կարելի, ապեր - մեր երկիրը հազար պակաս տեղ ուներ, որ էդ 124 միլիոնը կարար ծախսվեր, չեմ ընդունում սենց բաները: Տոն էր, թող տոն լինի, լավ եղանակ լիներ, երեխաներին կվերցնեինք, այգի կգնայինք, վատ լիներ՝ խաշ կուտեինք: ՖԲ-ում արձագանքը հիմնականում բացասական է, ընդ որում մարդկանց կողմից, որոնք հաստատ քոչա-սերժական չեն...

124 մլն դրամով կարելի է մարզերում մի քանի տասնյակ քաղաքացիների ապահովել կացարանով, կարելի է մի քանի քաղաքացիների` կյանք արժեցող վիրահատությունների ծախսերը հոգալ, կարելի է շտապ օգնության, փրկարար ծառայության լավագույն աշխատողներին, ուսուցիչներին, գիտնականներին, արվեստագետներին ու երկրի ֆունդամենտը կազմող մյուս շատ աշխատողների պարգևատրել, կարելի է փլուզումից "փրկել" մի քանի պատմամշակութային արժեք հանդիսացող շինություններ, կարելի է խթանել մի քանի տասնյակ ստեղծագործ քաղաքացիների կողմից նոր պրոեկտների ստեղծմանը, կարելի է որոշապես բարելավել ծերանոցների, հոգեբուժարանների, մանկատների վիճակը... Շատ, չափազանց շատ բան կարելի է անել քաղաքացիների համար էս գումարով. հաստա՛տ վերոնշյալներից գոնե մեկն անել կարող եք, ու դա հաստա՛տ ավելի լավ ցույց կտա ձեր սերն առ ՀՀ քաղաքացին: Իսկ այժմ էս տոնն իմ կողմից ընկալվում ա որպես ինքնախաբեություն. այսինքն տարվա մեջ մի օր զգանք մեզ ՀՀ հպարտ քաղաքացի, ուրախանանք, հաջորդ օրվանից էլի անցնենք մեր ծանր, չգնահատվող, մեզ "քամող" աշխատանքին.

Էլեն Սիմոնյան

Քաղաքացու օրը նշելն անշուշտ ողջունելի է, բայց սուղ բյուջեից այսքան միջոցներ հատկացնեը մ՞իթե առաջնահերթ է.... Ավելի նպատակահարմար չէ քաղաքացիների շահերը պաշտպանել բոլոր ասպարեզներում՝ հատկապես զբաղվածության, կրթության և գիտության: Շատ ավելի ազդեցիկ կլիներ Քաղաքացու օրը սահմանամերձ գյուղերի բազմազավակ՝ երեքից ավելի երեխա ունեցող ընտանիքներին հանդիսավոր գումար փոխանցել կառավարության կողմից՝ հարակատուներիս մուծած գումարներից, որովհետև նրանք են, ի հեճուկս վիճակագրական ու տնտեսական անբարենպաստ ցուցանիշների,դաստիարակում մեր ապագա քաղաքացիներին, զինվորներին ու բժիշկներին, պատգամավորներին ու նախարարներին, նրանք են ապահովում Հայաստանի վերածնունդը: Եւ ի վերջո, Հայաստանում օրենքով բազմազավակ պետք է համարել երեք և ավելի երեխա ունեցողներին, ոչ թե հինգ...

Նարինե Դիլբարյան

Ես ՖԲ-ում լռում եմ, որ ոմանք չառիթավորվեն, բայց դե ստեղ չեմ կարող չարտահայտվել...

Բլին, էն հանրապետական շաբաթօրյակի վրա մեկը գին չխփեց, թե քաղաքացին ինչքան փող ա հանրապետությանը ու տեղական կառավարական մարմիններին խնայել, բայց քաղաքացու օրվա տոնելու վրա ծախսված փողերի հաշվով, որոնք հաստատ տնտեսական ակտիվության շնորհիվ որոշ մասով փոխհատուցվելու են, վռազ սաղ սկսում են բողոքել․․․

Հա, բայց դրա՞նց ով լավ ասեց...

[Յոհաննես]

Լիոն,խաշի սեզոնի չի՞ վերջացել

[Lion]

Էհհհ...

Քաղաքացու օր․ 124 միլիոն դրամ քաղաքացիական մատաղի՞ն

Կառավարությունը 124 միլիոն դրամ (258 հազար դոլար) է հատկացրել Քաղաքացու օրը նշելու համար։

Ես նույնիսկ չեմ հասկանում, թե ինչի՛ մասին է խոսքը։

Քաղաքացուն տեսնում եմ, այնպես չէ, որ չեմ տեսնում։ Բայց այնքան խնդիրներ եմ տեսնում, որոնք մոտավորապես այդքան գումար են ուզում ու չեն կարողանում ստանալ։ Հարցն այն է, որ կառավարությունն արդեն նախկիններին բնորոշ մի սխալ է անում։ Նախկինները տոնախմբությունների մեջ խեղդում էին մարդուն, որին ոչնչով չէին ուզում օգտակար լինել։ Ներկաներին չուզելու մեջ մեղադրելը չի հասկացվի։ Բայց, տղե՛րք, փաստորեն էդքան փող կա, որը կարող է ինչ-որ մեկի համար տուն դառնալ, ինչ-որ գյուղի ջրագիծ, ճանապարհ։

Հասկանո՞ւմ եք որտեղ է խնդիրը։ Ցանկացած իշխանություն տոնախմբությունների միջոցով փախչում է այն խնդիրներից, որոնք շոշափելի են։ Տոնախմբությունները օդ են, դրանք հենց նշելով են դառնում շոշափելի, իսկ մինչև նշելը չկան։

Քաղաքացու օրվա դեմ անձամբ ես ոչինչ չունեմ։ Բայց գուցե համբերենք էդ օրն իր «ոտքերով» կայանա՞։ 258 հազար դոլարը, որտեղից էլ այն վերցրած լինեք, կա փաստորեն։

Քաղաքացիական նվաճումդ ո՞ւր է. ցո՛ւյց տուր, հետո նոր տոնախմբության վերածիր օրդ: Քո չկեղծված ընտրությունը քաղաքացիականության նվաճումը չէ, այլ` իշխանության քաղաքական կամքի: Քաղաքացու նվաճումը կլինի հաջորդ չկեղծված ընտրությունը։ Քաղաքացին ներքևից դեռ չի բարձրացել իր հասակին հավասար: Նա դեռ պետք է վերանվաճի ինքն իրեն, այսինքն՝ հակադրվի քեզ: Առայժմ քո հանդեպ վստահությունը լցված է նախկինների հանդեպ նյարդային անվստահությամբ, որը հասկանալի է և ընդունելի: Մինչդեռ քեզանից սկսվող վստահության սանդուղքները չկան:

Քաղաքացին ամբողջ ձգվածությամբ դեռ չի կանգնել իր երկրի մեջ։ Բոլորը տեսան, թե ինչ տեղի ունեցավ երիտասարդ մաքսավորի հետ, որի աշխատասենյակում գետնին չընկած դրոշ հայտնաբերվեց:

Այս երկրի ցավերը չափազանց շատ են դեռևս էդ ցավերին չվերաբերող 258 հազար դոլարանոց տոնախմբության համար: Ոչ ոք չի ասում՝ էդ փողը բաժանեք քաղաքացիներին։ Ու գիտենք, որ բոլոր խնդիրների համար էլ պահուստային ֆոնդից գումար կգտնվի։

Խնդիրն այլ տեղ է։ Ոչ ոք չգիտի, թե ինչո՛վ է «ուտվում» Քաղաքացու օրը։ Իշխանության ներկայացուցիչներն իրենք էլ կարգին չեն կարողանում պարզաբանել, թե հատկապես ինչպե՛ս է նշվելու, ի՛նչն է կարևորվելու այդ օրը, որո՛նք են Քաղաքացու օրվա խորհրդանիշները և այլն։

Արդեն այստեղ ու այնտեղ խոսում են այն մասին, որ մարդիկ իրենց փողոցներում խորոված կսարքեն ու այդպես կնշեն տոնախմբությունը։ Գուցե խորովածի գաղափարը վատը չէ։ Բայց դա ավելի շատ կարող է հիշեցնել մատաղի արարողությունը, որը, ի դեպ, կրոնական է և ամենևին ոչ քրիստոնեական։

Թե՞ խորովածն էլ մեր քաղաքացիական մատաղն է ի նշան այն բանի, որ հեղափոխության ժամանակ կարող էին զոհեր լինել, բայց չեղան։

Երբ այդքան գումար եք հատկացնում իր էությունն ու բնույթը որևէ կերպ չարտահայտած Քաղաքացու օրվան, ուրեմն ձեր բառապաշարից պետք է դուրս գա «փող չկա» արտահայտությունը։

Ուղղակի։

Առանց քննարկելու։

Ոչ թե ասեք, թե որ դեպքում կա և որ դեպքում չկա, որ դեպքում է խնդիրն ավելի շատ փող ուզում և որ դեպքում չի ուզում։ Մարդիկ հեղափոխության առողջություն ունեին, բայց վստահ չեմ, թե նրանք նույնքան առողջություն ունեն տեսնելու, թե ինչպե՛ս է հեղափոխությունը խժռում քաղաքացու այդպես էլ չունեցած փողերը։

Օրը թող լինի հենց այսօր, ոչ մի խնդիր։ Բայց հասունացրե՛ք օրը, ինչպես ժամանակին անկախության զգացումն է հասունացել։

Մհեր Արշակյան

[Skeptic]

Բլին, էն հանրապետական շաբաթօրյակի վրա մեկը գին չխփեց, թե քաղաքացին ինչքան փող ա հանրապետությանը ու տեղական կառավարական մարմիններին խնայել, բայց քաղաքացու օրվա տոնելու վրա ծախսված փողերի հաշվով, որոնք հաստատ տնտեսական ակտիվության շնորհիվ որոշ մասով փոխհատուցվելու են, վռազ սաղ սկսում են բողոքել․․․

Շաբաթօրյակը սովետական ժառանգություն ա, անգլերենում նույնիսկ համարժեք բառ չկա։ Ժողովրդի գիտակցության մեջ երևի դեռ խորը նստած ա։ Բայց ոնց որ էս թեմայում սթրոումենների ու ուոթըբաութիզմների մասին խոսք էր գնում։

[Վիշապ]

Շաբաթօրյակը սովետական ժառանգություն ա, անգլերենում նույնիսկ համարժեք բառ չկա։ Ժողովրդի գիտակցության մեջ երևի դեռ խորը նստած ա։ Բայց ոնց որ էս թեմայում սթրոումենների ու ուոթըբաութիզմների մասին խոսք էր գնում։

Շաբաթօրյակը կապիտալիստական Նահանգներում էլ կա, ուղղակի կոչվում է volunteering: ՈՒ ավելացնեմ, լիքը թոշակառուներ ճամփեքին աղբ են հավաքում, և ուրախ են, առողջ ու բավարարված: Բայց դե միշտ գտնվում են կենդանիներ, որ էդ աղբը էլի թափում են:

[Lion]

Շաբաթօրյակներին սկզբունքորեն եմ դեմ, քանի որ, եթե ես նորմալ հարկեր եմ վճարում, թող բարի լինեն նորմալ վարչական համակարգ ստեղծեն, որը կհավաքի աղբը: Ավելին, սովետի հիմար ավանդույթով շաբաթօրյակ կոչվածը վերածվում է ոմանց փիառվելու, ինքնահաստատվելու և մասնակիցների հիմնական մասին էլ պարտադիր մաքրություն անել տալու հիմար միջոցառման:

[Skeptic]

Շաբաթօրյակը կապիտալիստական Նահանգներում էլ կա, ուղղակի կոչվում է volunteering: ՈՒ ավելացնեմ, լիքը թոշակառուներ ճամփեքին աղբ են հավաքում, և ուրախ են, առողջ ու բավարարված: Բայց դե միշտ գտնվում են կենդանիներ, որ էդ աղբը էլի թափում են:

Տարբեր են։ Volunteering-ը մենակ փողոց մաքրել-ծառ տնկելը չի, ու համապետական մասշտաբով չի ազդարարվում։ Ես էլ, եթե թոշակի տարիքի հասնեմ ու կամ արևմտյան որևէ երկրում լինեմ, կամ էլ էդ արժեքները Հայաստան գան, մեծ հաճույքով կմասնակցեմ։

[Lion]

Ու կրկին դեմ են տալիս նիկոլենց իրենց իսկ խոսքերը, ցավն էլ էնա՝ հիմնավոր.

ՈՒրեմն 2017 թվականին Էրեբունի Երևան-ի տոնակատարություններին նվիրված հատկացված ա եղել 80 միլիոն դրամ ու սա ելք խմբակցության անդամ Արայիկ Հարությունյանի էն ժամանակվա մտքերն են, որ գումարները պետք է ուղղվեին հազար ու մի խնդիրների լուծմանը ----Երևանի ավագանու «Ելք» խմբակցության անդամ Արայիկ Հարությունյանի խոսքով՝ մեծ գումարներ պետք է ծախսել Հայաստանում առկա սոցիալական խնդիրները լուծելու համար, և ավելի համեստ լինել տոնակատարություններ կազմակերպելու հարցում: Հ.Գ տեսնես էն ժամանակ քանի-քանի մարդիկ են սենց ծախսերի համար ««քացու տակ»» քցել նախկիններին, բայց հիմա ասում են 124 միլիոն են հատկացնում ,լավ են անում ..քիչ են անում...իրավիճակա փոխվել...

Այսեր Բաբլոյան

Ասենք՝ ձեզ պետք է՞ր էս...

[Վիշապ]

Տարբեր են։ Volunteering-ը մենակ փողոց մաքրել-ծառ տնկելը չի, ու համապետական մասշտաբով չի ազդարարվում։ Ես էլ, եթե թոշակի տարիքի հասնեմ ու կամ արևմտյան որևէ երկրում լինեմ, կամ էլ էդ արժեքները Հայաստան գան, մեծ հաճույքով կմասնակցեմ։

Ճիշտ ես, ինչ volunteering ինչ ոլորտում ասես կա, ու փոխադարձ շահերի հետաքրքիր սխեմաներ էլ են գործում:
Բայց Նահանգներում եթե համապետական (կամ համանահանգային) խնդիր լինի, երևի կազդարարեն, նման դեպք դեռ չի եղել:
Հայաստանի պարագայում աղբ մաքրելն ու ծառ տնկելը կարծում եմ վաղուց արդեն համապետական խնդիր է, ու ինձ թվում է՝ բնական է ժողովդրի օգնությանը դիմելը:
Իմ կարծիքով, նույնիսկ պետք է ավելի հաճախ անել, ու սոցգովազդների ու տուգանքների միջոցով քչացնել աղբը ՀՀ չոլերից:
Պետությունն էլ պիտի հավաքած աղբը մարդավարի վերացնի, եթե վերամշակում չկա, ապա մնում է թաղելը, ուրեմն պիտի թաղեն: Շատ բարդ խնդիր չի թվում էդ անտերը, ուղղակի մենք աղբին սովոր ժողովուրդ ենք, շատ ժամանակ չենք նկատում:

[Skeptic]

Ճիշտ ես, ինչ volunteering ինչ ոլորտում ասես կա, ու փոխադարձ շահերի հետաքրքիր սխեմաներ էլ են գործում:
Բայց Նահանգներում եթե համապետական (կամ համանահանգային) խնդիր լինի, երևի կազդարարեն, նման դեպք դեռ չի եղել:
Հայաստանի պարագայում աղբ մաքրելն ու ծառ տնկելը կարծում եմ վաղուց արդեն համապետական խնդիր է, ու ինձ թվում է՝ բնական է ժողովդրի օգնությանը դիմելը:
Իմ կարծիքով, նույնիսկ պետք է ավելի հաճախ անել, ու սոցգովազդների ու տուգանքների միջոցով քչացնել աղբը ՀՀ չոլերից:
Պետությունն էլ պիտի հավաքած աղբը մարդավարի վերացնի, եթե վերամշակում չկա, ապա մնում է թաղելը, ուրեմն պիտի թաղեն: Շատ բարդ խնդիր չի թվում էդ անտերը, ուղղակի մենք աղբին սովոր ժողովուրդ ենք, շատ ժամանակ չենք նկատում:

Կակ ռազ Սանիտեկը քաղաքապետարանի հետ մուկնուկատու ա խաղում, կարելի ա առաջինին ու իրանց մրցակիցներին (եթե կան) գրողի ծոցն ուղարկել, ու ամբողջ մաքրությունը ժողովուրդն անի ))

Կատակը մի կողմ, տուգանքներին երկու ձեռքով կողմ եմ, սոցգովազդները չգիտեմ ինչքանով արդյունավետ կլինեն, բայց էլի վատ չէր լինի։

[Ծլնգ]

Շաբաթօրյակը սովետական ժառանգություն ա, անգլերենում նույնիսկ համարժեք բառ չկա։ Ժողովրդի գիտակցության մեջ երևի դեռ խորը նստած ա։ Բայց ոնց որ էս թեմայում սթրոումենների ու ուոթըբաութիզմների մասին խոսք էր գնում։

Շաբաթօրյակ էլ կա, շաբաթօրյակ էլ․․․ բայց իմ ասածը սովետականության կամ ուրիշ բանի հետ կապված չէր, այլ հենց զուտ տնտեսագիտական էր․․․ եթե եղել ա էդ շաբաթօրյակը, ուրեմն որոշ չափով գումարներ տնտեսվել են, բայց չտեսանք, թե մեկը ասեր՝ այ պետություն, քաղաքացուն ժամավճար տուր՝ աղբը հավաքելու համար (բայց լավ ա, որ Լիոնը հիմա ասում ա՝ հարկեր եմ տալիս, թող հարկերս էդ աղբը հավաքեն, չնայած Վալոդն էլ երևի ասում ա՝ հարկեր եմ տալիս՝ ինձ տոնեք)։

Իսկ ավելի գլոբալ․ ասածս էն էր, որ էս բողոքողները (Լիոնը չէ, այլ քաղաքական գործիչները) շատն ինքնափիառի համար են սա անում․․․ իսկ տոները կարևոր են ու ահագին տնտեսական խթան էլ կարող են լինել, մանավանդ որ տոնվում է քաղաքացին՝ երկար տարիներ ոչխարի տեղ դրված թալանված լինելուց հետո։ Ինձ որ լսեն, Հաց Բերողի օրն էլ պիտի պաշտոնապես ամրագրվի․․․