Այս տարի ես որոշել եմ...

[StrangeLittleGirl]

Հիմա մոդա ա, երբ մարդիկ նոր տարվա համար զանազան լուրջ որոշումներ են ընդունում, դրա մասին անձնական որևէ տարածքում կամ ֆեյսբուքում գրում ու փորձում դրանց հավատարիմ մնալ: Թե ինչքանով ա ստացվում, դա մի ուրիշ հարց ա: Ամեն դեպքում, մտածեցի՝ լավ կլինի ակումբում էլ նման թեմա ունենանք: Թող ակումբցիները գրեն իրենց որոշումների մասին: Հետո էս տարվա վերջին կհիշենք կամ չենք հիշի, թեման նորից կնայենք, կտեսնենք՝ ով ա իր որոշումներին հավատարիմ մնացել:

Քննարկումները ողջունվում են:

[Հայկօ]

+2 վեպ: Շատ, շատ դժվար ա լինելու:

[Smokie]

Էս տարի` որոշ համակարգչային կուտակումներս դատարկելուց հետո սկսելու եմ օրվա ընթացքում շատ ժամանակ տրամադրել երկար հեքիաթիս, ոչ թե անցած տարվա պես օրեկան ամենաքիչը 20 րոպե:
Ու պիտի զգալիորեն բարձրացնեմ աշխատասիրությանս մակարդակը:

[Մուշու]

Եկեք չասեմ որոշել եմ, այլ ասեմ ուզում եմ:

1.Ուզում եմ տարվա վերջում տանը գերմաներենի C1-ի կամ գոնե B2-ի սերտեֆիկատ ունենալ պահված:

2. Ուզում եմ մարզասրահ հաճախել սկսել ու երազանքիս կառուցվածքին հասնել:

3. Ուզում եմ քչացնել շաբաթվա ընթացքում խմելու/պարելու գնալը (այ էս կետը ամենակարևորն ա, ես շաբաթվա գրեթե բոլոր օրերին «նշելու առիթ» ունեմ ու նշում եմ տանից դուրս)

4. Ուզում եմ որոշ մարդկանց հետ հարաբերությունները շտկել էնպես, որ էլ ոչ մի նոր փոփոխություն չլինի:

5. Ուզում եմ ոչ մի նոր հարաբերություն չունենալ 2017ին, սենց մենակ ու ազատ հանգիստ ա:

6.Ուզում եմ օրերս ճիշտ դասավորել, սկսեմ ապրել ըստ ծրագրի:

Մնացածը կհիշեմ ու ընթացքում կավելացնեմ:

[Alphaone]

այս տարի՝
1. ես մինչև վերջին լուման կփակեմ վարկը, որ ուրիշի լավություն անելով վերցրեցի ու կյանքիցս 3 տարի գցեցի ջուրը
2. կգնամ ուրիշ երկիր կամ մեքենա կգնեմ
3. կգրեմ ու 2018թ.-ի համար տպագրության կուղարկեմ իմ առաջին գիրքը, եթե անգամ աղբ ստացվի, ինձ առաջ գնալու ստիմուլ է պետք
4. կթռնեմ պարաշույտով
5. ...
6. վերջապես կհեռացնեմ իմաստության ատամներս ու կվիրահատեմ նշիկները

ու թող սատանաները պատժեն ինձ, թե էսքանը չանեմ...

[StrangeLittleGirl]

Իմ որոշումները.
- Էդ անտեր գիրքը վերջապես վերջացնել ու տպել, թե չէ արդեն կողքից ահավոր շատ են նեղում
- PhD-ս վերջացնել ու պաշտպանել
- Նոր գործ ճարել
- Դանիայի քաղաքացիության քննությունը հանձնել

[keyboard]

Այս տարի ես որոշել եմ լավություն չանել։

[John]

Վայելելու եմ 2017ն ավելի խելամիտ, քան 2016ն էր։
Մի քանի կետ էլ գրեմ, գաղտնագրված, ինձ համար, ուղղակի ուրիշ տեղ որ գրեմ՝ հազիվ թե գտնեմ հետո ։Դ
1․էծթ
2․հհս․կ․պն
3․նգ․դդ․կ․ծ
4․լհհ

[reminilo]

Մի քանի կիսագաղտնագրված բան էլ ես ասեմ.
-սա չեմ գրում, երկու կետա ներառում
-Պարկինսոնիզմի հոդվածները ու + սուբթալամիկը, իշեմիան էլ ձեռի հետ
-մյուս տարվա առարկաները
-Օրբելին, անպայման
-ֆբ
-մեկուսանալը
-խմբի հետ հետ կապված պահերը
-Կոջոյանի պահերը
-որակավորման գրքույկը, էլի անպայման
-հիստի գիրքը

[Areg ak]

Ուրեմն))
1. Դասեր սովորելը կատարյալ մակարդակի հասցնել:
2. Մի քիչ քիչ համակարգչով/հեռախոսով զբաղվեմ:
3. Այս տարի վերադառնամ հին գիրք կարդալու սովորությանը:
4. Վերջապես անձնական օրագիր պահեմ, որպեսզի ինքս ինձ լավ հասկանամ:
5. Անգլերեն լեզուն բարելավել:
6. Ես մի կետն էլ հեչ

[Ika]

Այս տարի էլ մի տարի կվատնեմ իմ կյանքից այն անտեր մնացած 3 տարիներից , որ մնացել ա ինձ թոշակառաու դառնալու համար ....