User Tag List

Էջ 4 15-ից ԱռաջինԱռաջին 1234567814 ... ՎերջինըՎերջինը
Ցույց են տրվում 46 համարից մինչև 60 համարի արդյունքները՝ ընդհանուր 216 հատից

Թեմա: Homeschooling (տնային կրթություն). դրական և բացասական կողմերը

  1. #46
    ալոգիկ Արշակ-ի ավատար
    Գրանցման ամսաթիվ
    20.03.2006
    Հասցե
    Շվեդիա
    Տարիք
    39
    Գրառումներ
    3,408
    Mentioned
    6 Post(s)
    Tagged
    0 Thread(s)
    Մեջբերում Mephistopheles-ի խոսքերից Նայել գրառումը
    Religious -ը մոռացար, մեկ էլ թե ինչ ա նշանակում non traditional … բացի դրանից ի՞նչ ա եղել ծնողի կրթությունը... հոմսքուլ անողները մեծ մասամբ տնային տենտոսուհիներ են... նենց որ իրանց չբավարարվածությունը կասկածելի ...

    դրանից բացի... ի՞նչ նորարարություն են մտցրել մինչև հիմա...
    Մեֆ, էն որ մեջները կրոնական պատճառներ ունեցողներ էլ կան, դա ոչ մեկ չի ժխտել։ Ես կոնկրետ ընդգծեցի միայն էն պատասխանները որոնք հանրակրթական դպրոցի մեթոդաբանությունից գոհ չլինելու ու ոչ տրադիցիոն մոտեցում կիրառելու ցանկության հետ առնչություն ունեին‎, ցույց տալու համար որ քո «ոչ մեկ» պնդումը փաստերի հետ ոչ մի կապ չունի։

    Իսկ չբավարարված տնային տնտեսուհիների մասով չեմ ուզում շարունակել, որտև տեղ արդեն փաստերով բանավեճը վերանում ա, սկսում ա «կոֆեյի շուրջ» զրույցը։
    «ի՞նչ նորարարություն են մտցրել մինչև հիմա», սրա վերաբերյալ homeschooling–ի պատասխաններում էլ որոշ պատառիկներ կային, բայց հաշվի առնելով, որ սկի էս չոր թվերի պարագայում իրար չենք հասկանում, կարծում եմ անպտուղ ա էդ հարցով տարածվելը։
    Մի խոսքով, Մեֆ ջան, իմաստ չեմ տեսնում էլ շարունակելու։ Դու մնա քո կարծիքին, ես մնամ իմին
    Добро победило зло, поставило его на колени и зверски убило

  2. #47
    ալոգիկ Արշակ-ի ավատար
    Գրանցման ամսաթիվ
    20.03.2006
    Հասցե
    Շվեդիա
    Տարիք
    39
    Գրառումներ
    3,408
    Mentioned
    6 Post(s)
    Tagged
    0 Thread(s)
    Մեջբերում StrangeLittleGirl-ի խոսքերից Նայել գրառումը
    Հարցազրույցին պատասխանող ծնողը շատ հստակ դպրոցն ամեն կերպ որպես ահավոր սխալ համակարգ էր ներկայացնում, որտեղ երեխայի մոտ սպանում են սովորելու յուրաքանչյուր ցանկություն։ Unschooling տերմինը վկա։
    Բյուր, չեմ ուզում իր փոխարեն խոսել, բայց ինքը բազմիցս շեշտեց որ զուտ իր մասնավոր դեպքն ա ներկայացնում, ընտրությունը պետք ա ինդիվիդուալ իրավիճակից ելնելով լինի, կախված ռեսուրսներից ու հնարավորություններից, իսկ ընդհանրական հարցերին իմ տպավորությամբ փորձում էր հնարավորինս զուսպ ու իր կարծիքը ուրիշի վզին չփաթաթող պատասխաններ տալ։ Ընդ որում նույնիսկ իր հոմսքուլինգի անցած ծանոթներից մի մասնավոր օրինակ բերեց, որի դեպքում կասկած էր հայտնում, թե ծնողի հոմսքուլինգի անցնելը ավելի լավ ա քան հանրակրթական դպրոցը։

    Իսկ էն, որ էսօրվա հանրակրթական դպրոցները մի շարք լուրջ պրոբլեմներ ունեն, ինչի ժխտող կա՞։
    Добро победило зло, поставило его на колени и зверски убило

  3. #48
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)
    Մեջբերում Արշակ-ի խոսքերից Նայել գրառումը
    Բյուր, չեմ ուզում իր փոխարեն խոսել, բայց ինքը բազմիցս շեշտեց որ զուտ իր մասնավոր դեպքն ա ներկայացնում, ընտրությունը պետք ա ինդիվիդուալ իրավիճակից ելնելով լինի, կախված ռեսուրսներից ու հնարավորություններից, իսկ ընդհանրական հարցերին իմ տպավորությամբ փորձում էր հնարավորինս զուսպ ու իր կարծիքը ուրիշի վզին չփաթաթող պատասխաններ տալ։ Ընդ որում նույնիսկ իր հոմսքուլինգի անցած ծանոթներից մի մասնավոր օրինակ բերեց, որի դեպքում կասկած էր հայտնում, թե ծնողի հոմսքուլինգի անցնելը ավելի լավ ա քան հանրակրթական դպրոցը։

    Իսկ էն, որ էսօրվա հանրակրթական դպրոցները մի շարք լուրջ պրոբլեմներ ունեն, ինչի ժխտող կա՞։
    Ես լրիվ ուրիշ տպավորություն եմ ստացել։ Ինքն առարկություն չընդունող տոնով հոմսքուլինգի քարոզ ա անում՝ իհարկե միաժամանակ ներկայացնելով, որ հոմսքուլինգը տարբեր ձևերով կարա ընթանա, հանգամանքներից կախված։

    Էսօրվա դպրոցներն իհարկե լուրջ խնդիրներ ունեն, բայց ասում եմ՝ հազար տեսակի դպրոց կա, որը քեզ գաղափարապես մոտ ա, էդ մեկն ընտրի երեխաներիդ համար։ Դպրոց կա՝ քիչ ունի խնդիր, դպրոց կա՝ շատ։ Դպրոց կա՝ հատկանիշներ ունի, որոնք քեզ համար պրոբլեմ են, մեկի համար առավելություն։ Բայց մեկ ա, էս բոլոր-բոլոր դպրոցներում երեխան սովորում ա խմբում, ոչ թե մենակով, իսկ ուսուցիչները համապատասխան որակավորում ստացած մարդիկ են, ոչ թե ամեն ինչի մասնագետներ։ Ու դա հսկայական առավելություն ա հոմսքուլինգի հանդեպ։ Դե էն կրոնական ու մնացած ֆլան-ֆստանությունների մեջ չեմ խորանում։

  4. Գրառմանը 1 հոգի շնորհակալություն է հայտնել.

    Աթեիստ (22.10.2016)

  5. #49
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,982
    Mentioned
    6 Post(s)
    Tagged
    0 Thread(s)
    Մեջբերում ivy-ի խոսքերից Նայել գրառումը
    Գալ, ես էս թեմայում հլը որ մենակ անհիմն վիրավորանքներ եմ տեսնում` ֆանատիզմից սկսած, պարանոյայով վերջացրած։
    Մինչդեռ մարդն եկել ու հանգիստ պատմում էր իր փորձից` ոչ մեկին ոչ մի պիտակ չկպցնելով։
    Ու ես մենակ կարող եմ փոշմանել, որ ընդհանրապես բացեցի թեման։
    Պետք չի չարանալ մենակ նրա համար, որ կան մարդիկ, ովքեր մեզ նման չեն մտածում ու իրենց համար ուրիշ ուղի են ընտրել։
    Այվ, քրոջ պես... մի հատ էսի կարդա... ավատարս նենց տպավորություն ա ստեղծում որ ես կարող ա էս լուրջ որպես կարծիք ընդունե՞մ... դու էս համարում ես նորմա՞լ...

    ....Կրկին. տարբեր դպրոցները, քոլեջները, համալսարանները տարբեր բաների համար են [ստեղծվել]։ Նորից փորձե՞ս հարցդ ձևակերպել, թե՞ գուշակեմ, որ այս կոնտեքստում (տնային կրթության) երևիթե հարցդ հանրակրթական դպրոցների մասին է։ Պատմականորեն սրանք ստեղծվել են որպես արդյունաբերական հեղափոխության գործիք. գյուղատնտեսության պայմաններում ընտանիքին կից ազատ ու անկախ կամքով մեծացող երեխաները հետագայում պիտանի չէին գործարանային աշխատանքի համար։ Իսկ փոքրուց օրեկան մի քանի ժամ նույն սենյակում անցկացնել սովորած ու արտաքին հեղինակությանը լուռ հանձնվել դաստիարակված երեխաները իդեալական գործարանային աշխատուժի հումք էին դառնում։ Սա որպես դավադրության տեսություն չեմ ասում. այդ երեխաների ծնողներն էլ էին գոհ, որ իրենց երեխաները արդյունաբերականության ոլորտի ապահովված գործի հնարավորություն են ունենալու, այլ ոչ թե գյուղացու անգուշակելի բախտի կամքին են մնալու։ Ինչը նաև հնարավորություն էր տալիս հանկրակրթության հայրերին այն ներկայացնել որպես մասսաների փրկություն գիտության լույսով։ Տեղեկատվական հասարակության մեջ գոյություն ունեցող հանրակրթական դպրոցները արդյունաբերական դարից մեզ հասած ռուդիմենտ են։

  6. Գրառմանը 1 հոգի շնորհակալություն է հայտնել.

    Տրիբուն (23.10.2016)

  7. #50
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    40
    Գրառումներ
    25,245
    Բլոգի գրառումներ
    31
    Mentioned
    82 Post(s)
    Tagged
    1 Thread(s)
    Մոդերատորական. թեման բացվում է:

    Այս թեման ստեղծվել է «Homeschooling. հարցազրույց մի ծնողի հետ» թեմայից առաջացած 60 գրառումների հիման վրա: Ինչպես ցույց տվեց վերոնշյալ թեմայում քննարկումները, կա հարցը համակողմանի քննարկելու կարիք ու ցանկություն: Հարցազրույցի թեմայում այն շեղում էր բուն թեմայի ֆորմատն ու որոշ դեպքերում ակամա անձնականացվում հարցազրույցի տվողի հետ, մինչդեռ վերջինս ունի սեփական ընտրություն կատարելու իրավունքը՝ չհակասելով իր երկրի օրենքներին:

    Մեզնից յուրաքանչյուրի հարցի հետ կապված կարծիքները չեն առնչվում տվյալ հարցազրույց տվողին, դրանք ավելի գլոբալ են, ընդհանուր երևույթի ու մոտեցումների նկատմամբ կարծիքներ են:

    Ինչպես երևի գիտեք homeschooling մականունը (հաշիվը) ստեղծվել էր հատուկ այդ հարցազրույցի համար, տեխնիկապես սահմանափակելով ակումբում վերջինիս մուտքը միայն «Ակումբի անցուդարձ» բաժնում: Ներկայումս ես հանում եմ այդ սահմանափակումը, homeschooling-ն իրավունք ունի մասնակցել բոլոր բաժինները քննարկումներին, այդ թվում, լիահույս եմ, որ կմասնակցի այս թեմայի քննարկումներին: Իր մասնակցությունն արժեքավոր կլինի, քանի որ քննարկման բացառիկներից է, ով անմիջական շփում ունի տնային կրթության հետ, շատ դեպքերում հարցին ավելի տեղեկացված է, քան այլոք, ինչն իհարկե չի նշանակում, որ իր կարծիքներ ու մոտեցումները աներկբա ճշմարտություն են:

    Համոզված եմ, որ քննարկումը կշարունակվի քաղաքակիրթ, առանց անձնական վիրավորանքների:

    Քայլ առ քայլ՝ դարից դար

    Խենթ եմ

  8. #51
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,982
    Mentioned
    6 Post(s)
    Tagged
    0 Thread(s)
    Մեջբերում Արշակ-ի խոսքերից Նայել գրառումը
    Մեֆ, էն որ մեջները կրոնական պատճառներ ունեցողներ էլ կան, դա ոչ մեկ չի ժխտել։ Ես կոնկրետ ընդգծեցի միայն էն պատասխանները որոնք հանրակրթական դպրոցի մեթոդաբանությունից գոհ չլինելու ու ոչ տրադիցիոն մոտեցում կիրառելու ցանկության հետ առնչություն ունեին‎, ցույց տալու համար որ քո «ոչ մեկ» պնդումը փաստերի հետ ոչ մի կապ չունի։

    Իսկ չբավարարված տնային տնտեսուհիների մասով չեմ ուզում շարունակել, որտև տեղ արդեն փաստերով բանավեճը վերանում ա, սկսում ա «կոֆեյի շուրջ» զրույցը։
    «ի՞նչ նորարարություն են մտցրել մինչև հիմա», սրա վերաբերյալ homeschooling–ի պատասխաններում էլ որոշ պատառիկներ կային, բայց հաշվի առնելով, որ սկի էս չոր թվերի պարագայում իրար չենք հասկանում, կարծում եմ անպտուղ ա էդ հարցով տարածվելը։
    Մի խոսքով, Մեֆ ջան, իմաստ չեմ տեսնում էլ շարունակելու։ Դու մնա քո կարծիքին, ես մնամ իմին
    Արշ, գիտե՞ս ինչի "դտադիցիոն կրթական համակարգը չընդունելը" չի նշանակում նորարարություն մտցնել, որովհետև իրանց նպատակը ոչ թե նոր կրթական մեթոդ մշակելն ա, այլ իրանց երեխան ա իրանց հետաքրքրությունը, ուրիշ ոչ մի բան (չենք մեղադրում) իրանց սիստեմը չի հետաքրքրում...

    եթե լիներ նորարարություն, ապա էդ ծնողները կհավաքվեին իրար գլխի ու արդյունքում կստեղծվեր նոր դպրոց իր նոր մեթոդիկայով... Ironic, բայց նորարարությունները միշտ էլ ձգտում են իրենց դպրոցը ստեղծել ու դասավանդելի դառնալ... բայց ոնց որ տեսնում իրանց շփումը էնքան ա ինչքան որ համապատասխանում ա երեխային դպրոցից հեռու պահելու համար... իրանց ֆոկըսը իրանց երեխան ա, կոնկրետ... ու իրանք դա անում են որ երեխային հեռու պահեն դպրոցից, ապահով ու անվնաս... դպրոցն իրանց համար բոբո ա, ինչ տեսակ էլ որ լինի

  9. Գրառմանը 1 հոգի շնորհակալություն է հայտնել.

    Աթեիստ (23.10.2016)

  10. #52
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,982
    Mentioned
    6 Post(s)
    Tagged
    0 Thread(s)
    Մեջբերում Տրիբուն-ի խոսքերից Նայել գրառումը
    Սրա հետ կապված մի հատ էլ առանձին թեմա չես ուզու՞մ բացես ինտիմ անկյունում:
    օհ... վերի սըջեստիվ

  11. #53
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    40
    Գրառումներ
    25,245
    Բլոգի գրառումներ
    31
    Mentioned
    82 Post(s)
    Tagged
    1 Thread(s)
    Մինչ առանձին հարցերի մասին խոսելը (հատկապես Արշի գրառումներում ահագին բան կա, որոնց արժի անդրադառնալ), հոմսքուլինգի մասին մի քանի բառ ասեմ:

    Իրա լինելը չլինելը, լավ բան լինել-չլինելը քննարկման առարկա ա ամբողջ առաջավոր աշխարհում ու բավական սուր բանավեճերի թեմա ա: Ըստ իմ դիտարկումների առավել շատ են դեմ եղողները, քան կողմ: Բայց անգամ դեմերի մեծ մասը կողմ են խիստ վերահսկողությամբ հոմսքուլինգին, որի նպատակը չի լինելու ծնողի կոպիան ստեղծելը, աղանդավորական (ոչ միայն կրոնական) նպատակներին ծառայեցնելը, երեխային ժամանակակից գիտությունից ու շփման միջոցներից զրկելը և այլն:

    Ըստ նորից իմ դիտարկումների, ժամանակի ընթացքում հոմսքուլինգը օրինական է դառնալու առաջավոր աշխարհի ԲՈԼՈՐ երկրներում, բայց դա լինելու է վերահսկողության ճիշտ մեխանիզմների ներդնումից հետո: Էս պահի դրությամբ ամենաարագ զարգացումը կարծես ԱՄՆ-ում է գնում, ու ըստ բազմաթիվ գնահատականների շատ վատ վերահսկողությամբ: Բայց կարծում եմ, որ սա էլ է ուղղելի:

    Քայլ առ քայլ՝ դարից դար

    Խենթ եմ

  12. #54
    Հարցազրույցի համար
    Գրանցման ամսաթիվ
    14.10.2016
    Գրառումներ
    58
    Mentioned
    0 Post(s)
    Tagged
    0 Thread(s)
    Մի քիչ վիճակագրության ու մնացածի առումով մի նյութ առաջարկեմ, հետաքրքրվողներին իհարկե։

  13. #55
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)
    Մտածում էի՝ չշարունակեմ։ Ամեն դեպքում, կտեղափոխվեմ էս թեմա ու կպատասխանեմ։

    Մեջբերում homeschooling-ի խոսքերից Նայել գրառումը
    Շնորհակալություն սահմանափակումները հանելու համար։ Շոյված եմ, բայց, ցավոք սրտի, ոչ ժամանակ ունեմ, ոչ էլ շատ մեծ ցանկություն պոլեմիկայի մեջ մտնելու։ Բուռն վեճերը ինձ ոչ մի բանով չհուշեցին, թե բանավիճող կողմերը որևէ ջանք են գործադրել թեմայի շուրջ հավելյալ տեղեկություններ ու գիտելիքներ հայցելուն մինչև պոլեմիկայի մեջ մտնելը (ինչը ինքնըստինքյան գիտելիքների ծարավի պակաս է ցուցադրում)։ Բայց մեծ զվարճանքով կշարունակեմ ընթերցել այդ պոլեմիկան։ Քանի որ այս թեմայի ուսումնասիրության շուրջ բավական ժամանակ եմ ծավալել, բանավիճող կողմերից և ոչ մեկի արգումենտները (կամ դրանց պակասը) անակնկալ չէին, բայց իսկապես մեծ զվարճանքի աղբյուր եղան։ Դասական գիտ-ֆանտաստիկայի սիրահարների համար. զգացողություններս ինչ-որ չափով հիշեցնում էին մի դրվագ Սայմակի «Immigrant» պատմվածքից, որտեղ տելեպատիկ ունակություններով օժտված այլմոլորակայինները հաճույքով դիտում էին մարդկանց ֆուտբոլի խաղը՝ զվարճանալով հակարակորդների միմյանց խափելու փորձերից (տելեպատիկ ունակությունների հետևանքով այդ քաղաքակրթության մեջ ոչ մի մրցակցային սպորտաձև գոյություն չուներ)։ Ի դեպ, այլ առումով էլ շատ դիպուկ պատմվածք է այս թեմայի համար, խորհուրդ եմ տալիս կարդալ։ (քարկոծել սիրողներին՝ ես ոչ տելեպատիկ եմ, ոչ էլ մեծամիտ, սա միմիայն ասոցիացիա էր)։
    Ես լիահույս եմ, որ դուք ձեր երեխաներին էլ էդպես չեք վերաբերվում։ Գիտեք, երբ որևէ մեկն ինձ հետ բանավեճի մեջ է մտնում մի թեմայով, որի մասին գիտելիքներ չունի, ես չեմ նստում ու զվարճանում, այլ ծով համբերությամբ փորձում եմ դիմացինի գիտելիքների բացը լրացնել՝ դիմացինին հասկանալի լեզվով բացատրելով, հղումներ տալով, հարցերին պատասխանելով, հաճախ նույնիսկ վիրավորական պիտակավորումներն անտեսելով, որովհետև ինձ համար շատ կարևոր է, որ դիմացինը տեղեկացված լինի։ Դուք, փաստորեն, քմծիծաղում եք, զվարճանում, որ որևէ մեկը չի բացել վիքիպեդիա ու չի կարդացել, թե ինչ է հոմսքուլինգը, մինչդեռ էս թեմայում, կարծում եմ, բավականաչափ ներկայացվել է, թե ինչ է այն ու ինչպես է կատարվում։


    Գիտելիքների տիրապետման մեծամտության առումով.
    Շատ հետաքրքրաշարժ էր այն հանգամանքը, որ հենց նույն մասնակիցները, ովքեր ինձ մեծամիտ էին համարում այդ արտահայտությանս համար նաև կարծում էին, թե տնային կրթությունը չի կարող դպրոցական կրթության նման համակարգված գիտելիքներ տալ։ Այ բալամ, բա որ ձեր դպրոցները ձեզ այդքան համակարգված գիտելիքներ են տվել, ինչո՞ւ չունեք վստահություն, որ այդ գիտելիքները կկարողանաք ուրիշներին փոխանցել։ Չստացվե՞ց որ ձեր դպրոցը ձախողել է ձեզ այդ համակարգված գիտելիքներ ձեռք բերելու գործում։
    Համակարգված գիտելիք ստանալն ու էդ գիտելիքը փոխանցելը լրիվ տարբեր հարթությունների բաներ են։ Անգամ սեփական նեղ բնագավառի գիտելիքները համակարգված ձևով փոխանցելն ահագին բարդ գործ է, ու դրա համար հատուկ պատրաստվածություն է պետք։ Ուր մնաց բոլոր առարկաները երեխաներին դասավանդելը։

    Արշակը արդեն մի տեղ ասաց, որ մի ամբողջ տարվա դասընթացը երկու օրվա մեջ սովորել էր։ Սա լիովին համապատասխանում է իմ փորձին։ Ավելին, այդ դասընթացների արհեստական սահմանափակումները ինձ երբեք էլ չէին բավարարում, ու հավելյալ նյութեր էի փնտրում, որ հասկանամ թե այդ ամբողջ դասընթացի իմաստը ինչումն էր։ Ասածս է. գիտելիքների ծարավ ունեցող մարդու համար դպրոցական ծրագիրը խաղ ու պար է։ Իսկ եթե մարդը դպրոցից հետո էլ պահպանել ու զարգացրել է գիտելիքների նկատմամբ իր սերը, այդ դպրոցական ծրագիրը մի քանի տարի անց դառնում է ինչ-որ չափով «մանկական թոթովանք»։
    Այո, բայց նրանք կոչվում են մոտիվացված երեխաներ։ Էդպիսի երեխաներն ընդհանուր երեխաների շատ փոքր տոկոսն են կազմում։ Թե՞ դուք կպնդեք, թե բոլորն են էդպիսին, բայց դպրոցը սպանում է մնացածների մոտիվացիան։ Էդ դեպքում ինչու՞ մոտիվացված երեխաների մոտիվացիան դպրոցն իր խիստ ու սարսափելի օրենքներով ու միջավայրով չի սպանում։ Երեխաներն իրարից շատ են տարբերվում։ Ես այն կարծիքին եմ, որ ցանկացած երեխա, եթե մտավոր հետամնաց չէ, ցանկացած առարկա կարող է գերազանց յուրացնել, բայց ամեն երեխա սովորելու իր ձևերն ունի։ Բնական է, դպրոցի հնարավորություններից դուրս են ամեն երեխայի համար անհատական ուսուցման եղանակ մշակելը, ու արդյունքում՝ որոշ երեխաներ «հումանիտար» առարկաներից են ուժեղ լինում, որոշները՝ «բնագիտական», ու հաճախ ապագա մասնագիտությունն ընտրվում է ոչ թե բուն հետաքրքրություններից, այլ սովորելու մեթոդներից ելնելով։ Բայց դա չի նշանակում, որ դպրոցը կաղապարում է երեխաներին կամ սպանում սովորելու ցանկությունը։ Ուղղակի ունի կոնկրետ տեսակի սահմանափակում, որը որոշ դպրոցներ փորձում են ինչ-որ կերպ լուծել (օրինակ, իմ հաճախած բրիտանական դպրոցում մաթեմատիկա առարկան ամեն աշակերտ մի դասագրքով էր անցնում, ուսուցիչն ամեն մեկին առանձին էր թեմաները բացատրում), որոշ դպրոցներ թքած են ունենում, որոշ դպրոցներ էլ էսպիսի հարցերում աշխատում են ծնողների հետ։

    Երեխաների մեկուսացման առումով.
    ԱՄՆ-ում (ու շատ ու շատ այլ տեղեր) կա մասնավոր դպրոցների համակարգ։ Ու եթե ֆունդամենտալ քրիստոնյաները կամ մորմոնները ու այլ բացառող դավանանքների տեր մարդիկ ուզենան իրենց երեխաներին կրթել այդ միջավայրում, շատ հեշտ կարող են համապատասխան դպրոցներ բացել՝ տնային կրթություն դրա համար հեչ էլ հարկավոր չէ։ Իսկ չարթեր դպրոցների (charter school) համակարգի կայացմամբ դա կարելի է նույնիսկ այնպես անել, որ պետությունը (հարկատուները) այդ դպրության ծախսերը հոգան։ Չեմ ժխտում, որ որոշ ծնողներ կարող են երեխաներին վնասակար մեկուսացման ենթարկել հոումսքուլինգի անվան տակ, բայց սա եթե կատարվում էլ է, շատ հազվադեպ է։ Ու նույնիսկ եթե տնային կրթությունը արգելվի օրենքով, սա չի դադարելու. եթե երեխան չի գրանցվում դպրոցական համակարգում, շատ դժվար է պետական մարմիններին այդ երեխուն «հայտնաբերել», համենայն դեպս՝ ԱՄՆ-ում։

    Բայց էականը նրանում է, որ շատ ու շատ հոումսքուլրներ այդ ուղին ընտրում են, որպեսզի իրենց երեխաները չմեկուսացվեն հասարակությունից հարկադիր հանրակրթական դպրոցներում, որտեղ ամբողջ շփումը ու մտքերի փոխանակումը կատարվում է միմիայն այդ նեղ աշխարհագրական վայրում ապրող միևնույն տարիքակիցների մի պատահական խմբի ու մի քանի ուսուցիչների միջև։ Հասարակությունը բազմատարիք է, բազմաշերտ է, բազմավայր է, և այլն... հարկադիր հանրակրթական դպրոցը ուզենա էլ չի կարող այդպիսի հասարակության համար լավ փորձադաշտ հանդիսանալ։
    Հեքիաթ։ Հիշենք, որ երեխան դպրոցում օրվա միայն մի մասն է անցկացնում։ Մնացած ժամերին ուրիշ բաներով է զբաղվում։ Էսպիսով, դպրոցը որևէ կերպ չի խոչընդոտում հասարակության տարբեր շերտերի հետ շփմանը։ Բայց նաև նպաստում է հասակակակիցների հետ շփմանը, դասընկերների ու հասարակության մնացած շերտերի միջև տարբերությունները տեսնելուն։ Մեկը ես դպրոցական տարիքում լիքը ընկերներ ունեի թե՛ դպրոցում, թե՛ դպրոցից դուրս, ու էդ ընկերները բավական տարբեր տարիքի էին։

    Բոլոր դպրոցներին հայհոյելը.
    Կարծես թե այսպիսի կարծիքներ արտահայտողները դպրոցի կրթական արժեքներին էին հենց անդրադառնում պաշտպանելով իրենց համար ընդունելի դպրոցը։ Ես ոչ մի հարկադիր հանրակրթական հաստատություն չեմ համարում իմ երեխաներին սազական, հենց միայն այն պատճառով, որ սրանք մեկուսացնում են երեխաներին ընդհանուր հասարակությունից ու մի քանի ժամ պահում են փակաղակի տակ։ Ու այդ ժամերը կառավորող «մեծերի» ընտրության մեջ ծնողները ոչ միայն չեն մասնակցում, այլ շատ դեպքերում ուսուցիչները և իրենց կիրառած մեթոդիակն ընտրվում են քաղաքական ճնշումների ներքո (գործոններից են՝ պրոֆ-միությունները, ուսուցիչների կրթությունը ապահովող ինդուստրիան և այլն) ու հազվադեպ են ուղղորդվում երեխաների շահերով։ Իհարկե կան որոշ արտաքուստ դպրոց հիշեցնող կազմակերպությունների մոդելներ, որոնք ավելի ընդունելի կլինեին, եթե լինեին հասանելի։ Օրինակ Admission ֆիլմում ներկայացված Quest դպրոցը ասպիսիններից է։ Բայց, նորից, ես ոչ մեկին ոչինչ չեմ քարոզում. եթե դուք գտնում եք ձեր երեխայի դպրոցը ձեզ սազական, флаг вам в руки!
    Չգիտեմ՝ ինչից եք որոշում, թե դպրոցները մեկուսացնում են ընդհանուր հասարակությունից։ Հակառակը՝ ավելի են թույլ տալիս շփվել հասարակության տարբեր շերտերի հետ։ Նորից իմ օրինակը բերեմ. եթե դպրոցը չլիներ, ես կարծելու էի, թե ամբողջ Երևանն իմ շրջապատի պես պուպուշ ռոքերներից էր բաղկացած, որ մեծից փոքր բոլորը ռոք են լսում, ու հենց Ռադիոհեդի նոր ալբոմ է դուրս գալիս, վազում են երաժշտական խանութներ։ Բայց հենց դպրոցի ու համադասարանցիներիս շնորհիվ ես իմացա, որ ռոքը հեչ էլ ամենաշատ լսվող երաժշտությունը չի քաղաքում, որ մարդիկ կան, որոնք Նատալյա Օրեյրոյի պլակատներ են առնում։


    Ապադպրություն, ոչ-դպրություն և այլն (deschooling, unschooling...).
    Նախ, այդ գաղափարները պետք չէ միմյանց հետ խառնել։ Երկրորդն էլ, այդ երկու գաղափարներն էլ ունեն երկար պատմություն, ու գործի են դրվել ինձնից շատ ավելի բանիմաց մարդկանց կողմից (unschooling-ը John Holt-ի ներմուծությունն է, իսկ deschooling-ը՝ Ivan Illich-ի)։ Ու մեկ համացանցային որոնմամբ կարելի էր հասկանալ, որ այդ եզրերի ձեր ընկալումը չի համապատասխանում գաղափարների էությանը։ Թե պնդում եք, որ դպրոցը չի սանձել ձեր գիտելիքների նկատմամբ ծարավը (որպես օրինակ բերելով նեղ մասնագիտական ձեր նվաճումները ու նույնիսկ չանդրադառնալով մնացած բոլոր բնագավառների նկատմամբ ձեր տածած ծարավի նկարագրությանը), գոնե հետևողական եղեք, ու մի երկու րոպե ծախսեք մի փոքր հավելյալ գիտելիքներ ձեռք բերելու վրա։

    Տնային կրթությունը իր մեթոդիկայով, «ուսուցիչներով» և կրթական գործընթացով լրիվ տարբերվում է հանրակրթական դպրոցներինից։ Ապա ինչո՞ւ է այդքան զարմանալի, որ երեխային հարկավոր է որոշ ժամանակահատված հանրակրթական նիստ-ու-կացից սթափվելու համար։ Արդեն նշվել էր, որ ծնողը դժվար թե կարողանա տանը լինել ուսուցիչ հանրակրթական դպրության իմաստով, ու եթե ծնողը փորձում է այդպիսին դառնալ ու շարունակել հանրակրթական դպրությունը իր բոլոր մեթոդիկաներով ու գործընթացներով տնային պայմաններում, սովորաբար դա շատ շուտ հանգեցնում է փակուղու։ Ուրեմն, երեխային պետք է տալ հնարավորություն հասկանալու, որ գիտելիքների ձեռք բերման համար անհրաժեշտ չի ուսուցչի հեղինակությունը կամ կրթության նեղ ծրագրումը ու հաճախակի ստուգողական աշխատանքները։ Կոպիտ ասած, այն ինչ գործում է դպրոցում, չի գործում տնային կրթության մեջ, ու դպրոցական սովորություններից հրաժարվել է պետք ենթագիտակցական մակարդակով։ Սա ամենևին էլ չի նշանակում, թե դպրոցները դեբիլացնում են երեխաներին։ Բայց մասսայական հանրակրթության ապահովման համար ահնրաժեշտ են որոշակի դիսցիպլինար ու գործընթացային պայմանավորվածություններ, որոնք հանգեցնում են որոշ համապատասխան (ըստ իս, անբնական) նույնացումների. գիտելիքների ձեռք բերումը՝ ինստիտուցիոնալ կրթության, ուսանումը՝ ուսուցման (դասավանդման), գիտելիքները՝ դպրոցական առարկայական ծրագրին, սովորելու գործընթացը՝ հանձնարարված տնայինները անելուն, և այլն։ Ու շատ դժվար է (գրեթե անհնարին) երեխայի հետ տանը աշխատելը, քանի դեռ մոտը այս պայմանավորվածությունները կարծրացած վիճակում են։ Այս կոնտեքստում, գիտելիքների ծարավի վերահայտնաբերումը վերաբերվում էր հենց այս նույնացումներից սթափվելուն։
    Հավելյալ գիտելիք ասելով ի՞նչ նկատի ունեք։ Ինձ համար որևէ բանի մասին հավելյալ գիտելիք ձեռք բերելը նստել ու էդ թեմայով առնվազն մի քանի ժամ կարդալն է, ինչի ժամանակը, ցավոք, էս պահին չունեմ։ Դուք ինձ մեղադրում եք, որ չեմ նկարագրել մասնագիտությունիցս դուրս հետաքրքրություններս: Դրանք, հավատացեք, կան, բայց դրանք մնում են մասնագիտությունից դուրս հետաքրքրություններ:

    Իսկ քանի որ հիմա քննարկում ենք, ու դուք հոմսքուլինգի մասին առավել տեղեկացվածն եք, գուցե մյուսներս էլ կրթության այլ տեսակի մասին, ապա շատ ավելի հաճելի կլիներ, եթե պիտակներ կպցնելու փոխարեն ուղղակի բացատրեիք թերըմբռնումները։ Ի դեպ, շնորհակալ եմ, որ մի քիչ ծավալվեցիք deschooling-ի մասով, բայց թույլ տվեք նորից չհամաձայնել ու դա անհեթեթ երևույթ համարել։ Նորից եմ ասում. ես դպրոցից զատ տանը թե՛ ինքնակրթությամբ, թե՛ ծնողներիցս ահռելի քանակով գիտելիք եմ ստացել, բայց ամեն անգամ դպրոցից տուն վերադառնալիս ծնողներս ինձ deschool չէին անում, որ նոր գիտելիքը յուրացնեմ։ Տո հատուկ հոմսքուլինգ էլ չէին անում։ Ուղղակի զրուցում էինք զանազան թեմաներով ու խորանում դրանց մեջ (ի դեպ, նորից նկատենք, որ դրանք ո՛չ մաթեմատիկայից, ո՛չ կենսաբանությունից, այլ հայերենից ու գրականությունից. ոլորտներ, որոնցում ծնողներս մասնագիտացած էին):

    Մի բան էլ. դպրոցներ կան, որտեղ տնայիններ չեն տալիս: Հենց ֆիննական համակարգում չկան տնայիններ: Իմ հաճախած բրիտանական դպրոցում էլ ուսուցիչների ականջներից կախվում, աղաչում-պաղատում էինք, որ տնային տային: Ու որ տալիս էին, ահագին հավես բաներ էին, ոչ թե ասենք նստել ու դասագրքի մի ամբողջ գլուխ կոնսպեկտել (տխուր մի բան, որ Երևանի դպրոցի կենսաբանության ուսուցիչս էր հանձնարարում, չնայած որ ինձ երբևէ դասավանդած լավագույն ուսուցիչներից է զուտ դասը բացատրելու ունակությամբ):

  14. Գրառմանը 6 հոգի շնորհակալություն են հայտնել.

    Chuk (24.10.2016), Mephistopheles (24.10.2016), Quyr Qery (25.10.2016), Աթեիստ (24.10.2016), Նաիրուհի (25.10.2016), Տրիբուն (24.10.2016)

  15. #56
    Բարև
    Տրիբուն-ի ավատար
    Գրանցման ամսաթիվ
    17.05.2008
    Հասցե
    Երևան
    Գրառումներ
    15,977
    Բլոգի գրառումներ
    2
    Mentioned
    34 Post(s)
    Tagged
    0 Thread(s)
    Մեջբերում Արշակ-ի խոսքերից Նայել գրառումը
    Նախ ևս մեկ անգամ շեշտեմ, որ ես հոմսքուլինգի անցնելու կոչ չեմ անում ու կոչ չեմ անում վերացնել դպրոցները։ Բոլորովին‎։ Ընդամենը ասում եմ, որ հոմսքուլինգը կամ հայերեն ասած տնային կրթությունը գոյության իրավունք ունի ու ծնողը պիտի իրավունք ունենա դա ընտրելու։
    Արշ ջան, կներես, մնացածը չեմ կարդում, քանի որ մեկնարկային դրույթդ սխալ ա։ Ի միջի այլոց, մեր էս homeschooling ընկերն էլ ա էս փաստարկը բերում։

    Ուրեմնս, կրությունը մարդու ֆունդամենտալ իրավունքներից մեկն ա։ Թողնել էտ լրիվ ծնողի հայեցողությանը, նշանակում ա նաև թողնել, որ ասենք կրոնական ֆանատիկ ծնողը որոշի որ իրա երեխեն մենակ Աստվածաշունչ կամ Ղուրան պիտի կարդա, մի անգրագետ չոբան կորոշի, որ իրա երեխուն վաբշե գրել-կարդալ պետք չի, ու պետք ա հոմսքուլինգ անել, որ մենակ լավ ոչխար խուզել սովորի, մի խիստ մեր ակումբցիների սիրած ինտրովերտ գլխանց որոշի, որ իրա երեխեն էլ ա ինտրովերտ, ու պիտի տնից դուրս չգա, մարդու բարև չտա, մենակ նաուշնիկներն ականջներին հեծանիվ քշի, որ մեկը օգնություն կանչի, չլսի, կամ հետևից մեքենան սիգնալ տա, էլի չլսի, քցեն տակը, մեռնի ․․․

    Դպրոցը, մենակ մաթեմ ու հայոց սովորացնելու տեղ չի։ Էտ տեղ ա, որը մարդուն նաև սովորեցնում ա ինտեգրվել հասարակությանը։ Ու վաբշե մինչև դպրոցը, նաև մանկապարտեզը։ Էտ մարդուն ցույց ա տալիս, որ ինքը մենակ չի, որ էս աշխարհը մենա իրա, իրա մամայի-պապայի, փիսոյի ու փլեյսթեյշնի մասին չի։ Դպրոցը հասարական վայր ա, իսկ մարդը, տնից-տեղից հեռու, հասարական էակ ա, ու ինքը եթե հասարակությունից ակնկալիքներ ունի, ուրեմն պիտի նաև նպաստի էտ հասարակության զարգացմանն ու կայացմանը։ Դպրոցում երեխեն տեսնում ա իրա նմաններին, իրանց հետ մրցակցության մեջ ա մտնում, կրթվում ա որպես կոլեկտիվի անդամ։ Հիմա չասեք կոմինիզմի դասեր եմ տալիս - աշխարհքիս լավագույն հասարակությունները էսօր նրանք են, որտեղ կոլեկտիվ օգտակարությունն ավելի կարևոր ա, քան անհատականը։

    Ես չեմ բացառում, ավելի շուտ համոզված եմ, որ դպրոցական կրթությունը կարա թերություններ ունենա։ Բայց դպրոց կոչվածը, այսինքն էն վայրը որտեղ մարդը առաջին անգամ իրա նմանների հետ սկսում ա իրան շրջապատող աշխարհի մասին գիտելիքներ ձեռք բերել, քաղաքակրթության մեծագույն ձեռքբերումներից ա։ Ու գլուխը պատին ա տվել էն մարդը, որը մեզ, հանրակրթական դպրոց գնացածներիս կարա մեղադրի կաղապարված լինելու կամ դոգմատիկ պատկերացումներ ունենալու մեջ։ Թող ընկնի ձեռս, հակակաղապարեմ մինչև բոլոր դոգմատիկ հիմքերը։
    Վերջին խմբագրող՝ Տրիբուն: 24.10.2016, 00:07:

  16. Գրառմանը 3 հոգի շնորհակալություն են հայտնել.

    Chuk (24.10.2016), Mephistopheles (24.10.2016), Աթեիստ (24.10.2016)

  17. #57
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    40
    Գրառումներ
    25,245
    Բլոգի գրառումներ
    31
    Mentioned
    82 Post(s)
    Tagged
    1 Thread(s)
    Մեջբերում Արշակ-ի խոսքերից Նայել գրառումը
    Արտ, հաճախ էն ինչ հասարակությունը «կտցրածություն» ա համարում, կարա ինչպես դեստրուկտիվ աղանդ լինի, էնպես էլ տվյալ ժամանակի միջին հասարակությունից առաջ աընկած, ավելի զարգացած այլախոհություն և այլն։ ՈՒ հասարակությունը ոչ միշտ ա, որ կարա իր ներկա գիտակցությունից վեր թռնելով գնահատի, թե որ դեպքի հետ գործ ունի։

    Ծնողներին օրենքով արգելելով, շանս չտալով որ իրանց երեխաներին իրանց պատկերացրած այընտանքային կրթությունը տան դու փաստացի այլակարծությանը դրսևորվելու հնարավորությունից զրկում ես։ ՈՒ էդ շատ վտանգավոր բան ա։ Աշխարհը այլակարծության շնորհիվ ա զարգանում։ Նոր պրոգրեսիվ գաղափարները միշտ էլ սկզբում այլակարծություն են լինում ու հաճախ «կտցրածություն» որակվում։
    Այլակարծության սահմանափակումը եթե սկզբունքորեն չի մերժվում, կարա հանգեցնի Սովետի, ենթադրյալ Հյուսիսային Կորեայի և այլն, ուր «կտցրածության» պատճառով միլիոնավոր կյանքեր են խեղվել ու խորտակվել։
    ՈՒ հա, եթե նույնիսկ այլակարծությունը (որը ինքնին ըստ սահմանման փոքր տոկոս ա կազմում) թույլ տալու դեպքում ռիսկ կա, որ էդ այլակարծության ինչ–որ դեպքերում երեխայի աշխարհընկալում կարա խեղվի, միևնույն ա, դրա վնասն անհամեմատելի ա միլիոնավոր կյանքերի խեղման ու համընդհանուր դեգրադացման հետ, երբ որ այլակարծությունը սկսում ա օրենքով արգելվել։

    ՈՒ ընդհանրապես, կրոնական աղանդավորության դեմ գիտելիքով պայքարելու փոխարեն բռնությամբ պայքարելը արդեն իսկ սթափ գիտակցության, ինտելեկտի ու քաղաքակրթության անճարություն ու պարտություն ա նշանակում։ Էն որ բազմաթիվ զարգացած երկրներում աղանդները բռնի ձևով չեն արգելում, դրա պատճառը ոչ թե էն ա, որ էդ աղանդները օգտակար են համարվում, այլ հասկանում են, որ բազմակարծության բռնի սահմանափակումը ինչ աղետալի հետևանքերի կարա բերի։ Հիմար մտքի դեմ պայքարի ամենաարդյունավետ ձևը մտքի սխալ լինելը հիմնավորելն ա, ոչ թե հիմար միտքն արգելելը։

    Իսկ էն, որ հանրակրթական դպրոցը լուրջ ռեֆորմների կարիք ունի, ինձ թվում ա ոչ մեկ չի ժխտի։ ՈՒ տնային ուսուցումը նորարարության հրաշալի դաշտ ա, որի արդյունքները կարող են ի վերջո կիրառվել հանրային դպրոցում ու զարգացնել այն։

    Բնականաբար ոչ ոք չի ասում թե եկեք փակենք հանրային դպրոցը։ Երկուսն էլ կարող են համատեղ գոյություն ունենալ, ու ծնողը ընտրության հանարավորություն ունենա։
    Արշ ջան, այլակարծությունն, այո՛, հաճախ խթան ա լինում աշխարհի զարգացման համար: Բայց այլակարծությունն ինքն իրանով աշխարհի զարգացման միջոց չի, ու կարող ա նաև աշխարհի հետընթացների պատճառ դառնա:

    Ավելին, այլակարծության ու փնտրտուքի համար հոմսքուլինգը ոչ միայն անհրաժեշտ պայման չի, այլ նույնիսկ հնարավոր ա, որ խոչընդոտ ա: Նայի, Արշ ջան, եթե կան կայացած հիմունքներ, ձևեր, նորմաներ, դու չես կարող լուռ դրանց վրա խաչ քաշել ու անցնել առաջ: Էդ դեպքում առավելագույնը դու կսկսես հեծանիվ նորից հայտնաբերելուց: Դու չես կարող հերքել հիմիկվա ամողջ բժշկությունը, նոր ուղղություն զարգացնելու համար: Չես կարող հերքել ֆիզիկայի մինչ հիմա եղած բոլոր կանոնները, նոր գյուտեր անելու համար, չես կարող ջնջել մի կողմ գցել մաթեմատիկան՝ նոր գործիքակազմ ստանալու համար ու էսպես շարունակ:

    Դպրոցներում ռեֆորմների փորձ անողները քիչ չեն: Իրանք ոչ թե ամբողջովին հերքում են նախորդը, այլ նոր փորձեր են անում: Ու աշխարհում, նույնիսկ Հայաստանում քիչ չեն փորձարարական դպրոցները, որոնց մի մասը հաջողության է հասնում, մյուս մասը ոչ, հաջողության հասածների մի մասն էլ որոշակիորեն իր փորձը տարածում ա աշխարհում: Սա ա ձևը: Հոմսքուլը դա չի անում, հասարակ պատճառով, հոմսքուլ ընտրում են ոչ թե ռեֆորմերները, այլ էս կամ էն պատճառով հանրակրթական դպրոցից դժգոհները, ովքեր մտածում են ՄԻԱՅՆ ՈՒ ՄԻԱՅՆ ԻՐԵՆՑ ԵՐԵԽԱՆԵՐԻ, այլ ոչ թե ընդհանուր ռեֆորմների մասին: Իրանք իրանց երեխուն ուզում են տալ լավագույնը, որը մարդկայնորեն կարող ա ընդունելի ա, բայց չպետք ա շփոթել ու իրանց տալ ռեֆորմերներ, այլախոհներ անունները:

    Եթե քեզ հետաքրքիր ա, այդ ալտերնատիվ դպրոցների օրինակներից էլ կարող ենք խոսել, որ տեսնես, որ կա ռեֆորմների փորձեր ու ռեալ օրինակներ: Ու որ դրանք ամենևին հոմսքուլինգից չեն գալիս:

    Եթե փորձեմ հակիրճ լինել, հոմսքուլի դրական ու բացասական խնդիրներից խոսելուց իսպառ պետք ա մոռանանք ռեֆորմների մասին թեզերը. դրանք ընդհանրապես հոմսքուլինգի նպատակներից չեն:

    Ու այո, էս ամենը պետք ա ՀՍՏԱԿ ԿԱՆՈՆԱԿԱՐԳՎԻ ՕՐԵՆՔՈՎ: Պետք ա լինեն շատ կուռ ՎԵՐԱՀՍԿՈՂՈՒԹՅԱՆ ՄԵԽԱՆԻԶՄՆԵՐ: Ու հոմսքուլինգի ցանկացած տարբերակ, որը կհակասի ասենք երկրի գլխավոր օրենքին (օրինակ կրթություն ստանալու ֆունդամենտալ իրավունքը, որտև ասենք Պողոսը կարող ա համարի, որ Ֆիզիկան հակաաստվածային է ու իր երեխան չպետք ա դա սովորի), պետք ա հստակ օրենքով արգելվի: Այլ տարբերակ չկա, չի կարելի ասել «բայց սա կարող ա ռեֆորմ առաջացնի» ու թողնել, որտև դրանով դու կոնկրետ մի երեխու հստակ վատություն ես անում:

    Իհարկե հանրակրթական դպրոցից լիքը բռակ ա դուրս գալիս: Բայց էլի օրենքն ա, որ պետք ա փորձի դա կառավարել ու նվազագույնի հասցնել: Ես էս ամենը նայում եմ էն պրիզմայով, որ պետությունը, պետական ինստիտուտներն ու հասարակությունը պատասխանատու են անհատի իրավունքների համար: Հակառակը կարճ ձևակերպմամբ բեզպրեձելն ու տգիտությունն ա:

    Հիմա նորից. հոմսքուլինգի դեպքերից շատերում կարող ա երեխան ստանա թե՛ լավ կրթություն, թե՛ լավ ադապտացվի արտաքին աշխարհին, չունենա սոցիալական խնդիրներ: Բայց քանի դեռ չկա մեխանիզմ, որը սրան զուգահեռ անասուն դեպքերը չի արգելում, ինքը գլոբալ առումով արատավոր երևույթ ա:
    Վերջին խմբագրող՝ Chuk: 24.10.2016, 00:19:

    Քայլ առ քայլ՝ դարից դար

    Խենթ եմ

  18. Գրառմանը 2 հոգի շնորհակալություն են հայտնել.

    Ruby Rue (24.10.2016), Աթեիստ (24.10.2016)

  19. #58
    Մշտական անդամ
    Գրանցման ամսաթիվ
    20.05.2016
    Գրառումներ
    478
    Mentioned
    0 Post(s)
    Tagged
    0 Thread(s)
    Բավականին ծանրակշիռ փաստ տնային կրթության անցնելու համար:
    Կարծում եմ, որ Հայաստանում այս թվերը շատ ավելի խայտառակ են ու դրանք համարյա միշտ ծածկվում են ծնողներից երեխաների ու ուսուցիչների կողմից:


    Most recently, the safety issue in particular spurred
    widespread interest in home schooling (Krumbine,
    2004). This reflects both that, for example, one in
    four American public school students has been a victim
    of violence at or near their school (cited in
    Richman, 1994, p. 111), and the heightened interest
    in safer schooling immediately following the April 1999 shootings at Columbine High School in Littleton,
    Colorado (and subsequent copycat incidents in
    both Canada and the United States; see, for example,
    Sink, 1999). In a Newsweek poll, 63 percent of adult
    Americans said it was very or somewhat likely that a
    shooting incident could happen at their local
    schools.10
    http://www.netzwerk-bildungsfreiheit...mainstream.pdf

  20. #59
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    40
    Գրառումներ
    25,245
    Բլոգի գրառումներ
    31
    Mentioned
    82 Post(s)
    Tagged
    1 Thread(s)
    Մեջբերում anslov-ի խոսքերից Նայել գրառումը
    Բավականին ծանրակշիռ փաստ տնային կրթության անցնելու համար:
    Կարծում եմ, որ Հայաստանում այս թվերը շատ ավելի խայտառակ են ու դրանք համարյա միշտ ծածկվում են ծնողներից երեխաների ու ուսուցիչների կողմից:
    Բավականին ծանրակշիռ փաստ ա իրավական համակարգը ուժեղացնելու ու նման դեպքերը կանխելու համար: Որևէ կերպ փաստարկ չի տնային կրթության անցնելու համար:

    Այդ նույն փաստարկով պետք չի տնից դուրս գալ, հաշվի առնելով ճանապարհային պատահարների քանակը:

    Քայլ առ քայլ՝ դարից դար

    Խենթ եմ

  21. #60
    Մշտական անդամ
    Գրանցման ամսաթիվ
    20.05.2016
    Գրառումներ
    478
    Mentioned
    0 Post(s)
    Tagged
    0 Thread(s)
    Մեջբերում Chuk-ի խոսքերից Նայել գրառումը
    Բավականին ծանրակշիռ փաստ ա իրավական համակարգը ուժեղացնելու ու նման դեպքերը կանխելու համար: Որևէ կերպ փաստարկ չի տնային կրթության անցնելու համար:

    Այդ նույն փաստարկով պետք չի տնից դուրս գալ, հաշվի առնելով ճանապարհային պատահարների քանակը:
    Դե, եթե էմպրիկ համեմատությունները թողնենք մի կողմ, ու կոնկրետանանք սեփական երեխայ վրա, ապա մինչև էնքան ուժեղանաս որ պետության իրավական համակարգը ուժեղացնես ու արդյունավետ դարձնես, երեխատ կարող է վարի գնալ: Դրա ալտերնատիվը իրա գլխից հեռու չգնալն ա, ու դրա պատճառով հավականան ա որ դու ինքտ բռնության ենթարկվես արդեն...
    Դուք մոռանում եք, որ խոսում ենք ամերիկա-կանադական կրթական համակարգի մասին, որտեղ ուսուցչի լիազորությունները երեխաների վրա չափազանց սահմանափակ է ու "բանդիտ" երեխաների հանդիպելուց ուսուցիչները հիմնականում գլուխները շուռ են տալիս: Ու ինչքան եվրոպական ֆիլմեր եմ նայել էս թեմայով, այնտեղ էլ ուսուցչի պահվածը առանձնապես չի տարբերվում:

Էջ 4 15-ից ԱռաջինԱռաջին 1234567814 ... ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Բարձրահասակ լինելու բացասական կողմերը
    Հեղինակ՝ Jarre, բաժին` Զվարճալի
    Գրառումներ: 198
    Վերջինը: 15.11.2016, 14:07
  2. Հայաստանում ապրելու դրական և բացասական կողմերը
    Հեղինակ՝ Ruby Rue, բաժին` Հայաստան
    Գրառումներ: 59
    Վերջինը: 04.06.2014, 19:00
  3. Ռուսաստանի վարած քաղաքականության դրական և բացասական կողմերը
    Հեղինակ՝ Norton, բաժին` Միջազգային քաղաքականություն
    Գրառումներ: 48
    Վերջինը: 09.07.2009, 16:48
  4. Ցածրահասակ լինելու բացասական կողմերը
    Հեղինակ՝ Chuk, բաժին` Զվարճալի
    Գրառումներ: 58
    Վերջինը: 01.04.2009, 18:18
  5. Գրառումներ: 9
    Վերջինը: 31.05.2007, 11:52

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •