ԱԺ ընտրություններ, 2017

[Chuk]

Իմիջայլոց, Չուկ, չեմ հասկանում թե ուր է կորել իմ քվեն այս թեմայում,
Ես քվեարկել եմ ՀՀկ-ի օգտին, իսկ ՀՀԿ-ի ձայները այստեղ ցուրց է տրվում 0

Թեմայի առաջին իսկ գրառման մեջ զգուշացվել է, որ « Մոտավորապես մեկ ամսից, քարոզարշավի վերջերում, հարցման արդյունքները կամփոփվեն ու կբացվի նոր հարցում, տեսնելու համար, թե ինչպես է ազդել քարոզարշավը մարդկանց տրամադրությունների վրա»: Հարցման ամփոփումն եղել է ուղիղ մեկ շաբաթ առաջ, բացվել է նոր հարցում: Զրոյացվել են բոլորի քվեները: Նախորդ հարցման արդյունքները ներկայացված են թեմայի առաջին գրառման մեջ, այնտեղ ՀՀԿ-ի օգտին հենց մեկ քվե էլ արձանագրված է, փաստորեն հենց քոնը

[Rammstein]

Ռամշ, ես ՀՀԿի որևէ գաղափարական անդամի չգիտեմ, իսկ ՀՅԴ ստորին շերտերում շատ գիտեմ։ Իմ համար անընդունեկի գաղափար, բայց կա։ Ու դրա ինչոր չափով ստիպված վերևներն էլ են ենթարկվում։ Քիչ։ Բայց կա հետքը։ ՀՀԿում չկա։

Ընդունում եմ, որ դեռ կարող ա մնացած լինեն մարդիկ, ովքեր ինչ-որ գաղափարների համար են դեռ դաշնակների հետեւորդ։ Բայց, գուցե շատ սուբյեկտիվ եմ, հիմիկվա էս դաշնակ լիդերներին նայելուց ես մենակ սոված շակալների դեմքերով պաշտոնի ձգտող մարդկանց եմ տեսնում, իսկ էդ իրանց գաղափարները իմ աչքին զուտ ընտրողների վրա ազդելու միջոց են ծառայում հիմա։

Կարաք խնդաք վրաս, բայց էն օրը ընկերներիս հետ քննարկում էի, ու եկանք նրան, որ ԱՌԱՋԱԴՐՎԱԾ ուժերից ԱԺում կուզեինք տեսնել էսպիսի փունջ.

Կոնգրես
ՀՅԴ
Ազատ Դեմոկրատներ
Կոմունիստներ

Էս դեպքում մենք ԱԺ-ում կարող ա գաղափարական բանավեճ տեսնեինք։ Մյուս դեպքերը որակեցինք ուղղակի ապաքաղաքական։

Ի՞նչ տիպի բանավեճ կարար լիներ, որի կարիքը էս երկիրն իրոք ունի ու որից պիտի շահի սենց ծանր վիճակում գտնվող ու լիքը գնալով խորացող, հրատապ լուծելու հարցեր ունեցող երկիրը։

Մեկ էլ էսքան ժամանակ, որ ՀԱԿ-ն ու ՀՅԴ-ն կային ԱԺում, հեչ տենց քո պատկերացրած գաղափարական բանավեճերից ունեցե՞լ են։

[Chuk]

Ռամշ, իմ ասաժ տարբերակում մենակ իրանք պետք ա լինեին։ Այսինքն զուտ ուտոպիստական բան եմ ասում։

Sent from my A0001 using Tapatalk

[anslov]

Թեմայի առաջին իսկ գրառման մեջ զգուշացվել է, որ « Մոտավորապես մեկ ամսից, քարոզարշավի վերջերում, հարցման արդյունքները կամփոփվեն ու կբացվի նոր հարցում, տեսնելու համար, թե ինչպես է ազդել քարոզարշավը մարդկանց տրամադրությունների վրա»: Հարցման ամփոփումն եղել է ուղիղ մեկ շաբաթ առաջ, բացվել է նոր հարցում: Զրոյացվել են բոլորի քվեները: Նախորդ հարցման արդյունքները ներկայացված են թեմայի առաջին գրառման մեջ, այնտեղ ՀՀԿ-ի օգտին հենց մեկ քվե էլ արձանագրված է, փաստորեն հենց քոնը

Հասկանալի է: Ես ուշադիր չեմ եղել:

[anslov]

Տունդ շինվի ալամ աշխարհի ձեները ՀՀԿ-ին են տվել,հերիք չի՞

Դե էս մոմենտին իմ համար իդեալական տարբերակը որ Լևոնը-Սերժը ու Քոչարյանը ի ցույց աշխարհի , գետնի վրա միանային, ինչպես էր սրանից 25 տարի առաջ:
Ցավոք, արտաքին գործոններով պայմանավորված դա ակընհատ անել հնարավոր չէ, ու դա կատարվում է միմիայն անտեր-գրաունդ
Շատ հզոր եռագլուխ վիշապ է: Վիշապ, բառիս լավագույն դրական իմաստով:

[Տրիբուն]

Հայաստանը կլինի պատմության առաջին պառլամենտական հանրապետությունը, որտեղ փաստացի ընդդիմություն չի լինի ․․․ Քարահունջ սաթայլ ....

Բայց ես իշխանություններին ու կոնկրետ ՀՀԿ-ին ոչ մի բանում չեմ մեղադրելու։ Իրանք արեցին էն, ինչ անում են միշտ, ու եթե հազարերորդ անգամ ընդդիմություն կոչվածը չի կարողանում կամ չի ցանկանում դա հաշվի առնել, ուրեմն մենք գործ ունենք խռոնիկ դեբիլության հետ։

Լևոն Տեր-Պետրոսյանը իմբեցիլ ա, սա ես հայտարարում եմ արդեն պաշտոնապես, որպես իմ վերջնականապես ձևավորված կարծիք, որի համար ցավում եմ։ Մենք ունեցել ենք մտավոր թույլ ունակություններով, քաղաքական պրոցեսներ պլանավորելու ու իրականացնելու անկարողությամբ առաջին նախագահ ու ընդդիմության առաջնորդ։ Կարող ա լիքը մարդ հիանում ա էս մարդու տեսական մտավարժանքներով, իմ համար դա մի քան քոռ կոպեկի արժեք չունի։ Պատերազմող երկրում, որը մի տարի առաջ կանգնած էր կատաստրոֆայի եզրին, գալ ու խաղաղության քարոզ կարդալ, յանի նորություն ես ասում, մենակ իմբեցիլը կաներ։ Նույնիսկ եթե բոլրիս համար էլ հասկանալի ա, որ քսան տարի ա բանակցվում ա հենց փոխզիջումային տարբերակը (հետաքրքիր ա, ուրիշ ի՞նչ կարար բանակցվեր) ու շատ հնարավոր ա, որ մի բան ստորագրիվի, կամ նույնիսկ ահագին բան փոխզիջվի (ու հիմա ես սա ասում եմ, քանի որ պարզ ա, որ տենց էլ լինելու ա ինչ-որ պահի) դա թույլ չի տալիս գալ ու խաղաղության քարոզ ա կարդալ մի հասարակությունում, որտեղ երեխեքի կեսը սահմանի վրա կանգնած ա։ Հասարակությունը ռեալ գնահատել ա էս ապուշությունը 1 տոկոս։ ՀԱԿ-ը ափսոս ա, քանի որ ահագին պոտենցիալ ունի, բայց ՀԱԿ-ի փրկությունը ԼՏՊ քաղաքականությունից մեկ անգամ ևս հեռանալն ա, որի արդյունքում ՀԱԿ-ը պիտի ռադիկալ վերանայի սեփական հայացքներն ու քաղաքական գործընթացների նկատմամբ վերաբերմունքը։

ՐաֆՖին ․․․․․ ավելի կավ ա բան չասենք ․․․․ չեղած բաների մասին չեն խոսում։

ԵԼՔԸ, սեփական կարևորությունը գերագնահատած քաղաքական միավոր ա, որը կարող ա երկար կյանք չունենա։ Էս կարելի ա համարել լավ փորձ, երբ զրոյից միավոր ես սարքում ու մտնում ես ԱԺ։ Լիքը մարդ կասի ՀՀԿ-ի պռոյեկտ ա, էս ա, էն ա։ Իմ համար մեկ ա։ Փաստը նրանում ա, որ ներկա համակարգը ճիշտ ա օգտագործվել, ու ԱԺ-ում գոնե 7 հոգի շուխուռ անող կլինի։ Նենց չի, որ մինչև հիմա ԱԺ-ում վեր ընգած ընդդիմությունը դրանից ավել բան ա արել՝ համեմված Ստրասբուրգյան շոփինգ տուրերով։

Արդյունքում ՀՀ առաջին պառլամենտը պառլամենտական հանրապետության պայմաններում լինելու ա վատագույնը իրա որակով։ Աբսուրդ պատկեր ա։ ՀՀ-ում նորագույն պառլամենտարիզմի ռահվիրաները լինելու են սաշիկը, շմայսը, դոդը, վառթանչիկը ․․․

[Chuk]

ՖԲ-ի ստատուսս ստեղ էլ բերեմ, մեկ ա ասելիքս ըստ էության նույնն ա նաև ստեղ.

