Ինչքան էլ տարօրինակ է, հավաքածուներին նվիրված թեմա կարծեմ չունենք Ակումբում։
Թեև չեմ կարծում, թե էստեղ գտնվի մարդ, որ չգիտի, թե հավաքածուն ինչ է, բայց ամեն դեպքում հավաքածու երևույթի մասին մի երկու տող տեղադրեմ՝ վերցված Վիքիպեդիայից (որոշ խմբագրումներով).
Ինչպե՞ս եք վերաբերվում հավաքածուներին։ Երբևէ հավաքածուներ ունեցե՞լ եք։ Ի՞նչ հավաքածուներ ունեք հիմա։ Ի՞նչ հավաքածուներ եք ունեցել ավելի փոքր տարիքում։ Ինչպե՞ս եք սկսել հավաքել, երբվանի՞ց։ Մի խոսքով՝ ինչ որ հարմար եք գտնում, պատմեք ձեր ներկա կամ երբեմնի հավաքածուների մասին կամ թեկուզ հավաքածուների նկատմամբ ձեր վերաբերմունքի մասին, նույնիսկ եթե այն բացասական է։ Նաև շատ հետաքրքիր կլինի, եթե ձեր ունեցած հավաքածուների նկարներ տեղադրեքՀավաքածուն կամ կոլեկցիան միատեսակ կամ թեմատիկ ընդհանրությամբ առարկաների համակարգված ժողովածու է, որն ունի գիտական, պատմական կամ գեղագիտական արժեք։ Հավաքածուի հիմք կարող են հանդիսանալ տարաբնույթ առարկաներ, նյութական և հոգևոր մշակույթի հուշանմուշներ՝ ձեռագրեր, գրքեր, թղթադրամներ, մետաղադրամներ, նամականիշեր, կերպարվեստի ստեղծագործություններ, ինչպես նաև հանքանյութեր, բույսեր, միջատներ և այլն։ Ձևավորվել են հավաքածուների ստեղծման ինքնուրույն ուղղություններ՝ գիտական, ուսումնական, սիրողական։։
Մեջբերել
Էջանիշներ