Ռազ որ «մի բան էլ ես ասեմ»-ի ալիք ա բացվել ես էլ մեջը ցատկեմ։
Իմ այս թեմայում ասածներին բան չունեմ ավելացնելու Զ-ի առումով, քանի որ վերջին էջերի և ոչ մի գրառում ասածներս չի հերքում կամ հարցի տակ դնում։ Չնայած որ շարունակում եմ զարմացած մնալ այն փաստից, որ մարդիկ ասում են «տուժած» բառը դատա-իրավական դաշտում ներկայացնելուց էր գալիս, բայց նեղվում են, որ այդ բանալիով զարգացած քննարկումների մեջ «մարդասպան» է անվանվել - է բա դատարանն ա իրեն մարդասպան գտել, այնպես որ դա էլ է դատա-իրավաբանական տերմին։
Իմ բոլոր գրածերը ոչ թե եղել են Զ․-ին ուղղված, այլ այն մարդկանց, որոնք համարել են, թե զղջում է եղել։ Համարեք դա փորձ մարդկանց ցույց տալու, որ Զ․-ի ասածները, մեղմ ասած, այնքան էլ դա չեն ցույց տալիս։ Բայց, ինչպես շարունակում ենք տեսնել, այդ փորձը ձախողվեց, ու այս պահին չեմ կարծում թե Զ․-ի գործը շարունակաբար քննարկելով կարող ենք այս ուղղությամբ նոր նվաճումներ ունենալ։ Ուրեմն մեկը ինձ համար Զ․-ի հարցը փակ է։
Հիմա նայենք բուն արմատներին, թե ինչու մարդիկ մանիպուլացվեցին (այն որ մանիպուլացվել են, կիլոմետրերից անզեն աչքով է երևում), և ինչպես կարելի է իրենց օգնել հետագայում այդ նույն ծուղակը չընկնել։ Ինձ համար ամենասկզբից էլ պարզ էր, որ իրենք գտնվում էին տեղեկատվական վակուումում։ Ու այդ տեղեկատվական վակուումը մեծ մասամբ գալիս էր «տեղեկատվական տգիտությունից» (lack of information literacy)։ Ուրեմն եկեք փորձենք ստեղծել պայմաններ մարդկանց հայատառ համացանցում տեղեկատվորեն կրթելու համար։ Թարգմանենք information literacy առցանց ուղեցույցներ, ցույց տանք տարբեր տեղեկատվությունների հավաստի և ոչ հավաստի լինելը, և այլն․․․ մեծ գործ է, բայց կարծում եմ շատ ավելի օգտակար կլինի, քան էս թեմայի վրա յուղ լցնելը։ Պատրաստ եմ օգնել ուրիշներին այս գործում, քանի որ համարում եմ կարևոր նախաձեռնություն։ Ի՞նչ կասեք։
Էջանիշներ