«Դե ինչ, շռնդալից պարտություն էր: Պետք ա ընդունել, հետևություններ անել, անցնել առաջ: Անձամբ ես հիմա առավել քան երբևէ ավելի կարևորելու եմ Կոնգրեսի դերն ու փորձեմ նպաստել իրա հետագա ընթացքին: Էսքան բան, ողբերգություն սարքելու բան տեղի չի ունեցել: Առկա ընտրական համակարգով, ռեյտինգային համակարգով բավական ընկալելի պատկեր է: Ցավալի: Տխուր: Բայց ընկալելի, հասկանալի:»

[Գաղթական]

Դե ինչ, շռնդալից պարտություն էր: Պետք ա ընդունել, հետևություններ անել, անցնել առաջ: Անձամբ ես հիմա առավել քան երբևէ ավելի կարևորելու եմ Կոնգրեսի դերն ու փորձեմ նպաստել իրա հետագա ընթացքին: Էսքան բան, ողբերգություն սարքելու բան տեղի չի ունեցել:

Հալալա !!
այ սա է իսկական գաղափարակիր լինելը, հավատն ու ոգին:

թող որ ես ինքս խիստ դեմ էի ձեր ընտրած վերջին կուրսին, որն անգամ քաղաքական չեմ կարող անվանել, բայց միշտ ողջունել ու ուրախացել եմ բազմակարծությանն ու գաղափարական քննարկումների առկայությանը, քանի որ ճշմարտությունը բանավեճերի արդյունքում է ծնվում:

ցավակցում եմ քեզ ու մաղթում միշտ էդպես ոգով պինդ մնալ:

[Chuk]

ցավակցում եմ քեզ ու մաղթում միշտ էդպես ոգով պինդ մնալ:

Ցավակցելու բան չկա
Մնացածի համար շնորհակալ եմ:

Մի քիչ ժամանակը չի տենց բաներ գրել ու ասելու, բայց կարճ ասեմ, որ կարծում եմ, որ ՀԱԿ-ի, այսպես անվանեմ, «ինտելեկտուալ թևը», հիմա կփորձի կուսակցության մեջ արմատական փոփոխություններ անել: Մեզ ներքին առողջացման որոշակի քայլեր են պետք:

[Gayl]

Հիմա, եթե ՀՀԿ-ն 49.5 % հավաքի էդ դեպքում քանի հոգով ա մտնում ազգային ժողով?

[Gayl]

ՖԲ-ի ստատուսս ստեղ էլ բերեմ, մեկ ա ասելիքս ըստ էության նույնն ա նաև ստեղ.

«Դե ինչ, շռնդալից պարտություն էր: Պետք ա ընդունել, հետևություններ անել, անցնել առաջ: Անձամբ ես հիմա առավել քան երբևէ ավելի կարևորելու եմ Կոնգրեսի դերն ու փորձեմ նպաստել իրա հետագա ընթացքին: Էսքան բան, ողբերգություն սարքելու բան տեղի չի ունեցել: Առկա ընտրական համակարգով, ռեյտինգային համակարգով բավական ընկալելի պատկեր է: Ցավալի: Տխուր: Բայց ընկալելի, հասկանալի:»

Չուկ ՀԱԿ-ը չցանկացավ ձայն հավաքի։

[Chuk]

Հիմա, եթե ՀՀԿ-ն 49.5 % հավաքի էդ դեպքում քանի հոգով ա մտնում ազգային ժողով?

Թիվ ես պահին չեմ ասի, հավես չկա հաշվելու, բայց իրան լրացուցիչ մանդատներ են տրվելու ըստ ԸՕ-ի էնքան, մինչև իրա պատգամավորները լինեն ընդհանուրի 54 տոկոսը:

[Gayl]

Թիվ ես պահին չեմ ասի, հավես չկա հաշվելու, բայց իրան լրացուցիչ մանդատներ են տրվելու ըստ ԸՕ-ի էնքան, մինչև իրա պատգամավորները լինեն ընդհանուրի 54 տոկոսը:

Բայց խի 54%?? Ինչ բանաձևով են հաշվում?

[Chuk]

Բայց խի 54%?? Ինչ բանաձևով են հաշվում?

ԱԺ-ում պետք ա կայուն մեծամասնություն լինի, որը եսիմ ինչ հաշվարկներով որոշել են, որ 54-ն ա:

Հոդված 96. Փոքրամասնության և մեծամասնության լրացուցիչ մանդատները


1. Եթե որևէ կուսակցություն սույն օրենսգրքի 95-րդ հոդվածի 4-9-րդ մասերի հերթական կիրառման արդյունքում ստացել է 95-րդ հոդվածի 4-9-րդ մասերով բաշխված մանդատների ընդհանուր թվի մեծամասնությունը, սակայն 54 տոկոսից պակաս, ապա այդ կուսակցությունն ստանում է այնքան նվազագույն թվով լրացուցիչ մանդատներ, որ արդյունքում այդ կուսակցության մանդատների քանակը տոկոսային արտահայտությամբ լինի ոչ պակաս, քան 54 տոկոսը:

[Gayl]

96-րդ հոդվածը վերաբերվում ա պատգամավորների անձեռնմխելիությանը։
89-րդ հոդվածում ասում ա, որ եթե ընտրության արդյունքում կամ քաղաքական կոալիցիա կազմելու միջոցով կայուն մեծամասնություն չի ձևավորվում ապա կարող է երկրորդ փուլ տեղի ունենալ։