Երևանի թիվ 1 տուն-ինտերնատ

[Chuk]

Էս ռեպորտաժը նոր նայեցի, ու մի տեսակ համրացել եմ: Էնպես որ նախաբան գրելուց զերծ մնամ, հետո կքննարկենք:

Նյարդերից թույլ մարդիկ թող չնայեն.

Աղբյուր՝ http://armtimes.com/hy/video/1986

[Աթեիստ]

Առանձնապես ազդեցիկ բան չտեսա։
Էն մի լաչառ կինը կանչեց, թե եկեք սենյակս ցույց տամ, ու ոչ մի արտառոց բան ցույց չտվեց։

[Վահե-91]

Առանձնապես ազդեցիկ բան չտեսա։
Էն մի լաչառ կինը կանչեց, թե եկեք սենյակս ցույց տամ, ու ոչ մի արտառոց բան ցույց չտվեց։

Չտեսա՞ր որ մյուսների համեմատ լավ էլ սենյակ էր: Ինքը բողոքում էր, որ սուտ տեղեկություններ են հրապարակում, ոչ թե ասում էր արի նայի ինչ վատն ա իմ սենյակը:

[Աթեիստ]

Հա. սխալ եմ հասկացել ։)
Եթե օբյեկտիվ լինենք, բացի էն փաստից, որ հիվանդներին հիվանդանոց չեն տանում, ուրիշ ոչ մի անսպասելի բան չտեսա։ Սովորական, աղքատ երկրի ինտերնատ։

[Chuk]

Հա. սխալ եմ հասկացել ։)
Եթե օբյեկտիվ լինենք, բացի էն փաստից, որ հիվանդներին հիվանդանոց չեն տանում, ուրիշ ոչ մի անսպասելի բան չտեսա։ Սովորական, աղքատ երկրի ինտերնատ։

Անսպասելի չի: Ուղղակի երբեմն էն, ինչը գիտես, արդեն ոչ միայն գիտես, այլ տեսնում ես, ազդվում ես: Իմ դեպքում էդպես էր:
Ու իրականում աղքատ երկրին հղումը էնքան էլ տեղին չի: Մեր երկրի ռեսուրսը բավարարում ա իրանց համար տանելի պայմաններ ստեղծելու համար:

[Աթեիստ]

Արտ ջան, ախր պայմանները էլի անտանալի չէին։ Պետք չի տենց մգացված գույներով ներկայացնել։

[Chuk]

SOSի վիդեոն տեսել եմ, Լալան իմ ընկերների մեջ էլ կա։ Եղել եմ մանկատներում, եղել եմ աղքատ թաղամասերում։ Շփվել եմ ծայրաստիճան աղքատ մարդկանց հետ։

Եթե էդպես ա, ուրեմն եկեք համարենք, որ նորմալ ա, որ էս ծերանոցն էս վիճակում ա։ Որ բարերարների ու պետության փողերը նպատակային չեն օգտագործվում, որ տնօրենը 15 հազար դոլարանոց ավտո ա քշում ու պետության կողմից տրամադրված միսը տալիս ա էն կնոջը, որի տղեն իրա ջեբը ամսական 15 հազար դրամ փող ա դնում։

Հա, սաղ օքեյ ա։ Տուֆտա երկիր ենք, նենց որ օքեյ ա, որ ծերանոցը էս օրին ա։

Sent from my A0001 using Tapatalk

[ivy]

Հա, սաղ օքեյ ա։ Տուֆտա երկիր ենք, նենց որ օքեյ ա, որ ծերանոցը էս օրին ա։

Օքեյ չի, հեչ օքեյ չի։
Ու հա, տուֆտա երկիր ա, ու էդ շատ տխուր ա, որովհետև մի բան չկա, որ օքեյ լինի։

[Ուլուանա]

Արտ, ոչ թե օքեյ ա, այլ ուղղակի զարմանալու չի՝ հաշվի առնելով մնացած ամեն ինչը։ Ցավալի ա շատ, ահավոր ա, խայտառակ ա, ինչ խոսք։ Ես էլ նայելիս ցավ զգացի, վրդովմունք, բայց չեմ կարող ասել, թե ցնցված եմ, որովհետև մեր երկրում պետության հույսին գոյատևող ցանկացած ոլորտ, ցանկացած հիմնարկություն էլ էդ վիճակում ա։ Մանկատնե՞րն են ավելի լավ վիճակում, հոգեբուժարաննե՞րը, թե՞ հիվանդանոցները։ Չգիտեմ՝ դու ինչի հիման վրա էիր մտածում, թե ծերերի դեպքում պիտի ուրիշ լինի, ավելի լավ լինի։ Դու որևէ հիմք ունե՞ս մտածելու, որ ծերերի դեպքում պիտի բացառություն լիներ ու էդ վիճակը չլիներ։ Ես որ չունեմ։

[Chuk]

Ու վափշե ավելի կարևոր խնդիրներ կան։ Օրինակ հիմնը փոխելը։ Ի՞նչ եմ աղքատ երկրին հատուկ ծեջանոցով գլուխ ցավացնում։

Sent from my A0001 using Tapatalk

[Chuk]

Որտեղի՞ց եք վերցրել, որ ես զարմացել եմ։ Էն որ սկզբում գրե՞լ եմ համրացել եմ։ Ասեմ, մի քանի օր առաջ մի վիդեո էի ստիպված նայել, որտեղ կենդանի մարդու թոքը հանում էին, նա էլ մեռնում էր՝ տանջում էին։ Հուսամ ոչ մեկդ տենց բան չի նայել՝ անտանելի ա։ Բայց իմ դեպքում առաջինը չէր։ Ու մեկ ա՝ Էդ պահին էմոցիաների տակ ճկռել ու համրացել էի։

Սա էլ իմ համար նորություն չի։ Բայց մեր պետության առաջ ծառացած լրջագույն խնդիրներից ա՝ գույների խտացվածության պատճառով։ Մեր մոտ ծերությունն ընդհանրապես բարդ ա, ծերանոցներում խնդիրը գագաթնակետին ա հասնում։

Էս պահին Գորգիսյանի շնորհիվ էս խնդիրը բարձրաձայնելի ա։ Հասարակությունը կարա պահանջատեր դառնա։ Փոխարենը ակումբում լսում եմ «հա ինչ կա զարմանալու» դատարկաբանությունը։

Է մի զարմացեք, դուք աշխարհ տեսած մարդիկ եք։


Sent from my A0001 using Tapatalk

[Chuk]

Ուզում եմ հասկացնեմ հետևյալը. սա ոչ ամենակարևոր թեման ա, ոչ ամենաանշրջելի, ոչ եսիմ ինչ։ Մենք ստեղ հավաքվել ենք ամենատարբեր հարցեր քննարկելու։

ԵԼՔ դաշինքից ԱԺ պատգամավոր ընտրված Գևորգ Գորգիսյանը որպես իր առաջին քայլերից մեկը էս մի խնդրահարույց թեման դրեց հանրության ու պետության առաջ։

Մենք կարող ենք էս թեմային չանդրադառնանք, ոնց չենք անդրադարձել տասնյակ ուրիշ թեմաների։ Մերընտրությունն ա։ Բայ նով չանդրադարձավ, թող որևէ ուրիշ պահի որևէ ուրիշ թեմայով ոչ իշխանությունից, ոչ ընդդիմադիր ԱԺ ուժերից պահանջ չունենա։

Հերիք ա մեզ ինտելեկտուալի տեղ դրած դալբայոբիզմով զբաղվենք։

Sent from my A0001 using Tapatalk

[Վիշապ]

Ավան-Առինջ մի հատ կորած մանկատուն տա, որի կողքով ես ժամանակին հանգամանքների բերումով հաճախ քայլում էի ու աչք-ականջի պոչով հետևում, մի անգամ անցնում էի, դաստիարակը լուսամուտից գոռում ա ճժերի վրա՝ «արա՛, հետ եկեք», «չե՛նք գալի», «արա, կարող ա՞ գիդեք ձեր հոր բ.անոցն ա»… Մի 15 տարի առաջ էր, մինչև հիմա միտքս ա: Վայթե մանկատների վրա էս ռեպորտաժ անողները շատ չեն ֆիքսվում, սրտները չի դիմանում:

Ուրեմն ասեմ ձեզ, ըստ իմ հասկացածի, Հայաստանը՝ դա Երևանի կենտրոնն ա իր խանութներով, ռեստորաններով, կաֆեներով, բարերով, ֆանտաններով, Գառնի-Գեղարդն ա, մի երկու տեղ Սևանի, Դիլիջանի, Ջերմուկի ու Տաթևի կողմերն ա, իսկ դրանցից դուրս սաղ անտեր, առհամարված, մոռացված, լքված անիմաստ չոլեր են ուրվական բնակչությամբ ու ուրվական ճամփեքով, գյուղերով ու քաղաքներով: Ու ստեղ մենակ ՀՀ իշխանությունը չի մեղավոր, մեղավոր ա նաև ինչ-որ ազդեցություն ունեցող «միջին խավը» իր սուպերէգոիզմով ու նեղընտանեկան, «հայուգեն», ապապետական մտածելակերպով, մենք, ես ու դու:

[Աթեիստ]

Թեմայից դուրս գրառումները մաքրվել են։

Որոշեցի համեմատության համար էս վիդեոն դնեմ, նայեք։



Իմ համար ակնհայտ ա, որ Գորգիսյանը գնացել էր կեղտ բռնելու, ու նկարելու էր վատը։ Հոդվածի վերնագիրն էլ հատուկ դրել են, որ նայողը հենց սկզբից վատ տրամադրվածությամբ մտնի՝ «Ճաշը, որ բերում են, խոզն էլ չի ուտի. ծայրահեղ թշվառ վիճակ Երեւանի թիվ 1 տուն-ինտերնատում»։

Բայց կարծում եմ դիտողները կհամաձայնեն, որ ոչ թշվառ էր, ոչ էլ ծայրահեռ։