User Tag List

Նայել հարցման արդյունքները: Ո՞ր ստեղծագործությունն էր ավելի լավը.

Քվեարկողներ
12. Դուք չեք կարող մասնակցել այս հարցմանը
  • Շոկոլադ

    6 50.00%
  • Դեկադանս

    6 50.00%
Էջ 1 3-ից 123 ՎերջինըՎերջինը
Ցույց են տրվում 1 համարից մինչև 15 համարի արդյունքները՝ ընդհանուր 35 հատից

Թեմա: Գրական դուետ. Ամաչել 24 ժամում

  1. #1
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)

    Գրական դուետ. Ամաչել 24 ժամում

    Հերթական զույգը գրանցվեց. սկսում ենք:

    Անհրաժեշտ է գրել արձակ ստեղծագործություն, որի գործողությունները կատարվում են մի օրվա ընթացքում, իսկ պատմության հիմքում ամոթի զգացմունքն է:
    Մնացածը մնում է հեղինակների երևակայությանը: Ժանրային, ծավալային և այլ սահմանափակումներ չկան:

    Մրցում են միայն երկուսը, բայց ցանկության դեպքում ուրիշներն էլ կարող են ուղարկել իրենց աշխատանքները, որոնք կներկայացվեն մրցույթից դուրս:
    Ինքնաբացահայտումն արգելվում է:

    Վերջնաժամկետը՝ մինչև տարեվերջ, բայց աշխատեք վերջին օրվան չթողնել, որովհետև դեկտեմբերի 31-ին հաստատ ուրիշ բաներով եք զբաղված լինելու:
    Մրցույթը կսկսվի հունվարի 2-ին, երբ բոլորն արդեն քիչ թե շատ օյաղացած կլինեն

    Էս պահին նորից կա մեկը, ով գրանցվել է ու սպասում է իր մրցակցին: Տեսնես ո՞վ է լինելու նրա հետ մրցողը
    Գրանցումները՝ նամակով:

  2. Գրառմանը 8 հոգի շնորհակալություն են հայտնել.

    enna (04.01.2017), GriFFin (23.12.2016), LisBeth (22.12.2016), Mr. Annoying (22.12.2016), Smokie (22.12.2016), Աթեիստ (22.12.2016), Հայկօ (22.12.2016), Նիկեա (24.12.2016)

  3. #2
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Շոկոլադ

    Մաթեմի դասատուն արդեն «ներկա-բացակա» էր անում, երբ Տաթևը շնչակտուր դասարան մտավ։
    - Կարելի՞ է։
    - Նստիր, մյուս անգամ չուշանաս,- ասաց մաթեմի դասատուն՝ առանց հայացքը մատյանից կտրելու։
    Բոլորի անունները կարդալուց հետո հայացքը բարձրացրեց մատյանից ու նայեց դասարանին՝ փորձելով աշակերտներից մեկին ընտրել գրատախտակին մոտենալու համար։ Գերազանցիկ Աննան միանգամից ձեռք բարձրացրեց ու սկսեց տեղում ջղաձգվել, որ իրեն նկատի, մինչ դասատուի հայացքը կարծես չէր էլ հասնում առաջին շարք։
    - Տաթև, դու։ Էջ 25, վարժություն 12։
    - Տաթևը որոշակի անվստահությամբ, բայց առանց դիմադրելու տեղից վեր կացավ ու մի երկու քայլ արեց դեպի գրատախտակը։ Հետո նորից հետ եկավ, սկսեց պայուսակը փորփրել։ Ի վերջո, հուսահատված գլուխը բարձրացրեց ու ասաց.
    - Տիկին Մինասյան, գիրքս մոռացել եմ։
    - Այ քեզ բան։ Ուշացած գալիս ես, գիրքդ էլ չես բերում։ «5»-ի աշակերտը նման բան կանի՞։ Վերցրու, իմով գրի,- ու գիրքը պարզեց Տաթևին, մինչ վերջինս նույն անվստահ քայլվածքով մոտեցավ դասատուին, վերցրեց գիրքն ու առաջացավ դեպի գրատախտակը։

    «Վարժ. 12»,- գրվեց գրատախտակի ձախ անկյունում։ Տաթևն անձայն արտագրեց վարժությունն ու սկսեց լուծել։ Դասարանում քար լռություն էր։ Միայն կավիճի կտկտոցն էր լսվում։ Տաթևը սովոր էր վարժությունները լուռ լուծել ու նստել։ Հետո դասատուն արագ վրայով անցնում էր, բացատրում դժվար մասերը, Տաթևին «5» նշանակում։

    Այս անգամ էլ ամեն ինչ նույն ընթացքը կունենար, եթե Տաթևը երկու տող գրելուց հետո երրորդի կեսերից կանգ չառներ ու ամբողջ գրածը չջնջեր։
    - Ի՞նչ պատահեց,- հարցրեց դասատուն։
    - Սխալ էի գրել, նորից եմ փորձում։
    Տաթևը նորից գործի անցավ, բայց այս անգամ դասատուն ուշադիր հետևում էր նրա ամեն մի քայլին։
    - Ինչե՞ր ես գրում։ Չես կարողանում լուծել։ Դասին էսպե՞ս են պատրաստվում… Նստիր, «երկու»։
    Այդ պահին Աննան նորից ձեռք բարձրացրեց։ Այս անգամ դասատուն նկատեց նրան։
    - Ասա, Աննա։
    - Տաթևի շալվարին ինչ-որ բան է քսվել։
    Տաթևը, որ կավիճն արդեն դրել էր գրատախտակին ու մոտենում էր իր նստարանին, աջ ու ձախ ուսումնասիրեց շալվարը։
    - Ոչինչ չեմ տեսնում։
    - Հետևում,- ասաց Աննան,- շագանակագույն։
    Հանկարծ Տաթևը կարմրեց, շուրջը նայեց՝ փորձելով հասկանալ, թե արդյոք մյուսները նկատել են։
    - Երևի շոկոլադի վրա եմ նստել,- ասաց։
    Իսկ երբ մոտեցավ նստատեղին, պայուսակից անձեռոցիկ հանեց, մաքրեց աթոռը, հետո նոր նստեց։ Մինչ դասատուն կկողմնորոշվեր, թե ում հաջորդը կանչի գրատախտակի մոտ, Տաթևը ձեռք բարձրացրեց։
    Ընկեր Մինասյան, կարելի՞ է գնալ դուրս։
    - Հիմա էլ դու՞րս։ Լավ, գնա։
    Տաթևը վերցրեց պայուսակն ու անմիջապես դուրս թռավ։

    Դասամիջոցին աղջիկները հավաքվել էին դասարանի մի անկյունում։
    - Հասկացա՞ք, թե ինչ էր էղել Տաթոյին։
    - Հա, ոնց չէ։ Ոնց որ տղերքն էլ էին ջոկել։ Արսենը քթի տակ ծիծաղում էր։ Մա՞րդ էլ էդքան անուշադիր լինի։
    Այդ պահին դասատուն Տաթևի հետ էր խոսում։ Աղջիկների ականջին հասավ.
    - Ուշանում էի… չհասցրի… էդպես ստացվեց։
    - Էդ օրերին յուբկա հագիր,- խորհուրդ տվեց դասատուն։

  4. Գրառմանը 8 հոգի շնորհակալություն են հայտնել.

    Chuk (07.01.2017), John (04.01.2017), Mr. Annoying (04.01.2017), Sambitbaba (04.01.2017), Աթեիստ (04.01.2017), Նաիրուհի (06.01.2017), Նիկեա (04.01.2017), Վոլտերա (05.01.2017)

  5. #3
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Դեկադանս

    Անկրկնելի, հարուստ բույր, թանձր ու թարմացնող համ, ասվում է սուրճի գովազդում։ Պորտիս կողքի ծակոտիների մեջ գտնում եմ մի ազատ տեղ ու կոֆեինը տալիս ենթամաշկ։ Հաջորդը ցավազրկողն է։ Մերկացրած հետույքիս նշան եմ բռնում՝ վերին քառոդի մեջ, դուռը ոտքով բացելով հանդերձարան է մտնում Դիանա Ադամովնան։
    - Տուր ես դնեմ, - ասում է։
    - Դու գիտե՞ս ոնց են դա անում։
    - Հա, մի ժամանակ բժշկական կուրսերի էի հաճախում։ Թեթև ձեռք ունեմ։
    - Լավ, - ներարկիչը մեկնում եմ նրան։
    Ասեղը հանում է ներարկիչի վրայից, դնում մատների արանքը։
    - Այսօր մի քիչ հիվանդ եմ։ Տեսքս լավը չի, վաղը կատվի աչքեր կնկարեմ, – թեթևակի ապտակից ցնցվում եմ, - քսված շատ լավն եմ, որ տեսնես, կխենթանաս, - գովազդին համահունչ ասում է նա։
    - Ոնց կասես։
    Դիանա Ադամովնա, Ադամից ծնվեց նա ու մենք բոլորս, ըստ ամենապոպուլյար գեղարվեստական գրականության։
    - Վերջացրի՞ր, - ձեռքս կտրուկ անցկացնում եմ ներարկիչի վրայով հենց այն պահին, երբ ամրացնում է ասեղից։
    Ներակիչը ասեղախառ դուրս է թռնում, օդում մի քանի պտույտ կատարում ու խրվում ուղիղ Դիանայի բիցեպսի մեջ։ Դռան մոտ քարացած մեկը, «ամենակապույտ սառույցի» աչքերը չռած մեզ է նայում։
    - Ո՞վ ես։
    Չսպասելով պատասխանի, Դիանայի թևին տատանվող ներարկիչը հանում եմ ու 4մլ-ը դատարկում ազդրիս մեջ։
    - Վերջ, սիրելիս, մենք հիմա կապված ենք արյունով, - ասում է Դիանան։
    2016 թվականի ստատիստիկայով վարակվելուս հնարավորությունը 1,5 տոկոսով բարձրացել է, անցած տարվա համեմատ։
    - Ո՞վ էր այդ տղան, - քայլում եմ դեպի դուռը։
    - Ի՞նչ տղա։ Չգիտեմ։ Կզանգե՞ս ինձ, - ձեռքս բռնում է։
    - Ինչո՞ւ։
    - Եսիմ, կզրուցենք։
    - Ոչ։
    Միջանցքի աթոռներից մեկին նստած է։ Մոտենում եմ, նստում կողքը։ Փոքրիկ սեղանին վրա այցեքարտեր են լցված ․«Դուք միայնա՞կ եք, հուսահա՞տ, ունե՞ք օգնության կարիք։ Զանգեք մեզ, շուրջօրյա անվճար հեռախոսահամարով»։
    - Զանգե՞լ ես, - հարցնում եմ։
    Չի պատասխանում։ Այցեքարտերը հավաքում, նետում եմ աղբը․
    - Ուզո՞ւմ ես սեքսով զբաղվենք։
    - Ձեռ ես առնո՞ւմ, - հայացքը իջացնում է ափերի մեջ ճմրթած այցեքարտին, վիզը ամբողջությամբ վառ կարմիր է ներկվում։
    - Ոչ։
    - Ի՞նչ, հենց հիմա՞։
    - Կարող են քո տուն գնալ, տուն ունե՞ս։
    - Գուցե… գուցե սկզբում մի տեղ գնա՞նք։
    - Եթե դա քեզ պետք է։

    Նա մերթ կաշկանդվում է, մերթ թուլացած հետ ընկնում սրճարանի բազմոցին, լռում, խոսում, սուրճի բաժակը դողացնելով մոտեցնում շուրթերին, հաջորդ պահին պատմում ինչ-որ ֆիրմայում հասած հաջողությունների մասին։
    Մի կումով ավարտում եմ սուրճս։
    - Ինչի՞դ է պետք այս ամենը։
    Չի պատասխանում։ Անձեռոցիկի վրա գրում եմ համարս ու դուրս գալիս։


    Կենդանիների մտքին տրված չի դուրս գալ ակնթարթի սահմաններից կամ գիտակցել, որ այն ինքնին կարող է ոչնչացնել զոհին ... կենդանին քանդում է, այլ ոչ թե ստեղծում ... կենդանու հաճույքները մնում են զգայական ընկալման մակարդակի, չեն բարձրանում գիտակցման... միալար հնչում է ձայնագրությունը։ Հոգին ու մարմինը ենթարկելու բարձրակարգ, առասպելական արվեստ։ Զգայական ընկալում, թե գիտակցում… կրկնում եմ։
    Հաղորդագրության մեջ ասված է, որ նա ուզում էր ինձ համբուրի։
    «Հասցեդ գրի» - պատասխանում եմ։

    Պատերից կախվել են ճանկռոտած, քրքրված պաստառի կտորներ։ Ձախի վրա դրսից կողպվող դուռ է, ներկը տեղ-տեղ թափված։
    Հրավիրում է ննջասենյակ։ Լափթոփը նվագարկում է Մոբիի ԼԱ-ն։ Պահարանի մեջ հնամաշ կանացի հագուստներ են, որոնց վրա դուռը չի փակվում։ Բյուրեղապակե սպասք դարակների մեջ, հաստ փոշու շերտով ծածկված։ Սեղանին արձանիկներ, արծաթյա փոքրիկ աթոռներ, թավշյա ծածկոցներով, էլի փոշոտ։
    Նա հպվում է թիկունքիս, բարձրացնում ու հենում պահարանին, խորը շնչում պարանոցիս մոտ։ Նրա մարմնի ամեն մի մկան դողում է։ Գրկում է ինձ, դնում թախտին։ Ես ոտքերով փաթաթվում եմ կոնքերին ու ամեն շարժման հետ սեղմում։ Ամբողջ սենյակը վերածվում է լույսը չանդրադարձնող անվերջության։ Զգայական ընկալում, թե գիտակցում… լոնգ ամբիենթս։

    - Դուռը փակե՞լ ես։
    - Հա, ի՞նչ է պետք։
    - Ոչինչ։
    Հեռախոսը վերցնում սկսում եմ կարդալ։
    - Ի՞նչ ես կարդում։
    - Մեկը Էլիսընի գործերից ա թարգմանել։
    - Ո՞վ է։
    - Չեմ ճանաչում։
    - Բա թարգմանո՞ղը։ Ընկե՞ր է, թե՞ ծանոթ։
    - Ոչ։ Քնիր։
    Մի ժամից ոտնաթաթերի վրա դուրս եմ գալիս միջանցք անձայն բացում եմ դուռը, որ դրսից է կողպվում։ Մանկական սենյակ է։ Գետնին թափված սակավաթիվ խաղալիքներ, երկաթյա անկողին, ճոճաթոռ, որի մեջ չորացած մումիա եմ սպասում հայտնաբերել։ Դատարկ է։ Երբ հետ եմ շրջվում, անկողնու վրա հյուծված ու գզգզված մազերով մի կին է նստած։ Ժանգոտած պահածոյի բանկայից առանց ծամելու կուլ է տալիս մսակտորներ, աչքերը ուժով թարթելով։ Երկնքի գույնի աչքերը, որ փոթորկից առաջ է լինում։ Գլուխը կախում է, ու պահածոյի մեջ քթի ծայրից թափանցիկ հեղուկ է կաթում։
    - Կգա՞ս, - հարցնում է տղան դռան մոտից, առանց ինձ նայելու։
    Խոհանոցային կահույքի ջարդված դռները մի կերպ հարմարացված են, որ չբացվեն։ Դանակը ձեռքին, հաց է կտրում։
    - Կնախաճաշե՞ս։
    - Ոչ։
    - Կուզե՞ս խոսենք այս ամենի մասին, - վիզ ներկվում է ծանոթ գույնով։
    - Ոչ։
    Ձեռքը երկարում է իրանի կողքին, փայլեցնելով դանակը։ Կամաց բարձրացնում է հայցքն, անթափանց կապույտը կիսով չափ ծածկվել է հեղուկով․
    - Մենք կհանդիպե՞նք։
    Մոտենում եմ, ձեռքս դնում դանակին։
    - Կհանդիպենք, եթե դու քեզ չսպանես։

    Դիանան վերցնում է հինգերորդ զանգից։
    - Քնած էի, - ասում է։
    - Դու… դու կապրես ինձ հետ։
    Շունչս պահում եմ, մեկ, երկու, երեք… արյունը բարձրանում է վերև… քսան։
    - Կապրեմ։
    - Լավ։
    Զգայական ընկալում, թե գիտակցում…

  6. Գրառմանը 7 հոգի շնորհակալություն են հայտնել.

    Chuk (07.01.2017), John (04.01.2017), Mr. Annoying (04.01.2017), Sambitbaba (04.01.2017), Աթեիստ (04.01.2017), Ծլնգ (06.01.2017), Նիկեա (04.01.2017)

  7. #4
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Էս ինչ բազմաչարչար դուետ էր

    Մի կերպ գլուխ բերեցինք: Շնորհակալություն մասնակիցներից մեկին, ով ժամանակ չունենալով հանդերձ, այնուամենայնիվ կարողացավ ժամկետների մեջ տեղավորվել:
    Ու շնորհակալություն նաև մյուս հեղինակին, ով նախապես գրանցված ու էդպես էլ աշխատանք չուղարկած մասնակցին արագ փոխարինել կարողացավ:

    Հուսով եմ, էսքանից հետո գոնե ակտիվ քննարկումներ ու քվեարկություն կլինի. ահագին չարչարվել ենք, որ դուետը կայանա

    Քվեարկությունը երեք օր է տևելու:
    Սկսեցինք:

  8. Գրառմանը 3 հոգի շնորհակալություն են հայտնել.

    John (04.01.2017), Mr. Annoying (04.01.2017), Աթեիստ (04.01.2017)

  9. #5
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Երկրորդում ամոթ կա՞ր։

    Sent from my P8000 using Tapatalk
    artak.am De gustibus et coloribus non est disputandum.

  10. #6
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    6,596
    Mentioned
    21 Post(s)
    Tagged
    0 Thread(s)
    Էնպիսի տպավորություն է, որ մի տեսակ դադարել եմ հասկանալ, թե ինչն ինչոց է...
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  11. #7
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Մեջբերում Աթեիստ-ի խոսքերից Նայել գրառումը
    Երկրորդում ամոթ կա՞ր։
    Ինձ թվում է՝ կա, բայց ակնհայտ չի, այլ շերտերում թաքնված:

    Մեջբերում Sambitbaba-ի խոսքերից Նայել գրառումը
    Էնպիսի տպավորություն է, որ մի տեսակ դադարել եմ հասկանալ, թե ինչն ինչոց է...
    Ի՞նչը չես հասկանում, Սամ ջան, ասա, բացատրենք
    Վերջին խմբագրող՝ ivy: 04.01.2017, 13:27:

  12. #8
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    6,596
    Mentioned
    21 Post(s)
    Tagged
    0 Thread(s)
    Մեջբերում ivy-ի խոսքերից Նայել գրառումը
    Ի՞նչը չես հասկանում, Սամ ջան, ասա, բացատրենք
    Նույնիսկ չեմ հասկանում, թե ի՞նչը չեմ հասկանում, Այվ ջան...

    "Շոկոլադի" հաշվով չեմ հասկանում, թե ինչու պետք է այսպիսի պատմություն գրել...

    Իսկ "Դեկադանսի" հաշվով... ընդհանրապես բան չեմ հասկանում, օրինակ, ով՝ ով էր... Երկու անգամ, առաջին անգամ ուշադիր, երկրորդ անգամ՝ ավելի ուշադիր, - կարդացել եմ ու մեկ է, չեմ հասկանում... Սովորաբար, էսպես չեմ հասկանում Լիզի գործերը ու մեջս կասկած կա, որ սա էլ կարող է Լիզը գրած լինել... Որովհետև միայն նրա գործերի մեջ է ինձ մոտ ստեղծվում այնպիսի տպավորություն, որ գնդաձև կայծակը պատահաբար մտել է մի շինության մեջ ու ոչ մի կերպ ելք գտնել չի կարողանում... Այս գործի մեջ էլ, այդ ներքին հզոր էներգիան զգում եմ ու դա շատ լավ ու կարևոր բան է ստեղծագործելու համար, բայց չեմ հասկանում, թե ինչու՞, դռներն ու պատուհանները թողած, այդ էներգիան տանիքի վրա օդանցք է փնտրում դուրս պրծնելու համար... Ու չնայած չեմ հասկանում, բայց մեկ է, դուրս եկել է այս գործը հենց միջի այդ էներգիայի համար, ու կքվեարկեմ այս գործի օգտին:

    Քեզ էլ, Այվ ջան, անսահման շնորհակալություն ջանքերիդ համար:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  13. #9
    Nowhere Man Smokie-ի ավատար
    Գրանցման ամսաթիվ
    14.02.2010
    Հասցե
    Nowhere Լand
    Տարիք
    33
    Գրառումներ
    4,879
    Բլոգի գրառումներ
    1
    Mentioned
    6 Post(s)
    Tagged
    0 Thread(s)
    «Որքան էլ տարօրինակ ա», ես էլ չհասկացա:

    Առաջինում չհասկացա, թե ի՞նչ էր Տաթևի շալվարին քսվել ու ինչու՞ դա դասարանցիների մոտ ծիծաղ առաջացրեց և ընդհանրապես այդ ի՞նչ օր էր:

    Դե բնականաբար երկրորդը առավել ևս բարդ էր ինձ համար: Ծանր, խառըխըշտիկ, անհասկանալի, էրոտիկ գործ:
    Երաժշտությունը բավական է կյանքի համար՝ բայց մի ամբողջ կյանքը բավական չէ երաժշտության համար:

    Սերգեյ Ռախմանինով

  14. #10
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    6,596
    Mentioned
    21 Post(s)
    Tagged
    0 Thread(s)
    Մեջբերում Smokie-ի խոսքերից Նայել գրառումը
    «Որքան էլ տարօրինակ ա», ես էլ չհասկացա:

    Առաջինում չհասկացա, թե ի՞նչ էր Տաթևի շալվարին քսվել
    Երևի դասատուի խորհուրդն անուշադրության ես մատնել, Սմոք ջան...
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  15. Գրառմանը 1 հոգի շնորհակալություն է հայտնել.

    Աթեիստ (05.01.2017)

  16. #11
    Nowhere Man Smokie-ի ավատար
    Գրանցման ամսաթիվ
    14.02.2010
    Հասցե
    Nowhere Լand
    Տարիք
    33
    Գրառումներ
    4,879
    Բլոգի գրառումներ
    1
    Mentioned
    6 Post(s)
    Tagged
    0 Thread(s)
    Մեջբերում Sambitbaba-ի խոսքերից Նայել գրառումը
    Երևի դասատուի խորհուրդն անուշադրության ես մատնել, Սմոք ջան...
    Չէ Սամ ջան չեմ մատնել ու էլի չեմ հասկացել
    Երաժշտությունը բավական է կյանքի համար՝ բայց մի ամբողջ կյանքը բավական չէ երաժշտության համար:

    Սերգեյ Ռախմանինով

  17. #12
    Պատվավոր անդամ
    LisBeth-ի ավատար
    Գրանցման ամսաթիվ
    15.11.2012
    Գրառումներ
    2,446
    Mentioned
    22 Post(s)
    Tagged
    0 Thread(s)
    Մեջբերում Smokie-ի խոսքերից Նայել գրառումը
    Չէ Սամ ջան չեմ մատնել ու էլի չեմ հասկացել
    Տաթևի մոտ անսպասելի սկսվել էր դաշտանային արյունահոսություն։
    SWTS

  18. Գրառմանը 3 հոգի շնորհակալություն են հայտնել.

    Smokie (05.01.2017), Աթեիստ (05.01.2017), Վոլտերա (05.01.2017)

  19. #13
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Էլ կարծիքներ չկա՞ն։

  20. #14
    Սկսնակ անդամ Areg ak-ի ավատար
    Գրանցման ամսաթիվ
    08.08.2015
    Գրառումներ
    55
    Mentioned
    0 Post(s)
    Tagged
    0 Thread(s)
    Որ ճիշտն ասեմ երկրորդ պատմության ո՛չ վերնագիրն հասկացա, ո՛չ էլ պատմությունը
    Իսկ առաջինը կարդալիս Ամոթ զգացի դրա հմար էլ եդ մի պատմությանն եմ քվեարկել ։ Երկու հեղինակներին էլ շնորհակալություն
    Երբ մարդ խաբում է, նա այլևս անհաղթահարելի կերպով ստիպված է լինում սուտը ստի ետևից գլորել:

  21. #15
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Մեջբերում ivy-ի խոսքերից Նայել գրառումը
    Ինձ թվում է՝ կա, բայց ակնհայտ չի, այլ շերտերում թաքնված:
    Իմ համար շատ խորն էր թաքնված։
    Համ ամոթը չտեսա, համ էլ, երևի արդեն հոգնած գլխով էի կարդում, կարդացածիցս բան չհասկացա, մենակ հիշում եմ, որ երկրոր անգամ չեմ ուզում կարդամ։

    Լավ, քանի սկսել եմ գրել, ասեմ։
    Դե տող եմ կարդացել, ու սկսում եմ չհասկանալ, օրինակ. հերոսն ուզում ա սրսկվի, ինչ որ մեկը ներս ա մտնում ու ասում «Տուր ես դնեմ»։ Ինչը՞ դնի, ինչին դնի։
    Զարմացած շարունակում եմ, մեկ էլ

    - Վերջացրի՞ր, - ձեռքս կտրուկ անցկացնում եմ ներարկիչի վրայով հենց այն պահին, երբ ամրացնում է ասեղից։
    Ներակիչը ասեղախառ դուրս է թռնում, օդում մի քանի պտույտ կատարում ու խրվում ուղիղ Դիանայի բիցեպսի մեջ։
    Էս պահից արդեն ոչ մի բան ի վիճակի չեմ ընկալել։ Շարունակությունը կարդացել եմ ուղեղս կախած, էնքան որ կարդալու համար։
    artak.am De gustibus et coloribus non est disputandum.

  22. Գրառմանը 2 հոգի շնորհակալություն են հայտնել.

    Areg ak (06.01.2017), John (06.01.2017)

Էջ 1 3-ից 123 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Գրական դուետ. Կախել-կախվել
    Հեղինակ՝ ivy, բաժին` Թեմատիկ մրցույթներ
    Գրառումներ: 181
    Վերջինը: 19.02.2017, 19:08
  2. Գրական դուետ. Ճամփա ընկնել
    Հեղինակ՝ ivy, բաժին` Թեմատիկ մրցույթներ
    Գրառումներ: 123
    Վերջինը: 19.01.2017, 23:00
  3. Գրական դուետ. Կոտրե՞լ, թե՞ չկոտրել
    Հեղինակ՝ ivy, բաժին` Թեմատիկ մրցույթներ
    Գրառումներ: 51
    Վերջինը: 13.01.2017, 03:17
  4. Գրական դուետ. Փնտրել
    Հեղինակ՝ ivy, բաժին` Թեմատիկ մրցույթներ
    Գրառումներ: 17
    Վերջինը: 26.12.2016, 01:40
  5. Գրական դուետ. Տուփը չբացել
    Հեղինակ՝ ivy, բաժին` Թեմատիկ մրցույթներ
    Գրառումներ: 59
    Վերջինը: 23.12.2016, 03:24

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •