User Tag List

Էջ 1 2-ից 12 ՎերջինըՎերջինը
Ցույց են տրվում 1 համարից մինչև 15 համարի արդյունքները՝ ընդհանուր 25 հատից

Թեմա: Գրական դիմակ N10

  1. #1
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)

    Գրական դիմակ N10

    Նոր ստեղծագործություն

    Դիմակը կբացվի դեկտեմբերի 9-ին:
    Ինքնաբացահայտումն արգելվում է, բայց ցանկության դեպքում հեղինակը նույնպես կարող է մասնակցել քննարկումներին:

    Բացատները ես եմ ավելացրել՝ կարդալը հեշտացնելու համար:


    ***
    Գլխացավս գնալով անտանելի է դառնում, մենք գլխացավիս հետ միասին ապրում ենք արդեն մի քանի տարի:
    Չեմ հիշում երբ էր, քանի տարի առաջ, երբ առաջին անգամ տեսա այդ ֆիլմը, բանտախցում մեկը մահացել էր, պատին թողնելով եղունգներով գրված մի տող՝ «այստեղ ապրողը մեռել է գլխացավից»: Ժամանակի ընթացքում տողերը դուրս եկան մտքիցս, սակայն մի օր արթնացա սարսափելի գլխացավով, երազումս այդ խուցն էի տեսել, հենց այդ օրվանից էլ գլխացավս չդադարեց, կյանքս սկսեց փոխվել այնքան ժամանակ մինչև ես ու ցավս վերջապես լրիվ մնացինք մենակ:
    Պետք է մի բաժակ հնարավորինս դառը սուրճ խմել, մի հատիկ էլ կծխեմ, կլողանամ ու կթռնեմ աշխատանքի: Նույն սուրճը, նույն ծխախոտը, նույն դեմքերը արդեն հազար տարի՝ գլխացավիս հետ միասին:
    Ու թե ինչի համար ես չեմ մեռնում էս անտանալի ցավից: Եթե ես այսքան շատ չվախենայի մեռնելուց, գուցե վաղուց ինքս ինձ սպանած լինեի, կկրակեի ուղիղ գլխիս ու ընդմիշտ կազատվեի գլխումս ուժգնացող ցավից, անցյալիս դեմքերից, հիմար մտքերից: Եթե միայն էսքան շատ չսիրեի կյանքը, եթե միայն չվախենայի մեռնելուց:

    Մեքենայից դուրս եմ նայում, ինչ-որ աֆիշներ են փոխում, քաղաքն են զարդարում, շուտով Ամանոր է, շուտով բոլորը կմոռանան իրենց գլխացավի մասին մի քանի վայրկյանով, շուտով բոլորը կհավատան հրաշքներին, բայց դա կտևի մի քանի վայրկյան էս ահռելի ժամանակի մեջ: Ո՞վ եմ ես, ո՞վ եմ ես եղել, ես էլ եմ ընտանիք ունեցել, ես էլ եմ ապրել Ամանորին սպասելով, ես էլ եմ սպասել հրաշքի, ես էլ եմ անցավ գլուխ ունեցել, ինչու արթնացա էդ հիմար երազից, ինչու հանկարծ ամեն ինչ փոխվեց, ինչու գլխացավս ստիպեց ինձ մարդկանցից խուսափել, փախնել, վախենալ:
    -Պատրաստվի՛ր, Եվ, քո ելույթի հերթն է, - գոռում է աղջիկներից մեկը:

    Ես էսօր հրեշտակի կերպարով եմ պարելու, չնայած ինձ շատերը սատանա են համարում այստեղ: Պիտի գնամ պարելու, պիտի պարեմ էս անտանելի տղամարդկանց աշխարհում տղամարդկանց համար, պետք է պարեմ ընչաքաղց ու կեղտոտ հայացքների տակ, պիտի պարեմ գլխացավով, ես՝ հրեշտակս, այս Ադամների համար: Եթե միայն իմ հրեշտակային պարով կարողանայի դժոխք ուղարկել բոլոր նստածներին, եթե միայն կարողանար պարն ազատեր ինձ այս գարշահոտ սրահից, այն միամիտ երիտասարդից, ով ինձ է սիրահարվել, առանց իր սխալի մեծությունը գիտակցելու, այն կեղտոտ ծերուկից, ով ամենուր պարծենում է ՝ իբր քնել է ինձ հետ, այն հարուստից, ով ինձ թանկարժեք մեքենա է խոստացել մի գիշերվա դիմաց: Ես սպանելուց չեմ վախենում, մահը սարսափելի է, երբ այն ինձ է մոտ: Երանի ուղղակի կարողանայի սպանել բոլորին մի վայրկյանում՝ պարելիս, բայց սկսում եմ խղճալ նրանց ներկա ու ապագա կանանց: Զզվում եմ իմ սենտիմենտալությունից:

    Իմ համարն արդեն ավարտվում է, պետք է գնալ տուն, պետք է նորից սուրճ խմել ու քնել: Հանդերձարանում փոխվելիս, ավելի շուտ՝ հագնվելիս, լսում եմ, թե ճաղատ երգիչը ինչպես է աղջիկներին պատմում, որ գտել է Հիսուսին, որ ճիշտ ճանապարհն է գտել մոտակա եկեղեցում, Նոր տարվա շեմին: Սկսում եմ հիստերիկ ծիծաղել, աղջիկները ատելությամբ նայում են ինձ, ճաղատը վիրավորվում է:
    Ճանապարհին գլխացավս ավելի է ուժեղանում և սկսում եմ տարբեր մտքերով շեղել ինձ, հիշում եմ մեր նույնասեռական երգչին, իր ճաղատը, իր Հիսուսին: Գուցե եթե ժամանակին ես էլ Հիսուսին ընտրած լինեի աշխարհի բոլոր տղամարդկանց փոխարեն, հիմա երջանիկ կլինեի, գուցե Հիսուսն իմ կարիքն ուներ, իսկ ես նրան չընտրեցի: Եթե մի օր որոշի գալ ու ինձ փրկել, գալ ու ազատել գլխացավից ու բռնել ձեռքս, թույլ տալ, որ գլուխս դնեմ իր ուսին, խոստանալ, որ ինձ կսիրի ու էլ երբեք չի թողնի մենակ, չի թողնի, որ ինչ-որ մեկը նորից հետույքիս ճթացնի, կփրկի բոլոր-բոլորից, եթե միայն ես հավատայի Հիսուսին, եթե միայն Հիսուսը որոշեր ինձ ընտրել:

    Սուրճս սառել է, իսկ ես մտքերով եմ ու արդեն երկրորդ ծխախոտն եմ հանգցնում: Տանս պատերը Շագալի նկարներով են զարդարված, սիրուն բաներն ինձ համար չեն, բացի Շագալի նկարներից: Մենակության մեջ գլխացավս սկսում է թուլանալ… «It’s a bad man’s world…» ռադիոյով ինչ որ երգ է հնչում, աչքերս փակվում են…
    Նորից նույն ճանապարհը, նույն գլխացավը, նույն օրը, այս երկրում միայն աֆիշներն են նորանում՝ «Սիրել՝ նշանակում է դադարել համեմատել», սիրել, սիրել: Զգում եմ, որ ծանոթ բառ է, ինչ-որ տեղ հանդիպել եմ, լսել եմ, բայց չեմ կարողանում հիշել, գուցե հնում էր, իմ մյուս կյանքում, մինչև գլխացավս: Հիշել չի ստացվում, և առհասարակ գրողի ծոցը էդ բառը, միայն թե էսօր էն զզվելի ծերուկը չգա, հանկարծ պրիվատ չպահանջի:

    ***
    - Եվա, քեզ պրիվատ են կանչում:
    Չգիտեմ, ոնց եմ պարելու էս գլխացավովս, երանի մտնեմ սենյակ ու դատարկ լինի, կամ մտնեմ ու կին լինի նստած, միայն թե ոչ ծերուկը:
    Մտնում եմ սենյակ, մթի մեջ ծանոթ դիմագծեր են սկսում նշմարվել: Աստված ի՜մ, ախր ես ճանաչում եմ նրան, հիշողությունս սկսում է լուսավորվել, գլուխս սկսում է աշխատել անցավ, դիմագծերն ավելի են բացվում աչքիս առաջ: Ինքն է, իմ Հիսուսը, թեկուզ կարճ մազերով և անթերի սափրված, օպտիկական ակնոցներով և սովորական ջնսով, և ես սկսում եմ հիշել, թե որտեղից էր ինձ ծանոթ «սիրել» բառը, ես սկսում եմ հասկանալ, թե որտեղ էի այն լսել, գլխացավս մանրից անցնում է, և ես երջանիկ ընկնում եմ նրա ոտքերի մոտ, նա շոյում է մազերս: Այդ նա էր, միակն ով եղել է գլխացավիցս առաջ:
    -Անունդ ի՞նչ է, իսկական անունդ:
    -Մարիամ,- դողալով պատասխանում եմ ես, իսկ նա ժպտում է, սկսում եմ հավատալ, որ փրկությունս մոտ է, ես կփրկվեմ, էլ գլուխս չի ցավի երբեք, գուցե Հիսուսն ինձ իսկապես լսել է:
    -Մարիամ, ծանոթ անուն է,- նա ինձ չի հիշում, նա ինձ մոռացել է:
    Խնդրում եմ, հիշի՛ր ինձ, ասա՛ մի բան, ասա՛, որ եկել ես իմ հետևից, որ փոշմանել ես, որ ես երջանիկ կլինեմ: Նա նայում է մարմնիս, հետո աչքերիս մեջ, սկսում է խոժոռվել:
    -Պարի՛ր ինձ համար, իմ Մագդաղենացի - հետույքիս ճթացնելով ու կիսաժպիտ հրամայում է նա:
    Գլխացավս միանգամից խփում է ինձ և ես զգում եմ, որ նորից եմ հայտնվում նրա ոտքերի մոտ, բայց արդեն ոչ երջանկությունից:

