Գրում եմ, որովհետև սիրում եմ գրել, մեկ մեկ քնելուց առաջ մոտս գրելու անհագ ցանկություն ա առաջանում, եթե էնքան կամքի ուժ եմ ունենում, որ անկողնուցս վեր կենամ, համակարգիչը միացնեմ ու գրեմ, գրում եմ, բայց էս վերջին տարին ու կես էնքան հոգնած եմ լինում, որ փոխարենը նախընտրում եմ քնել
Գրում եմ համ իմ համար, համ ուրիշների: Ուղղակի տարբեր դեպքեր ու դրվագներ են լինում կյանքում, որոնք ուզում եմ հետագայում էլ վերհիշել ու ինչ-որ տեղ պահվեն ու դեմ չեմ որ ուրիշ մարդիկ էլ կարդան՝ թեկուզ լրիվ անծանոթ: Իմ օրագրերը էդքան օրագրեր չեն, ինչքան բլոգ: Շատ հին օրագրերում ու անկապում եղել են, որ ինտիմ բաներ եմ գրել, որոնք մենակ ես կհասկանայի, բայց դրանք հետո քչացրել եմ: Ես դեմ չեմ եթե իմ գրածները մարդիկ մեջբերում են, կամ քննարկում, ինչ-որ տեղ նաև ուզում եմ, որ գրառումներս ազատ քննարկվեն ու ուրիշ մարդկանց արձագանքներն ու կարծիքները լսեմ:
Համ էլ իմ համար օրագիր պահելը ստեղծագործություն գրել չի: Ստեղծագործելն բավականին բարդ աշխատանք ա ու նախևառաջ պետք ա ճիշտ «իդեան» ունենամ, որից հետո կգրեմ ստեղծագործությունը, իսկ լավ «իդեա» գտնելը բավականին բարդ ա: Իսկ օրագրային գրառումներս անկապ, կյանքումս պատահած դրվագներն են, որոնք երբեմն մի փոքր ճոխացնում եմ ու կոլորիտ տալիս, բայց ոչ էնքան, որ անհավատալի դառնան
Համ էլ կարոտեցի օրագրերս, կուզենայի որ էլի սկսեի գրել, միգուցե մի նոր օրագիր բացեի ու ամեն ինչ նոր տողից սկսեի, բայց էս պահին մի տեսակ հավես չունեմ: Թե չէ գրելու ու պատմելու բաներ լիքը կան, կյանքս դեռ չի անհետաքրքրացել
Էջանիշներ