ՍանտԱլբոմ

[Smokie]

Էկա ասեմ՝ քեզ մի հատ էլ մերսի Gregory Alan Isakov-ի համար։ Ահավոր լավն էր համերգին, հիմա էլ The Weatherman ալբոմն եմ լսում, էս էլ ա հզորություն։

Բյուուու՜ր, էս երկրորդ նախադասությունը դու ե՞ս գրել, թե՞ ես

Ես ուրբաթ օրը լսեցի էդ ալբոմը: Էդ պահերին բարկանում էի մանր բաներից, որ չէին ստացվում ու ժամանակ էին սպանում՝ իսկ ինքը կողքից նե՜նց հանգիստ իր համար երգում ա, որ զարմանում էլ եմ, թե ո՞նց չի ազդում տրամադրությանս վրա: Դեռ ալբոմը չավարտված՝ հստակ որոշել էի, որ կրկնելու եմ վերջին երգից հետո՝ էդպես էլ եղավ:
Կարող եմ ասել ավելի հավանեցի, քան «The Empty Northern Hemisphede»-ը, որովհետև վերջինս լսելուց կարծես չէի կողմնորոշվում հավանու՞մ եմ, թե՞ չէ, միայն զգում էի հանգստության ա փոխանցումը: Հետագայում՝ երրորդ անգամ լսելուց հետո՝ առանձնացրեցի հավանված, տպավորություն թողած երգերը:

Էկա ասեմ, որ ես ամենաքիչը հինգ առանձնացրած ալբոմ ունեմ առաջիկա Սանտալբոմների համար ու ինձ սարսափելի հետաքրքրում էր թե հաջորդը երբ ա լինելու

Ինչպես և խոստացել եմ՝ Նոր տարվա մոտենալուց: Թող ավելի շատանան:

Իսկ ես շատ ուրախացա, որ էս թեմայում գրառումներ են հայտնվել: Ախր վերջերս հիշել էի, որ Rusted Root-ի ալբոմի մասին չեմ գրել դեռ: Նույնիսկ ալբոմը երկրորդ անգամ չեմ վերունկնդրել, որ տպավորվի: Մտածում էի «արդեն ուշ ա լինելու», բայց նաև զգում էի, որ մի բան անելու եմ՝ վերջիվերջո չեմ կարող չխոսել որևէ ազդեցություն թողնող երաժշտությունից:
Ապրեք երեխեք:

[StrangeLittleGirl]

Հա Սմոք, ինձ էլ The Weatherman-ն ավելի դուր էկավ, բայց կարա նրանից լինի, որ վինիլով էի լսում, հետևաբար ձայնի որակն ավելի լավն ա։

[Մուշու]

Սմոքի ջան չես ուզո՞ւմ երկրորդ սանտա ալբոմը կազմակերպել

[CactuSoul]

Սմոքի ջան չես ուզո՞ւմ երկրորդ սանտա ալբոմը կազմակերպել

Ես արդեն ընտրած ալբոմ ունեմ, չնայած մտածում եմ՝ կարող ա՞ հեշտ գլխի ընկնեք, որ դա իմ առաջարկածն ա :Դ Բայց ուզում եմ, որ ուրիշներն էլ լսեն ու կարծիք հայտնեն

[StrangeLittleGirl]

Ես արդեն ընտրած ալբոմ ունեմ, չնայած մտածում եմ՝ կարող ա՞ հեշտ գլխի ընկնեք, որ դա իմ առաջարկածն ա :Դ Բայց ուզում եմ, որ ուրիշներն էլ լսեն ու կարծիք հայտնեն

Ես էլ ոնց որ ունեի, բայց արդեն մոռացել եմ ։))
At Swim-ն առաջարկել էի, չէ՞։

[CactuSoul]

Ես էլ ոնց որ ունեի, բայց արդեն մոռացել եմ ։))
At Swim-ն առաջարկել էի, չէ՞։

Այսպիսով՝ մեր ալբոմացանկում են.
....
Liza Hannigan-ի At Swim-ը.

Հա:

[Մուշու]

Սմոքին եթե թույլ տա, կարող եմ ես կազմակերպել

[Smokie]

Սմոքին եթե թույլ տա, կարող եմ ես կազմակերպել

Կազմակերպի Մուշ ջան, ես էլ կմասնակցեմ

Հ.գ. Էլի հետաձգեցի Cruel Sun-ի ռեվյուն:

[Smokie]

Վերջապես լսեցի էս ալբոմը՝ կյանքումս չորրորդ անգամ (առաջինն էլ հենց այս տարի եմ լսել): Գրեմ քանի վերհիշել եմ ու հերթական անգամ տպավորվել:

Տարօրինակ, խորհրդավոր, հետաքրքիր ու միանշանակ տարբերվող: Ոմանք գուցե ասեն, որ իրենցից ոչինչ չեն ներկայացնում անկապ բլբլոցները ու նույն խոսքերի միլիոն անգամ կրկնությունը, բայց ինձ համար սա բոլորովին ուրիշ երաժշտական աշխարհ էր: Նոր աշխարհ, որտեղ առաջին անգամ էի հայտնվել ու թվում էր, թե նման բան էլ ոչ ոք ու ոչ մի խումբ չի ստեղծել, որ գտել են և՛ յուրահատուկ և՛ լավը լինելու ճանապարհը: Գուցեև «bluegrass» ժանրն է այդպիսինը: Առաջին անգամ եմ հանդիպում վերջինիս անվանը՝ կուսումնասիրեմ:

Լսում եմ, խոսքերը լավ չեմ հասկանում, անգամ չգիտեմ անգլերե՞ն է, թե՞ ինչ որ այլ լեզու՝ իրենց հորինած: Էսօր խոսքերը մի թեթև աչքի անցկացրեցի՝ պարզվեց ոչ միայն անգլերեն են այդ անհասկանալի բառերը, այլև շատ երգերում հազվադեպ են հանդիպում չկրկնվող խոսքեր, տեքստը հիմնականում նույնն է: Ճիշտ է երգերի վերջում զգացվում է, որ բլբլում է նույն նախադասությունը, բայց աշխույժ՝ կրկնվող բայց չձանձրացնող երգեցողությունը հուշում է, որ խոսքերը կարևոր չեն այդ պահին: Դրայվ կա ախր, պարացնում է, ուրախացնում:
Այ էսօր հասկացա թե ու՞մ նման են իրենց ալբոմով: Վայրի սևամորթ ցեղերին, որ նախշազարդում են իրենց մարմինը ու խարույկի շուրջը պարում ու երգում: Չգիտեմ ուրիշ դեպքում դա ինչպիսի՞ տպավորություն կթողներ, բայց Rusted Root-ի կատարմամբ ուղղակի հրաշք ա: Իրենց ձայնը, գործիքավորումը ու պարը, որ երևակայում ես, ոչ թե տեսնում:
«Send Me On My Way» երգը իհարկե շատերիդ է ծանոթ Ice Age մուլտֆիլմի շնորհիվ: Իսկ միակ երգը, որ կարելի է ասել չհավանեցի՝ 40 վայրկյանանոց «!@#*»-ն էր՝ այդ տարօրինակ վերնագրով, մի քիչ ռեպախառը, էլի տարօրինակ բլբլոցներով երգը, որը նույնպես իր հերթին զվարճալի էր, յուրահատուկ ու հետաքրքիր: