Ստեղ մարդ կա՞ որ կարդացել ա Eliezer Yudkowsky-ի «Harry Potter and the Methods of Rationality» վեպը։ Էս ստեղծագործությունը Հարրի Փոթթերի օրիգինալ ստեղծագործության funfiction ա, որը պատմում ա Հարրի Փոթթերի ալտերնատիվ պատմությունը․
Հարրի Փոթթերը մինչև 11–տարեկանը մեծացել ա իր մորաքրոջ և նրա Օքսֆորդի համալսարանի պրոֆեսոր ամուսնու ընտանիքում, որտեղ սովորել ա ամեն ինչ դիտարկել ռացիոնալ սթափ մտածողությամբ, գիտական մոտեցմամբ ու մեթոդներով ու երբ ընդունվում ա կախարդների դպրոց, իր առաջ նպատակ ա դնում կախարդանքը ուսումնասիրել գիտության լույսի ներքո ու մեծամեծ գիտական նվաճումներ անել
Վերջերս ընկերներիցս մեկը խորհուրդ տվեց, սկսել եմ կարդալ ու կրակն եմ ընկել՝ նենց եմ կլանվել, որ սաղ օրը բան ու գործս թողած էդ եմ կարդում...
Հա ու ասեմ, որ օրիգինալ Հարրի Փոթթերը չեմ կարդացել, ոչ էլ կինոն եմ նայելու ընդհանրապես, էս ստեղծագործությունը կարելի ա լրիվ օրիգինալից անկախ կարդալ, բայց ինչքան գիտեմ օրիգինալ ստեղծագործության հիմնական առանցքը պահպանվում ա ու հերոսներն էլ նույնն են։
Շատ հավես ստեղծագործություն ա․ հատկապես Հարրի Փոթթերի ֆանատներին պիտի որ դուր գա, բայց կարծում եմ էս գրքի հիմնական արժեքը «Հարրի Փոթթերի» funfic լինելը չի․ Հարրի Փոթթերի մանկական, էմոցիոնալ, բայց միևնույն ժամանակ նրբանկատ, ռացիոնալ ու գիտնականին բնորոշ անալիտիկ մտքերը մի այլ կարգի հաճույք ա կարդալը անկախ օրիգինալ «Հարրի Փոթթերին» ծանոթ լինել–չլինելուց։ Դժվարանում եմ բնորոշել էս գրքի յուրօրինակությունն ու կայֆը, բայց հույս ունեմ որ Ակումբում էլի կարդացած մարդիկ կան կամ շուտով կլինեն ու ինձ կօգնեն էս հարցում
Նաև հետաքրքիր ա Հարրի Փոթթերի օրիգինալ ստեղծագործությունը կարդացածների կարծիքը․ որ գործն ա ավելի լավը սա՞, թե՝ օրիգինալը, որ մեկի Հարրի Փոթթերն ա ավելի հետաքրքիր կերպար և այլն
Էս ստեղծագործությունը ի սկզբանե գրվել ա բլոգի գրառումների տեսքով, հետո ֆանատների համատեղ ջանքերով թարգմանվել ա բազմաթիվ լեզուներով, մի խոսքով հիմա գիրքը անվճար կարող եք կարդալ ինչպես օնլայն, այնպես էլ բեռնել e-reader–ի համար ֆորմատներով։
անգլերեն կարդացողներդ մտեք․ http://hpmor.com/, ռուսերեն՝ http://hpmor.ru/
Մեջբերել
Էջանիշներ