290.
Բժիշկը սովորաբար ասում է հիվանդին. «Ահա կգա ամառը, կգնաք արևոտ վայր, կվերանորոգվեք սարերի կամ ծովի քամով»։ Նույնիսկ երկրային բժիշկը ապաքինում է, նկրտելով դեպի գալիք։ Կարման անցյալի հիվանդություն է, ապաքինումը նրանից՝ ապագայում։ Իհարկե, դեպի ապագա կարող է նկրտել նա, ով ցանկանում է ազատագրվել անցյալից։ Նկրտումն ամբողջ էությամբ՝ պահպանում է անկումներից։ Ուրեմն հիշեք, որ նշել եմ, ինչպես կարելի է քայլել ջրի վրայով, բայց չեմ ասել, կարելի՞ է արդյոք նրա վրա կանգնել։ Կարման կարելի է փոխել անսանձ նկրտմամբ։
- - - - - - -
291.
Դեպի ապագա շարժումը նման է կրակի շարժմանը։ Կարելի է զարմանալ, թե ինչպես է կրակն ապրում մեկ տեսանելի, մեկ անտեսանելի, թրթռալով և պահպանելով աշխարհի հավասարակշռությունը։ Ուրեմն նկրտենք դեպի ապագա, քանզի, հրեղեն տարերքով համակված, վայր չենք ընկնի։ Բայց հուրը կանչել կարելի է միայն ոգին շարժելով։ Ուրեմն երկրի ոլորտի հանդեպ կիրառենք բարձրագույն օրենքները։ Կարելի է նույնիսկ փոխել կարման, նշանակում է, դեպի գալիքը նկրտումով կարելի է փոխել երկրային բոլոր պայմանները։ Կիրառեք Իմ Հրահանգը կյանքում։ Միայն նկրտողին են կպչում թանկարժեք էներգիաների մասնիկները։
- - - - - - -
292.
Բարեշրջման մեծ աստիճանների շինարարությունը տեղի է ունենում արտասովոր ուղիներով։ Ամեն նոր աստիճան միշտ մարդկությանը բերում է հաստատում, որը մղում է միտքը դեպի նոր հզոր հնարավորություններ։ Այդպես Բարձրագույն Կամքը լարում է յուրաքանչյուր էներգիա Տիեզերական Մագնիսին համապատասխան։ Չկա այնպիսի հաստատում, որը կարող էր տեղի չունենալ, եթե այն առաքված է Բարձրագույն Կամքով։ Չկա այնպիսի նկրտում, որը չէր ընդունվի, եթե առաքված է Բարձրագույն Կամքի կողմից, հետևաբար մարդկությունը պետք է նկրտի միայն դեպի Վերարքայություն։ Հիրավի, այդ տիեզերական հասկացման մեջ են ներդրված շինարարության բոլոր հնարավորություննե՛րը։
- - - - - - -
293.
Հետևաբար, արտահայտելով բաժանվածություն Բարձրագույն Կամքի հետ, այսքա՜ն ուժասպառվել է մարդկությունը։ Այդ պատճառով Մենք այսքան հզոր հաստատում ենք կիզակետը, քանզի առանց կենտրոն անհնար է Բարձրագույն Կամքն ընդունել։ Այդ պատճառով այդքան հզոր Մենք կանչում ենք դեպի Վերարքայություն։ Հիրավի, պետք է սրբորեն պահպանել գանձերը, նրանցով Մենք գործեր ենք կառուցել։ Ամեն սրբազան ստեղծագործում ներդրում է բարեշրջման մեջ։ Խորհենք մեծ մտքի նշանակության մասին, մտորենք Տարայի կրակների մեծ հզորության մասին, խորհենք սրտի նվիրվածության մասին, խորհենք նրանց անսասանության մասին, ովքեր ընթանում են Վեհապետի անունը շուրթերի՛ն։
Մեջբերել
Էջանիշներ