User Tag List

Էջ 50 51-ից ԱռաջինԱռաջին ... 40464748495051 ՎերջինըՎերջինը
Ցույց են տրվում 736 համարից մինչև 750 համարի արդյունքները՝ ընդհանուր 753 հատից

Թեմա: Հրեղեն Հոգի (Ագնի Յոգա)

  1. #736
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    ԳԻՐՔ ՉՈՐՐՈՐԴ. "ՀՐԵՂԵՆ ՅՈԳԱՅԻ ՆՇԱՆՆԵՐԸ"


    489.


    Հայտնի Րիշին նստած էր լուռ, և նրա դեմքը նպատակադրություն էր արտահայտում: Հարցրեցին նրան. "Ինչո՞վ է զբաղված միտքդ": - Րիշին պատասխանեց. "Այս պահին տաճար եմ կառուցում": - "Իսկ որտե՞ղ է ուրեմն քո տաճարը": - "Այստեղից քսան անցարան այն կողմ, և մեծ կարիքի մեջ են շինարարները": - "Ուրեմն, նույնիսկ անշարժության մեջ դու ստեղծու՞մ ես": - Րիշին ժպտաց. "Մի՞թե շարժումը միայն մատների և ոտնաթաթերի մեջ է":



    - - - - - - -



    490.


    Շատ գնահատելի է, եթե տարածական միտքը կարելի է կանչել համագործակցության: Եթե ոչ միայն հուրն է զուգակցում, այլ աստղերն էլ մասնակցում են գործողություններին: Մի աստիճանի վրա մենք լարում ենք մեր կամքը, հաջորդին զուգակցման մեջ ենք մտնում տարածական կրակների հետ, և տարածական միտքը ծառայում է որպես լուսանշան ու բարձրախոս: Այդ վիճակում կարիք չկա շատ կամք ծախսել: Մեզ շրջապատում է էներգիայի անսպառ պաշարը և ծառայում է մեզ, եթե թույլատրել ենք:
    Եթե ձեռագրի մեջ կայծը ջնջում է հանման ենթակա տեղերը, և կապույտ լույսով ընդգծում է տեղերը խրախուսանքի արժանի, նշանակում է, մենք հզոր աշխատակից ենք ստացել: Այդ վիճակը ստիպողաբար հրահրել անհնար է, միայն փորձն է մեզ մոտեցնում տարածական մտքին: Այդ ճանապարհով, հրից ու տարածական մտքից հետո, մենք շարժվում ենք դեպի հեռավոր աշխարհների գիտակցումը: Մենք մեծ ուրախության մեջ ենք, երբ ինչ-որ մեկը տարածության օվկիանոս է մուտք գործում:



    - - - - - - -



    491.


    Կտավաքարը, թիթղոնի մի քանի տեսակներ, մանգանը, սոդայի նստվածքները կյանքի համար բացարձակապես օգտագործված չեն: Ի՞նչ հիվանդություններ կարելի է բուժել սոդայի նստվածքներով: Ինչպիսի՞ պատրաստուկներ է տալիս կտավաքարը: Ինչպիսի՞ վերածումներ կառաջադրի թիթղոնը: Մանգանի մասին արդեն խոսել ենք:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  2. #737
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    492.


    Հրեղեն Յոգան գալիս է ժամանակին, Ուրիշ էլ ո՞վ կասի, որ գրիպի համաճարակները պետք է բուժել հոգեկան էներգիայով: Ուրիշ էլ ո՞վ ուշադրություն կդարձնի հոգեկան, մտավոր և քնային նոր հիվանդությունների վրա: Ոչ թե բորոտությունը, ոչ թե ժանտախտի հին ձևը, ոչ թե խոլերան են սարսափելի, նրանց դեմ նախապահպանական միջոցներ կան, բայց հարկ է խորհել ժամանակակից կյանքի ստեղծած նոր թշնամիների վրա: Հին միջոցները նրանց դեմ կիրառելի չեն, իսկ նոր մոտեցումը կստեղծվի գիտակցության լայնացմամբ:
    Կարելի է հետևել, թե ինչպես են հազարամյակների ընթացքում հոսել հիվանդությունների ալիքները: Ըստ այդ աղյուսակների կարելի է կազմել մարդկային շեղումների հետաքրքիր մի աղյուսակ, քանզի հիվանդությունները, բնականաբար, ցույց են տալիս մեր գոյատևության բացասական կողմերը:
    Հուսով եմ, որ կենդանի մտքերը ժամանակին կմտածեն: Ուշ է ջրապոմպ կառուցել, երբ տունն արդեն բոցավառվել է:



    - - - - - - -



    493.


    Պետք է խորինս գիտակցել ապագան: Ավարտված գործերի վրա աշխատանքը չի ավարտվում, այն շարունակվում է հավերժ: Անվերջության երևույթն ամենագեղեցիկ նկրտումն է:



    - - - - - - -



    494.


    Ուրախ եմ, եթե հասկանում եք, որ խոչընդոտը՝ հնարավորություն է: Անհաջողությունը նշան է, որ մթերը ձեզ ճանաչել են: Ինչպե՞ս մենք պետք է սովորենք պահպանել մթերի վկայությունները, աճի համար միայն նրա՛նք են օգտակար: Ինչպես աղբն է պարատացնում հողը, այնպես էլ մութը նեխում է հանուն Լույսի ծաղիկների: Եթե լուսավոր շրջապատն աղավաղում է ծիածանը, մութն, ընդհակառակը, այն ակնհայտ է դարձնում:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  3. #738
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    495.


    Քաղցկեղը մարդկության խարազանն է և անխուսափելիորեն պետք է աճի: Գլխավոր միջոցները քաղցկեղի դեմ նախապահպանական միջոցներն են լինելու: Ով չի օգտագործում միս, գինի, ծխախոտ և թմրանյութեր; ով մաքուր է պահում հոգեկան էներգիան, ով երբեմն կիրառում է կաթնային դիետա; ով մաքրում է ստամոքսը և լիթիումի լուծույթ է ընդունում, - կարող է քաղցկեղի մասին չմտածել:
    Հիվանդության սկզբում կիրառելի է վիրահատությունը, բայց այն անիմաստ է, եթե առողջանալուց հետո մարդը վերադառնալու է նախկին կյանքին: Իհարկե, անդրաձայնը կարող է քայքայել ուռուցքը, բայց ի՞նչ նշանակություն ունի դա, եթե թունավորման պատճառը վերացված չէ: Կյանքը պետք է առողջացնել: Դժվար չէ մեռյալների բուժում հորինե՛լը: Բայց պետք է ուշադրություն դարձնել հիվանդացողների կյանքի որակին:
    Ընդունված է մտածել, որ քաղցկեղը ժառանգական է: Իհարկե, դա պետք է հասկանալ այնպես, որ թունավորված օրգանիզմը նույնպիսի օրգանիզմ է ծնում: Անհապաղ պետք է պաշտպանել երեխաներին, նրանց մեջ արդեն շատ են առանձնահատուկները:



    - - - - - - -



    496.


    Շատ զգոն ապարատները հասկանում են, որ երբ ալիքները լարված են՝ դրանում է իսկական համագործակցությունը: Իրոք, լինում են պահեր, երբ աշխարհի վահանը շիկանում է և կենսատու ոչ մի էություն տեղ չի հասնում: Հոգեկան էներգիայի ամրապնդումը կհուշի, թե երբ է անհրաժեշտ լինում սպասել հողմի ավարտին: Ունակության դրսևորումը հանկարծակի չի գալիս, այդ պատճառով զգոն, ընդունակ աշխատակիցները միշտ գնահատված կլինեն:
    Մենք միայն ուրախանում ենք, երբ գտնվում է մեկը, ում կարելի է "լեցուն թաս" անվանել, չէ որ նրան կարելի է վստահե՛լ: Շատ են օրինակները, երբ, նույնիսկ բազում նշաններից հետո, կանչվածները հետ են վերադարձել: Նրանք տրվել են ոչնչությանը, կենդանի քայքայվել են և նահանջել են մթի մեջ:



    - - - - - - -



    497.


    Յուրացրեք, թե որքան օգտակար է հետևել Մեր խորհուրդներին և առանց տխրելու գիտենալ, որ հողմի արտահոսքերը լարում են կենտրոնները: Բայց Դուկկարի* հովանոցի տակ կսպասենք, մինչև հողմն անցնի: Ուսուցիչը շատ դետքեր ունի:


    - - - - - - -
    *Դուկկար
    - բարձր կարգի տիբեթյան բազմաչք և բազմաձեռք աստվածուհի:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  4. #739
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    498.


    Աբիդհարմայի* լույսը բարձրագույն ոլորտների զուգակցումն է գիտակցության ճառագայթումների հետ: Մենք օրինակի վրա ցույց տվեցինք, թե Աբիդհարմայի լույսը որքան է պահպանում երկրային ցածր ոլորտների թունավորված ճառագայթումներից: Թունավոր գազերի մութ կրակը հետ է մղված և որակազերծված է Աբիդհարմայի լույսով, բայց դրա համար պետք է գիտակցել տարածական հուրը և սեփական էներգիաների արտահոսքերը: Հիրավի, օգտակար հետևանքների համար գիտակցում է անհրաժեշտ: Ամենահասարակ ճշմարտությունը կրկնողության կարիք ունի, հակառակ դեպքում կթաղվի թափոնների տակ:



    - - - - - - -



    499.


    Ամեն գիտակից գործողություն անոչնչանալի ձեռքբերում է: Ուսմունքի հաստատումն անհաղթելի ասպազենք է: Իմացությունը Լույսի կայծերի տիրապետումն է: Տարածությունը մարմինների ժողով է: Ժամանակը ճառագայթների հայեցողություն է, ինչպես երկարաժամկետն է դառնում աննշան, այնպես անտեսանելի է թթվածնի՝ կրակի հզորության հայրենիքի, կազմությունը:



    - - - - - - -



    500.


    Դուք նկատած կլինեք, որ մտքի հեռազգացական փոխանցումն արտասովոր արագ է մոռացվում: Դա տեղի է ունենում փոխանցման էության պատճառով, որը շոշափում է սովորական լսողությանը ոչ հատուկ բացառիկ կենտրոններ: Կարելի է ընտելանալ հիշողության մեջ այդ հաղորդումների հաստատվելուն, բայց նրանց տեխնիկան այնուամենայնիվ առանձնահատուկ է մնում: Նմանապես հաղորդումների հղումն էլ կախված կլինի ոչ թե կամքի բռնի լարունից, այլ Աբիդհարմայի լույսի հետ զուգակցման ներքո գիտակցության հստակությունից: Այսպիսով փոխանցման երևույթը կախված է գիտակցության և տարածության հրի կողմից ներգրավված թթվածնի մաքրությունից:
    Հարկ է դիտարկել մարդկային էներգիաների արտահոսքերի քիմիական տարբերությունները: Բայց մտքերի առաքման սովորական փորձերն այստեղ ոչնչի պետք չեն: Առաքողը մտովի պնդում է"Ուղարկում եմ", իսկ ընդունողն էլ մթագնում է գիտակցությունը "Ստանում եմ" մտքով:
    Հեռավոր հաղորդումների ժամանակ առաքումները պետք է հարմարեցնել ստացողի հոգեկան վիճակին: Նույնիսկ ավելի լավ է օգտագործել նրա համար սովորական արտահայտություններ, որպեսզի խուսափեք հոգնեցուցիչ հետևանքներից:

    - - - - - - -

    * Աբիդհարմա
    - Բուդդայական մետաֆիզիկան: Տվյալ դեպքում՝ բարձրագույն գիտակցությունը:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  5. #740
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    501.


    Հոգեկան էներգիան ամեն տան մեջ աճել կարո՞ղ է: Դեպի ապագան նկրտող տան մեջ, իհարկե: Դա հասարակ և հեշտ բան չէ: Մարդիկ չափազանց շատ են ուղղորդված դեպի ներկան: Երբ խոսվում է հատուցմանը դեմ, դեպի ներկան ուղղորդված մարդը չի հասկանա այդ պատգամի կենսականությունը: Բայց դեպի ապագան նկրտողը նույնիսկ չի էլ դատի հատուցման պայմանների մասին, և ամեն հատուցում նրա համար ընդամենը մի զույգ կոշիկ կլինի հաջորդ ճանապարհն անցնելու համար: Այդ ժամանակ վառվում են ճանապարհի լույսերը և աճում է հոգեկան էներգիան: Չէ՞ որ ամեն ինչ փորձով է զարգանում: Փորձն իմաստավորվում է ապագայի մեջ սուզվելով և հակասում է անիմաստ անբովանդակությանը:
    Բարձրագույն փորձն է փորձը սեփական անձի վրա: Նրանում են հենց կենտրոնախուսությունն ու կենտրոնամետությունը: Այդ հասարակ ճշմարտությունները պետք է ամրապնդել: Հատկապես սեփական ոգին հանուն մարդկության դնելու մեջ է ամփոփված թե զոհաբերությունը, և թե ձեռքբերումը: Չմիահյուսված հակադրությունները շրջան չեն կազմի, առանց շրջան չի լինի պտույտի համակարգ: Ամեն պարույր վերևից ու ներքևից շրջան կթվա, բայց կվերանա պատկերացումների յուրաքանչյուր բարդություն, եթե մենք ընթանանք դեպի ապագա:
    Պետք չէ՛ բարդեցնել հոգեկան էներգիայի ուղին: Նա ինքը կհուշի զգոն ականջին, թե երբ է կրճատվում քունը որպես անպետք մի բան; թե երբ է կրճատվում ուտելիքը որպես անպետք մի բան; թե երբ է կրճատվում ըմպելիքը, որպես անպետք մի բան: Չէ՞ որ յուրաքանչյուր էներգիա սնուցում է, իսկ հոգեկանը հատկապես:
    Վերջույթների ժամանակավոր թուլացումը չպետք է շփոթեցնի, երկրի թունավորված հոսանքներն ազդելու են նախ և առաջ վերջույթների վրա: Բայց հոգեկան էներգիայի բնական աճը կարող է փոխարինել մարմնի ուղիները և օգնել հավասարակշռություն գտնել տեսանելիի և անտեսանելիի միջև:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  6. Գրառմանը 1 հոգի շնորհակալություն է հայտնել.

    Varzor (18.03.2020)

  7. #741
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    502.


    Կարելի է կանխատեսել, որ ինչ-որ մեկը հոգեկան փորձեր կսկսի բույսերի հետ, բայց առանց արդյունքների: Կարելի է պատկերացնել, թե ինչպես է նա փնովելու Ուսմունքը սխալ ցուցումների համար, առանց սեփական էներգիայի վիճակի մասին մտածելու:
    Պետք չէ կասկածի տակ առնել ցուցումների ճշգրտությունը, երբ ասում եմ, որ հոգեկան էներգիան պետք է ոչ միայն ամրապնդվի, այլև հղկվի: Այն սկսելու է հզորանալ հրի ալիքների տակ, երբ աուրան սկսի ծիրանի հագնել լարումից: Այն սկսելու է հղկվել զգոնությունից, սրատեսությունից և մտածելակերպի հղկումից: Ինչպե՞ս դուք ավելի ճիշտ կանվանեք հղկված մտածողությունը, երբ ապագայի բանաձևերը հիացմունքի մեջ են հնչում: Այո, բազմաթիվ մարդիկ անցնում են այդ բանաձևերի կողքով և շրջանցում են ոգու նկրտումներով եղծված խարանները: Այո, խարանները զգոնության լավագույն համեմատությունն են: Ոչ թե կոպիտ, խոցող երևույթները, այլ տիեզերական մտքի թևերն են, ինչպես թեթևագույն հպումներ, պառկում գլխագագաթին և զարթնեցնում կունդըլինիի նկրտումը: Այդ մտքերը կարող են թռուցիկորեն թեթևակի հետք թողնել, բայց նրանք, էլեկտրականություն կուտակող ասեղների նման, խցանում են կենտրոնները: Արդյո՞ք մեր կենտրոնները չեն նմանվի սոճու փշերի:
    Ով մտել է հոգեկան էներգիայի հղկման ճանապարհ, նա չի խոսի ցուցումների անճշտության մասին:



    - - - - - - -



    503.


    Ու՞ր կարելի է ուղղել մտածողությունը: Ու՞ր կարելի է նպատակադրել կամքը: Դեպի տարածություն, որտեղից գալիս է կենսարար էներգիան: Դեպի այն սլանանք:



    - - - - - - -



    504.


    Լիալուսինը սովորաբար նպաստում է հեռամտաընկալական երևույթներին: Բայց կան հանգամանքներ, որոնք կերպափոխում են այդ պայմանը: Նախ և առաջ ազդում են արևային բծերի հայտնի փուլերը: Դուք կարող էիք նկատել, որ հեռամտաընկալական երևույթներն աճում են մոլորակային ճառագայթների քիմիականության հետ մեկտեղ, բայց արևաբծերն ազդում են գոյի ամենատարբեր կողմերի վրա: Ցուրտը, որը կարող է հասնել կործանիչ սահմանների, հրաբխի և երկրաշարժի ջերմությունը նույնպես աուրայի փոփոխությունների ուղեկիցները կլինեն:
    Պետք է նկատի ունենալ այս ակզբունքը, որովհետև ցուրտը կարող է մեծանալ և երկրաշարժերն էլ հզորանալ: Այդպես անցումնային երևույթը կարող է վերջնականը դառնալ:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  8. #742
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    505.


    Մեկ բանի պետք է ընտելանա Յոգան ուսումնասիրողը, մարդկանց կողմից անխուսափելի կասկածին: Իրենց վերաբերմունքի համար մարդկանց մեղադրել չի կարելի: Եթե յոգը ճգնավոր լիներ բառի ընդունված իմաստով, նրա հետ ավելի հեշտորեն կհաշտվեին: Եթե նա մոգի տեսք ունենար, նրան կընդունեին վախից դրդված: Բայց նրա էությունը սովորական բառերով անբացատրելի է, իսկ աշխատանքն աշխարհի բարեշրջման վրա՝ չի մտնում հաստատված և ոչ մի կանոնների մեջ: Ինչպե՞ս մարդիկ կհաշտվեն իրենց կյանքի վերափոխումների հետ: Չէ՞ որ նրանք ամենից շատ հենց դրանից են վախենում:
    Բարեբախտաբար, Հրեղեն Հոգու ճանապարհը բռնածը կասկածների մասին մտքից չի տառապում: Նա գործում է, ամբողջովին իրեն տրամադրելով բարեշրջմանը: Նա ընթանում է առանց կասկածների, գիտենալով, որ բավարարվածությունն իր ճակատագիրը չէ:



    - - - - - - -



    506.


    Տիեզերական պայմաններից բացի հեռամտաընկալական երևույթների վրա ազդեցություն է թողնում անհանգստությունը: Սեփական և շրջապատող գործերի լիովին հասկանալի այդ անհավասարակշռությունը ներխուժում է հաղորդատու թելի մեջ: Նաև հաղորդումը կանխագործելու չափազանց մեծ ցանկությունը ցնցում է ներմուծում հրեղեն լարի մեջ: Բայց և այնպես ոչ մի ֆիզիկական ապարատ չի կարող համեմատվել հոգեկան էներգիայի հետ: Ֆիզիկական ապարատների ալիքները կարող են գերլցնել մթնոլորտը հայտնի շերտերում, ինչն առանց հոգեկան էնեգիայի ներգրավման կարող է նոր աղետի հասցնել:
    Մի՞թե մարդիկ կարծում են, որ ֆիզիկական ալիքներն իրենց բնության վրա չեն ազդում: Անտեսանելի և անլսելի ալիքներն ազդում են խլացնող պայթյուններից շատ ավելի ուժեղ: Բայց բազում վտանգներ կվերանան, երբ գիտակցվի հոգեկան էներգիայի անսպառ աղբյուրը: Սակայն մարդկության համար հեշտ չէ նույնիսկ հոգեկան էներգիայի գիտակցման սկզբունքն ինքը:



    - - - - - - -



    507.


    Հոգեկան էներգիան սպանելը տգիտությանը հավասարազոր ոճրագործություն է: Նաև անհամար են չկազմակերպված հոգեկան էներգիայով գործած ոճրագործությունները: Կարելի՛ է այդ մասին մտածել: Այն բանից, որ որևէ մեկը այդ չի գիտակցել, չի հետևում, թե դրանք գոյություն չունեն:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  9. #743
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    508.


    Ինտելեկտը՝ բանականությունը, - իմաստություն չէ: Զգայիմացությունն իմաստություն է, իսկ բանականությունը՝ դատողություն: Որոշողն իմաստությունն է, որովհետև վաղուց արդեն այդ որոշումը բեղմնավորված է: Բանականությունն իմաստության շեմն է, և երբ այն սրված է, ներհոսում է համադրման ոլորտի մեջ: Դատողությունն ու միտքը հատուկ էություններ են, գալիք տան անկյունաքարերը: Առանձնահատուկ միտք ունեցող մարդն իրեն փայլուն ապագա կարող է պատրաստել, բայց այդ ապագան կարող է մարմնավորվել միայն, քանի դեռ միտքն իր առանձնահատկությունը չի կորցրել: Երբ բանականությունը կորցնում է առանձնահատկությունը, նա այլևս իմաստուն է: Յուրաքանչյուր առանձնահատկություն նախանշանակված է երկրային պայմանների համար: Ոգու համադրումը բոլոր ոլորտներն է բացում: Հոգևոր լարվածությունը կուտակում է տարածական հոգեկան էներգիան: Հոգևոր լարումը կարող է մտցնել աստրալի ցանկացած ոլորտներ:



    - - - - - - -



    509.


    Լիովին արդարացի է հարցը, թե ինչպե՞ս է կուտակվում հոգեկան էներգիան: Նախ և առաջ գիտակցությամբ կամ անձնվիրությամբ և սխրանքով: Բոլոր դեպքերում հոգեկան էներգիան անքակտելի է մնում: Եթե այն կուտակված է գիտակցությամբ, սկսելու է հղկվել, բայց ուրիշ կուտակումների ներքո հնարավոր են դեպքեր, երբ էներգիան կհավաքվի սաղմի մեջ և կսպասի դրսևորման համար հարմար պայմանների: Հոգեկան էներգիայի բոլոր դրսևորումների մեջ կարելի է ենթադրել անցյալում բնազդի ինչ-որ լուսավոր արարքներ:



    - - - - - - -



    510.


    Գիտակցությունը կուտակվում է դանդաղ փորձով: Հասարակ փորձով կարելի է ցույց տալ, թե ինչպես է այդ դատավորը կենսագործում մեր գործողությունները: Չդրսևորված մարդու մոտ հրահրում է ինչ-որ գործողություններ և հետևում է, թե ինչպես է նա կատարում դրանք: Հետո կամքի հղումով զրկում է նրան գիտակցությունից և ստիպում է նույն գործողությունները կատարել՝ համեմատությունն ապշեցուցիչ կլինի:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  10. #744
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    511.


    Դեռ վերջերս միտքը դեպի ֆենոմեններն էր նկրտում, դեպի այսպես կոչված էներգիայի դրսևորումները: Բայց այժմ կարելի է մտածել կյանքի բարելավման և ապագայի մեջ քայլեր կատարելու մասին: Պետք է հավաքել ամբողջ արիությունը, որպեսզի մոռանանք հրաշալիի մասին և այդ հասկացությունն իրականություն տեղափոխենք: Դա դժվար է, բայց պետք է հաղթահարել պայմանական հասկացությունների սահմանափակությունը: Նաև դժվար է չընկնել սովորականության մեջ, քանի որ բարեշրջման մեջ շարժումը միշտ արտասովոր է, քանզի գոյության մասերի զուգակցումը միշտ նախկինից տարբեր է լինելու:
    Կարելի՞ է արդյոք կառուցել կյանքը Կալի Յուգայի ավարտի ատողականության մեջ: Բայց ապագա Սաթյա Յուգայի ամբողջ խնդիրն արդեն իսկ այժմ, թշնամության և ոչնչացնելու մեջ, պետք է արտահայտվի:

    512.


    Յուրաքանչյուր փորձի ընթացքում կարելի է նկատել ցածրագույն նյութի հակազդեցությունը: Մաքրման և արտանետման ճանապարհով հաջողվում է հեռացնել վնասաբեր ցածրագույն մասնիկները: Մարդկային գոյությունը ենթակա է ընդհանուր օրենքների: Մի՞թե ամեն առաջընթաց շարժման դեպքում ամենաբութ դիմադրություն չի ծագում: Մի՞թե ստիպված չենք հրի միջոցով կործանել անհետևողականությունն ու նեխականությունը: Ինչպես լաբորատոր փորձի ժամանակ, պետք է անջատել բոլոր անկենդան պրոցեսները: Եթե ցանկանում եք ստուգել, թե ով է ենթակա ցածրագույն ազդեցությունների, ժողովի ժամանակ ընդհանուր բարիքի գործողություն առաջարկեք: Համոզված եղեք, որ առարկողները անկենդան նյութից դեռևս չեն ազատագրվել: Մարդիկ ավելի շուտ են իրենց մասին տեղեկություններ տալիս, քան հումքային նստվածքները: Հետևաբար, հրեղեններին ընտրելիս, նայեք փորձությունների արդյունքները, որնք սպասեցնել չեն տա:
    Նաև հոգեկան ռեակցիայի ժամանակ զորեղանում է արտահայտված պրոցեսը: Ինչպես նաև մարդն է խորացնում իր սկսած ուղղությունը: Քչերն են, որ կարող են իրենց էությունը թաքցնել:
    Հրի զարգացման դեպքում սխալմամբ կարելի է դատել հանդիպական երևույթների մասին: Վաղուց արդեն մատնանշված զգայիմացությունից ցայտում է հոգեկան էնեգիայի լարվածության կրակը: Ի՞նչ է ուրեմն թաքնվելու նրանից:

    513.


    Երբ Մենք խոսում էինք Միջազգային Կառավարության մասին, շատերը շփոթմունքի մեջ էին ընկել: Երբ նրանք իմանան, որ դա Իմացության Կառավարությունն է, կհասկանա՞ն արդյոք:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  11. #745
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    514.


    Դժվար է հասկանալ, թե որն է հուսահատության արարքը, և որն է պոռթկուն ցանկությունը: Նույնիսկ նրանց հուրը նման կլինի:



    - - - - - - -



    515.


    Ինչպե՞ս կապույտ հուրը կարող է փոխակերպվել ծիրանեգույնի: Հոգեկան էներգիայի լարումը սուտակե նետեր կուղարկի, և նրանց աճը կխոցի գիտակցության կապույտը:



    - - - - - - -



    516.


    Ահա և գտնված են Տիեզերածնության մեջ Ուրը և Սվաթին*: Կրկնված էն առաջընթացող Ակվարիուսի նշանները և զուգորդումը Սատուրնի հետ: Մեկ անգամ ևս կարելի է տեսնել, թե Ատլանտների Տիեզերածնությունը որքան ճիշտ ուղով էր ընթանում: Ոչ միայն ճառագայթների քիմիականությունը, այլև Լուսատուների ազդիչ համագործակցությունն էր գիտակցվում: Հենց այն, ինչին երկար թափառումներից հետո նորից վերադառնում է մարդկութունը: Բայց դեռևս պետք է գիտակցել հասարակ մի բան, որ Տիեզերքի բնակեցվածությունը չի նշանակում, որ դրանք բոլորը երկրային ձևեր են: Մարդիկ չեն կարող պատկերացնել իրենց ուրիշ դրսևորումներում, բայց ի՜նչ ուրախութուն պետք է ծնվի համագործակցության գիտակցությունից: Թեթևորեն է պետք մոտենալ ամենաընդհանրացնող պայմաններին:



    - - - - - - -



    517.


    Ուսումնասիրելով հոգեկան էներգիայի կուտակումները, կարելի է նկատել, որ էներգիան գործում է Տիեզերքի զարկերակի նման՝ մակընթացություններն ու տեղատվությունները հզորություն են կուտակում: Իմաստուն բան չէ միայն մակընթացությունների սպասելը, հակառակ դեպքում ինչպե՞ս կուտակում կստացվի: Ինչպես հրեղեն թելերով միավորված նրբագույն մանվածք, գործվում է կենտրոնների համագործակցության կտավը: Ինչպես Տիեզերքի բարդագույն շողարձակում, կրակներով է փայլում հոգեկան էներգիան: Նրան կարելի է անվանել Աթմա: Ուրուն և Ագնին անհրաժեշտ են, որպեսզի Սվաթիին գիտակցություն տան:
    Ինչ-որ մեկը կասի, եթե հոգեկան էներգիայի գիտացումը մեզ հասցնելու է մինչև Տիեզերքի ծայրը, ուրեմն չի՞ կարելի արդյոք շրջանցել այդ բարդ էներգիան: Չի կարելի, հիրավի չի կարելի շրջանցել այն, ինչը ինքն է մեզ մոտենում:


    - - - - - - -
    *
    Սանսկրիտում Ուրու (հայերենում՝ Ուր), նշանակում է լույս, իսկ Սվատի՝ առավոտյան աստղ. Արևելքում այդպես է կոչվում Վեներա մոլորակը: Ուրուսվատի՝ այդ անունն են տվել Ելենա Ռերիխին Սպիտակ Եղբայրության անդամները:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  12. #746
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    518.


    Սպասելով իրականանալուն միայն իրենց ճանապարհներով, մարդիկ շատ բան են կորցնում: Ինչպե՞ս են նրանք մտածելու հեռավոր աշխարհների մասին: Ստիպված ենք շատ աղյուսակներ ու ցուցակներ փոխել:



    - - - - - - -



    519.


    Դուք նկատում եք, որ երբեմն նույնիսկ կարևոր հանգամանքների մասին խոսում ենք կարճ, հազիվ հիշատակելով դրանք: Դա նշանակում է, որ ներկա պահին տարածության ալիքները բարդեցնել չի կարելի: Այդ պայմանը քիչ է պահպանվում և անուղղելի վնաս է պատճառում: Ուրեմն սկսենք հարգել մտքի բյուրեղի նշանակությունը:



    - - - - - - -



    520.


    Եգիպտոսի թաքնություններում կար գործողություն, որը կոչվում էր "Թուրը սրել": Փորձարկվողին թողնում էին խորին մթության մեջ, նրան էր մոտենում Մեծ Հերոբանտոցը* և բացում էր նրա համար որոշ Գաղտնիքներ, և լույսը լուսավորում էր Հերոբանտոցին, հետո նորից ամեն ինչ ընկղմվում էր մթի մեջ:
    Հետո մոտենում էր Գայթակղիչ կոչվող քուրմը: Մթի միջից Գայթակղիչի ձայնը հարցնում էր. "Եղբայր, ի՞նչ տեսար և լսեցիր" - Փորձարկվողը պատասխանում էր. "Ինձ իր ներկայությանն արժանացրեց Մեծ Հերոբանտոցը": - "Եղբայր, դու համոզվա՞ծ ես, որ դա Ինքը Մեծն էր": - "Իմ աչքերը տեսան և ականջները լսեցին": - "Բայց պատկերը կարող էր խաբուսիկ լինել և ձայնը լինել կեղծ":
    Այդ ժամանակ փորձարկվողը կամ սկսում էր կասկածել և ազատ էր արձակվում, կամ էլ տոգորվում էր հաստատամտությամբ և ասում էր. "Կարելի է խաբել աչքերին և ականջներին, բայց սրտի մեջ ոչ մի բան խաբկանք չի ներգրավի: Տեսնում եմ սրտով, լսում եմ սրտով, աղտոտ ոչինչ չի դիպչի սրտիս, քանզի սրած է թուրն ինձ վստահված":
    Այդ ժամանակ նորից մոտենում էր Մեծ Հերոբանտոցը, ցույց էր տալիս նրան կարմիր հեղուկով լի մի գավաթ և ասում էր. "Ընդունիր և ըմպիր այս թասը, դատարկիր այն, որպեսզի տեսնես գաղտնիքը հատակի":
    Իսկ հատակին էր պատկերը օձի շրջանի մեջ պառկած մարդու, և գրություն. "Սա դու ինքդ ես, ամեն ինչ տվող և ամեն ինչ ընդունող": Այդպիսին է մնացել Ուսմունքը բոլոր ժամանակներում, բայց տգիտության մութը ստիպում է մոռանալ իմաստը նրա:

    - - - - - - -
    * Հերոբանտոց
    - (Հոր Բանը՝ Խոսքը Տվեց), հունարեն՝ Իերոֆանտոս, որ թարգմանվում է որպես "սրբազան գաղտնիքներ բացատրող: Վարկածը թարգմանչինն է, այնպես որ, ում դուր չի գալիս, կարող է թողնել հունարեն տարբերակը՝ Իերոֆանտոս:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  13. #747
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    521.


    Մեր հանձնարարությունները միշտ վտանգավոր են, քանզի նրանք ամենահզոր թշնամու դեմ են ուղղված: Այդպես՝ իսկությունից բացի, այլ ճշմարտություն չկա: Այդպես՝ միայն ընդունել և տեղ հասցնել թասը:
    Հինավուրց առարկաների մեջ կարելի է իմացության խորհրդանիշներ գտնել:
    Ճամփորդ, չկա՞ վախ քո մեջ արդյոք:



    - - - - - - -



    522.


    Մենք տեսել ենք, որ հոգեկան էներգիան ամենամոտ առնչություն ունի հրի հետ և իրենից անքակտելի ձեռքբերում է ներկայացնում և ունի կուտակիչ հատկութուն: Նշանակում է, այդ էներգիան կարող է կուտակվել այն իրերի վրա, որոնք կամքի լարում կհրահրեն: Էներգիայի հաջող կուտակումը կարող է նույնիսկ ստիպել առարկան լուսավորվել կամ հաղորդել ներշնչված միտքը: Սա է սուրբ առարկաների գիտական բացատրությունը: Ճիշտ կլիներ նրանց մեջ գտնել հոգեկան էներգիայի կուտակումը, եթե միայն անիմաստ ուղերձները չեն ջնջել արժեքավոր կուտակումները:
    Հոգեկան էներգիայի պաշար ունեցող մարդիկ պետք է պետության գանձը դառնան: Ոչ թե միլիոնավոր երկոտանիներով պետք է հպարտանա պետությունը, այլ հոգեկան էնեգիայի պաշարով: Հանուն էներգիայի մեկ պաշարի կարելի է հազարավոր անտեղյակներ խնայել:
    Ինչպես մագնիս, հոգեկան էներգիայի ամեն լարում դեպի իրեն է գրավում մարդկանց ներսում ցրիվ տված հոգեկան էներգիայի սաղմերը: Նշանակում է, գիտակից էներգիայի ամեն սեփականատեր ինքնին հասարակական բարիք է: Ուրեմն հոգատարորեն վերաբերվենք էներգիայի ամեն կուտակման:



    - - - - - - -



    523.


    Իհարկե, հոգեկան էներգիայի զարգացման դեպքում կարելի է նախատեսել այդ էներգիան կուտակող ապարատը, բայց մարդկային էներգիան պարտադիր ուղեկցորդը կլինի:
    Հոգեկան էնեգիայի հետ փորձերի համար համբերություն և շերտանստվածքների մշտականություն են անհրաժեշտ: Վնասակար է անհամաչափելիորեն ուղարկել էներգիան, քանզի արագությունը կարող է խոցել հանդարտ շերտանստվածքների մակերեսը:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  14. #748
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    524.


    Հին առակն ասում է. "Սատանայի սանձն ամուր է" կամ "Սատանայի դեմքը տեսնողն այն երբեք չի մոռանա": Հին մարդկանց մոտ պահպանվել են մարդկային գիտակցության ծանրաշարժության մասին հասկացությունները: Մեր գլխավոր խորհուրդն է, որ առաջ մղեք գիտակից շարժունակությունը:
    Մաքուր, ազատ, աներկյուղ գիտակցություն, ինչպիսի՜ գանձեր այն կարող է տալ մարդկությանը: Բայց սովորույթը, շղթաների պես, կաշկանդում է անփորձներին:
    Կարելի է հոգեկան էներգիա կուտակող ապարատ տալ, բայց ո՞վ ուղեվար կդառնա: Եվ արդյո՞ք շատերը կկարողանան գնահատել էներգիայի կիրառումը կյանքում:



    - - - - - - -



    525.


    Այսօր խոսենք աշխատանքի մասին: Հոգեկան էներգիայի գիտակցված զարգացումը աշխատանքի հագեցվածություն է դրսևորում: Կարճ ժամանակում կարելի է դրսևորել երկար տարիների գործողությունների արդյունքը:



    - - - - - - -



    526.


    Ճիշտ է մտածել, թե մարդու դրսևորած հոգեկան էներգիան որքան կբարձրացնի մարդկային արժանապատվությունը: Այդ ուղղությամբ մտքի սլացումը միայն՝ արդեն իսկ բարիք է հանդիսանում:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  15. Գրառմանը 1 հոգի շնորհակալություն է հայտնել.

    Varzor (25.03.2020)

  16. #749
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    527.


    Ձեզ մոտ կգա մեկը և կասի Հրեղեն Յոգային մոտենալու իր ցանկության մասին: Հարցրեք՝ ի՞նչ է նրան մղել այդ որոշմանը: Կասի՝ փնտրում եմ ապացույցներ: Կմտածեք՝ մերը չի: Կամ կասի իր թշվառ ճակատագրի մասին: Կմտածեք՝ մերը չի: Կամ կասի իր թշնամիներին հաղթելու մտադրության մասին: Կմտածեք՝ մերը չի: Կամ կասի հարստանալու իր ձգտման մասին: Կմտածեք՝ մերը չի: Կամ կասի երկրային առավելությունների մասին: Կմտածեք՝ մերը չի: Կամ կասի հանգստի ցանկության մասին: Կմտածեք՝ մերը չի:
    Բայց ահա ինչ-որ մեկը կասի՝ ցանկանում եմ կատարելագործվել: Հարցրեք՝ ի՞նչ պարգև ես ենթադրում: Կասի՝ մոտենալ Ուսմունքին:
    Ուրախացեք եկողի համար, քանզի նրա ոգին ճիշտ դուռ է թակել: Նա կարող է իրեն հետևել: Անցավ կարող է կտրել իրենից անօգուտ հավելուկները: Կհասկանա նա, որ ոչ թե տառապանք է պետք, այլ ազատագրում: Կհասկանա, որ ոչ թե հրաշքի դրսևորում է պետք, այլ զգայիմացություն: Կհասկանա, որ ոչ թե ուղեղով սերտելն է արժեքավոր, այլ գիտակցումն ու կիրառումը:
    Փայլելով առաջին օրը, հաջորդ օրը նա չի վհատվի: Կընթանա, ինչպես փիղը երջանկության, իր առռջև թփերը բացելով: Հաջողությունը կընդունի ինչպես արևի ժպիտ: Կվտարի վախի կարիճին: Կընդունի նվերը, ինչպես ուղեցույց լապտեր: Գիտակցումն ու կրակների զարգացումը կընդունի որպես հրապուրիչ մագնիս: Կհասկանա, որ կրակներն աճում են բույսերի պես անսանձ: Կհասկանա, որ հուրն այրում է անցյալը և լուսավորում է ապագան: Եվ կհասկանա, թե ինչ է նշանակում սխրա՛նքը:



    - - - - - - -



    528.


    Մենք խուսափում ենք կրկնողություններից, բայց երբեմն ստիպված ենք վերադառնալ նախկին առարկային: Ուշադրություն դարձրեք այդ կրկնողությունների վրա, նրանց նշանակությունը կախված է անձնական անըմբռնումներից կամ հատուկ ուշադրություն պահանջող տիեզերական բարդեցումներից: Այդպես պետք է պնդել հոգեկան էներգիայի հանդեպ վերաբերմունքի մասին: Իհարկե, այն անքակտելի է, բայց կարելի է այն քնի վիճակի հասցնել, և այդ ժամանակ այն կսկսի ինքնաբյուրեղանալ և կդադարի գործել: Հետո այդ հումքը նորից անհրաժեշտ կլինի արթնացնել անձնվեր աշխատանքի գութանով: Իհարկե, նրա ոչ մի սերմ չի կորի, բայց հարկ կլինի արթնացնել այդ շերտավորումները, այդ պատճառով Ուսմունքում այդքան դատապարտելի է քարացած ինքնապարծությունը: Հիրավի, ավելի լավ է այրվել, քան հանգչել:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  17. Գրառմանը 1 հոգի շնորհակալություն է հայտնել.

    Varzor (27.03.2020)

  18. #750
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    5,414
    Mentioned
    12 Post(s)
    Tagged
    0 Thread(s)
    529.


    Ճիշտ է, մտքի ուժի մասին վաղուց են խոսում, բայց դրանից դրության էությունը չի փոխվել: Ոչ ոք չի հետևում իր մտքերին, չի ցանկանում դիտարկել մտքի պատճառն ու հետևանքը: Այնինչ ինչպիսի՜ հիանալի փորձեր կարելի էր անց կացնել առանց կյանքից կտրվելու: Նրանց համար բացառիկ պայմաններ պետք չեն, միայն ուշադրություն և գիտակցության աշխուժություն: Օրինակ, դուք հեռազգացական հաղորդումներ եք ընկալում, կարելի է հետևել, թե ինչպիսի արտաքին ու ներքին պայմաններ են ազդում հաղորդումների որակի վրա: Աշխուժության թե քնկոտության տրամադրությունը, նյարդայնությունը կամ ուրախությունը, հոգնածությունը կամ նպատակասլացությունը, ամեն վիճակ ուժեղ ազդեցություն է թողնում հաղորդման որակի և լարման վրա: Բացի այդ, մասնակիցների անձնական բնույթն էլ իր հետքերն է թողնում: Մի՞թե կարևոր չէ այս ամենն ուշադիր նշելը:
    Չէ՞ որ նկատված է, որ մասնակիցների որոշ հատկություններ նույնիսկ ֆիզիկական ազդեցություն են թողնում: Որոշները կարելի է հաղթահարել, բայց որոշները, հաճախ կարմայականները, անուղղելի են: Եթե միայն կամքի հատուկ լարումով, բայց կամքը մտքով է արարվում:
    Առաջարկում եմ նշել բոլոր հեռազգացական հաղորդատվությունները: Նշել պետք է ըստ առաջին անմիջական զգացողության առանց տարբեր դատողությունների:



    - - - - - - -



    530.


    Կարելի է հետևել, թե հաղորդատվությունների վրա ինչպես են ազդում օտար նկրտումները: Կարելի է տեսնել, թե ինչպես երբեմն նույնիսկ լավագույն կլիմայական պայմանները մթագնում են հեռավոր կոչերով: Օրինակ՝ հեռավոր երկրում գտնվող կարիքավորն իր հետևից վարվեցողությունների պոչ է քարշ տալիս և կարող է ներխուժել հաղորդումների մեջ:
    Դիտարկելով հանգամանքները, կարելի է բացահայտել լավագույն պայմանները և կատարելագործել դրանք:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  19. Գրառմանը 1 հոգի շնորհակալություն է հայտնել.

    Varzor (28.03.2020)

Էջ 50 51-ից ԱռաջինԱռաջին ... 40464748495051 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Յոգա
    Հեղինակ՝ Ռուֆուս, բաժին` Առողջ ապրելակերպ
    Գրառումներ: 27
    Վերջինը: 08.05.2018, 10:51
  2. Շնորհավոր ծնունդդ, Ագնի :)
    Հեղինակ՝ Դատարկություն, բաժին` Շնորհավորանքներ
    Գրառումներ: 56
    Վերջինը: 23.08.2010, 14:03
  3. Խաթխա յոգա
    Հեղինակ՝ Freddie, բաժին` Մարդ և շրջակա միջավայր
    Գրառումներ: 2
    Վերջինը: 09.04.2009, 01:00
  4. Հոգի...
    Հեղինակ՝ Երկնային, բաժին` Հոգեբանություն և փիլիսոփայություն
    Գրառումներ: 31
    Վերջինը: 13.03.2008, 20:32

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •