Ակումբցիներ ջան, մի քանի օրից դառնում ենք տասը տարեկան: Ու էդ առիթով արժի հավաքվել, հանդիպել, նշել, ուրախանալ, կարոտներն առնել և այլն: Հարևան թեմայում էս հարցն արդեն քննարկվել է, իհարկե՛, բայց մտածեցի, որ արժի առանձին թեմա ունենալ, որտեղ նաև կփորձենք պլանավորել անելիքը, ավելի հստակ:
Ուրեմն օրակարգում դնում եմ հետևյալ խնդիրները, որոնց կարող եք հավելումներ անել.
1. Որոշել տեղը
2. Որոշել օրն ու ժամը
3. Որոշել ֆորմատը
Էս բոլոր հարցերին պատասխանելու համար նախ պետք է հասկանալ, թե ովքեր են գալու: Գոնե մոտավոր իմանալու դեպքում, թե քանի հոգով ենք լինելու, երեխաներով թե առանց, կողքից մարդիկ լինելու՞ են, թե՞ ոչ, և այլն, նոր կարելի կլինի վերջնական կողմնորոշվել թե տեղի, թե օրվա ու ժամի, թե ֆորմատի առումով:
Իհարկե լավ կլինի, որ հենց 17-ին էլ՝ ծնունդի օրը հավաքվենք, բայց բացառված չի, որ շատերին հարմար լինի հանգստյան օր, ցերեկվա ժամ:
Խնդրում եմ էստեղ գրել թե օրվա, թե տեղի առաջարկները, ինչպես նաև փորձենք համատեղ կազմել եկողների ցուցակը:
Մեջբերել
Էջանիշներ