User Tag List

Ցույց են տրվում 1 համարից մինչև 1 համարի արդյունքները՝ ընդհանուր 1 հատից

Թեմա: կաքավիկ

  1. #1
    Մշտական անդամ Պիրիտ-ի ավատար
    Գրանցման ամսաթիվ
    07.10.2013
    Գրառումներ
    177
    Mentioned
    1 Post(s)
    Tagged
    0 Thread(s)

    կաքավիկ

    Արևը դժվարությամբ բարձրանում էր մոխրագույն ամպերի վրա, փորձելով հասկացնել, որ զարթնելու ժամանակն է: Ես իհարկե հասկանում էի, բայց չլսելու էի տալիս: Հարևան սարից սկսեցին գոռալ: Գիտեմ, որ ուշանում ենք, բայց դեռ հինգ րոպե կա, համ էլ ուշանալը իմ մշակույթի մասն է կազմում:

    Գարեհացը կրծելով, ծվծվալով վազում ենք: Ոչ մեկ ճիշտ ճամփան չգիտի, բայց բոլորս վստահում ենք գուգլ մեփսին: Կանաչ սարը պարզ երևում էր հորիզոնում, բայց լուսացույցներն ու անցումները անտեղի դանդաղեցնում էին մեզ: Չմոռանամ նշել նաև այն մասին, որ ստիպված ես բարևել բոլոր ծաղիկներին, որոնց հանդիպում ես ճանապարհին: Նրանք հիմնականում բարեհամբույր են ու քեզ ի պատասխան բարի օր են մաղթում:

    Բարի օր: Ես կաքավիկն եմ: Շնորհակալ եմ, դուք նույնպես շատ սիրուն եք, նախշուն ու մեծ փետուրներով: Իմ կողմերում ծտերի փետուրները ավելի մուգ են սովորաբար: Դասարանում լիքը չբացված կամ կիսաբաց ծաղիկներ կային՝ շուշան, նարգիզ, նունուֆար: Մի քիչ պարեցինք, երգեցինք, ցող ու շաղ ցպնեցինք: Հետո մեզ կաթով սուրճ ու սենդվիչներ հյուրասիրեցին: Ես սիրում եմ իմ աշխատանքը:

    Տուն գնալու ճանապարհին աչքի տակով նայում էի հարևանիս. Փափուկ ու խատուտիկ թևեր, պստիկ կտուց, կարմիր տոտիկ, կարմիր-կարմիր: Մի պահ պատկերացրեցի, թե ինչպես ենք միասին շորորում մեր ճուտիկներով: Բայց հետո արագ թափահարեցի գլուխս, հիմար մտքերը ցրելու համար:

    Մամռոտ քարի մոտ սցենարի համաձայն կանգնեցինք, ծաղիկներին սաղմոս երգեցինք: Ինչ արած, վերևից նայում են, պետք է արդարացնել պայմանագիրը: Հետո սարերով-ձորերով թռանք Զըվարթ սուպերմարկետ: Լավ տեղ է, մի անգամ գինի եմ ցրել, մի անգամ էլ կինդեր բուենո: Համով բաներ վերցրինք ու միանգամից բույն: Տուն գալուց ամեն անգամ մտնում եմ սենյակ, սիրտս հանում եմ դարդի ծովից ու փռում պատշգամբում, որ չորանա:

    Իսկ այստեղ դրաման հասնում է իր կիզակետին՝ միանգամից չորացնելով ամեն ինչ: Երբ կա ազատ ժամանակ սիեստան ամենահաճելի զբաղմունքն է: Իսկ հետո անքնությունից ու անհարմարությունից սկսում ես հիշել հին ժամանակները մանտրայի տակ՝ բլոգներ, ակնոց, ֆորումներ:

  2. Գրառմանը 2 հոգի շնորհակալություն են հայտնել.

    Sambitbaba (10.10.2017), Նիկեա (10.10.2017)

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •