Նախ դնեմ հոդվածը։
«Սեքսի՞զմ, թե՞ «դրեսս կանտռոլ». Քաղաքացուն «շորտով» թույլ չեն տվել մուտք գործել պետական մարմիններ
Օրերս քաղաքացին փորձել է կիսատաբատով մուտք գործել դատարան, սակայն դատական կարգադրողները թույլ չեն տվել՝ պատճառաբանելով, որ նա ոչ պատշաճ հագուստ ունի հագին։ Սակայն Արտակ Գաբոյանը, որ գործերից մեկով տուժող է եղել, ծանուցումն ստանալիս տեղեկացված չի եղել, թե ինչ «պատշաճ» հագուստով պետք է ներկայանա դատին։
Արտակը քաղաքում երթևեկում է հեծանիվով, որը վարելու համար այս շոգ օրերին կիսատաբատը կամ նույն «շորտը» փրկություն է։
«Ինձ ասացին, թե ես իրավունք չունեմ մտնել դատարան, քանի որ դատարանի կոլեգիալ խորհրդի որոշման համաձայն, արգելվում է նման հագուստով մուտք գործել դատարան, ներկա լինել նիստերին։ Բայց ես էլ ասեցի, որ ես որպես քաղաքացի պարտավոր չեմ տեղյակ լինել ձեր կառույցի ներքին որոշումներին, կարգերին, եթե այդ մասին տեղյակ չեն պահում քաղաքացուն», - Aysor.am-ի թղթակցի հետ զրույցում ասաց Ա.Գաբոյանը՝ նկատելով, որ դատարանից իրեն ուղարկված ծանուցագրում նշված չի եղել, թե ինչպիսի հագուստով ներկայանա դատարան։
Նրա դիտարկմամբ, եթե լինի հստակ օրենք, գուցե քաղաքացիները ենթարկվեն այդ օրենքին, սակայն սեփական աշխատողների համար ներքին կարգով սահմանված «dress code»-ը չպետք է պարտադրել մյուս քաղաքացիներին։
Առավել տարօրինակ է եղել Ռաֆայելի հետ կատարվածը Կառավարական տուն 3 շենքում, որտեղ տեղակայված են նախարարություններից մի քանիսը։ Aysor.am-ի թղթակցի հետ զրույցում նա ասաց, որ մի քանի օր առաջ փորձել է «շորտով» մուտք գործել Առողջապահության նախարարություն՝ ինչ-որ փաստաթուղթ վերնցելու համար, սակայն ներքևում անվտանգության աշխատողները թույլ չեն տվել՝ ասելով, որ իրենց շենք կիսատաբատով մուտքն արգելվում է։
Առավել մեծ է եղել Ռաֆայելի զարմանքը, երբ անվտանգության աշխատակիցները ասել են, որ կարող են իր հետ եկած կնոջը, որը նույնպես «շորտով» է եղել, թույլատրել մուտք գործել նախարարություն։
«Ասացին, թե հրաման է տրված նման հագուստով քաղաքացիներին թույլ չտան մուտք գործել շենք։ Ես էլ ասացի՝ ինձ կարգը, օրենքը ցույց տվեք, սակայն ասեցին, որ գրավոր ոչ մի բան չկա, ուղղակի բանավոր կարգադրել են։ Ես էլ զանգեցի ոստիկանություն, որտեղից նույնպես ասել են, որ չի կարելի շորտով մտնել շենք։ Ոստիկանների հետ խոսակցության ընթացքում նախարարությունների շենքի անվտանգության աշխատողներն ասացին, որ կարող է կինս մտնել։ Հարցնում եմ՝ ո՞րն է լոգիկան, երբ նույն հագուստով կինը կարող է մտնել, իսկ տղամարդը՝ ոչ։ Չի կարող լինել օրենք կամ կարգ, որը տղամարդկանց արգելի շորտով մուտք գործել պետական մարմին, իսկ կանանց չարգելի, թույլ տա։ Սա բացահայտ սեքսիզմ է հակառակ ուղղությամբ, իհարկե ու աբսուրդ կարգ է, որ պետական կառույցը կարող է դրես կանտռոլ անել», - վրդովված էր Ռաֆայելը։
Առողջապահության նախարարության լրատվական ծառայությունից Aysor.am-ին ասացին, որ իրենք ոչ մի պարտադրող կարգ չունեն քաղաքացիների հագուկապը վերահսկելու առումով, սակայն ցանկալի է, որ աշխատանքային օրերին նախարարություն եկած քաղաքացիները «նորմալ հագուստով լինեն»։
«Եթե մարդը չունի այլ հագուստ, հո չե՞նք պարտադրի, ասենք՝ գնա կոստյում կամ այլ հագուստ առ, հագի, արի։ Նման բան չկա», - փոխանցեցին նախարարության լրատվական ծառայությունից։
Իրավական տեսանկյունից գնահատելով իրավիճակը, փաստաբան Արամազդ Կիվիրյանը Aysor.am-ին ասաց, որ եթե կա որևէ կարգ, որը պարտադրվում է քաղաքացուն, ապա վերջինն այդ մասին պետք է տեղեկացված լինի։
«Եթե քաղաքացին տեղեկացված չէ, ապա ինքը իր համար գույություն չունեցող նորմերը պահպանելու պարտադրանք չկա։ Այդ նորմերը կիրառվում են, երբ պահանջվում է դրանք պահպանել այն դեպքում, երբ քաղաքացին ի սկզբանե տեղեկացված է դրանց մասին», - նկատեց Կիվիրյանը։
Նրա խոսքով, առանձին հիմնարկներ կարող են սահմանել «դրես կոդ» իրենց աշխատողների համար, ինչը նորմալ երևույթ է։ Սակայն, ըստ փաստաբանի, նման կարգ կարող է տարածվել մյուս քաղաքացիների վրա այն դեպքում, երբ այդ մասին եղել է իրազեկում՝ ըստ պատշաճի, և քաղաքացին տեղեկացված է նման կարգի գոյության մասին։
«Նայեք, շատ հիմնարկներում ասում են՝ մուտքն անձնագրով է, բայց դա պետք է հրապարակվի որևէ ձև, որ մարդիկ իմանան այդ մասին ու իրենց հետ բերեն անձը հաստատող փաստաթուղթ։ Նույնն էլ հագուստին վերաբերող կարգի մասին է», - նշեց իրավաբանը։
De gustibus et coloribus non est disputandum.
Մեջբերել
One_Way_Ticket-ի խոսքերից
Էջանիշներ