748.
Մտքի նշանակությունը կարելի է սահմանել ստեղծագործության շարժիչի հաստատմամբ։ Տիեզերքն իր բազմազանության մեջ բարձրագույն մտքով է լարվում։ Միայն երբ գիտակցված է նկրտումը դեպի միտք, կարելի է էներգիայի նուրբ որակ ընտրել։ Երբ մարդկությունը պնդում է մտքի մասին, այդժամ, իհարկե, մտքի նշանակությունը պետք է Տիեզերքի ստեղծագործմանը հարող գիտակցված ձև ընդունի։ Տիեզերքի ստեղծագործման ներքո յուրաքանչյուր միտք՝ շարժում է։ Մարդկային ստեղծագործման մեջ միտքն ամեն աստիճանի շարժիչն է, ինչպես փոքրի, այնպես էլ մեծի մեջ։ Չէ՞ որ այնքա՜ն հզոր է մտքի նշանակությունը։
- - - - - - -
749.
Ինչպես թևեր, տանում են մաքուր մտքերը, ինչպես սև ագռավների երամ, հորիզոնն են ծածկում մութ մտքերը, - ոգին պետք է սա գիտակցի։ Իր մութ մտքերի վրա լուտանքը ոգին պետք է գիտակցի։ Միայն նկրտող, մաքուր միտքն է հաջողության հաստատում տալիս. հետևաբար Ուսմունքին յուրաքանչյուր հարող պետք է ամրապնդվի մտքի նշանակության մեջ։ Հիրավի, պնդում եմ, ոգու թռիչքի մեջ է հաստատված մտքի ամբողջ նկրտումը։
- - - - - - -
750.
Գիտակցության լայնացումը ստեղծագործական խթանիչ ուժի սկզբունքն է։ Երբ Տիեզերքը ձգում է միտքը դեպի գիտակցված կոոպերացիա, հաստատվում է համապատասխան նկրտում, ուստի իր ներուժի մեջ գիտակցված համագործակցության հանդեպ նկրտող ստեղծագործում պահող ոգին կարող է լարել բոլոր կրակները։ Այնքա՜ն կարևոր է գիտակցումը, որ յուրաքանչյուր միտք կիրառելի է կյանում։ Ոչ թե խոսքերով, այլ մտքով է աշխարհը շարժվում։ Այդպես յուրաքանչյուր միտք կօգնի տիեզերական էներգիային։
- - - - - - -
751.
Իհարկե, ստեղծագործական միտքը կվերածնի աշխարհը։ Մտքի արքան բարեշրջում է արարում։ Այդպես Մենք կարող ենք առաջ տանել մարդկային գիտակցությունը։ Մենք մտքով ենք արարում։ Ինչպե՜ս պետք է մարդկությունը գիտակցի մտքի նշանակությունը։ Ինչպե՜ս Ուսմունքը պետք է ընկալվի զգոն մտքերով։ Ինչպե՜ս յուրաքանչյուր նկրտող միտք պետք է ոգուն դեպի սխրանք մղի։ Ամեն մեծ միտք միաձուլվում է Վերարքայության շղթայի հետ։ Այդպե՛ս է կառուցվում բարեշրջումը։
Մեջբերել
Էջանիշներ