ԱԺ ընտրություններ, 2017

[Chuk]

ԱԱԾ-ն հանդես է եկել հայտարարությամբ, որտեղ հաստատել է ԼՂՀ ՊԲ նախկին հրամանատար Սամվել Բաբայանի ձերբակալության լուրը:

ԱԱԾ հայտարարության մեջ մասնավորապես նշվում է.

«Ի պատասխան տարբեր լրատվամիջոցների բազմաթիվ հարցումների՝ ՀՀ Ազգային անվտանգության ծառայութան մամուլի կենտրոնը հայտնում է, որ մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակներում այս պահին ձերբակալված են 3 անձ, այդ թվում՝ ՀՀ քաղաքացի Սամվել Բաբայանը։

Կատարված քննչական գործողությունների և օպերատիվ-հետախուզական միջոցառում-ների արդյունքում ստացվել են նաև արժանահավատ տվյալներ, որ նշված զենիթա-հրթիռային համալիրի բաղկացուցիչ մասերի ձեռքբերումը և փոխադրումն իրականացրած անձինք գործել են Սամվել Բաբայանի հետ ունեցած նախնական համաձայնությամբ և նրա պատվերով։

Ըստ փորձագետի եզրակացության՝ զենիթա-հրթիռային համալիրի բաղադրիչ կազմող «9M39» մարտական հրթիռը պիտանի է հետագա շահագործման համար և հանդիսանում է ռազմամթերք։

Ներկայումս պարզաբանվում են զենիթա-հրթիռային համալիրի բաղկացուցիչ մասերի ձեռքբերման շարժառիթները, հնարավոր օգտագործման նպատակները, ինչպես նաև ֆինանսավորման աղբյուրները։

Նախաքննությունը շարունակվում է»։

Ծանուցում. Հանցագործության համար մեղադրվողը համարվում է անմեղ, քանի դեռ նրա մեղքն ապացուցված չէ օրենքով սահմանված կարգով՝ դատարանի օրինական ուժի մեջ մտած դատավճռով:

Աղբյուր՝ http://www.ilur.am/news/view/58764.html

Sent from my A0001 using Tapatalk

[Lion]

Լևոնի վերջին հարցազրույցի վերաբերյալ...

Սա չեմ գրում, որ ինչ որ մեկը պատասխանի կամ չպատասխանի՝ վստահ եմ, եթե ինչ որ մեկն ասելու բան ունենա, կասի, իսկ եթե չունենա, չի ասեի:

1. Բուն հարցազրույցի փաստը - այն, որ այս խայտառակ ու դավաճանական գաղափարի քարոզին լծվում է ինքը՝ մեծն ծանր հրետանին ի դեմս ԼՏՊ, արդեն իսկ խոսում է այն մասին, որ ողջ այս գաղափարը պռավալի է գնացել: Սկզբում ՀԱԿ-ում ակնհայտորեն նախատեսում էին զուրաբյանների մակարդակով յոլա գնալ, հետո զգացին, որ չի անցնում, մի թեթև անցան Մուսինյանին, բայց դա էլ չօգնեց և, ահա, Պապին որոշեց խոսել: Ինչ ասաց և ինչպես, դա ստորև, բայց փաստն ինքնին հատկանշական է՝ եթե մեծն գոռոզը որոշել է խոսել, ուրեմն ինքն էլ է զգացել, որ իր ասածը չի անցնում և սա մի հուսահատ ժեստ է,

2. Շարմազանովի արձագանքը - այն, որ ճկուն Շարմազանովը շատ դրական արտահայտվեց ԼՏՊ այս հարցազրույցի նկատմամբ, արդեն իսկ ամեն ինչ ասում է: Իհարկե, Շարմազանովը հիանալի տեսնում է, թե ինչ հաջողությամբ է Լևոնը քաղաքական գերեզման փորում իր ու իր ուժի համար, ինչու կոպտի, ինչու դեմ խոսի, թող ԼՏՊ-ն ու ՀԱԿ-ը հաջողությամբ շարունակեն իրենց քաղաքական գերեզման իջեցնելու գործընթացը,

3. Ռուսաստանի դիրքորոշումը - այս մարդը կամ մեղմ ասած չի հասկանում, կամ էլ մեզ է փորձում համոզել, թե Ռուսաստանը շահագրգռված է Ղարաբաղի հարցը լուծելու հարցում: Իրականում՝ աբսուրդ է, և ուղղակի ակնհայտ է, որ Ռուսաստանը չունի և ոչ մի մոտիվ, որպեսզի ձգտի կարգավորել այս հակամարտությունը՝ ռուսները այս հակամարտությամբ մեզ ու Ադրբեջանին կաշկանդած են պահում, զենք են վաճառում, ընդգծում են իրենց արժեքը և, ընդհանրապես, ուժեղ պահում իրենց ազդեցությունը, իսկ այս պայմաններում անել այնպիսի միամիտ դատողություններ, ինչպիսին Լևոնն է անում՝ ուղղակի ցավալ կարելի է այս մարդու մտածողության մակարդակի վրա,

4. Միջազգային երաշխիքների մասին - Լևոնի ելույթում, ինչպես նաև ՀԱԿ ողջ դիրքորոշումում, առկա է սրբազան մի հավատ միջազգային հանրության, միջազգային երաշխիքների վերաբերյալ: Այս հարցում Լևոնը կրկնեց այսքան ամիսներ ՀԱԿ ասածը, բայց ավելի լավ կլիներ, որ չխոսեր, քանի որ ՀԱԿ անհաջող թեզերը գոնե ընկալվում էին այնպես, որ, գիտեք, ինչ, իրականում Լևոնը խելոք է և ինչ որ բան գիտի, բայց լռում է, իսկ այժմ, երբ Լևոնը խոսեց, ընդ որում ավելի վատ, քանի ինչ որ մի Զուրաբյան, պարզ դարձավ, որ Լևոնը ոչինչ էլ չգիտի ու չի հասկանում: Ես Լևոնի այս ելույթը համեմատում եմ Քոչարյանի ու Դեմիրճյանի այն հայտնի բանավեճի հետ նույն Հ1-ում, որտեղ Քոչարյանը Դեմիրճյանին ճարպկորեն ցեխը կոխեց: Այստեղ էլ նույնն է, ուղղակի Լևոնն ինքն իրեն... անճարակորեն ցեխը կոխեց: Ցավալի է ու կրկին ցավալի, ընդ որում այստեղ ոչ մի խարիզմատիկ կամ հարգանքի արժանի բան չկա՝ կա մի ծերացող, քաղաքական առումով ֆիասկո ապրած և ինքնասիրահարված քաղաքական գործիչ, որը ոչինչ չունի և չի առաջարկում՝ ուղղակի փորձում է խելոք տեսք ընդունել,

5. Ալիևին խորամանկելու առաջարկը - Լևոնն ասում է, թե, գիտեք ինչ, եկեք Ալիևին խորամանկենք, մենք համաձայնենք, իսկ ինքը չի համաձայն: Է հարգելիս, քեզնից ոչ պակաս, իսկ իրականում ավելի ճարպիկ Սերժ Սարգսյանը Կազանում հիանալի խորամանկեց Ալիևին, հիմի դու եկել եկեղեցի, տերտերին աղոթել ես սովորեցնում?

6. Այսպես կոչված <Առաջին նախագահ> երևույթի մասին - միայն ցավալ կարելի է, որ մեր անկախ երկրի դե-յուրե առաջին նախագահը նման ցինիկ հեգնանքով է խոսում ազգային արժեքների և պատմական հիշողության մասին: Եվ այս առումով ես չեմ ընդունում հաղորդավարուհու այն դիրքորոշումը, թե, գիտեք ինչ, սա առաջին նախագահն է: Ոչ ու կրկին ոչ, սա միայն դե-յուրե առաջին նախագահն է, բայց դե-ֆակտո սա ընդամենը մի ցինիկ և իր ազգը չսիրող, այն արհամարող, նրա անցած ազգային ուղին ծաղրող գործիչ է, որը ի վիճակի է ծաղրել ազգային հիշողությունը, պատմական արդարությունը և մեր պատմական կորսված Հայերնիքը վերադարձնելու գաղափարը, մի մարդ, որը ի վիճակի է հեգնանքով խոսել ուժեղ պետություն, տնտեսություն և բանակ ունենալու նպատակների մասին: Ընդ որում գործ ունենք ցինիզմի նաև մեկ այլ աստիճանի հետ՝ իշխանության եկած և, ըստ էության, մարդ դարձած ազգային զարթոնքի հզոր ալքի վրա, կայանալով պատմական հիշողությունը շահարկելով, ներկայումս այս մարդը կանգնում և ծաղրում է այս ամենը: Ցավալի է ու կրկին ցավալի... որ այս ունենք, ցավալի է, որ կռված տղերքի արյունը նման մարդն է շահարկում,

7. Լևոնի այսպես կոչված <խարիզմայի> մասին - Ես 1988 թ-ից լսել եմ Լևոնին ու գիտեմ նրան որպես քաղաքական գործիչ: Այսուհանդերձ՝ ես չեմ հասկանում, թե ինչ խարիզմայի մասին է խոսքը: Իրականում մենք գործ ունենք մի ինքնահավան, ինքնավստահ ու բավականին մակերեսային մտածողություն ունեցող մարդու հետ, որը, սակայն, խորապես վստահ է, որ ինքը ճիշտ է: Ու ցավը նրանում է, որ, որպես մի քաղաքական ուժի ղեկավար, բավականին մեծաքանակ մարդիկ հիացած տոնով խոսում են նրա, այպես կոչված, խարիզմայի մասին, որն իրականում, համենայն դեպս ինձ ու իմ նման մտածող մարդկանց համար, չկա: Ոչինչ չկա,

8. Իշխանափոխության թաքուն երազանքը - Մուսինյանի ելույթի կապակցությամբ արդեն ասել եմ, այստեղ էլ կրկնեմ՝ Լևոնն ու ՀԱԿ-ը լրիվ իրենցբացահայտում են մի պարզունակ, բայց ըստ իրենց՝ խորամանկ, ծրագիր կյանքի կոչելու գաղափարով՝ իմանալով, որ իրենք այսպես թե այնպես տեսանելի ապագայում իշխանություն չեն լինի, ՀԱԿ-ն ուզում է ժողովրդի ճնշմամբ ստիպել իշխանություններին փորձ կատարել համոզել ժողովրդին այս կործանարար պլանի հարցով ու, քանի որ դա բնականաբար չի անցնի ու ժողովուրդը ոչ կասի նման իշխանություններին, դրանով թուլացնի նման քայլի գնալ փորձող իշխանությունների դիրքերը և հասնի իշխանափոխության: Խորամանկ... միամիտ պլան է, որն իրականում իհարկե չի գործի:

Մի խոսքով, ցավալի է, ցավալի է, որ ազգային սիմվոլ լինելուն կոչված մարդն այսքան, մեղմ ասած, անփառունակ է, նեղմիտ և ոչ անկեղծ, իսկ այս պատմության մեջ միակ դրական կողմը հետևյալն է՝ Լևոնն ու իր ՀԱԿ-ը հաջողությամբ հակափիառ կազմակերպեցին ցանկացած հանձնվողականության՝ հող հանձնելու գաղափարին, այս ամենը կվերջանա 10 օրից, բայց այս հակափիառը կմնա:

[Վիշապ]

ԱԱԾ-ն հանդես է եկել հայտարարությամբ, որտեղ հաստատել է ԼՂՀ ՊԲ նախկին հրամանատար Սամվել Բաբայանի ձերբակալության լուրը:

Էս Սամոի ձերբակալությունը ԱԺ ընտրությունների հետ ինչ կապ ունի, չհասկացա… Կարող ա՞ պիտի ռազմական հեղաշրջման թեմա տեղափոխվցվի: Ու նման ա մարազմների երկրի հերթական մարազմին՝ էլ ուրիշ ձև չկար, Սյամոն Վրաստանից Իգլա էր կպցրել, որ երևի Սերժի սամալյոտին խփեր մինչև ընտրությունները, դե քանի Սերժը նախագահ էր, ու հենց խփեր, ինքը դառնալու էր պրեզիդենտ… Լրիվ տեղավորվում ա «խաղաղություն-բարիդրացիություն», «կեղծ-սարքովի հաց բերող», «միջազգային ատյանների պարտադրանք», ու նման այլ թուլամտությունների կողքին: Ու Լևոնը պիտի Հ1-ով ժողովրդին խաղաղություն քարոզեր, Նիկոլ Փաշինյանը «ելք» առաջարկեր, երկրում միլիցեքը ցուցարարներից շատ լինեին, ցուցարարները ռեժիմով տփոց ուտեին, Ժիրայր Սեֆիլյան ու Շանթ Հարությունյանի պես տղերքն էլ բանտում նստեին։ Մարդ հնար ունենար սեփական գեները փոխեր դարձներ չուկչայական, պրծներ։

[Chuk]

Էս Սամոի ձերբակալությունը ԱԺ ընտրությունների հետ ինչ կապ ունի, չհասկացա… Կարող ա՞ պիտի ռազմական հեղաշրջման թեմա տեղափոխվցվի: Ու նման ա մարազմների երկրի հերթական մարազմին՝ էլ ուրիշ ձև չկար, Սյամոն Վրաստանից Իգլա էր կպցրել, որ երևի Սերժի սամալյոտին խփեր մինչև ընտրությունները, դե քանի Սերժը նախագահ էր, ու հենց խփեր, ինքը դառնալու էր պրեզիդենտ… Լրիվ տեղավորվում ա «խաղաղություն-բարիդրացիություն», «կեղծ-սարքովի հաց բերող», «միջազգային ատյանների պարտադրանք», ու նման այլ թուլամտությունների կողքին: Ու Լևոնը պիտի Հ1-ով ժողովրդին խաղաղություն քարոզեր, Նիկոլ Փաշինյանը «ելք» առաջարկեր, երկրում միլիցեքը ցուցարարներից շատ լինեին, ցուցարարները ռեժիմով տփոց ուտեին, Ժիրայր Սեֆիլյան ու Շանթ Հարությունյանի պես տղերքն էլ բանտում նստեին։ Մարդ հնար ունենար սեփական գեները փոխեր դարձներ չուկչայական, պրծներ։

Սամոն ՕՐՕ-ի թիմից ա։ Անցողիկ շեմն ապահովելու համար շուխուռ ա պետք, էդքան բան։

[Վիշապ]

Սամոն ՕՐՕ-ի թիմից ա։ Անցողիկ շեմն ապահովելու համար շուխուռ ա պետք, էդքան բան։

Քո պատասխանը քո դուրն եկա՞վ :Ճ Կրկնենք, փաստորեն անցողիկ շեմի համար շուխուր ա պետք, շուխուրի համար պետք ա Իգլա բերել Վրաստանից ու նստել բանտում զինված հեղաշրջման համար ու երկնքից իջնում են քվեներ 7% ապահովելու համար:

[Gayl]

Սամոն ՕՐՕ-ի թիմից ա։ Անցողիկ շեմն ապահովելու համար շուխուռ ա պետք, էդքան բան։

Իգլայով?? Կամ սխալ ուղղությամբ ես մտածում կամ էլ սրանք իսկականից ոչխար են։