User Tag List

Էջ 1 3-ից 123 ՎերջինըՎերջինը
Ցույց են տրվում 1 համարից մինչև 15 համարի արդյունքները՝ ընդհանուր 38 հատից

Թեմա: Գրական դիմակ N5

  1. #1
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)

    Գրական դիմակ N5

    Դիմակը կբացվի հինգ օրից՝ հունիսի 16-ին: Ինքնաբացահայտումն արգելվում է, սակայն հեղինակը նույնպես կարող է մասնակցել քննարկումներին:

    Հիշեցնեմ, որ դեռևս երկու չբացված դիմակ ունենք.
    Դիմակ N3
    Դիմակ N4


    Ամեն ինչը շատ Համոն

    Յոթը սարից, յոթը անտառից, յոթը գետից, յոթը դաշտից, յոթը ծովից, յոթը անապատից ու յոթը քաղաքից այս կողմում՝ մի կարմիր-կանաչ մարգագետնում կուչ էր եկել փոքրիկ գյուղը: Այս գյուղում յոթ տուն կար՝ փոքրիկ ու սիրուն, կարմիր կտուրներով, փայտաշեն տնակներ: Տնակներից ամեն մեկում ապրում էր մի ընտանիք, ամեն ընտանիքում՝ յոթ երեխա: Ու միայն տներից մեկում էր, որ երեխա չկար, իսկ Սարոն ու Անահիտը՝ տանտերն ու նրա տիկինը, երազում էին երեխա ունենալ: Այս խաղաղ գյուղում անցնում էին օրերն ու ամիսները, ամիսներն ու տարիները, իսկ Սարոն ու Անահիտը դեռ երազում էին, որ իրենց տանն էլ երեխայի խաղ ու խինդ լինի:

    Այսպես անցավ յոթը երկար ու ձիգ տարի, ու մի երջանիկ օր այս տանն էլ երեխա ծնվեց, մի շիկահեր ու կապտաչյա հրաշք տղա: Համոյի ծիծաղը բռնեց ամբողջ գյուղը, ու բոլորը շտապեցին Սարոյին ու Անահիտին շնորհավորելու՝ իրենց առաջնեկի ծննդյան առթիվ: Սեղան նստեցին ու յոթը օր, յոթը գիշեր խնջույք արեցին, երգեցին ու պարեցին, կերան ու խմեցին, ուրախ խաղով ու խինդով նշեցին մեր Համոյի ծնունդը:

    Սարոյենց տանը վերջապես ուրախ էր. մարդ ու կին ամբողջ օրը աշխատում էին ու պահում իրենց փոքրիկ Համոյին: Եթե գյուղում ուրիշ երեխաներ օրական մեկ կոնֆետ էին ուտում, Համոն յոթն էր ուտում, ուրիշ երեխաների համար մեկ զույգ կոշիկ էին առնում, Համոյի համար յոթն էին առնում, ու էսպես ամեն ինչը Համոյի համար ավելի շատ էր լինում, քան գյուղի մյուս փոքրիկների համար: Բայց Սարոն ու Անահիտը շարունակում էին երազել նոր երեխաների մասին, ուզում էին իրենք էլ յոթը զավակով սեղան նստեն, բայց էդպես էլ նոր փոքրիկ չէր ծնվում:

    Երբ Համոն դարձավ յոթը տարեկան, մի օրը Անահիտ մայրիկն ասաց.
    - Երնեկ, որ դու էլ քույր ու եղբայրներ ունենայիր, դուք էլ յոթը լինեիք, ինչպես գյուղի մյուս տներում:
    - Բայց ինչի՞ էդպես, - հակաճառեց Համոն, ով սովոր էր, որ իր ամեն ինչը յոթն էր լինում, - թող փոխարենը ես յոթը հայրիկ ու մայրիկ ունենամ:
    - Էդպես չի լինում, - ծիծաղեց մայրիկը:
    - Ինչու՞ չի լինում, ես ուզում եմ յոթը մայրիկ ու յոթը հայրիկ, - քիթը կախեց Համոն:
    - Մայրիկն ու հայրիկը մեկն են լինում, - ժպտալով բացատրեց մայրիկը, - միշտ էդպես է, ու բոլոր տներում էդպես է:
    - Դուք լավ չեք փնտրել, - լացակումած պատասխանեց Համոն, - ես կգնամ ու կգտնեմ իմ յոթը մայրիկին ու յոթը հայրիկին:

    Անահիտը թաքուն ծիծաղեց, որ Համոն չնկատի, ու անցավ իր գործին: Եկավ գիշերը, ու բոլորը պառկեցին քնելու: Հայրիկը յոթ անգամ համբուրեց Համոյի ճակատն ու ասաց.
    - Դե երազումդ յոթը երազ տեսնես, բարի գիշեր, փոքրի՛կ:
    Համոն ձև արեց, թե քնել է, իսկ երբ հայրիկը սկսեց խռմփացնել, ու լսվեց մայրիկի հանգիստ շնչառությունը, հագավ շորերն ու կոշիկները ու դուրս եկավ տնից, ճամփա ընկավ՝ գտնելու իր յոթը հայրիկին ու յոթը մայրիկին:

    Լիալուսին էր, ու շուրջբոլորը լավ լուսավորված էր: Համոն նայեց իրենց տնից այն կողմ ձգվող յոթ սարերին ու մտածեց. «յոթը մայրիկն ու յոթը հայրիկը երևի այդ սարերի հետևն են, գնամ, գտնեմ իրենց»: Մտածեց թե չէ, մի հարմար փայտ գտավ, վերցրեց որպես ձեռնափայտ ու ճամփա ընկավ: Ինչքան գնաց, ինչքան չգնաց, ինքն էլ չգիտեր: Շատ անգամներ արևը ծագեց ու մայր մտավ: Համոն մի քանի անգամ նույնիսկ վախեցավ ու որոշեց հետ դառնալ, բայց համ էլ ուզում էր գտնել իր յոթը մայրիկ-հայրիկին ու էդպես շարունակեց ճանապարհը: Ուտելիք էլ չուներ, ստիպված ճանապարհին միրգ ու հատապտուղ էր հավաքում, ուտում, գիշերները անձավ էր գտնում, մտնում մեջը, որ կենդանիներից պաշտպանվի, վախենում էր ու դողացնում, բայց մեկ է, համարձակ շարունակում էր ճանապարհը: Էսպես երկար ու երկար գնաց ու մի օր անցավ վերջին՝ յոթերորդ սարը: «Հաստատ էստեղ եմ գտնելու», - մտածեց ու ուրախ արագացրեց քայլերը, քայլեց, քայլեց, մեկ էլ տեսավ, որ ճանապարհին մի երկար ու սպիտակ բեղերով ծերունի է նստած:

    - Ո՞վ ես դու, - հարցրեց Համոն:
    - Իմաստունն եմ, - պատասխանեց ծերուկը:
    - Էդ շատ լավ է, - ուրախացավ Համոն: - Դու կիմանաս, որտե՞ղ գտնեմ իմ յոթը մայրիկին ու հայրիկին:
    Իմաստունը բարձր ու քահ-քահ ծիծաղեց:
    - Ինչու՞ ես ծիծաղում, - նեղացավ Համոն:
    - Որովհետև մայրիկն ու հայրիկը յոթը չեն լինում, ամեն մի երեխա մեկ մայրիկ ու մեկ հայրիկ է ունենում:
    - Դու չգիտես, - բարկացավ Համոն, - ես կփնտրեմ ու կգտնեմ յոթը մայրիկին ու հայրիկին:
    - Որտե՞ղ ես փնտրելու, - հետաքրքրվեց իմաստունը:

    Համոն նայեց չորս կողմը ու տեսավ, որ առջևում յոթը անտառ կա:
    - Այս յոթը անտառից այն կողմ, - հաղթանակած պատասխանեց Համոն:
    - Յոթը անտառից այն կողմ դու կգտնես միայն մի իմաստունի, իմ նման ծերուկի, - ժպտաց իմաստունը: - Իսկ այ փոխարենը շատ բան կկորցնես:
    - Ի՞նչ կկորցնեմ, - զարմացավ Համոն, - Ես առանց այն էլ ոչինչ հետս չունեմ:
    - Ժամանակ ունես, որը կկորցնես: Իսկ հետևում թողել ես քո իսկական ու միակ մայրիկին ու հայրիկին:
    - Ոչ, ես մեկ է կգնամ ու կգտնեմ իմ յոթը մայրիկին ու հայրիկին, - համառեց Համոն:

    Իմաստունը փորձեց բռնել Համոյին, բայց Համոն թեև փոքր էր, բայց արագաշարժ, փախավ իմաստունից ու անտառների միջով ճամփա ընկավ: Վախենալու էր անտառը. ամեն քայլափոխի սարսափազդու ձայներ էին լսվում, բայց Համոն համառ էր ու համարձակ և որոշել էր ամեն գնով գտնել իր յոթը մայրիկ-հայրիկներին: Արևը նորից շատ ու շատ անգամներ ծագեց ու մայր մտավ: Համոն արդեն մեծ տղա էր, երբ վերջապես անցավ յոթը անտառները. «Հիմա հաստատ կգտնեմ նրանց», - մտածեց ու արագացրեց քայլերը: Բայց փոխարենը գտավ մի նոր իմաստունի, որ ճանապարհին նստած՝ անուշադիր չորս կողմն էր նայում:
    - Ծերու՛կ, որտե՞ղ գտնեմ իմ յոթը մայրիկին ու հայրիկին, - հարցրեց Համոն:
    - Դու՞ ես այդ տղան, - ժպտաց իմաստունը, - առաջին իմաստունն ինձ տարիներ առաջ նամակ էր ուղարկել ու պատմել քո մասին, ասել, որ գալու ես: Ետ դարձիր, գնա տուն, դու յոթը մայրիկ ու հայրիկ չես գտնի, փոխարենը շատ ժամանակ կկորցնես: Գնա քո իսկական մայրիկի ու հայրիկի մոտ:

    Համոն տխրեց: Ուզում էր լացել, բայց իրեն զսպեց:
    - Ծերուկ, իսկ այս յոթը գետից այն կողմ ի՞նչ կա, - հարցրեց:
    - Միայն մի ուրիշ իմաստուն, ուրիշ ոչինչ:
    - Բայց դու այնտեղ եղե՞լ ես:
    - Չէ, միայն լսել եմ:
    - Դե ուրեմն՝ ես գնում եմ այնտեղ փնտրելու, - որոշեց Համոն ու փախավ նաև երկրորդ Իմաստունից:

    Համոն նորից ճանապարհ ընկավ, ու արևը նորից շատ ու շատ անգամներ ծագեց ու մայր մտավ, իսկ Համոն գնում էր ու գնում՝ հաղթահարելով բոլոր դժվարությունները, չտրտնջալով ու չընկճվելով: Այսպես նա հասավ երրորդ իմաստունին: Բայց երրորդ իմաստունն էլ նրան խորհուրդ տվեց ետ դառնալ տուն՝ բացատրելով, որ յոթը մայրիկ ու հայրիկ չեն լինում: Համառ Համոն նորից չլսեց ու գնաց առաջ՝ սկզբից անցնելով յոթը դաշտը ու հանդիպելով չորրորդ իմաստունին, ապա անցնելով յոթը անապատը ու հանդիպելով հինգերորդ իմաստունին, ապա յոթը ծովը, հանդիպելով վեցերորդ իմաստունին, իսկ վերջում էլ անցավ յոթը քաղաքը, հանդիպեց յոթերորդ՝ ամենատարեց ու ամենախելոք իմաստունին:

    - Բարով եկար, - ողջունեց յոթերորդ իմաստունը, - ես քեզ վաղուց էի սպասում:
    - Բարև ծերուկ: Դու տարիքով ես ու խելոք, դու կիմանաս, թե որտեղ են իմ յոթը մայրիկն ու հայրիկը:
    - Քեզ նայիր, - ժպտաց ծերուկը, - արդեն դու ինքդ ես տարիքով: Ու արդեն ժամանակն է, որ ինքդ հայրիկ դառնաս, իսկ դու դեռ փնտրում ես մի բան, որը չկա:
    Ծերուկը հայելի էր պարզել: Համոն նայեց ու աչքերին չհավատաց. հայելու մեջից իրեն էր նայում իր հայրիկը:
    - Հայրի՜կը, - ուրախ բացականչեց Համոն ու հանկարծ զգաց, թե ինչքան է կարոտել իր մայրիկին ու հայրիկին: Համոյի սիրտը կծկվեց:
    - Դա հայրիկդ չի, դու ես, մեծացել ու նմանվել ես հայրիկիդ:
    - Ես ուզում եմ իրենց մոտ լինել, - հանկարծ հասկացավ Համոն:
    - Վերջապես հասկացար, - ժպտաց իմաստունը: - Ախր քո մայրիկն ու հայրիկը քեզ այդքան սիրում էին, իսկ դու նրանց թողել ես մենակ ու ինչ-որ երևակայական մայրիկներ ու հայրիկներ ես փնտրում: Շտապիր նրանց մոտ:
    - Ճի՛շտ ես, ծերուկ, - տխուր հառաչեց Համոն, - ես հենց հիմա ճանապարհ կընկնեմ:

    Համոն պտտվեց ու բռնեց տունդարձի ճանապարհը: Ինչքան արագ եկել էր, հիմա յոթը այդքան ավելի արագ էր գնում: Արևը ծագում ու մայր էր մտնում: Գարունը հաջորդում էր ձմռանը, ամառը՝ գարնանը, աշունը՝ ամառվան, ձմեռը՝ աշնանն ու էսպես շարունակ: Համոն գնում էր գնում ու մի օր հասավ իրենց կարմիր-կանաչ մարգագետնին: Հանկարծ սիրտը մի աներևակայելի ուրախություն լցվեց: Փնտրեց, հայացքով գտավ իրենց տունն ու վազեց այնտեղ՝ մայրիկին ու հայրիկին տեսնելու:
    Տան բակում մի ծեր կին էր քաղհան անում: «Կարո՞ղ է տունը ծախել, գնացել են», - վախեցավ Համոն:
    - Մայրիկ ջան, սա ու՞մ տունն է, - հարցրեց:
    - Սարոյի, - պատասխանեց ծեր կին:
    - Իսկ ու՞ր է ինքը, - ուրախացավ Համոն:
    - Տան հետևը, գոմի մոտ կովերին է կերակրում:

    Համոն վազեց այդ կողմ ու տեսավ, որ մի ծեր տղամարդ կովերին է կերակրում:
    - Հայրիկ ջան, բա Սարոն ու՞ր է, - հարցրեց Համոն:
    - Ես եմ Սարոն, տղաս, - պատասխանեց ծեր մարդը, - իսկ դու ո՞վ ես:
    - Բայց… բայց երբ որ ես գնում էի իմ յոթը մայրիկներին ու հայրիկներին փնտրելու, դու երիտասարդ էիր, - տխրեց ու զարմացավ Համոն:
    - Համո՞, - ծերունու ծնկները դողացին, - դու՞ ես, հե՞տ ես եկել: Ա՜-նա՜-հի՜տ, - գոռաց, - Համոն է եկել, - գոռաց ու փաթաթվեց Համոյին:
    Քիչ անց ամբողջ գյուղը հավաքվել ու ուրախ ժպտալով նայում էր երջանիկ, իրար փաթաթված երկու ծերունիներին ու երիտասարդ տղամարդուն:
    - Եկել ես, բալես, վերջապես եկել ես, - ուրախ շշնջում էր Անահիտը: - Քո վերադարձի համար յոթը օր ու յոթը գիշեր քեֆ ենք անելու:
    - Ոչ մի յոթը օր, - բարկացավ Համոն, - հերիք է, ինչքան ժամանակ կորցրեցի:

  2. Գրառմանը 8 հոգի շնորհակալություն են հայտնել.

    boooooooom (12.06.2016), Cassiopeia (11.06.2016), Mr. Annoying (11.06.2016), Sambitbaba (12.06.2016), Smokie (26.06.2016), Արէա (11.06.2016), Նաիրուհի (11.06.2016), Նիկեա (11.06.2016)

  3. #2
    Երջանիկ մամա Cassiopeia-ի ավատար
    Գրանցման ամսաթիվ
    30.08.2006
    Հասցե
    Yerevan, Armenia, Armenia
    Տարիք
    44
    Գրառումներ
    3,756
    Բլոգի գրառումներ
    5
    Mentioned
    12 Post(s)
    Tagged
    0 Thread(s)
    Ասեմ էն, ինչ առաջին հերթին Արտակն ա ասելու՝ յոթը չի, յոթ է

    Լավն էր հեքիաթը ուսուցանող

    Sent from my Lenovo B6000-HV using Tapatalk

  4. #3
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Մեջբերում Cassiopeia-ի խոսքերից Նայել գրառումը
    Ասեմ էն, ինչ առաջին հերթին Արտակն ա ասելու՝ յոթը չի, յոթ է
    Հեքիաթի լեզվով` ոչինչ, ը֊ով էլ կուտվի։

  5. #4
    Մշտական անդամ Micke-ի ավատար
    Գրանցման ամսաթիվ
    24.09.2015
    Հասցե
    Վիեննա
    Գրառումներ
    203
    Բլոգի գրառումներ
    5
    Mentioned
    0 Post(s)
    Tagged
    0 Thread(s)
    Էն որ ասում են աշխարհի ամենադժվար բանը ղամմազին խելք բացատրելնա, ճիշտա էլի։ Մի խոսքով՝ իմաստուններին լսելա պետք ու հաստակող ղամմազությունը թարգել։
    Լավն էր, ժպիտ առաջացրեց։

  6. Գրառմանը 1 հոգի շնորհակալություն է հայտնել.

    Tiger29 (15.06.2016)

  7. #5
    Պատվավոր անդամ boooooooom-ի ավատար
    Գրանցման ամսաթիվ
    26.05.2009
    Հասցե
    Երևան
    Գրառումներ
    1,814
    Բլոգի գրառումներ
    2
    Mentioned
    9 Post(s)
    Tagged
    0 Thread(s)
    Լավն էր, բայց ես սենց բարի չէի պատկերացնում ավարտը. ինձ թվում էր չի հասցնի...
    Կարճ
    Կոնկրետ

  8. Գրառմանը 1 հոգի շնորհակալություն է հայտնել.

    Cassiopeia (12.06.2016)

  9. #6
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Բացի էն որ ես էդ թվականների վերջի «ը»-ից զզվում եմ, շարադրանքն էլ դուրըս չեկավ։
    Կրկնությունները շատ էին, զարմացա, որ օրինակ ստեղ «Շատ անգամներ արևը ծագեց ու մայր մտավ» էլի յոթ անգամ չէր։
    artak.am De gustibus et coloribus non est disputandum.

  10. Գրառմանը 2 հոգի շնորհակալություն են հայտնել.

    Նիկեա (12.06.2016), Վոլտերա (12.06.2016)

  11. #7
    Ցինիկ Գալաթեա-ի ավատար
    Գրանցման ամսաթիվ
    22.01.2008
    Հասցե
    -
    Գրառումներ
    6,144
    Բլոգի գրառումներ
    12
    Mentioned
    0 Post(s)
    Tagged
    0 Thread(s)
    Ես սպասում էի, որ ինքը դառնալու է յոթերորդ ծեր իմաստունը ու իր պես դեբիլներին սկսի բացատրել, որ քթի տակ եղածը պետք ա գնահատել ու չկորցնել։
    Միտքը լավն էր, կարելի էր մի քիչ ավելի սահուն գրել։ Ոճական թերություններ էլ կային թեթև։
    Մեկ էլ՝ չեմ կարծում, որ ինքըւ մորն եւ հորը չճանաչեր։ Մեծ տարիքից հետո մարդիկ էդքան անճանաչելի չեն փոխվում։

  12. Գրառմանը 6 հոգի շնորհակալություն են հայտնել.

    Sambitbaba (13.06.2016), Smokie (26.06.2016), Աթեիստ (13.06.2016), Մուշու (12.06.2016), Նիկեա (12.06.2016), Ուլուանա (13.06.2016)

  13. #8
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    6,596
    Mentioned
    21 Post(s)
    Tagged
    0 Thread(s)
    Մեջբերում Գալաթեա-ի խոսքերից Նայել գրառումը
    Ես սպասում էի, որ ինքը դառնալու է յոթերորդ ծեր իմաստունը ու իր պես դեբիլներին սկսի բացատրել, որ քթի տակ եղածը պետք ա գնահատել ու չկորցնել։
    Միտքը լավն էր, կարելի էր մի քիչ ավելի սահուն գրել։ Ոճական թերություններ էլ կային թեթև։
    Մեկ էլ՝ չեմ կարծում, որ ինքըւ մորն եւ հորը չճանաչեր։ Մեծ տարիքից հետո մարդիկ էդքան անճանաչելի չեն փոխվում։
    Ու նաև իրեն էլ` հայրն ու մայրը չճանաչեին, առավել ևս, որ նա այնքան էր նմանվել հորը, որ իր արտացոլումը հայելու մեջ հոր հետ շփոթեց:

    Թեման ինձ էլ դուր եկավ: Բայց թվում է, թե շատ ավելի հակիրճ կարելի էր գրել:
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  14. Գրառմանը 2 հոգի շնորհակալություն են հայտնել.

    Smokie (26.06.2016), Ուլուանա (13.06.2016)

  15. #9
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Կարծում եմ, կրկնություներն էլ են «հեքիաթի ֆորմատի» համար արված: Բայց դե «յոթ» բառը ոնց որ թե իսկապես չարաշահված էր:
    Ընդհանրապես, ինչպես արդեն նշվեց ուրիշների կողմից, շարադրանքի մեջ անհարթություններ կային: Քանի որ ես գիտեմ՝ հեղինակն ով է, կարծում եմ, պատճառն էն է, որ ինքը վերջերս հազվադեպ է գրում: Դրանից տեխնիկան սկսել է տուժել:

    Մեկ էլ մի հարց: Եթե տղան յոթ մամա-պապա էր ուզում ունենալ, ինչո՞ւ էր յոթին փնտրում. պիտի որ վեցին փնտրեր, քանի որ մի զույգն արդեն ուներ

  16. Գրառմանը 1 հոգի շնորհակալություն է հայտնել.

    Աթեիստ (14.06.2016)

  17. #10
    Պապա x3 Աթեիստ-ի ավատար
    Գրանցման ամսաթիվ
    26.05.2007
    Հասցե
    Հայաստան
    Տարիք
    45
    Գրառումներ
    8,706
    Mentioned
    49 Post(s)
    Tagged
    1 Thread(s)
    Մեջբերում ivy-ի խոսքերից Նայել գրառումը
    Կարծում եմ, կրկնություներն էլ են «հեքիաթի ֆորմատի» համար արված: Բայց դե «յոթ» բառը ոնց որ թե իսկապես չարաշահված էր:
    Ընդհանրապես, ինչպես արդեն նշվեց ուրիշների կողմից, շարադրանքի մեջ անհարթություններ կային: Քանի որ ես գիտեմ՝ հեղինակն ով է, կարծում եմ, պատճառն էն է, որ ինքը վերջերս հազվադեպ է գրում: Դրանից տեխնիկան սկսել է տուժել:

    Մեկ էլ մի հարց: Եթե տղան յոթ մամա-պապա էր ուզում ունենալ, ինչո՞ւ էր յոթին փնտրում. պիտի որ վեցին փնտրեր, քանի որ մի զույգն արդեն ուներ
    Հա, էդ պահն էլ ներվայնացրեց, բայց փատորեն ինքը առաջին զույգի վրա խաչ էր քաշել։
    Դե էդքան իմաստուններին չլսողը, հարազատ ծնողներին չճանաչողը պարզ ա որ դեբիլ էր ։)
    artak.am De gustibus et coloribus non est disputandum.

  18. Գրառմանը 1 հոգի շնորհակալություն է հայտնել.

    boooooooom (14.06.2016)

  19. #11
    Պատվավոր անդամ Sambitbaba-ի ավատար
    Գրանցման ամսաթիվ
    14.08.2010
    Գրառումներ
    6,596
    Mentioned
    21 Post(s)
    Tagged
    0 Thread(s)
    Ընդհանրապես "Յոթ" թվի սիմվոլիկան` ինչպես հետաքրքիր, այնպես էլ կարևոր բան է: Եվ բոլորովին էլ պատահականություն չեն ծիածանի յոթ գույները, երաժշտական յոթ նոտաները, տիեզերական օկտավան, մարդու յոթ մարմինները, կյանքի յոթ մակարդակները և այլն:
    Երբ լույս աշխարհ ես հանում "Յոթի" թեման, այն հենց ինքը կարող է օգնել քեզ շատ հարցերում, եթե մոտեցումդ ճիշտ է: Բայց եթե որոշել ես ուղղակի խաղալ նրա հետ, այն կարող է նաև վնասել... Պետք է զգույշ լինել:

    Գալ ջան, չգիտեմ, դու գիտենալո՞վ ես արել քո նկատողությունը, թե ենթագիտակցաբար, սրտի մղումով, - բայց եթե բանը հասել էր յոթ իմաստուններին, ուրեմն յոթերորդն իրոք ինքը պետք է լիներ... Դա է "Յոթի" իմաստը:
    Թոթ Հերմեսի "Զմրուխտե տախտակների" հիմնական կետերից մեկի իմաստն էլ այդ է. "Ինչ ներքևում է, այն էլ վերևում է": "Վերևն" ու "ներքևը"` "Յոթի" սկիզբն ու վերջն են:

    Հեղինակին խորհուրդ կտայի կարդալ Լի Քերրոլի "Ճամփորդություն դեպի տուն" գիրքը: Շատ հետաքրքիր գիրք է Գալի ասածի վերաբերյալ...
    Մեր ցավն այն է, որ մենք կարծում ենք, որ հոգևոր լինելն ընտրության հարց է, այլ ոչ մեր էությունը: (մի հաղորդատվությունից)
    http://www.akumb.am/showthread.php/60784, http://www.akumb.am/showthread.php/56471
    http://www.akumb.am/showthread.php/61017, http://www.akumb.am/showthread.php/57267

  20. #12
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Հիշեցնեմ, որ վաղը բացում ենք դիմակը:

    Չե՞ք ուզում գուշակել, թե ով կլինի հեղինակը:

    Համ էլ նոր դիմակներ ուղարկեք

  21. #13
    այվի ivy-ի ավատար
    Գրանցման ամսաթիվ
    01.04.2006
    Գրառումներ
    11,016
    Mentioned
    52 Post(s)
    Tagged
    0 Thread(s)
    Ոչ մի ենթադրությո՞ւն

  22. #14
    Պատվավոր անդամ
    StrangeLittleGirl-ի ավատար
    Գրանցման ամսաթիվ
    18.03.2006
    Հասցե
    Լապլանդիա
    Գրառումներ
    24,576
    Բլոգի գրառումներ
    18
    Mentioned
    41 Post(s)
    Tagged
    0 Thread(s)
    Վերջապես կարդացի: Միտքը լավն էր, բայց ինչքան շարունակվում էր պատմվածքը, էնքան ավելի էր թուլանում: Նենց տպավորություն էր, որ հեղինակը վերջում ձանձրացել ու արագացրել ա:
    Երկխոսություններն էին անբնական: Հասարակ գյուղացի կերպարները ո՞նց են գրական խոսում: Հա, յոթ թիվն էլ շատ էր չարաշահված:

  23. #15
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    42
    Գրառումներ
    12,713
    Բլոգի գրառումներ
    21
    Mentioned
    30 Post(s)
    Tagged
    0 Thread(s)
    Հնչած դիտողությունները չկրկնեմ, ոնց որ թե բոլորի ասածներին էլ համաձայն եմ։ Մի բան էլ ասեմ. էդ յոթ թվի չարաշահման կամ, ավելի ճիշտ, անտեղի կիրառման վառ օրինակ էր յոթ մայր ու հայր փնտրելը։ Մի տեսակ շատ անկապ էր. մայրն ու հայրը զույգ են, իսկ յոթը կենտ թիվ է, էդ ո՞ր մեկից պիտի մեկով պակաս լիներ ։ Էդ պահն արժեր ավելի լավ մտածել։
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

Էջ 1 3-ից 123 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Գրական դիմակ N12
    Հեղինակ՝ ivy, բաժին` Գրական նախագծեր
    Գրառումներ: 20
    Վերջինը: 25.01.2017, 20:10
  2. Գրական դիմակ N6
    Հեղինակ՝ ivy, բաժին` Գրական նախագծեր
    Գրառումներ: 40
    Վերջինը: 27.06.2016, 02:35
  3. Գրական դիմակ N3
    Հեղինակ՝ ivy, բաժին` Գրական նախագծեր
    Գրառումներ: 53
    Վերջինը: 26.06.2016, 10:08
  4. Գրական դիմակ N4
    Հեղինակ՝ ivy, բաժին` Գրական նախագծեր
    Գրառումներ: 41
    Վերջինը: 25.06.2016, 09:06
  5. Գրական դիմակ N1
    Հեղինակ՝ ivy, բաժին` Գրական նախագծեր
    Գրառումներ: 38
    Վերջինը: 21.06.2016, 07:09

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •