Ծխախոտը կարգելվի հասարակական վայրերում

[Աթեիստ]

Ասենք ոնց որ իմ տեղը որոշեն, որ իմ ավելորդ քաշը առողջությանս վնաս է, ու ստիպողաբար արգելեն ֆասթֆուդ ուտել։ Տենց չեն փոխում մարդուն, միայն կատաղեցնում ու վիրավորում են։ Ուզում են ծխելը կրճատել կամ վերացնել, թող առողջ ապրելակերպ պրոպագանդեն, պայմաններ ստեղծեն, սթրեսի պատճառները հնարավորինս վերացնեն, ոչ մի դեպքում անչափահասներին սիգարետ չծախեն, իրազեկեն, հազար ու մի ուրիշ բանով նախ գիտակցությունը փոխեն, բայց ի վերջո եթե ինձ նման եքա էշ է ու մեկ է՝ որոշել է, որ ինքը թքած ունի առողջության վրա ծխելու հնարավոր բացասական ազդեցության վրա, իրենց ի՞նչ գործն է՝ ես իմ կյանքը ոնց եմ փչացնում։ Թող նենց անեն՝ ծխողների թիվը չավելանա, իսկ արդեն որոշում կայացրած չափահաս մարդուն դնել փակուղու մեջ, ինչ է թե իր տեղը որոշել են, որ ինքը պիտի չծխի, մեղմ ասած՝ էդ մարդու վրա թքած ունենալ է։ Աշխատանքի ցածր արդյունավետությունից խոսողները թող ծխող մարդուն զրկեն ծխելուց, կտեսնեն՝ պրոդուկտիվությունը ոնց կբարձրանա։ Այ սենց բաներ կլինեն։

Եվրոպայում, ինչքան նայել եմ, ոչ մի երկրում էլ ծխախոտի գինը միջին աշխատավարձի հետ համեմատած տենց սոսկալի բարձր չի։ Երբ Հայաստանը կկարողանա Հոլանդիայի կեսի չափ աշխատավարձ տալ, թող էն ժամանակ ծխախոտի գինը սարքի 1500 դրամ։

Առաջին մասի հետ կապված Բյուրն արդեն ասեց. քանի դեռ դիմացինիդ վրա չի ազդում, ուզում ես սաղ օրը բքի։
Իսկ գների հետ կապված պետք ա խնդրեմ համեմատես ասենք կարտոֆիլի ու ասենք լոլիկի գների հետ։
Մի ծխախոտի գնով դու քանի կգ կարտոֆիլ կառնես, ու հայաստանցին քանիսը կառնի։
Մենակ աշխատավարձի հետ համեմատելը մի քիչ միակողմանի ա

[Նաիրուհի]

Պատկերացրու, հենց քո բերած օրինակները Դանիայում հարուստների կայֆ են․ թե՛ մեքենաների, թե՛ շաքար պարունակող սննդի վրա լուրջ հարկեր են դրած, հետևաբար դրանք մեղմ ասած ամենօրյա հաճույքներ չեն, ու էդ շատ կայֆ ա։ Հարուստներն ինչքան ուզում են, թող իրանց առողջությունը փչացնեն, բայց ես չեմ ուզում, որ դա լինի իմ առողջության ու իմ վճարած հարկերի հաշվին։

Ասենք՝ ամեն օր չե՞ս կարող թխվածք առնել կամ շաքարով թեյ խմել։ Ես Դանիա չեկա ուրեմն։

Ոչ ոք քո փոխարեն չի որոշել, որ դու չպիտի ծխես։ Դու կարող ես ծխել մենակ համապատասխան տեղերում։ Բայց շատ ավելի զզվելի ա, երբ ծխողները չծխողների փոխարեն որոշում են, որ կողքի չծխողը պիտի ծխի։ Ու էդ ծխի մեջ ենք ապրել տարիներ շարունակ։

Ծխելու էթիկայի բացակայությունը, հա, լուրջ խնդիր է Հայաստանում։ Հաճախ դա չենք գիտակցում, չնայած ես սովորաբար թույլտվություն հարցրել եմ ծխելուց առաջ, բայց վստահ եմ, որ շատերի մտքով չի էլ անցնում, որ դրա համար հարցնել է պետք։

Առանձին սրահների մասին արդեն խոսվեց, մի անգամ էլ ասեմ․ դրանք սովորաբար շատ վատ օդափոխություն են ունենում, իսկ երբ խմբում մի ծխող կա, ուղղակի անհնար բան ա չծխողների սրահ գնալը։ Ակումբի հանդիպումները վկա։ Էն մատների վրա հաշված հանդիպումները, որոնք անցել են չծխողների սրահում կամ սրճարաններում, որտեղ ծխել չի կարելի, ծխողները բոյկոտել են կամ էկել են ու շատ արագ գնացել են։ Դու երևի չես պատկերացնում, թե ծխողներդ ինչ կարգի եք չծխողներիս պարտադրում ձեր կյանքը։

Է թող լավ օդափոխություն ունենան, թող չծխողները պահանջեն իրենց համար նորմալ պայմաններ իրենց համար նախատեսված տեղերում։ Ես էլ եմ հաճախ գնացել Երևանում էդպիսի տեղեր, շատ էլ չեմ նեղվել պետք եղած ժամանակ մի քանի րոպեով դուրս գալուց, բայց եթե չծխողի համար էդքան անտանելի է ծխի առկայությունը, ծխողի համար էլ որոշ դեպքերում կարա անտանելի լինի, օրինակ, որևէ տեղ սուրճ կամ գարեջուր խմելն առանց ծխախոտի։ Մենք ձեզ հասկանում ենք, բայց դուք էլ մեզ հասկացեք։ Դրա համար գոնե լավ եղանակին բացօթյա հանդիպումներից ճիշտը չկա

Երբ քո ծուխը մենակ քեզ կվնասի ու քո առողջապահության ծախսերը մենակ քո գրպանից կգնան, էդ ժամանակ ինչքան ուզում ես, ծխի։ Բայց տվյալ դեպքում քո ծուխն ազդում ա կողքինիդ առողջության վրա, իսկ քայքայված առողջությունդ վերականգնելու ծախսերը հոգում ա հոլանդացի հարկատուն։ Կարծում ես՝ արդա՞ր ա էդպես։

Հոլանդացի հարկատուները չեն բողոքում Արդար-անարդարի հարցը էստեղ, ինչքան ես նկատել եմ, մի քիչ ուրիշ կերպ է ընկալվում։ Մարդիկ հարկեր են վճարում ու հպարտանում, որ 36-52% հարկեր վերցնող պետությունը հոգում է իր բոլոր բնակիչների խնդիրները։ Իրենք սիրում են իրենց երկրի սկզբունքները, փողն էլ տալիս են, որ էսօր մի կարիք ունեցող էդ բժշկական կամ սոցիալական օգնությունն ստանա, վաղն էլ, եթե ինքը հանկարծ աշխատանքը կորցնի կամ լուրջ հիվանդանա, պետությունն իրեն պահի։ Համ էլ կամ ինձնից է, կամ վիճակագրությունն է խաբում, բայց իմ ճանաչած հոլանդացիների մոտ 80% ծխող են ։Ճ Մատների վրա հաշված մարդիկ կան, որ չեն ծխում կամ իրենց ընտանիքում ծխող չկա։

Մեկի մոտ էի աշխատում, ծխում էր աշխատանքային օրվա ընթացքում երևի երկու տուփ սիգարետ+երկու կամ երեք անգամ մարիխուանա, պատմում էր, որ էստեղ 10 տարի առաջ երեխեքի կողքին ծխելը լրիվ նորմալ էր, կարոտում էր գիլդերն ու քրֆում եվրոն ու ներկայիս իշխանությունների քաղաքականությունը։ Ընտրություններից հետո հպարտությամբ հայտարարեց, որ PVV-ին է ձայնը տվել, ու մեկ էլ հավատում էր, որ բնությունն ինքնամաքրմամբ մարդկանցից ազատվում է, ու վերջում մենակ հոլանդացիներն են մնալու, որովհետև իրենք յուրահատուկ ու շատ խելացի ազգ են։ Բայց անգամ ինքը չէր ասում, որ արդար չի իր տված հարկերի հաշվին ուրիշներին օգնելը։

Իմ գործի տեղը լիքը ծխողներ կան, ու ոնց որ իրանց աշխատանքի արդյունավետությունն էնքան էլ վատ չի։ Էդ մարդիկ չեն ալարում ժամը մեկ հինգ րոպեով իջնել դուրս ու ծխել։ Ու ոչ էլ երբևէ բողոքում են, թե իրանց իրավունքները սահմանափակում են։ Բայց արի ու Երևանում կողքդ նստած մեկին ասա, որ քեզնից հեռու ծխի, տես ինչ կսարքի։

Ծխելու էթիկայի բացակայության մասին արդեն ասացի, հետդ էդ հարցում համաձայն եմ։ Բայց դե Հայաստանում միլիոն ուրիշ հարցում մարդկանց մեծ մասը տարրական էթիկայից զուրկ է։ Իսկ աշխատավայրում ծխելու հետ կապված ես որ գոնե վերջին 10 տարում չեմ տեսել, որ Հայաստանում
շենքի ներսում ծխեն։ Գուցե իրենց առանձնասենյակներն ունեցողները ծխում են, բայց ինձ չի հանդիպել։

Շատ վատ ա։ Պիտի ավելի բարձր լինի։ Իսկ Հայաստանում պետք ա մի տուփ ծխախոտը դարձնել 20 000 դրամ, որ ոչ ոք չկարողանա առնել։

Չուզող Արդեն ասացի, թող վերացնեն՝ սիրով կմիանամ թութուն-կանեփ-կակաչ օպերացիային։ Բայց քանի արտադրությունից դուրս չի եկել, շատ ցածր ինքնարժեքով բանի համար ինձ պիտի չստիպեն գլխիցս մեծ գին վճարել։

[Աթեիստ]

Քանի որ համ Ֆբ-ում, համ ստեղ կարծիքներ են հնչում, որ էլեկտրոնային սիգարետները նույնպես վնասակար են, կուզէի լսել որևէ փաստարկ։

Ես գիտեմ իսկականի սիգարետի վնասներ, ու գիտեմ, որ իմ իմացած բոլոր վնասակար գործոնները էլեկտրոնայինում բացակայում են։ Ինչո՞ւմ ա նրանց վնասակարությունը։

Հիմա էս էմ նայում։

[Նաիրուհի]

Առաջին մասի հետ կապված Բյուրն արդեն ասեց. քանի դեռ դիմացինիդ վրա չի ազդում, ուզում ես սաղ օրը բքի։
Իսկ գների հետ կապված պետք ա խնդրեմ համեմատես ասենք կարտոֆիլի ու ասենք լոլիկի գների հետ։
Մի ծխախոտի գնով դու քանի կգ կարտոֆիլ կառնես, ու հայաստանցին քանիսը կառնի։
Մենակ աշխատավարձի հետ համեմատելը մի քիչ միակողմանի ա

Դե էստեղ ես էժան տարբերակ եմ գտել, բայց մինիմումը տուփը 5,5 եվրո արժի, դա էլ կլինի մոտավորապես 2,5-3,5 կգ լոլիկ (նայած որտեղից ու ինչ լոլիկ ես առնում, կարող է և 1.5 կգ առնես), մի 3-5 կգ կարտոֆիլ (էլի տեղից կախված), մի 4 հատ հաց... Բայց հաշվի առ, որ սա թանկացնելուց հետո է։ Վերջին 10 տարում մոտ կրկնակի թանկացել է ծխախոտը։ Բայց ոչ միանգամից 3-4 անգամ

[Գաղթական]

Վերջին 10 տարում մոտ կրկնակի թանկացել է ծխախոտը։ Բայց ոչ միանգամից 3-4 անգամ

8 տարի առաջ, երբ Հոլանդիայից տեղափոխվում էի Բելգիա, վերջին հայտնաբերածս ինձ հարմար ծխախոտը JPS-ն էր (ու մինչև հիմա դրա սևն եմ ծխում);
էն ժամանակ դա 3,70 թե 3,80 եվրո էր:
իսկ հիմա Բելգիայում դա միայն հատուկ տոբակո-խանութներից եմ գնում` 5.30-ով

սա իմ JPS-ի մասով:
որն, ասենք, հայտնի չի ինչքան Marlboro-ն, բայց դրա նույն թունդությունն ունի:
դե իսկ Marlboro-ն էլ` մոտ 3 եվրոյից հիմա աճել հասել է համարյա 7 եվրոյի:

իմ JPS-ի մասին ասեմ, որ իրենք ֆլամանացիներն էլ տեղը չգիտեն..
զարմանում են, երբ ասում եմ, որ Բելգիայում եմ գնել ու շատ ավելի էժան է նստում, քան մնացածը:
մեր քաղաքի խանութի աշխատողն էլ խոստովանում է, որ միայն ու միայն իմ խաթր է դրանք պատվիրում, քանի որ ոչ մեկ ուրիշ չի գնում:

իհարկե` բանկեքով թութուն (200գր) ես էլ էի մի ժամանակ առնում ու ապարատով խփում, քանի որ դա ամենաէժան տարբերակն է, բայց հիմա ոչ դրա առողջությունն ունեմ, ոչ էլ` ժամանակը ))


մարդիկ էլ կան, որ հատուկ Լյուքսեմբուրգ են գնում ծխախոտ գնելու, քանի որ էնտեղ մի քիչ ավելի էժան է..
ես էլ, ճիշտն ասած, Ֆրանսիա գնալ-գալուց, ճամփին անպայման կանգ եմ առնում էնտեղ զինվելու (համ էլ բենզինն է ավելի էժան), բայց դե հատուկ դրա խաթր հաստատ չեմ գնա հասնի էնտեղ...

[Նաիրուհի]

իհարկե` բանկեքով թութուն (200գր) ես էլ էի մի ժամանակ առնում ու ապարատով խփում, քանի որ դա ամենաէժան տարբերակն է, բայց հիմա ոչ դրա առողջությունն ունեմ, ոչ էլ` ժամանակը ))

Հա, մի քիչ ժամանակատար է, բայց թութունին վարժվելուց հետո մնացածը զիբիլ են թվում Ձեռի հետ էլ ասացի, էլի, որ մենք էլ ենք տենց անում։

[Տրիբուն]

Հմի, որ ասեմ չեմ հավատում պիտի գուգլը ճպցնես դեմս, բայց մեկ ամիս առաջ միջինը հենց 10% ով թանկացրել են սիգարետի գինը և չեմ կարծում, որ կա տենց մեկը ով 50 դրամի խաթր ծխելը թարգելա, եթե դու գիտես ուրեմն հարց չկա, բայց ալամ աշխարհի տվյալներով արի չխոսենք, որովհետև փաստացի Հայաստանում ոչ մի տոկոս էլ չի նվազել։

Ախեր, գուգլ չեմ ճպցնի, ես ասցի, որ կոնկրետ հաշվարկենր կան արված։ Բայց դե ի՞նչ են էտ կոնկրետ հաշվարկները մեր լավ ախպեր գելի կարծածի դեմը։

[Տրիբուն]

Ես հերթով սկսում եմ պատկերացնել իմ ծխող հարազատներին, հիմնականում գյուղերից, ովքեր դարդ ու ցավից, պարապությունից օրեկան մի 2-3 տուփ ծխում են, որ մի առավոտ տեսնելու են իրենց ծխած սիգարետը 1500 դրամ ա դառել, ինչ են զգալու էդ պահին ու դրանից հետո, ու ինչ զիբիլ են սկսելու ծխել։

Գնացեք, ժողովուրդ, գնացեք ձեր էքսպերիմենտները ուրիշ տեղ արեք, հիմա ստեղ լուրջ դրա ժամանակը չի։ Հազար խնդիր կա լուծելու մինչև դրան հասնելը։ Թանկացնողն էլ ժողովրդի մասին մտածելուց չի որ թանկացնում ա, առխային եղեք։

Արէա ջան, ձեր գյուղի ծխող հարազատները օբշակ սրտանոթային հիվանդություններ ունեն, կամ կունենա։ Պետությունն էլ սկսել պետպատվերով սրտանոթային վիրահատություններ անել ահագին ու դեղեր բաժանել։ Բա էն չծխողները ինչի՞ պիտի հարկեր վճարեն, որ քո ծխող բարեկամները ձրի բուժվեն։ Գոնե, եթե թանկ վճարեն, իրանց առած սիգարետի հարկերից կլինի իրանց բուժումը։

[Gayl]

Ախեր, գուգլ չեմ ճպցնի, ես ասցի, որ կոնկրետ հաշվարկենր կան արված։ Բայց դե ի՞նչ են էտ կոնկրետ հաշվարկները մեր լավ ախպեր գելի կարծածի դեմը։

Էլի Եվրոպան ու Աֆրիկան սարքիք չափանիշ։ Ում ա պետք քո ասած հաշվարկը, եթե ՀՀ ում մեկ ամիս առաջ բոլոր սիգարետները թանկացել են, իսկ կոնկրետ իմը թանկացելա 50 դրամով ու հենց քո ասած 10% ա գալիս, բայց կարաս տենց մի հատ հաշվարկ ներկայացնես, որ ոչ թե 4% այլ գոնե մեկ մարդ թարգելա ծխելը։ Տրիբուն ընդամենը մեկ մարդու տվյալ եմ ասում։ Խոսեք ՀՀ ից, հասկացեք ինչ կկատարվի ՀՀ ում ու մի համեմատեք Եգիպտոսի կամ Բրազիլիայի հետ։ Զուգահեռականներ կարելի է տանել, բայց չափանիշ սարքելը շատ սխալ ա։

[Gayl]

Արէա ջան, ձեր գյուղի ծխող հարազատները օբշակ սրտանոթային հիվանդություններ ունեն, կամ կունենա։ Պետությունն էլ սկսել պետպատվերով սրտանոթային վիրահատություններ անել ահագին ու դեղեր բաժանել։ Բա էն չծխողները ինչի՞ պիտի հարկեր վճարեն, որ քո ծխող բարեկամները ձրի բուժվեն։ Գոնե, եթե թանկ վճարեն, իրանց առած սիգարետի հարկերից կլինի իրանց բուժումը։

Դե ուրեմն հանկարծ վատ սնունդ չօգտագործես, որ դրա հետևանքով հիվանդություն ձեռք չբերես, որովհետև ես պարտավոր չեմ իմ տված հարկով քեզ բուժեմ։

[Gayl]

Բա էն չծխողները ինչի՞ պիտի հարկեր վճարեն, որ քո ծխող բարեկամները ձրի բուժվեն։

Որպեսզի էն Չծխողը խմելուց լյարդի հիվանդություն ունենալու դեպքում գնա ծխողի տված հարկով ձրի բուժվի։

[StrangeLittleGirl]

Ասենք՝ ամեն օր չե՞ս կարող թխվածք առնել կամ շաքարով թեյ խմել։ Ես Դանիա չեկա ուրեմն։

Շաքարով թեյ երևի կարաս։ Ես շաքար չեմ առնում, գներից տեղյակ չեմ։ Բայց ամեն օր խմորեղեն ուտելը մեղմ ասած էժան հաճույք չի։

Է թող լավ օդափոխություն ունենան, թող չծխողները պահանջեն իրենց համար նորմալ պայմաններ իրենց համար նախատեսված տեղերում։ Ես էլ եմ հաճախ գնացել Երևանում էդպիսի տեղեր, շատ էլ չեմ նեղվել պետք եղած ժամանակ մի քանի րոպեով դուրս գալուց, բայց եթե չծխողի համար էդքան անտանելի է ծխի առկայությունը, ծխողի համար էլ որոշ դեպքերում կարա անտանելի լինի, օրինակ, որևէ տեղ սուրճ կամ գարեջուր խմելն առանց ծխախոտի։ Մենք ձեզ հասկանում ենք, բայց դուք էլ մեզ հասկացեք։ Դրա համար գոնե լավ եղանակին բացօթյա հանդիպումներից ճիշտը չկա

Թող-թողով չի։ Եթե ծխողը շատ ա ուզում իրա առողջությունը փչացնել ու միաժամանակ կայֆ ստանալ, թող գնա, դրսում դա անի։ Կներես, ես չեմ կարա ձեզ հասկանամ, որովհետև իմ պատկերացմամբ եթե մի բան, որից ես հաճույք եմ ստանում, կողքինը վնասվում ա կամ տհաճություն ա ստանում, ինձ համար խնդիր չի էլ չանելը։ Բայց ծխողների համար աշխարհը ծխելու շուրջն ա պտտվում։

Հոլանդացի հարկատուները չեն բողոքում Արդար-անարդարի հարցը էստեղ, ինչքան ես նկատել եմ, մի քիչ ուրիշ կերպ է ընկալվում։ Մարդիկ հարկեր են վճարում ու հպարտանում, որ 36-52% հարկեր վերցնող պետությունը հոգում է իր բոլոր բնակիչների խնդիրները։ Իրենք սիրում են իրենց երկրի սկզբունքները, փողն էլ տալիս են, որ էսօր մի կարիք ունեցող էդ բժշկական կամ սոցիալական օգնությունն ստանա, վաղն էլ, եթե ինքը հանկարծ աշխատանքը կորցնի կամ լուրջ հիվանդանա, պետությունն իրեն պահի։ Համ էլ կամ ինձնից է, կամ վիճակագրությունն է խաբում, բայց իմ ճանաչած հոլանդացիների մոտ 80% ծխող են ։Ճ Մատների վրա հաշված մարդիկ կան, որ չեն ծխում կամ իրենց ընտանիքում ծխող չկա։

Մեկի մոտ էի աշխատում, ծխում էր աշխատանքային օրվա ընթացքում երևի երկու տուփ սիգարետ+երկու կամ երեք անգամ մարիխուանա, պատմում էր, որ էստեղ 10 տարի առաջ երեխեքի կողքին ծխելը լրիվ նորմալ էր, կարոտում էր գիլդերն ու քրֆում եվրոն ու ներկայիս իշխանությունների քաղաքականությունը։ Ընտրություններից հետո հպարտությամբ հայտարարեց, որ PVV-ին է ձայնը տվել, ու մեկ էլ հավատում էր, որ բնությունն ինքնամաքրմամբ մարդկանցից ազատվում է, ու վերջում մենակ հոլանդացիներն են մնալու, որովհետև իրենք յուրահատուկ ու շատ խելացի ազգ են։ Բայց անգամ ինքը չէր ասում, որ արդար չի իր տված հարկերի հաշվին ուրիշներին օգնելը։

Աչքիս դու էնքան էլ տեղյակ չես հոլանդացի հարկատուներից։ Նախ ասեմ, որ վատ շրջապատ ես ընկել, եթե շրջապատումդ էդքան ծխող կա։ Ու իհարկե Եվրոպայի բոլոր լավ սոցիալական համակարգ ունեցող պետություններում հարկատուները չեն դժգոհում հարկերից։ Բայց այ եթե քո ասածների պես խոսակցություններ լսեն, թե՝ իմ առողջությունն եմ վնասում, ձեզ ինչ, միանգամից կասեն՝ հետագայում իմ վճարած հարկերի հաշվին ես բուժվելու։ Ընդհանրապես, Սկանդինավիայում ու նաև Հոլանդիայում հասարակության շահի գիտակցությունը շատ ուժեղ ա, ու մարդիկ որևէ քայլ ձեռնարկելիս հաճախ մտածում են՝ դրանից հասարակությունը տուժելու՞ ա, թե՞ շահելու ա։ Ու էդ տեսակ արտահայտություններ, թե՝ իմ առողջությունն ա, ինչ կուզեմ, կանեմ, էդտեղ չեն անցնում։

Ծխելու էթիկայի բացակայության մասին արդեն ասացի, հետդ էդ հարցում համաձայն եմ։ Բայց դե Հայաստանում միլիոն ուրիշ հարցում մարդկանց մեծ մասը տարրական էթիկայից զուրկ է։ Իսկ աշխատավայրում ծխելու հետ կապված ես որ գոնե վերջին 10 տարում չեմ տեսել, որ Հայաստանում
շենքի ներսում ծխեն։ Գուցե իրենց առանձնասենյակներն ունեցողները ծխում են, բայց ինձ չի հանդիպել։

Եթե մեկը մեկի համար մի լավ բան ա անում, ու դիմացինն էդքան էթիկա չունի, որ շնորհակալություն ասի, դեռ կատաստրոֆիկ չի։ Եթե մեկը մյուսին անտակտ անձնական հարց ա տալիս, էդ էլ կատաստրոֆիկ չի։ Բայց առանց դիմացինին հաշվի առնելու ծխելն արդեն կատաստրոֆիկ ա։

Չուզող Արդեն ասացի, թող վերացնեն՝ սիրով կմիանամ թութուն-կանեփ-կակաչ օպերացիային։ Բայց քանի արտադրությունից դուրս չի եկել, շատ ցածր ինքնարժեքով բանի համար ինձ պիտի չստիպեն գլխիցս մեծ գին վճարել։

Ոչ ոք քեզ ոչինչ չի ստիպում․ դու ընտրություն ունես ընդհանրապես չծխելու։

[Տրիբուն]

Էլի Եվրոպան ու Աֆրիկան սարքիք չափանիշ։ Ում ա պետք քո ասած հաշվարկը, եթե ՀՀ ում մեկ ամիս առաջ բոլոր սիգարետները թանկացել են, իսկ կոնկրետ իմը թանկացելա 50 դրամով ու հենց քո ասած 10% ա գալիս, բայց կարաս տենց մի հատ հաշվարկ ներկայացնես, որ ոչ թե 4% այլ գոնե մեկ մարդ թարգելա ծխելը։ Տրիբուն ընդամենը մեկ մարդու տվյալ եմ ասում։ Խոսեք ՀՀ ից, հասկացեք ինչ կկատարվի ՀՀ ում ու մի համեմատեք Եգիպտոսի կամ Բրազիլիայի հետ։ Զուգահեռականներ կարելի է տանել, բայց չափանիշ սարքելը շատ սխալ ա։

Ապեր, մենք քեզ հարգում, սիրում ենք, բայց դու ինքդ վիճակագրություն չես կարա լինես։ Ես հիմա չեմ կարա քո թանկագին խաթեր համար ՀՀ-ով մեկ հարցում կազմակերպեմ մի 500 հազար մարդու, որ ապացուցեմ կամ ժխտեմ էտ 8 կամ 4 տոկոսը։ Չես ուզում, կարաս չհավատաս։

[Տրիբուն]

Որպեսզի էն Չծխողը խմելուց լյարդի հիվանդություն ունենալու դեպքում գնա ծխողի տված հարկով ձրի բուժվի։

Ինչի՞ ա քեզ թվում, որ սաղ չծխողները ալկոհոլիկ են։

[Chuk]

Էստեղ նայի, իջի ներքև, Իսպանիան գտի: 2006-ից հասարակական վայրերում են արգելել՝ թույլ տալով, որ սրճարաններն ու ռեստորանները ծխողների սրահ ունենան, իսկ 2011-ից նաև դա էլ են վերացրել։
Ավելի հին տվյալներ կուզեի գտնել՝ 90-ականների վերաբերյալ, բայց չգտա։ Ավելի ուշ նորից կփորձեմ։

Նայի, Բյուր ջան, հիմա հենց քո բերած սայտի տվյալներով Իսպանիայում 2005-ին ծխել են տղամարդկանց 39.8 տոկոսը, կանանց 30.4: Սա փոփոխությունները մտցնելուց մի տարի առաջն ա: 2015-ին ծխել են տղամարդկանց 31.3 տոկոսը, կանանց՝ 27.1: Այսինքն էդ փոփոխությունը մտցնելուց հետո ծխողները պակասել են տղամարդկանց մոտ 8.5 տոկոսով, կանանց մոտ՝ 3.2:

Ի դեպ նույն ժամանակահատվածում Հայաստանում, ըստ էս սայտի տվյալների, տղամարդ ծխողները 61.5-ից դարձել են 52.3, այսինքն առանց ինչ-որ տենց օրենքի ավելի շատ պակասում ա գրանցվել: Հայաստանում կանանցը չենք էլ նայի, որտև աբսուրդ ցածր թվեր ա գրած էդ թվերի համար:

Ես ուրիշ տեղից նայել էի, հավես չկա նորից փնտրելու, որ Իսպանիայի բնակչության 32 տոկոսը հիմա ծխող ա: Ի դեպ մեկ անձին տարեկան հասնող ծխախոտի միջին թվերով Իսպանիան ու Հայաստանն իրար ահագին մոտ են:

Էս տվյալները քեզ չե՞ն հուշում, որ իմ կանխատեսումը, որ նույն տենդենցի կրկնման դեպքում Հայաստանում ծխողները կկրճատվեն ու կհասնեն 20-25 տոկոսի դեռ մի բան էլ լավատեսական է, իրականում երևի գործ կունենանք 30 տոկոսից ավելի ծխող բնակչության հետ:

Հարց քեզ՝ մտածելու համար: Հայաստանի 30 ավելի տոկոսը հարուստնե՞րն են: Հարցս նրա համար ա, որտև դու ասում էիր, որ կդառնա հարուստի կայֆ, իսկ ես պնդում եմ, որ կդառնա նոր խոշոր սոցիալական բեռ առանց էն էլ աղքատ բնակչության համար: