User Tag List

Ցույց են տրվում 1 համարից մինչև 3 համարի արդյունքները՝ ընդհանուր 3 հատից

Թեմա: Օլիմպիական խաղեր

  1. #1
    Պատվավոր անդամ Tiger29-ի ավատար
    Գրանցման ամսաթիվ
    11.07.2007
    Գրառումներ
    500
    Mentioned
    3 Post(s)
    Tagged
    0 Thread(s)

    Օլիմպիական խաղեր

    Արթուր Ալեքսանյանը նվաճեց Օլիմպիադայի ոսկե մեդալը



    Այսօր հայ մարզիկները վաստակեցին նաև երկու արծաթե մեդալ։
    ՀՀ հավաքականի մարզիկ, հունահռոմեական ոճում 98 կիլոգրամ քաշային կարգում հանդես եկող Արթուր Ալեքսանյանը եզրափակիչում 3-0 հաշվով առավելության է հասել Կուբան ներկայացնող Յասմանի Դանիել Ուգո Կաբրերայի նկատմամբ և նվաճել է Բրազիլիայում ընթացող Ամառային Օլիմպիադայի ոսկե մեդալը։

    Արթուր Ալեքսանյանը Հայաստանի համար վաստակել է անցած երկու տասնամյակի ընթացքում առաջին ոսկե մեդալը։

    Հայաստանի հավաքականի մեկ այլ ըմբիշ, 66 կիլոգրամ քաշային կատեգորիայում հանդես եկող Միհրան Հարությունյանը եզրափակիչում, մարզական մեկնաբանների կարծիքով, բավական վիճելի մրցավարության պայմաններում` զիջել է սերբ ըմբիշ Դավոր Շտեֆանեկին և վաստակել է արծաթե մեդալը։

    Գերծանր քաշային կարգում հանդես եկող ծանրորդ Գոռ Մինասյանը երկամարտում 451 կիլոգրամ արդյունքով գրավել է երկրորդ տեղը և արծաթե մեդալ է ստացել։

    Այդ կատեգորիայում ոսկե և բրոնզե մեդալները վաստակել են Վրաստանի հավաքականի մարզիկներ Լաշա Տալախաձեն (473 կգ) և Իրակլի Տուրմանիձեն (448 կգ)։

    Գերծանր քաշային կարգում Հայաստանը ներկայացնող երկրորդ մարզիկը` Ռուբեն Ալեքսանյանը նույնպես տպավորիչ պայքար է մղել և կարող էր հավակնել բրոնզե մեդալի։ Երկու վարժությունների արդյունքում բարձրացնելով 440 կիլոգրամ, նա գրավել է չորրորդ պատվավոր տեղը։

    Նախօրեին արծաթե մեդալ է վաստակել ծանրորդ Սիմոն Մարտիրոսյանը։

    Այսպիսով, ՀՀ հավաքականը Բրազիլիայում տեղի ունեցող Ամառային Օլիմպիադայում օգոստոսի 18-ի առավոտվա դրությամբ ունի մեկ ոսկե և երեք արծաթե մեդալ և ընդհանուր հաշվով գրավում է 36-րդ տեղը։

    Իսկ ո՞վ էր անկախ Հայաստանի առաջին օլիմպիական չեմպիոնը




  2. Գրառմանը 8 հոգի շնորհակալություն են հայտնել.

    GriFFin (18.08.2016), Անվերնագիր (17.08.2016), Զաքար (19.08.2016), Մուշու (17.08.2016), Յոհաննես (17.08.2016), Նաիրուհի (18.08.2016), Ռուֆուս (17.08.2016), Տրիբուն (17.08.2016)

  3. #2
    լեռնադուստր
    Նաիրուհի-ի ավատար
    Գրանցման ամսաթիվ
    13.06.2009
    Հասցե
    Ամստերդամսկ
    Տարիք
    35
    Գրառումներ
    3,488
    Բլոգի գրառումներ
    1
    Mentioned
    2 Post(s)
    Tagged
    0 Thread(s)
    Խնդրում եմ չմոռանալ Միհրան Հարությունյանին, Գոռ Մինասյանին, Սիմոն Մարտիրոսյանին։

    Միհրանի մասին շատ են խոսում, բայց գործնական քայլեր այդպես էլ չարվեցին էս հիանալի, տաղանդավոր ու անընդհատ անարդարությունների հանդիպող մարզիկին աջակցելու համար։ Ի դեպ, էդ գործնական քայլերը պետության համապատասխան կառույցները պիտի անեին ու վաղուց։

    Մենակ՝ ընդդեմ մաֆիայի. «Քանի ես կամ, դու չես հաղթելու»՝ Մամիաշվիլու խոսքերը՝ Միհրանին



    «Համեստություն չեմ ուզում անել, այս ամենը աղբ է: Չեմ ուզում այստեղ լինել, ուզում եմ հեռու գնալ: Ինձ արդեն ոչինչ չի հետաքրքրում՝ ո՛չ սպորտը, ո՛չ Օլիմպիական մեդալը: Նորից եմ կրկնում՝ այս ամենը աղբ է», - Ռիո դե Ժանեյրոյում ընթացող ամառային Օլիմպիական խաղերի հունահռոմեական ոճի մինչեւ 66 կգ քաշային կարգում արծաթե մեդալը ստանալուց հետո հայտարարել է մեր Միհրան Հարությունյանը: Մարզիկի համար գերագույն նպատակներից մեկը Օլիմպիական խաղերում մեդալ նվաճելն է, եւ անգամ արծաթե մեդալի դեպքում անսահման է լինում ուրախությունը: Բայց Միհրանի խոսքերը, արցունքները՝ պարգեւատրման արարողության ժամանակ թերեւս վեր են զուտ սպորտային արդյունքներից եւ արտահայտում են մեկ մարդու անձնական դրաման:Էջմիածնում ծնված Միհրանը 4 տարեկան հասակում՝ 1993 թվականին ընտանիքի հետ տեղափոխվում է Մոսկվա: Հետագայում Միհրանը սկսում է մարզվել ըմբշամարտով՝ հայ մարզիչ Ռուբեն Թաթուլյանի գլխավորությամբ: Պատանեկան տարիքից սկսած Միհրանը Ռուսաստանում առաջատար էր իր քաշային կարգում: Մասնակցում էր պատանեկան, ապա երիտասարդական մրցաշարերի, հաղթում եւ արդեն համարվում էր Ռուսաստանի ապագա հույսերից մեկը:
    2012 թվականի Լոնդոնի Օլիմպիական խաղերի նախաշեմին, սակայն, Ռուսաստանի ըմբշամարտի միության նախագահ, ըմբշամարտի միջազգային ֆեդերացիայի մրցավարական կոմիտեի նախագահ Միխայիլ Մամիաշվիլին սկսում է ամեն կերպ խոչընդոտել 23-ամյա Միհրանի հաջողություններին. պատճառի մասին գիտեին բոլորը:
    Աշխարհի գավաթի խաղարկության Հայաստան-Ռուսաստան մրցամարտի ժամանակ Միհրանը պարտվում է հայ ըմբիշին, եւ Մամիաշվիլին մեղադրանքներ է հնչեցնում Միհրանի հասցեին, համարելով, որ պարտությունը դիտավորյալ էր: Իր քաշում Ռուսաստանում ուժեղագույնը համարվող, արտակարգ տեխնիկա ունեցող, բազմազան հնարքների տիրապետող Հարությունյանը զրկվում է Օլիմպիական խաղերի վարկանիշային մրցաշարերին, Աշխարհի, Եվրոպայի առաջնություններին մասնակցելու իրավունքից:
    Ռուսական ըմբշամարտում ընդհանրապես բոլոր որոշումները ընդունում է Մամիաշվիլին, եւ այն պարտադիր է բոլորի համար: Քիչ թե շատ հակադարձնողները, առավել եւս անհատականությունները իսկույն դառնում են ամենաիսկական մաֆիայի վերածված ըմբշամարտի ֆեդերացիայի եւ այդ կառույցի ամենակարող նախագահի «թշնամի» եւ ուղղակիորեն զրկվում անգամ մարզվելու տարրական պայմաններից: Հենց նման վիճակում է հայտնվում Միհրանը:
    «Քանի ես կամ, դու չես հաղթելու»՝ սա Մամիաշվիլու խոսքերն են՝ ուղղված Միհրանին, որից հետո Հարությունյանի դեմ փակվում են բոլոր մարզադահլիճների դռները: Անգամ Միհրանի մարզչին՝ Ռուբեն Թաթուլյանին են արգելում մարզումներ անցկացնել: Այդ ժամանակ ստացվում է հրավերք Հայաստանից, ինչին անմիջապես համաձայնվում է Միհրանը:
    «Ըմբշամարտը իմ կյանքն է: Բայց այդ ժամանակ ինձ կարծես զրկել էին ապրելուց: Ինձնից երես էին թեքել բոլորը, բացի հարազատներիցս եւ մարզիչ Ռուբեն Թաթուլյանից: Այնպիսի տպավորություն էր, կարծես մահացել էի: Ես հավատում եմ Աստծուն, եւ նա միշտ օգնել է: Իմ գործը աղոթելը, աշխատելը եւ նպատակիս հասնելն էր: Եվ ես հարություն առա: Կյանքը կանգ չի առնում, եւ ամեն ինչ դեռ առջեւում է: Հպարտ էի, որ հանդես եմ գալու Հայաստանի կազմում»,- պատմել է Միհրանը:
    Համաձայն կանոնների՝ երկրից երկիր տեղափոխվելու դեպքում պարտադիր 2 տարվա որակազրկումից հետո, Միհրան Հարությունյանը 2014 թվականից հետո սկսեց հանդես գալ Հայաստանի դրոշի ներքո: Միհրանը հավատացած էր, որ այս դեպքում իր մեջքին մի ամբողջ երկիր է կանգնած եւ Մամիաշվիլու «ձեռքերը» այլեւս չեն հասնի իրեն: Անցյալ տարի Բաքվում կայացած Եվրոպական 1-ին մարզական խաղերի եզրափակիչում մրցավարների ակնհայտ կողմնակալության պայմաններում Միհրանը զրկվեց ոսկե մեդալից. այն ժամանակ դա ընկալվեց որպես պատահականություն: Ամիսներ անց Լաս Վեգասում կայացած աշխարհի առաջնության կիսաեզրափակիչում Միհրանից մրցավարները կրկին խլեցին հաղթանակը: Նախօրեին էլ նույնը, շատ ավելի դաժան ձեւով, կրկնվեց «Ռիո 2016»-ի եզրափակիչում: Ընդ որում, գորգի մրցավարը Լաս Վեգասում եւ Ռիոյում նույն մարդն էր: Ակնհայտ է, որ սրանք արդեն պատահականություններ չեն:
    «Չես հաղթելու» խոստումը Մամիաշվիլին կատարում է, եւ նրա դեմ անզոր է անգամ մի ամբողջ երկրի՝ Հայաստանի մարզական ղեկավարությունը: «Կատարվածի մեջ ոչ միայն մրցավարներն են մեղավոր, այլեւ մեր վերեւները, որոնք թույլ տվեցին, որ այս ամենը կատարվի։ Որդիս այլեւս չի ցանկանում լսել սպորտի մասին։ Հանգիստ թողեք մեզ»,- երեկ «1in.am»-ի լրագրողին պատասխանել է Միհրանի մայրը: Պարգեւատրման հարթակի վրա Միհրանի արցունքները ցավի, անզորության արտահայտություն էին: «Ընդհանրապես պարտությունն ինձ համար մահ է», - մի առիթով ասել է Միհրան Հարությունյանը: «Ուղղակի անմարդկային էր այն, ինչ արեցին այս տղայի հետ: 3-րդ անգամ անընդմեջ: Մարդակերպերը, որոնք կազմակերպեցին այս հաշվեհարդարը, պետք է պատասխան տան Աստծու առաջ: Մարդկանց տարիների աշխատանքը, քրտինքով ու արյունով վաստակածը ինչ-որ տականքներ ձեռքի մեկ շարժումով զրոյի են հավասարեցնում: Միհրան, սպորտում չկան ազգություններ, չկան կրոնական տարաձայնություններ: Կան միայն հաղթողներ եւ պարտվողներ: Դու ես այսօր հաղթողը: Դու իսկական չեմպիոն ես», - «Ռիո 2016»-ի եզրափակիչից հետո ֆեյսբուքյան իր էջում գրել է Դաղստանի ըմբշամարտի ամենահայտնի մասնագետներից մեկը՝ Արիպ Իբրահիմովը:
    իսկ մարդը
    վախենում ա
    որ իրան
    չեն սիրի:

  4. Գրառմանը 4 հոգի շնորհակալություն են հայտնել.

    Smokie (20.08.2016), Tiger29 (18.08.2016), Աթեիստ (18.08.2016), Նիկեա (20.08.2016)

  5. #3
    Հատուկ John-ի ավատար
    Գրանցման ամսաթիվ
    05.04.2006
    Տարիք
    32
    Գրառումներ
    5,748
    Mentioned
    5 Post(s)
    Tagged
    0 Thread(s)
    Մեջբերում Նաիրուհի-ի խոսքերից Նայել գրառումը
    Խնդրում եմ չմոռանալ Միհրան Հարությունյանին, Գոռ Մինասյանին, Սիմոն Մարտիրոսյանին։

    Միհրանի մասին շատ են խոսում, բայց գործնական քայլեր այդպես էլ չարվեցին էս հիանալի, տաղանդավոր ու անընդհատ անարդարությունների հանդիպող մարզիկին աջակցելու համար։ Ի դեպ, էդ գործնական քայլերը պետության համապատասխան կառույցները պիտի անեին ու վաղուց։
    Էս պահին երևի էս մաքսիմալն է, որ կարող ենք անել։ Ինչպես միշտ 1-2 գործ չանողի պատճառով ազգովի պետք ա վիզ դնենք, հլը էն էլ հարց ա․ գոնե նույնչափ արդյունավետ կլինի՞, ինչ եթե նորմալ մարդիկ ղեկավարեին մեր պետության սպորտային կառույցները։

  6. Գրառմանը 1 հոգի շնորհակալություն է հայտնել.

    Smokie (20.08.2016)

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Սոչի 2014 (ձմեռային օլիմպիական խաղեր)
    Հեղինակ՝ Վիշապ, բաժին` Սպորտ
    Գրառումներ: 70
    Վերջինը: 28.02.2014, 00:58
  2. Օլիմպիական խաղեր. Լոնդոն 2012
    Հեղինակ՝ Moonwalker, բաժին` Սպորտ
    Գրառումներ: 47
    Վերջինը: 12.08.2012, 12:45
  3. Օլիմպիական խաղեր 2020
    Հեղինակ՝ Ապե Ջան, բաժին` Սպորտ
    Գրառումներ: 1
    Վերջինը: 12.02.2010, 10:45
  4. Օլիմպիական խաղեր 2008
    Հեղինակ՝ Lilushik, բաժին` Սպորտ
    Գրառումներ: 93
    Վերջինը: 22.08.2008, 17:18
  5. Օլիմպիական խաղեր 2014
    Հեղինակ՝ Artgeo, բաժին` Սպորտ
    Գրառումներ: 8
    Վերջինը: 05.07.2007, 18:28

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •