196.
Երբ տեսողությունը նշմարում է համաշխարհային նշանակություն, բացվում են դեպի անվերջանալի, արտահայտված Լինելություն տանող ուղիներ: Տիեզերական աչքը կյանքում միայն եղածն է բացահայտում: Անսահմանափակ աչքը բացահայտում է անվերջանալի Լինելությունը: Տիեզերքի ստեղծագործումն անդադարելի է, և այնտեղ, որտեղ տիեզերական աչքը տեսնում է սահման, անսահմանափակ աչքը բացահայտում է նոր հորիզոններ: Տիեզերական Մագնիսի հաստատման խորհուրդը պատկերանում է Բարձրագույն Մտքի տիեզերական տեսողությամբ: Այդպես բարդ օրենքը կարող է ընդլայնվել, ինչպես Տիեզերքի Սրտի տարերային ուժ: Տիեզերական օրենքի հստակությունը մարդուն ասում է, թե որքան սքանչելի է աշխարհը:
Երբ Լույսի Տարան* լուսավորի մոլորակը հեռավոր աշխարհներով, այդ ժամանակ այն կհիմնավորվի, ինչպես գեղեցկության արտահայտություն: Երբ Սրտի Տարան* ողողում է աշխարհը սիրով, այն հաստատվում է գեղեցկության արտահայտմամբ:
- - - - - - -
197.
Անսահմանափակ տեսողությունը հատկանշական է Հրեղեն Յոգին: Տիեզերական Մագնիսն այն պատճառով է այդպես զգացվում սրտով, որովհետև նույնիսկ ամենահեռավոր արտահայտված արձագանքը արտացոլվում է նրա կենտրոններում: Տիեզերական Մագնիսն ու տարածական հուրը լարում են կենտրոնները: Երբ կենտրոններն այդպես թրթռում են, իհարկե, Հրեղեն Յոգը ցնցում է ապրում, և կենտրոնները հաշվի են նստում տարածության հոսանքների հետ: Շատ ուժեր են ծախսվում վեցերորդ ռասայի ոգիներին մագնիսացնելու և առաքումներ հղելու վրա: Իհարկե, պետք է խնայել հաստատված ստեղծագործ ուժերը:
Կասեմ այսպես՝ հիրավի, Հրեղեն Յոգի կենտրոնները հրեղեն հեղե՛ղ են:
- - - - - - -
198.
Ինչու՞ ուրեմն մարդկությունն այդպես տրոփում է խելացնորության մեջ: Տիեզերքը ցնցվում է մարդու հաստատած դրսևորումներից: Եվ կարելի՞ է արդյոք սպասել, որ մարդն առաջ կընթանա առանց առնչվելու Տիեզերական Մագնիսին: Ներդաշնակության համար ձևը պետք է համապատասխանի ձևին: Բարեշրջման հաստատումը կաճի միայն այն ժամանակ, երբ մարդը կնմանվի Տիեզերքի զարգացմանը: Կամ էլ, մտնելով բարեշրջման հոսքի մեջ, կատարելագործվելով, որպեսզի բարձրագույն լարման տեղ զբաղեցնի Տիեզերքում, մարդու աճը կատարելապես հստակ առաջընթաց ցույց կտա, կամ էլ պետք է կործանվի այն իրավիճակը, որի վրա մարդն իշխում է: Մարդու բոլոր նկտրումներն այնքա՜ն քիչ են շարժում բարեշրջումը: Եթե նրա նկրտումը միասնական չէ Տիեզերքի հետ բարելավման, միասնացման, հաստատման, Ընդհանուր Բարիքի վերաբերյալ, այդ դեպքում դրսևորումների շղթան անարժան է:
Մենք սասանվում ենք բազմաթիվ ցնցումների և կռիվների ժամանակ: Այնքա՜ն տիեզերական նախաձեռնություններ են կոտրվում՝ անսահմա՛ն: Բայց անսահման է աշխարհը, և գալիք նոր ռասան տիեզերական հուր կտա նրա ամենաբարձրագույն դրսևորումներում:
- - - - - - -
* Լույսի Տարա, Սրտի Տարա - Ելենա Ռերիխը:
Էջանիշներ