Ուշագրավ էպիզոդ էր...
"Մաքսային ծառայության մասին" ՀՀ օրենքի 48-րդ հոդվածը սահմանում է մաքսային ծառայության պաշտոնից ազատելու հիմքերը: Դրանցից մեկն է՝ սեփական դիմումով ազատվելը: Մյուս հիմքը, որը գուցե այս դեպքում կարող է կիրառվել, դա. "ծառայողական կարգապահական և վարքագծի (էթիկայի) կանոնները միանգամյա կոպիտ խախտելը կամ ծառայողական կարգապահական և վարքագծի (էթիկայի) կանոնները պարբերաբար խախտել"-ն է: Նույն օրենքի 14-րդ հոդվածի 6-րդ մասի համաձայն. "6. Մաքսային մյուս ծառայողները պայմանագրի հիման վրա սահմանված կարգով պաշտոնի նշանակվում և պաշտոնից ազատվում են կոմիտեի ղեկավարի հրամանով:": Այսինքն, այդ աաշխաողն կարող է պաշտոնից ազատել միայն պարոն Անանյան,ը կարևո չէի, իր դիմումի համաձայն, թե՞ իրավիճակը որպես ծառայողական կարգապահական և վարքագծի (էթիկայի) կանոնները միանգամյա կոպիտ խախտել կամ ծառայողական կարգապահական և վարքագծի (էթիկայի) կանոնները պարբերաբար խախտել դիտարկելու դեպքում:
Մաքսային այդ ծառայողը, որպես պետական պաշտոնյա, պարտավոր է կատարել իր վերադասի օրինական հրամանները, հրահանգները և ցուցումները: "Դիմում կգրես"-ը, սակայն, օրինական ցուցում չի կարող համարվել, քանի որ անձի իրավունքն է շարունակել աշխատել կամ դադարել աշխատանքային հարաբերություններ ունենալ մի որևէ գործատույի մոտ:
Սա իրավական մասով:
Բարոյական մասով՝ իրոք դրոշի հետ նման վարքագիծը համարում եմ անընդունելի, թեև դեռ հարց է, թե կոնկրետ այդ աշխատողի մեղքն այդ իրավիճակով որքան էր: Ամեն դեպքում, ինքս միշտ ներքնապես ընդվզում եմ, երբ ամենատարբեր պետական հիմնարկներում տեսնում եմ, օրինակ, կեղտոտ կամ պատռված դրոշ:
Քաղաքական մասով՝ սա ընտրողների սիրտը որոշակիորեն շահելու փորձ էր, քանի որ հայտնի է մեր հասարակության լայն մասի բացասական վերաբերմունքը մաքսային մարմինների նկատմամբ:
Վարչական մասով՝ արդեն մեկ տարի է, որ պարոն Փաշինյան զբաղեցնում է ՀՀ վարչապետի պաշտոնը: Վատ է, որ միայն հիմա են նման տարրական անփութություններ ի հայտ գալիս, ընդ որում սա դեռ տեխնիկական մասով, իսկ ընդհանուր ոչ արդյունավետության առումով մեր պետական համակարգի շատ ու շատ ճյուղեր դեռևս լուրջ բարեփոխման կարիք ունեն: Ավելին, շատ վատ է, որ, ինչպես մեկամսյա վաղեմության գյուղ այցելելու ժամանակ եղավ, փաստորեն վարչապետը պետք է միայն անձնական այցելություն ունենա մի որևէ վայր կամ համակարգ, որ պարզի իրավիճակը: Դա նշանակում է, որ պետական գործուն համակարգ, գործող հսկման ու վերահսկման համակարգեր չկան կամ գործում են թերի:
Հ.Գ.
Հոգեբանական մասով
Նման բաներ տեսել եմ և բանակում, և աշխատանքի վայրում: Կային նախարարներ, որ կարող էին, հենց այսպես, ուղղակի ներխուժել սենյակդ ու մի չնչին բանի համար ասել՝ դիմում կգրես: Սա անընդունելի է, դա վախի, կեղծավորության, քծնանքի և ստորաքարշության մթնոլորտ է ստեղծում ողջ համակարգում:Ծլնգ-ի խոսքերից
Մեջբերել
Էջանիշներ