Ականջդ տուր երգ խցկեմ 1

[Progart]

սկզբից թուաց թէ բիթլզ եմ լսում ու դա փչացրեց ամէն ինչ(ես ու բիթլզը, ինչպէս թոմն ու ջերին):
դուրս չեկաւ, չնայած երաժշտութիւնը հաւէս էր: բայց դէ վաղը կը մոռանամ արդէն)))
մնացած երգերն էլ լսեցի, ու ինձ համար բացայայտում էր Matthews Southern Comfort - Woodstock-ը:
Այ իրանց էլի կը լսեմ:

Sent from my D5803 using Tapatalk

[Cassiopeia]

Cassiopeia ջան, սա քո բաժինն է՝ Emerson, Lake & Palmer - C'est la Vie

Սիրում եմ էս տիպի երգեր։ Բայց էս մեկը մի տեսակ էնքան էլ չարդարացրեց իրան։
Անընդհատ սպասում էի, որ ինչ-որ զարգացում կլինի, բայց երգը որոշել էր, որ պետք ա միշտ քնացնի։
Կարծում եմ, սիրողական տեսանյութ էր, բայց նկարների հաջորդականությունը սազում էր երգի հետ։

[boooooooom]

Իմ մեկ միավորը տալիս եմ առանց այդ էլ հաղթողին՝ BONJAH - Bullet In the Barrel ։ Շատ կռուտոյ երաժշտություն էր. հարվածայինը ոնց որ կտրտեր երգը, ու կիթառներից մեկն էր առանձնակի համ տալիս երգին։ Շատ ռիթմիկ էր մի խոսքով. դուրԸս եկավ))

Ու հա, վոկալիստը մեր Դատարկին էր նման

[boooooooom]

սկզբից թուաց թէ բիթլզ եմ լսում ու դա փչացրեց ամէն ինչ(ես ու բիթլզը, ինչպէս թոմն ու ջերին...

Բիթլզից էս ռիթմի երգ չհիշեցի։ Տեսքով նման էին, բեմի վրա պահվածքով էլ, բայց ռիթմը ոնց որ Զեմֆիրայի "А девушка созрела"-ն լիներ։

[Smokie]

Լավ եմ հիշում, որ ժուկով ժամանակով ինձ բաժին հասած երգը հաճախակի էին հեռարձակում: Սիրում էի շատ ու մինչև հիմա դա մնացել ա Մերսիներ Աթեիստին:
Հիշում եմ, էն ժամանակ կարծում էի կրկներգերի երկու մասերում` "տանում է"-ի երկրորդ նոտաները տարբեր են, փորձում էի լսել, տեսնել, սկզբից "տանում է" ա ասում, հետո "տա-նում է,"? թե՞ հակառակը ու միշտ խառնում էի տեղերը: Դե հետո, երբ արդեն ինքս ունեի տեսահոլովակը ու կարող էի ցանկացած պահի նայել` բնականաբար հասկացա, որ դա ընդամենը իմ պատկերացումն էր:
Հա, մեկ էլ էն օրերին որ լսում ու նայում էի, ոնց-որ էնպիսի տպավորություն լիներ, թե Empyray-ի երգիչը ակնոցները հանել ա ու մազերը երկարացրել/աճացրել:
Իմ հետաքրքիր հուշերից ա էս երգը, որին անդրադարձել եմ բնականաբար ոչ քիչ անգամ:
Ու Կարեն Հայրապետյանի "Ուր դու կաս"ն էլ եմ շատ սիրում:

Վաղը մյուս երգերն էլ կուսումնասիրեմ ու կշնորհակալեմ:

[Smokie]

Bonjah-Bullet in The Barrel. Անկեղծ եմ ասում, էնքան էլ չհավանեցի: Միայն մեկ անգամ եմ լսել Հատկապես երգչի ձայնը դուրըս չեկավ:
Emerson, Lake & Palmer-C'est La Vie. Խմբից մի երկու ալբոմ եմ լսել, բայց ոչ էնքան շատ անգամ: Lucky Man երգն եմ սիրում: C'est La Vie-ն վատ երգ չէր, պարբերաբար երևի կանդրադառնամ: Հաստատ գիտեմ ով ա Սանտան, պարզվեց folder-ներիցս մեկում կա երգը՝ հենց իր անունով:
Matthews Southern Comfort-Woodstock. Սիրուն երգ էր ի՞նչ խոսք:
Hooverphonic-Mad About You. Ինձ համար բացահայտումների միջից ամենաշատը սա հավանեցի:
Կարեն Հայրապետյան-Սիրո երկիր. Դե, ոնց ասեցի:
Sheryl Crow-Tomorrow Never Dies. Գիտեմ, որ հայտնի ա, դպրոցական տարիքում՝ Նոր տարվա օրերին լիքը ցույց էին տալիս ֆիլմի գովազդը, տակից էլ մենակ երգն էր գնում: Մեծացա, հիշեցի երգը, բայց ոչ ֆիլմի անունը գիտեի, ոչ խոսքերը, ոչ կատարողին՝ որ գտնեի մի տեղից: Մի երկու-երեք տարի առաջ ռադիոյով լսեցի՝ չկարողացա խոսքերը ֆիքսել: Բայց մի քանի օր, կամ ամիս հետո ռադիոն ինձ էլի հնարավորություն տվեց՝ էս անգամ հեռախոսով ձայնագրեցի ու ճարեցի:
Rammstein-Mein Herz Brennt. Համարյա բան չասեց երգը: Չէի լսել:
The Last Shadow Puppets - Standing Next To Me. Ինչու՞ մենակ ես հավանեցի էս երգը: Ախր շատ էլ լավն ա: Կարող ա ձայնագրության մեջ թերություն լինի, որակի հարցում, բայց երաժշտությունը իմ սիրածներից ա ու կարծում եմ ոչ միայն իմ:

[Progart]

Բիթլզից էս ռիթմի երգ չհիշեցի։ Տեսքով նման էին, բեմի վրա պահվածքով էլ, բայց ռիթմը ոնց որ Զեմֆիրայի "А девушка созрела"-ն լիներ։

Ես տեսքով նկատի ունէի


Sent from my D5803 using Tapatalk

[Աթեիստ]

Աթեիստ ջան, քո խցանը սա է՝ Matthews Southern Comfort - Woodstock

Հիշեցի, որ մենակ շնորհակալություններ եմ շարել ։)

Երգը վատը չի, բայց հաստատ էն երգը չի, որ ուզենամ իրանցից ուրիշ երգեր լսեմ կամ, սա էլի միացնեմ։

Լսելու ընթացքում դեռ մինչև բառերը կարդալը, երգի ոճից արդեն գուշակում էի ինչի ու որ ժամանակների մասին ա (չնայած Վուդստոկը արդեն պտի հուշեր )։

Իրա ասելիքը լավ հաղորդում էր, բայց ինձ ասելիքը հետաքրքիր չէր։

[boooooooom]

Աթեիստ, քո պատճառով մի օր ավել ձգվեց:

Դե ինչ, եզրափակենք։ Այսպիսով ըստ միավորների ունենք հաղթող

1. BONJAH - Bullet In the Barrel (LisBeth) Շնորհավորում եմ։

Ավելի պակաս միավորներ ստացան՝

2. Rammstein-Mein Herz Brennt (Մուշու)
3. Matthews Southern Comfort - Woodstock (Smokie)
4. Sheryl Crow-Tomorrow Never Dies (Cassiopeia)
5. Կարեն Հայրապետյան-Սիրո երկիր (Աթեիստ)
6. Emerson, Lake & Palmer-C'est La Vie (CactuSoul)
7. Hooverphonic-Mad About You (Progart)
8. The Last Shadow Puppets - Standing Next To Me (Skeptic)

Խցանատիրոջը ամենադիպուկը Smokie-ն գուշակեց, մոտավորապես էլ՝ Skeptic-ը։ Ձեզ ել եմ շնորհավորում

Շնորհակալություն մասնակիցներ և հետևողներ ջան

[Աթեիստ]

Ես Rammstein-ի կլիպի մինչև կեսը նայեցի, երգին տենց էլ չհասա ։)
Մյուսին որ Հրաչուհի Ութմազյան լինի, իմացեք, որ ես եմ
Համ ավելի սիրուն ա, համ հասկանալի։ Դե ֆոնում գնացող երաժշտությամբ մի բան հաստատ կկարանամ գտնեմ։

[boooooooom]

Աթեիստ, էդ քո հայկական երգը առաջին անգամը կեսը լսեցի անջատեցի, հասարակ հայկական պապսա թվաց (ՊեպելյանԾառուկյան... էդ տիպի), հետո որ Սմոքին լավ բաներ գրեց, մտա մի հատ մինչև վերջ լսեցի. արա հա էլի))) էմփիռեյի ձենին նման ա, վատ էլ չի երգում։
Բայց ՈՒթմազյան, բայցպետչի)))

[Մուշու]

Ես անգամ չէի նկատել որ հայերեն երգ ունենք

[Մուշու]

Վարդ մենք մեր առաջարկած երգերը կարա՞նք հավանենք, ես երկար էի փորձում շնորհակալություն չհայտնել առաջարկածս երգին, բայց չդիմացա վերջը:

[boooooooom]

Հա, ինչու ոչ։ Շատերը դրել էին։

[boooooooom]

Հենց նոր խաղ ուզեք, էս գրառմանը շնորհակալություն "դրեք": 10 հատ հավաքվի՝ սկսում ենք