75.
Հիրավի, կարելի է սպասել, թե ինչպես կիրականանան բոլոր մարգարեությունները: Չեմ տեսնում, թե երբ ժամկետները կփոխվեն: Մտածեք իրադարձությունների թաղանթի մասին և կհասկանաք, որ որքան էլ կարևոր լինի արտաքինը, բայց միայն ներքին նշանակությունն է պատասխանատու: Ցանած սերունդներն սկսում են ծլարձակել, սերմը սկսում է վեր հառնալ:
- - - - - - -
76.
Պետք է գիտենալ Մարտնչելու մի եղանակ, որը կոչվում է ժայռերի տապալում: Երբ Մարտը հասնում է հայտնի լարվածության, այդ ժամանակ Առաջնորդը պոկում է աուրայի մասեր և նետում է թշնամու հրոսակների վրա: Իհարկե, զինվորների աուրաները նույնպես ուժեղ են պատռվում, և այդ պատճառով այդ պահին պաշտպանական ցանցն ուժեղ չէ, և սակայն թշնամիները շատ ավելի ուժեղ են խոցելի: Աուրայի նյութն այրում է կայծակից ավելի ուժեղ: Այդ եղանակը մենք հերոսական ենք անվանում: Պետք չէ մտածել, որ մենք ընթանում ենք փափուկ գնացքում, - քայլում ենք տախտակի վրա և անդունդի վրայով: Աուրայի պատառները նման են արծվի գնդակահարված թևերի: Պետք է հիշել, որ պատերը գրավելու ենք գնում առանց քողարկման: Ամեն կոտրված ապակի զրնգում է ոչ անմիջապես, այլ երբ հասնում է ցածր կիրճերին, այն ժամանակ էլ բեկորները զրնգում են: Մնացածը հասկացեք ինքներդ: Ամենամեծ Ուժերը Մարտի ժամանակ մարդկության փրկության համար են:
- - - - - - -
77.
Երևույթը պետք է հասկանալ որպես ակնհայտություն ոչ թե աչքի, այլ գիտակցության համար: Դրանում է ձեր և մեր հասկանալու տարբերությունը: Դուք փաստ եք համարում փաստի հետևանքը, բայց Մենք կարող ենք տարբերել իսկական, ձեզ անտեսանելի փաստը:
Կայծակի մասին կույրը դատում է ըստ ամպրոպի, բայց կայծակը տեսնողն ամպրոպից այլևս չի վախենում: Այդպես պետք է սովորել տարբերել իսկական փաստերը նրանց հետևանքներից:
Երբ Մենք խոսում ենք քննարկված իրադարձության մասին, Մենք տեսնում ենք նրա իսկական սկիզբը: Բայց ով դատելու է միայն ըստ տեսանելի հետևանքների, նրա դատողություններն ուշացած են լինելու: Երբ Մենք ասում ենք՝ գնացեք ակընհայտությանը դեմ, - ցանկանում ենք ասել. անցած իրադարձությունների պատրանքի տակ մի ընկեք: Պետք է հստակորեն տարբերել անցյալն ապագայից: Պտտվելով հետևանքների պատրանքի մեջ, հենց այդ անտարբերությամբ է տառապում մարդկությունը:
Ստեղծագործական կայծն ամփոփված է իրադարձության դրսևորման, այլ ոչ հետևանքի մեջ: Հետևանքներով զբաղված մարդկությունը նման է միայն ամպրոպը զգացող կույրին: Կարելի է պատկերացնել տարբերությունն ըստ իրադարձությունների դատողների և ըստ հետևանքների դատողների միջև:
Ասացեք ձեր մտերիմներին, որ սովորեն դիտարկել գոյն ըստ իրադարձությունների ծագման: Հակառակ դեպքում աճպարարի կազմած թերթի ընթերցողներ կմնան:
Եթե ցանկանում եք մասնակից լինել աշխարհի բարեշրջմանը, լարեք ձեր գիտակցությունն իրադարձությունների հայտնվելն ընկալելու համար: Կարելի է խղճուկ, ոճրագործ ու ողբերգական անըմբռնողությունների անհամար օրինակներ բերել, որոնց պատճառով խառնվել են ժամկետները:
Կաղնին աճում է հողի տակ գտնվող ընկույզից, իսկ հիմարը նկատում է այն, միայն երբ դեմ է առնում նրան: Շատ սայթաքումներ են աղարտում Երկրի կեղևը: Բավակա՛ն են սխալներ և անըմբռնողություններ աշխարհի լարվածության ժամին:
Պետք է հասկանալ, թե որքան խնամքով է պետք ծախսել էներգիան: Պետք է հասկանալ, հենց որ անհրաժեշտ դռները ձեզ բերեն Ընդհանուր Բարիքի հանգստավայր:
Մեջբերել
Էջանիշներ