  2. Գրառմանը 9 հոգի շնորհակալություն են հայտնել.

    John (06.12.2016), kitty (06.12.2016), Sambitbaba (06.12.2016), Աթեիստ (06.12.2016), Արէա (06.12.2016), մարիօ (07.12.2016), Մուշու (06.12.2016), Նիկեա (06.12.2016), Ուլուանա (06.12.2016)

  3. #2
    Հատուկ John-ի ավատար
    Գրանցման ամսաթիվ
    05.04.2006
    Տարիք
    32
    Գրառումներ
    5,748
    Mentioned
    5 Post(s)
    Tagged
    0 Thread(s)
    Հավանեցի ։Ճ
    Ում որ մտածում եմ, որ կարող էր գրել սա՝ կարծեմ չի ստեղծագործում

  4. Գրառմանը 1 հոգի շնորհակալություն է հայտնել.

    Quyr Qery (10.12.2016)

  5. #3
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Ես էլ եմ հավանել. մենակ թե «գլխացավը» մի քիչ շատ էր, իմ կարծիքով:

  6. Գրառմանը 3 հոգի շնորհակալություն են հայտնել.

    LisBeth (06.12.2016), Quyr Qery (10.12.2016), Ուլուանա (06.12.2016)

  7. #4
    Պատվավոր անդամ
    Գրանցման ամսաթիվ
    04.04.2012
    Գրառումներ
    1,218
    Mentioned
    12 Post(s)
    Tagged
    0 Thread(s)
    սկզբում մտածում էի հերոսը տղա ա, բայց պարզվեց Մարիամ էր։ Հավես էր, ես էլ հավանեցի։ Քույր Քերին գրու՞մ ա: Չգիտեմ ինչի, բայց մի տեսակ մտածում եմ որ ինքը կարող էր հեղինակը լինել

  8. Գրառմանը 3 հոգի շնորհակալություն են հայտնել.

    laro (07.12.2016), Quyr Qery (10.12.2016), Sambitbaba (06.12.2016)

  9. #5
    Կատու Quyr Qery-ի ավատար
    Գրանցման ամսաթիվ
    25.06.2010
    Հասցե
    կինոներում
    Գրառումներ
    727
    Mentioned
    4 Post(s)
    Tagged
    0 Thread(s)
    Մեջբերում Նիկեա-ի խոսքերից Նայել գրառումը
    սկզբում մտածում էի հերոսը տղա ա, բայց պարզվեց Մարիամ էր։ Հավես էր, ես էլ հավանեցի։ Քույր Քերին գրու՞մ ա: Չգիտեմ ինչի, բայց մի տեսակ մտածում եմ որ ինքը կարող էր հեղինակը լինել
    արդեն շատ վաղուց չեմ գրում։ ))
    եթե անկապ օրագիրը չի իհարկե ։))
    մնա կկարդամ կգրեմ կարծիքս։
    Maybe that's what hell is, the entire rest of eternity spent in fucking Bruges.

  10. #6
    Պատվավոր անդամ
    LisBeth-ի ավատար
    Գրանցման ամսաթիվ
    15.11.2012
    Գրառումներ
    2,446
    Mentioned
    22 Post(s)
    Tagged
    0 Thread(s)
    Հմմ․․․
    -Պարի՛ր ինձ համար, -Պարի՛ր ինձ համար -Պարի՛ր ինձ համար

    Ինձ թվում ա, որ մանտրայի պես մի քանի անգամ էլ կրկնեմ էս երեք բառը, վրես լույս ա իջնելու, որ մի կարևոր բան բաց չթողեմ
    SWTS

  11. Գրառմանը 2 հոգի շնորհակալություն են հայտնել.

    Alphaone (07.12.2016), Quyr Qery (10.12.2016)

  12. #7
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Մեջբերում LisBeth-ի խոսքերից Նայել գրառումը
    Հմմ․․․
    -Պարի՛ր ինձ համար, -Պարի՛ր ինձ համար -Պարի՛ր ինձ համար
    Պարիր ինձ համար

  13. Գրառմանը 5 հոգի շնորհակալություն են հայտնել.

    Alphaone (07.12.2016), Quyr Qery (10.12.2016), Tiger29 (06.12.2016), Մուշու (06.12.2016), Նիկեա (06.12.2016)

  14. #8
    Պատվավոր անդամ laro-ի ավատար
    Գրանցման ամսաթիվ
    06.07.2011
    Տարիք
    28
    Գրառումներ
    1,166
    Բլոգի գրառումներ
    1
    Mentioned
    2 Post(s)
    Tagged
    0 Thread(s)
    Մեջբերում Նիկեա-ի խոսքերից Նայել գրառումը
    սկզբում մտածում էի հերոսը տղա ա, բայց պարզվեց Մարիամ էր։ Հավես էր, ես էլ հավանեցի։ Քույր Քերին գրու՞մ ա: Չգիտեմ ինչի, բայց մի տեսակ մտածում եմ որ ինքը կարող էր հեղինակը լինել
    Իմ մտքին էլ կարդալու հենց սկզբից Քույր Քերին եկավ

  15. Գրառմանը 1 հոգի շնորհակալություն է հայտնել.

    Quyr Qery (10.12.2016)

  16. #9
    Պատվավոր անդամ
    Գրանցման ամսաթիվ
    06.05.2010
    Գրառումներ
    2,711
    Mentioned
    13 Post(s)
    Tagged
    0 Thread(s)
    Սամը կարա գրած լինի։
    Ինձ դուր եկավ։

  17. Գրառմանը 1 հոգի շնորհակալություն է հայտնել.

    Quyr Qery (10.12.2016)

  18. #10
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    6,596
    Mentioned
    21 Post(s)
    Tagged
    0 Thread(s)
    Չէ, Արէա ջան... Անցած դիմակից հետո ես ընդմիջում եմ վերցրել...

    Ինձ էլ դուր եկավ: Շատ հաճելի գործ է:
    Ու ես էլ սկզբում Քույր Քերիի մասին մտածեցի: Հետո Լիզի: Հետո Մարիշի:
    Բայց հետո մտածեցի, որ երևի տղերքից է հեղիակը: Հայկօն: Կամ Չուկը: Կա, դու:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  19. Գրառմանը 1 հոգի շնորհակալություն է հայտնել.

    Quyr Qery (10.12.2016)

  20. #11
    Mari Sari մարիօ-ի ավատար
    Գրանցման ամսաթիվ
    16.03.2013
    Հասցե
    Նարնջի բաղեր
    Գրառումներ
    594
    Mentioned
    2 Post(s)
    Tagged
    0 Thread(s)
    Ինձ դուր եկավ, սահուն ու հստակ էր գրված, կարդացվում էր, ուղղակի տարիներ առաջ Հայկօն նմանատիպ մի բան էր գրել ու ամբողջ ընթացքում նմանություններ էի տանում նրա հետ, չնայած նա ավելի լավ էր գրված։ Էս ինչ-որ կիսատ էր, հլը չսկսված վերջացավ, ոչ զարգացում կար, ոչ ընթացք, ոնց որ պատրաստեր, որ հեսա լավ բան ա ասելու, մեկ էլ կեսից կտրվեր։
    Չգիտեմ ով ա հեղինակը, բայց լավ անուն ա ընտրել իրա հերոսուհուն՝ Մարիամ։
    i wanted to destroy something beautiful

  21. #12
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Մարիօ ջան, Հայկօյի գրածը ու էս ստեղծագործությունը նման չեն իրար, մենակ էդ մի նախադասությունն էր։ Էդ որտեղից ես նմանություն գտել, էն էլ ամբողջ ընթացքում։ Ու ո՞նց պիտի ընդհանրապես հիշեիր էդ ստեղծագործության մասին, եթե լինքը չդնեի։ Իսկ լինքը դրել էի` զուտ որպես Լիզբեթի մանտրայի շարունակություն ։)

  22. #13
    Mari Sari մարիօ-ի ավատար
    Գրանցման ամսաթիվ
    16.03.2013
    Հասցե
    Նարնջի բաղեր
    Գրառումներ
    594
    Mentioned
    2 Post(s)
    Tagged
    0 Thread(s)
    Մեջբերում ivy-ի խոսքերից Նայել գրառումը
    Մարիօ ջան, Հայկօյի գրածը ու էս ստեղծագործությունը նման չեն իրար, մենակ էդ մի նախադասությունն էր։ Էդ որտեղից ես նմանություն գտել, էն էլ ամբողջ ընթացքում։ Ու ո՞նց պիտի ընդհանրապես հիշեիր էդ ստեղծագործության մասին, եթե լինքը չդնեի։ Իսկ լինքը դրել էի` զուտ որպես Լիզբեթի մանտրայի շարունակություն ։)
    Ես կարդացել եմ, հետո նոր նայել ձեր գրառումները։ Գոնե Հայկօի էդ գրածը առանց որևէ լինկի ես հիշում եմ։ Չեմ ասում լրիվ նման էին, ուղղակի ասոցացրի նրա հետ․ ինձ թվում ա ես իրավունք ունեմ նմանեցնելու։
    i wanted to destroy something beautiful

  23. #14
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Մեջբերում մարիօ-ի խոսքերից Նայել գրառումը
    Ես կարդացել եմ, հետո նոր նայել ձեր գրառումները։ Գոնե Հայկօի էդ գրածը առանց որևէ լինկի ես հիշում եմ։ Չեմ ասում լրիվ նման էին, ուղղակի ասոցացրի նրա հետ․ ինձ թվում ա ես իրավունք ունեմ նմանեցնելու։
    Իհարկե իրավունք ունես։ Ուղղակի հաշվի առնելով, որ Հավաքածուի էդ գործը մոտավորապես էն հնությունն ունի, ինչ Ակումբում քո առաջին գրառումները, զարմանալի էր, որ ընդհանրապես հիշել ես էդ գործը, էլ չասած, որ ընդհանրապես հետևել ես էդ Հավաքածուին։
    Ինձ թվում է, ես էլ զարմանալու իրավունք ունեմ ։)

  24. Գրառմանը 1 հոգի շնորհակալություն է հայտնել.

    Աթեիստ (08.12.2016)

  25. #15
    alien
    Alphaone-ի ավատար
    Գրանցման ամսաթիվ
    24.11.2012
    Հասցե
    Հայաստան
    Տարիք
    36
    Գրառումներ
    2,780
    Բլոգի գրառումներ
    3
    Mentioned
    9 Post(s)
    Tagged
    0 Thread(s)
    Մեջբերում ivy-ի խոսքերից Նայել գրառումը
    Իհարկե իրավունք ունես։ Ուղղակի հաշվի առնելով, որ Հավաքածուի էդ գործը մոտավորապես էն հնությունն ունի, ինչ Ակումբում քո առաջին գրառումները, զարմանալի էր, որ ընդհանրապես հիշել ես էդ գործը, էլ չասած, որ ընդհանրապես հետևել ես էդ Հավաքածուին։
    Ինձ թվում է, ես էլ զարմանալու իրավունք ունեմ ։)
    Մարիօն նախքան ակումբն էլ, իմ իմանալով, Հավաքածուին հետևել ա ))

Էջ 1 2-ից 12 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Գրական դիմակ N12
    Հեղինակ՝ ivy, բաժին` Գրական նախագծեր
    Գրառումներ: 20
    Վերջինը: 25.01.2017, 20:10
  2. Գրական դիմակ N3
    Հեղինակ՝ ivy, բաժին` Գրական նախագծեր
    Գրառումներ: 53
    Վերջինը: 26.06.2016, 10:08
  3. Գրական դիմակ N5
    Հեղինակ՝ ivy, բաժին` Գրական նախագծեր
    Գրառումներ: 37
    Վերջինը: 26.06.2016, 09:58
  4. Գրական դիմակ N4
    Հեղինակ՝ ivy, բաժին` Գրական նախագծեր
    Գրառումներ: 41
    Վերջինը: 25.06.2016, 09:06
  5. Գրական դիմակ N1
    Հեղինակ՝ ivy, բաժին` Գրական նախագծեր
    Գրառումներ: 38
    Վերջինը: 21.06.2016, 07:09

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •