174.
Բոցեղեն Հնգանիստը վահան է պայքարի ժամանակ։ Հատուկ լարվածության մեջ մարդն իրենից այդպիսի Հնգանիստ է ներկայացնում՝ վառվում է կոկորդը, վառվում են ձեռքերի և ոտքերի վերջույթները։ Այդժամ, որպես անհրաժեշտ վահան, հառնում է նա, իրենով ծածկելով դրսևորված գործերը։ Իհարկե, նման վիճակը հատկապես վտանգավոր է կյանքում, որտեղ այնքա՛ն շատ են դավաճանական մանր երևույթները։ Խորհուրդ եմ տալիս լռություն, որպեսզի չբռնկվեն մի շարք կենտրոններ և հատկապես սիրտը։ Այդպիսի անձնվեր բոցավառ սիրտը ասես հատուկ սփոփանք լինի Բարձրագույն Աշխարհի համար։ Որպես ջահեր են փայլում այդպիսի սրտերը Աշխարհի հեղձությունների վերևում։
- - - - - - -
175.
Փակված ապակե անոթը կբացվի միայն համահնչության վրա։ Դա բավականաչափ հայտնի է, բայց համահնչության հարաբերականությունը, զարմանալի բազմազանության հետ մեկտեղ, բավականաչափ մտածված չէ։ Մի՞թե տարօրինակ չէ, որ նույն ապակին կհամահնչի կամ ապակուն, կամ մետաղին, կամ փայտին՝ ամենատարբեր մարմիններին։ Այդպիսի համահնչությունը ևս մեկ անգամ հիշեցնում է համադրությունների հարաբերականության բազմազանության մասին։ Այդ օրինակի երևույթը օգտակար է մարդկային առաջնորդների համար։ Մի՞թե առավել մեծ վնաս չի հասցվում միօրինակությամբ, որն այդպես ներթափանցում է մարդկային բոլոր շերտերի մեջ։ Օրենքը նույնն է, բայց տարբեր են նրա թրթիռները, ինչպես բազմազան է նաև Աշխարհակառույցը։ Այդ օրենքը ճանաչողները չեն կարող ամբողջ մարդկությանը վերաբերվել, ինչպես միատեսակ քարերի կույտի, որոնք նույնպես տարբեր թրթիռներով են համահնչում։ Պետք է ուրախանալ այդպիսի բազմազանությանը, քանզի հենց այն է հղկման ճանապարհ տալիս։ Ի՞նչ տեղի կունենա մարդկության սրտի հետ, եթե նա միայն մեկ նոտայո՛վ հնչի։ Ուրեմն թող բոլոր առաջներդները հիշեն բազմազանության և տարատեսակության մասին։
- - - - - - -
176.
Արմագեդոնն արդեն սկսվել է՝ երեսունմեկ թվականի վերջը բացեց Մեծ Ճակատամարտը, որի մասին ձեզանից չէի թաքցնում, ուստի հիմա ճակատամարտի վերջ չի կարող լինել մինչև հաղթական որոշումը։ Իհարկե, ճակատամորտի բոլոր զգացումներն արտացոլվում են սրտի վրա, երբ բոցավառ Հնգանիստը պետք է կանգնեցվի որպես վահան։ Պետք չէ զարմանալ, թե ինչպես են կուտակվում իրադարձությունները, քանզի երկրային ճակատամարտը հաջորդելու է երկնայինին։ Շատ է խոսվել Երկնային Զորքի մասին, Միքայել Հրեշտակապետի մասին, հաստատված Առաջնորդի մասին և բոլոր շփոթմունքների մասին։ Ուստի ասում եմ՝ զգուշությու՛ն։
Մեջբերել
Էջանիշներ