User Tag List

Էջ 8 10-ից ԱռաջինԱռաջին ... 45678910 ՎերջինըՎերջինը
Ցույց են տրվում 106 համարից մինչև 120 համարի արդյունքները՝ ընդհանուր 143 հատից

Թեմա: Բուսակերություն

  1. #106
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    41
    Գրառումներ
    12,491
    Բլոգի գրառումներ
    21
    Mentioned
    29 Post(s)
    Tagged
    0 Thread(s)
    Մեջբերում Բարեկամ-ի խոսքերից Նայել գրառումը
    Հարցը չէի տվել բուսակերներին պատին դեմ տալու նպատակով։ Հարցը ինձ մոտ բնականորեն առաջացած հարց էր, որ տվել էի, քանի որ ինձ անհասկանալի է էդ հարցի հանդեպ բուսակերների տեսակետը, ուզում էի իմանալ։ Իսկ թեման ակտիվացրել էի, որովհետև պետք է համապատասխան թեմայում հարցս ուղղեի, բա որտե՞ղ գրեի։
    Ան, թեման ակտիվացնելու համար քեզ ոչ ոք չի մեղադրել: Բնական ա, որ եթե բուսակերության վերաբերյալ հարց ունեիր, պիտի բուսակերության թեմայում գրեիր: Ես թեմայի ակտիվացման մասին նշել էլ ընդամենը One_Way_Ticket-ի էն ասածին ի պատասխան, որ, իբր, մսակերներին բուսակերները չեն հետաքրքրում, քանի դեռ իրենք թեման չեն բացել, ու որ միշտ իրենք են բուսակերության թեման բացում, իմ ասածն ընդամենը էն էր, որ իրականում էնքան էլ տենց չի, ու հենց տվյալ դեպքում էլ ճիշտ հակառակն ա` թեման բացողը (ակտիվացնողը) բուսակեր չէր:

    Ու ընդհանրապես, մարդկանց միայն բուսակերներն են բաժանում երկու խմբի՝ մսակերների ու բուսակերների։ Կոնկրետ ես ոչ թե մսակեր եմ, այլ իր սննդատեսակը որևէ այսպես կոչված բարոյական սկզբունքով չսահմանափակող մարդ, ով սնվում է նրանով, ինչը որ բնությունը ստեղծել է մարդ կենդանի օրգանիզմի բալանսավորված սննդի համար։
    Բուսակեր-մսակեր բաժանումը պայմանական ա, թե չէ` պարզ ա, որ մսակերները միայն միս չեն ուտում: Պարզապես թեմայի մասին խոսելիս ինչ-որ կերպ պիտի կոչվեն երևույթները, այլ կերպ հնարավոր չի, ու դրա մեջ որևէ բացասական իմաստ փնտրել պետք չի: Ինչ վերաբերում ա մարդու համար բնության ստեղծած բալանսավորված սննդին, ապա ոչ մի տեղ չես կարող որևէ համոզիչ աղբյուր գտնել, որի համաձայն մարդու բալանսավորված սնունդը պարտադիր ներառում ա նաև կենդանիներին: Ոչ մի հիմք չկա համարելու, որ որևէ կենդանի ստեղծված ա նաև մարդու սնունդը դառնալու համար:

    Այնուհանդերձ, որևէ բացատրող պատասխան չտրվեց, թե կենդանի օրգանիզմների աշխարհում կենդանական սննդի երևույթը՝ որպես անհրաժեշտություն, ինչու է "սխալ", կամ՝ եթե ճիշտ է այլ կենդանի օրգանիզմների համար, ինչու պիտի սխալ լինի մարդկանց համար։
    Տես, դու քո պատասխանով էլի հաստատում ես էն, ինչը ես ասում էի. ես ծավալուն գրառում էի արել` քո հարցին պատասխանելով, ճիշտ ա, ոչ սպառիչ, բայց բավական հիմնավոր ու հանգամանալից բացատրել էի, թե ինչով ա մարդու` միս ուտելը տարբերվում կենդանիների` միս ուտելուց: Բայց դու համարում ես, որ ես պատասխան չեմ տվել, քանի որ դու հարցդ ի սկզբանե պատասխան լսելու ակնկալիքով չէիր տվել, դու հարցդ տվել ես սեփական տեսակետի անսասան համոզվածությամբ, այն է` որ բուսակերության համար ոչ մի խելքը գլխին բացատրություն չի կարող լինել, այսինքն` բուսակերները դրա պատասխանը չունեն, հետևաբար բուսակերությունն անհիմն ու սխալ մոտեցում ա: Ինքդ քեզ հարց տուր ու լրիվ անկեղծ պատասխանի. արդյոք դու իսկապես մտածու՞մ էիր, որ գուցե լսես էնպիսի պատասխան, որը քեզ կստիպի փոխել վերաբերմունքդ միս ուտելու վերաբերյալ, թե՞ դու լրիվ համոզված էիր, որ միս ուտելը լրիվ բնական ու ճիշտ մոտեցում ա, ու բացառում էիր դրան հակադրվող որևէ հիմնավոր բացատրության հնարավորությունը: Ես համարյա վստահ եմ, որ երկրորդն ա:

    Իսկ ինչ վերաբերում է աղանդ, կրոնական ուղղություն բնորոշումներին, ապա երբ բուսակերները քննարկելու փոխարեն նման հիվանդագին ռեակցիա են ցուցաբերում (ինչը էլի եմ հանդիպել), էդ դեպքում նրանց բուսակերությունը ոչ թե նույնիսկ սկզբունքի տեսք է ունենում, այլ ինչ-որ դոգմատիկ կենսակերպի կամ ուղղության։
    Հետաքրքիր ա, հիվանդագին մոտեցումը հատկապես ո՞րն էր էստեղ: Ես շատ հանգիստ քննարկել եմ, բացատրել ու հիմնավորել եմ իմ ասելիքը, ուղղակի չէի կարող չնկատել հարցը տալու նախատրամադրվածությունը: Էլի ասեմ. ես հանդիպել եմ մսակերների, որոնք ինձ նմանատիպ հարցեր տվել են իսկապես հետաքրքրված լինելու ու իրենց համար էդ հարցերը պարզելու, իրենց չհասկացածը, չպատկերացրածը ավելի լավ հասկանալու, պատկերացնելու նպատակով: Դա շատ հեշտությամբ նկատվում ա: Այսինքն` նենց չի, որ ինձ բուսակերության մասին ինչ հարց տալիս են, ես տենց եմ ընկալում: Պարզապես քո դեպքում ակնհայտ էր, որ հարցն իսկապես իմանալու, հասկանալու նպատակով չէր տրվել, այլ սեփական տեսակետում անբեկանելիորեն համոզված լինելով` հիմնավոր բացատրության բացակայությունը ցույց տալու նպատակով (քո կարծիքով, էլի): Հետո նենց չի, էլի, որ էս թեմայով առաջին անգամ պիտի խոսեինք ես ու դու: Ես հո հազար տարի ա` գիտեմ քո վերաբերմունքը բուսակերության վերաբերյալ: Ու նաև հիշեցնեմ, որ էն մի քանի անգամները, երբ մենք էդ թեման քննարկել ենք իրար հետ, միշտ դու ես եղել թեման բացողը` փորձելով ինձ «դարձի բերել», հակառակ տարածված էն կարծիքի, որ, իբր, բուսակերության թեման միշտ բուսակերներն են բացում:

    Իսկ եթե համարում ես, որ բուսակերությունը աղանդ ա, քանի որ, ըստ քեզ, դոգմատիկ կենսակերպի կամ ուղղության ա վերածված, ապա կխնդրեմ դոգմայի որևէ օրինակ բերես բուսակերության հետ կապված: Ոչ մի դոգմա էլ չկա, կան բազմաթիվ տրամաբանական դիտարկումներ, հետազոտություններ, հիմքեր, փորձառություն և այլն, որոնցից ելնելով` մարդը կարող ա ճիշտ համարել բուսակերությունը: Բուսակերության հետ կապված չկա որևէ ինքնանպատակ, կույր համոզմունք, որը կարելի լինի դոգմա համարել:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  2. #107
    Պատվավոր անդամ
    Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    6,715
    Mentioned
    22 Post(s)
    Tagged
    0 Thread(s)
    Մեջբերում Ուլուանա-ի խոսքերից Նայել գրառումը
    Նախորդ թեմայում դրել էի էդ աղյուսակը, բայց հիմա չի երևում, նորից դնեմ: Աղյուսակում ներկայացված է մարդու և կենդանիների (ինչպես գիշակեր, այնպես էլ խոտակեր) կազմախոսական կառուցվածքի համեմատական վերլուծությունը.

    Կցորդ 56289
    Կցորդ 56290
    Կցորդ 56291
    Ակնհայտ կողմնակալ համեմատություններ ես բերում, մարդը ժանիքատամներ ունի, եղունգներ սմբակների փոխարեն ու չունի խոտակերներին բնորոշ բազմախոռոչ ստամոքսային համակարգը, աղեստամոքսային տրակտի ամբողջ երկարության հարաբերությունը մանիպուլիացիա է, հաշվի չի առնվում բարակ աղիների ու ստամոքսախորշերի ծավալները, թքի, էնզիմների ու ստամոսքսի թթվայնության թվայնական համեմատությունները անտեսված են, մի խոսքով, ոնց որ վեգանների բիբիլիայից լինի թխած :Ճ

    Ասենք, ավելի երկար-բարակ աղբյուրներ կարելի է գտնել, ասենք՝ որ մարդիկ ամենակեր են, ու ասենք սա էլ ասում է, որ մարդիկ մսակեր են
    Իրականում մենք ակնհայտ ամենակեր ենք, ավելի շուտ մսակերների թեքումով, քան բուսակերների, համենայն դեպս ցանկացած մարդ անկախ գեներից մսամթերք կմարսի առանց պրոբլեմի (դե մինչև բժիշկներին ռաստվելն ու որոշ օրգանների հեռացնելը, կամ գերզարգացած սնունդ ուտելը), իսկ այ խոտ՝ ոչ, փորձեք խոտ ուտել, եթե կասկածում եք։

    Իսկ թե ինչու են հենց մկների ու առնետների վրա անում փորձարկումները` չգիտեմ, բայց զուտ տրամաբանելով` ենթադրում եմ, որ, օրինակ, ավելի փոքր են, հարմար են, ավելի հեշտ կառավարելի, բացի դրանից, շատ ավելի հասանելի են ու շատ ավելի էժան նստող: Գուցե այլ պատճառներ էլ կան, չգիտեմ:
    Որովհետև մկները մեզ ահագին մոտ են շատ անատոմիական ֆունկցիաներով, ներառյալ մարսողությունը ։

    Բնականաբար, վայրի կենդանիների վերացման խնդիրը չի լուծվում զուտ բուծած կենդանիների միս չուտելով: Ուղղակի ընդհանրապես կենդանիներ ուտելուց հրաժարվելը ավելի շատ բարոյական իրավունք է տալիս խոսելու վայրի կենդանիների որսի դեմ, քանի որ երկու դեպքում էլ սպանվում են կենդանիներ:
    Մարդիկս գիշատիչներ ենք, մեր նախնիները որսորդությամբ են ապրել մինչև դոնաթների ու պիցցայի հայտնագործումը։ Ըստ տարբեր վարկածների, մարդիկ սկսել են բույսեր ու սերմեր հավաքել գձե տը մի 20 հազար տարի առաջ, այսպես կոչված նոր քարի կամ Նեոլիթի դարում, իսկ 20 հազար տարին ամենաաթեիստական ու ամենադարվինիստական գիտնականներին եթե հարցնես, չափազանց չնչին ժամանակահատված է մարդուս մարսողական համակարգի կենդանականից դեպի բուսական էվոլյուցիոն ձևափոխության համար։

    Դուք՝ բուսակերներդ լավ կլինի հաշտվեք այս մտքի հետ ու շարունակեք լինել բուսակեր։ Որովհետև աշխարհում էդքան միս չկա բոլորին բավարարելու համար ։Ճ

    Ի դեպ, բուծած կենդանիների մասին որ էլի խոսք բացեցիր, պատասխանեմ նաև ավելի վաղ գրառումներիցդ մեկում բարձրացրածդ մի հարցին (էն ժամանակ որոշել էի էլ չշարունակել բանավեճը, բայց քանի որ նորից մտել եմ, որոշեցի գրեմ ): Ասում ես` եթե չուտենք էդ կենդանիներին, դրանք ընդհանրապես կվերանան, քանի որ ինքնուրույն գոյատևելու ի վիճակի չեն: Հա, ի վիճակի չեն, էդտեղից էլ հարց է առաջանում, թե ի սկզբանե ինչի էր պետք նրանց ընդհանրապես զուտ որպես սնունդ բուծելը, ընտելացնելը: Իսկ հիմա, երբ արդեն բուծված են ու արդեն կան, կարելի է պարզապես նորերը չբուծել, եղածներին էլ թողնել` իրենց մահով մեռնեն-գնան: Թե չէ` մի տեսակ աբսուրդային է հնչում. «Կենդանիներին ուտենք, որպեսզի չվերանան» :
    Դե, ինչ որ անհրաժեշտ էր ապացուցելու համար, որ կենդանիներին չսպանելու մոտիվները ձևական են, դու ուզում ես, որ սպանություն չլինի, բայց օքեյ ես, որ կենդանին էլ առհասարակ չլինի։ Չկա կենդանի՝ չկա սպանություն։ Նույն տրամաբանությամբ կարելի է ողջ կենդանական աշխարհը վերացնել ու սպանությունները կվերանան, և բուսակերներդ երջանիկ եք։
    Si vis pacem, para bellum

  3. Գրառմանը 2 հոգի շնորհակալություն են հայտնել.

    Աթեիստ (25.01.2023), Բարեկամ (25.01.2023)

  4. #108
    Պատվավոր անդամ Բարեկամ-ի ավատար
    Գրանցման ամսաթիվ
    04.09.2006
    Գրառումներ
    3,159
    Բլոգի գրառումներ
    6
    Mentioned
    21 Post(s)
    Tagged
    0 Thread(s)
    Առանցքային տարբերությունը ամենակերների և բարոյական սկզբունքով առաջնորդվող բուսակերների միջև այն է, որ վերջիններս մարդու՝ կենդանուն սննդի նպատակով կյանքից զրկելու գործողությունը համարում են բարոյական տեսակետից բացասական արարք, դրանով ամենակերներներին ավտոմատ դասելով էդ տեսակետից բարոյապես ավելի ցածր էակների, քան իրենք՝ բուսակերներն են։ Դրանով է, որ բուսակերությունը դառնում է ուղղություն, կատեգորիա, իզմ, ու էդ կարգի։ Մինչդեռ ամենակերները, ոչինչ չունենալով մարդու՝ իր սննդակարգը իր ուզած ձևով ընտրելու երևույթի դեմ, ընդամենը փորձում են հասկանալ, թե այդ բուսակերային բարոյականության գործոնը ինչպես է տեղավորվում բուսակերների աշխարհահայացքում՝ գոյություն ունեցող կենդանական աշխարհի բնական օրենքների առկայության պայմաններում, ըստ որի կենդանին ստեղծված է (նաև) այլ կենդանու համար սնունդ դառնալու (քանի որ որոշ կենդանիներ առանց կենդանական սննդի պարզապես կսատկեն)։



    Ինքդ քեզ հարց տուր ու լրիվ անկեղծ պատասխանի. արդյոք դու իսկապես մտածու՞մ էիր, որ գուցե լսես էնպիսի պատասխան, որը քեզ կստիպի փոխել վերաբերմունքդ միս ուտելու վերաբերյալ, թե՞ դու լրիվ համոզված էիր, որ միս ուտելը լրիվ բնական ու ճիշտ մոտեցում ա, ու բացառում էիր դրան հակադրվող որևէ հիմնավոր բացատրության հնարավորությունը: Ես համարյա վստահ եմ, որ երկրորդն ա:
    Անկեղծ պատասխանում եմ․ ոչ առաջինը և ոչ երկրորդը։
    One_Way_Ticket-ը հստակ հասկացել էր հարցիս իրական իմաստը և նպատակը, մինչդեռ Անահիտը շարունակում է "անբեկանելիորեն համոզված" լինել, որ հարցս տակետակ կամ նենգ ներքին նպատակներ ունի "պատին դեմ տալու", որի նպատակն էլ երևի, ըստ Անահիտի, մեկին պատին դեմ տալուց թաքույց հաճույք ստանալն է (ինչը, երևի, հատուկ պիտի լինի բարոյականությունից կաղող ամենակերներին ): Հիմա որ ասեմ՝ սա հիվանդագին վերաբերմունք ա, կասեք՝ ասում ա

    Ինչ վերաբերում է տվածս հարցին Անահիտի տված "հիմնավոր" բացատրությանը՝ թե "ինչ-որ բան խաթարվել է բնության մեջ (ամենայն հավանականությամբ` էլի մարդու ձեռքով կամ առնվազն ոչ առանց նրա մասնակցության), որ որոշ կենդանիներ սկսել են ուտել այլ կենդանիների", սա առնվազն տարօրինակ տեսակետ է։ Կա՞ էս տեսակետի որևէ ապացուցված կամ գիտական հիմնավորում, և առհասարակ, ի՞նչ ձևով կարող էր մարդը կենդանիներին "ստիպել" ուտել այլ կենդանիների։
    Վերջին խմբագրող՝ Բարեկամ: 25.01.2023, 04:12:

  5. Գրառմանը 3 հոգի շնորհակալություն են հայտնել.

    Աթեիստ (25.01.2023), Նաիրուհի (27.01.2023), Վիշապ (25.01.2023)

  6. #109
    Պատվավոր անդամ
    Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    6,715
    Mentioned
    22 Post(s)
    Tagged
    0 Thread(s)
    Մեջբերում Վիշապ-ի խոսքերից Նայել գրառումը
    Ասենք, ավելի երկար-բարակ աղբյուրներ կարելի է գտնել, ասենք՝ որ մարդիկ ամենակեր են, ու ասենք սա էլ ասում է, որ մարդիկ մսակեր են
    ...
    Ներողություն, նույն հղումն եմ երկու անգամ տվել, մարդիկ մսակեր են՝ հղում և մի հատ էլ բոնուս:
    Էլի կգտնեք, որ ման գաք, ու իհարկե հարյուր տոկոսանոց ապացույցներ չեն, բայց դե ինչպես հին բարի ժամանակներում, կարելի է բոլոր տեսակետները կարդալ ու տրամաբանել… Առաջարկում եմ: Դաս չեմ տալիս, ոչ էլ խորհուրդ: Տնային աշխատանք չկա, վերջում քննություն չի լինելու:
    Si vis pacem, para bellum

  7. #110
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    41
    Գրառումներ
    12,491
    Բլոգի գրառումներ
    21
    Mentioned
    29 Post(s)
    Tagged
    0 Thread(s)
    Մեջբերում Վիշապ-ի խոսքերից Նայել գրառումը
    Ակնհայտ կողմնակալ համեմատություններ ես բերում, մարդը ժանիքատամներ ունի, եղունգներ սմբակների փոխարեն ու չունի խոտակերներին բնորոշ բազմախոռոչ ստամոքսային համակարգը, աղեստամոքսային տրակտի ամբողջ երկարության հարաբերությունը մանիպուլիացիա է, հաշվի չի առնվում բարակ աղիների ու ստամոքսախորշերի ծավալները, թքի, էնզիմների ու ստամոսքսի թթվայնության թվայնական համեմատությունները անտեսված են, մի խոսքով, ոնց որ վեգանների բիբիլիայից լինի թխած :Ճ

    Ասենք, ավելի երկար-բարակ աղբյուրներ կարելի է գտնել, ասենք՝ որ մարդիկ ամենակեր են, ու ասենք սա էլ ասում է, որ մարդիկ մսակեր են
    Իրականում մենք ակնհայտ ամենակեր ենք, ավելի շուտ մսակերների թեքումով, քան բուսակերների, համենայն դեպս ցանկացած մարդ անկախ գեներից մսամթերք կմարսի առանց պրոբլեմի (դե մինչև բժիշկներին ռաստվելն ու որոշ օրգանների հեռացնելը, կամ գերզարգացած սնունդ ուտելը), իսկ այ խոտ՝ ոչ, փորձեք խոտ ուտել, եթե կասկածում եք։
    Էդ նույն հաջողությամբ ես էլ կարող եմ ասել, որ քո բացատրություններն են կողմնակալ ու վերածդ աղբյուրները` մսակերի բիբլիայից:
    Մարդու ժանիքները չեղածի հաշիվ են, հեչ համեմատելու չեն գիշատիչների ժանիքների հետ: Իսկ թքի, թթվայնության մասին նշված էր աղյուսակում: Աղյուսակից չի հետևում, թե մարդը խոտակեր ա: Մարդն առավելապես պտղակեր ա, պարզապես իր կառուցվածքով ավելի մոտ ա խոտակերներին, քան գիշակերներին, էդքան բան:


    Մարդիկս գիշատիչներ ենք, մեր նախնիները որսորդությամբ են ապրել մինչև դոնաթների ու պիցցայի հայտնագործումը։ Ըստ տարբեր վարկածների, մարդիկ սկսել են բույսեր ու սերմեր հավաքել գձե տը մի 20 հազար տարի առաջ, այսպես կոչված նոր քարի կամ Նեոլիթի դարում, իսկ 20 հազար տարին ամենաաթեիստական ու ամենադարվինիստական գիտնականներին եթե հարցնես, չափազանց չնչին ժամանակահատված է մարդուս մարսողական համակարգի կենդանականից դեպի բուսական էվոլյուցիոն ձևափոխության համար։

    Դուք՝ բուսակերներդ լավ կլինի հաշտվեք այս մտքի հետ ու շարունակեք լինել բուսակեր։ Որովհետև աշխարհում էդքան միս չկա բոլորին բավարարելու համար ։Ճ
    Վիշապ ջան, ես լրիվ հասկանում եմ, որ դու միս կյանքիցդ շատ ես սիրում ու պատրաստ ես նույնիսկ կյանքիդ գնով պաշտպանելու միս ուտելու քո իրավունքը: Այն քեզնից ոչ ոք չի խլում, ու քո կենդանության օրոք դժվար թե մարդկանց մսակերությունը հասցնի վերանալ (մի օր հաստատ վերանալու ա, դրանում կասկած չունեմ, բայց էս կյանքում մենք դա չենք տեսնի, իսկ հաջորդ կյանքին դու, մեկ ա, չես հավատում, չէ՞), նենց որ հանգիստ եղի :


    Դե, ինչ որ անհրաժեշտ էր ապացուցելու համար, որ կենդանիներին չսպանելու մոտիվները ձևական են, դու ուզում ես, որ սպանություն չլինի, բայց օքեյ ես, որ կենդանին էլ առհասարակ չլինի։ Չկա կենդանի՝ չկա սպանություն։ Նույն տրամաբանությամբ կարելի է ողջ կենդանական աշխարհը վերացնել ու սպանությունները կվերանան, և բուսակերներդ երջանիկ եք։
    Ինչ-որ սխալ եզրակացություններ ես անում: Ես որևէ կենդանու սպանելու առաջարկ չեմ արել: Ընդամենը առաջարկում եմ այլևս չբուծել, չբազմացնել էն կենդանիներին, որոնք մարդն արհեստականորեն բուծել-ընտելացրել ա ու դարձրել իրենից կախված, անօգնական, ինքնուրույն գոյատևելու անընդունակ արարածներ: Եղածները թող ապրեն իրենց համար, մինչև բնականորեն մեռնեն իրենց մահով: Թե՞ մորթելն ավելի մարդկային ես համարում, քան թողնելը, որ բնական մահով մեռնեն:
    Իսկ ընդհանրապես ես համարում եմ, որ ի սզբանե բնությունն ամեն ինչ ճիշտ ստեղծել ա, այսինքն` ինչից ինչքան որ պետք ա, ինչ ձևի որ պետք ա ու որտեղ որ պետք ա` ստեղծվել ա, որովհետև բնության մեջ ամեն կենդանի արարած իր դերն ունի, իր տեղն ունի ու իր ֆունկցիան, ոչ մեկն ավելորդ չի ստեղծվել, ու ցանկացած տեսակի պակասելը կամ վերանալն էլ, համոզված եմ, բացասաբար ա անդրադառնում բնության ու ընդհանրապես մոլորակի վրա` մեկինը մի քիչ շատ, մյուսինը` մի քիչ քիչ, բայց բոլորինն էլ ազդում ա, որովհետև բոլորը միասին բալանս են ապահովում. իրար ուտելով, իրար սիրելով թե ոնց, բայց փաստ ա, որ երբ մենք չենք միջամտում, իրենք իրենցով բնության մեջ բալանս են պահում, իսկ վերանում կամ պակասում են մենակ երբ մենք ենք միջամտում: Բնության մեջ ի սկզբանե խոզ, կով, հավ չեն եղել, հետևաբար էդ տեսակների վերանալու պատճառով մարդու քիմքից բացի, ուրիշ ոչինչ չի տուժելու, բնությունը չի տուժելու, հետևաբար ես բոլորովին չեմ ափսոսա, եթե էդ կենդանատեսակները մի օր ուղղակի վերանան: Ես ցավ կապրեմ դրանցից ամեն մեկի մորթվելուց, բայց զուտ որպես տեսակ վերանալուց` ոչ, քանի որ իրենք բնության մեջ ի սկզբանե տեղ չեն ունեցել:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  8. #111
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    41
    Գրառումներ
    12,491
    Բլոգի գրառումներ
    21
    Mentioned
    29 Post(s)
    Tagged
    0 Thread(s)
    Մեջբերում Բարեկամ-ի խոսքերից Նայել գրառումը
    Առանցքային տարբերությունը ամենակերների և բարոյական սկզբունքով առաջնորդվող բուսակերների միջև այն է, որ վերջիններս մարդու՝ կենդանուն սննդի նպատակով կյանքից զրկելու գործողությունը համարում են բարոյական տեսակետից բացասական արարք, դրանով ամենակերներներին ավտոմատ դասելով էդ տեսակետից բարոյապես ավելի ցածր էակների, քան իրենք՝ բուսակերներն են։
    Ես ընդհանրապես աշխատում եմ հնարավորինս քիչ դատել մարդկանց, նկատի ունեմ` կոնկրետ մարդկանց, ինձ էլ ոչ ոքից բարձր կամ ցածր չեմ դասում, բայց դա չի խանգարում կոնկրետ երևույթներ իրենց անուններով կոչելուն: Իսկ մսակերներին համարում եմ ոչ թե բարոյապես ավելի ցածր էակներ, այլ պարզապես կոնկրետ էդ հարցում դեռևս համապատասխան գիտակցության չեկած էակներ: ) Բայց դե ի՞նչ կա դրա մեջ, հաստատ կան բաներ, որոնցում էլ դու կամ մեկ ուրիշը ինձնից ավելի գիտակից եք, նորմալ ա: ) Բնական ա, որ չենք կարող բոլորս բոլոր հարցերում հավասարապես գիտակից լինել:



    Անկեղծ պատասխանում եմ․ ոչ առաջինը և ոչ երկրորդը։
    One_Way_Ticket-ը հստակ հասկացել էր հարցիս իրական իմաստը և նպատակը, մինչդեռ Անահիտը շարունակում է "անբեկանելիորեն համոզված" լինել, որ հարցս տակետակ կամ նենգ ներքին նպատակներ ունի "պատին դեմ տալու", որի նպատակն էլ երևի, ըստ Անահիտի, մեկին պատին դեմ տալուց թաքույց հաճույք ստանալն է (ինչը, երևի, հատուկ պիտի լինի բարոյականությունից կաղող ամենակերներին ): Հիմա որ ասեմ՝ սա հիվանդագին վերաբերմունք ա, կասեք՝ ասում ա
    Չէ, բոլորովին չեմ մտածել, թե ինձ պատին դեմ տալուց հաճույք ես ստանալու: Հաճույք ես ստանալու միս ուտելու քո իրավունքըին սպառնացող պոտենցիալ հակափաստարկների բացակայությունն ի ցույց դնելուց : Պարզ ա, որ իմ անձը տվյալ դեպքում կապ չուներ: Էդ էր պակաս, որ դու իմ անձի դեմ բան ունենայիր, այ քեզ բան :

    Ինչ վերաբերում է տվածս հարցին Անահիտի տված "հիմնավոր" բացատրությանը՝ թե "ինչ-որ բան խաթարվել է բնության մեջ (ամենայն հավանականությամբ` էլի մարդու ձեռքով կամ առնվազն ոչ առանց նրա մասնակցության), որ որոշ կենդանիներ սկսել են ուտել այլ կենդանիների", սա առնվազն տարօրինակ տեսակետ է։ Կա՞ էս տեսակետի որևէ ապացուցված կամ գիտական հիմնավորում, և առհասարակ, ի՞նչ ձևով կարող էր մարդը կենդանիներին "ստիպել" ուտել այլ կենդանիների։
    Կոնկրետ դա հիմնավոր բացատրություն չէր, այլ ընդամենը ենթադրություն, ու ես էդպես էլ գրել էի, ոչ թե ներկայացրել էի որպես հիմնավոր փաստարկ կամ գիտականորեն ապացուցված փաստ:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  9. #112
    Պատվավոր անդամ Բարեկամ-ի ավատար
    Գրանցման ամսաթիվ
    04.09.2006
    Գրառումներ
    3,159
    Բլոգի գրառումներ
    6
    Mentioned
    21 Post(s)
    Tagged
    0 Thread(s)
    Մեջբերում Բարեկամ-ի խոսքերից Նայել գրառումը
    Այնուհանդերձ, որևէ բացատրող պատասխան չտրվեց, թե կենդանի օրգանիզմների աշխարհում կենդանական սննդի երևույթը՝ որպես անհրաժեշտություն, ինչու է "սխալ", կամ՝ եթե ճիշտ է այլ կենդանի օրգանիզմների համար, ինչու պիտի սխալ լինի մարդկանց համար։
    Մեջբերում Ուլուանա-ի խոսքերից Նայել գրառումը
    ես ծավալուն գրառում էի արել` քո հարցին պատասխանելով, ճիշտ ա, ոչ սպառիչ, բայց բավական հիմնավոր ու հանգամանալից բացատրել էի, թե ինչով ա մարդու` միս ուտելը տարբերվում կենդանիների` միս ուտելուց:
    Մեջբերում Ուլուանա-ի խոսքերից Նայել գրառումը

    Կոնկրետ դա հիմնավոր բացատրություն չէր, այլ ընդամենը ենթադրություն, ու ես էդպես էլ գրել էի, ոչ թե ներկայացրել էի որպես հիմնավոր փաստարկ կամ գիտականորեն ապացուցված փաստ:


    Հիմա կոնկրետ հարցիս հիմնավոր բացատրություն-պատասխան ստացե՞լ եմ, թե՞ չեմ ստացել
    Վերջին խմբագրող՝ Բարեկամ: 25.01.2023, 08:38:

  10. #113
    Պատվավոր անդամ Բարեկամ-ի ավատար
    Գրանցման ամսաթիվ
    04.09.2006
    Գրառումներ
    3,159
    Բլոգի գրառումներ
    6
    Mentioned
    21 Post(s)
    Tagged
    0 Thread(s)
    Մեջբերում Ուլուանա-ի խոսքերից Նայել գրառումը

    Վիշապ ջան, ես լրիվ հասկանում եմ, որ դու միս կյանքիցդ շատ ես սիրում ու պատրաստ ես նույնիսկ կյանքիդ գնով պաշտպանելու միս ուտելու քո իրավունքը: Այն քեզնից ոչ ոք չի խլում, ու քո կենդանության օրոք դժվար թե մարդկանց մսակերությունը հասցնի վերանալ (մի օր հաստատ վերանալու ա, դրանում կասկած չունեմ, բայց էս կյանքում մենք դա չենք տեսնի, իսկ հաջորդ կյանքին դու, մեկ ա, չես հավատում, չէ՞), նենց որ հանգիստ եղի :
    Դե տեսնում ես, փաստորեն մսակերության վերացման [հուսո] հեռանկարը բուսակերները համարում են ավելի ճիշտ ու բարոյական աշխարհ, ինչից ենթադրում ես, որ ամենակերներն են նաև (գիտակից, թե անգիտակից) իրենց կործանիչ լուման ներդնում աշխարհի նեիկայիս "սխալ ու անբարո" վիճակի մեջ։ Բա սա դատ ու մեղադրանք չի, ի՞նչ ա։

    Իսկ ո՞նց ես պատկերացնում․ էդ բուսակեր աշխարհում միայն մարդի՞կ են դադարելու կենդանիներին կյանքից զրկել՝ սնվելու համար, թե՞ կենդանիներն են։
    Եթե միայն մարդիկ, մի տեսակ անարդար խտրականություն ա ստացվում, ու նաև՝ այսպես կոչված "գիտակից" մարդը, իրեն բուսակերության ենթարկելով, արդյոք չի՞ միջամտում բնության բնականոն ընթացքին ու շրջանառությանը, ուր հենց բնությա՛ն ստեղծած կենդանի օրգանիզմները ստեղծված են այնպես, որ միս պիտի ուտեն, որ ապրեն /առանց որևէ գիտակից ընտրության/։
    Իսկ եթե կենդանիներն էլ էդ "իդեալական" աշխարհում սնվելու համար պիտի միմյանց կյանքից չզրկեն, ապա ի՞նչ ձևով են նրանք "դարձի գալու" Բնությունը, ինչպես տեսնում ենք, մսակեր կենդանիներին չի վերացնում որպես էվոլյուցիոն "սխալ"։ Ուրեմն, մնում ա դարձյալ մարդը, որ իր "բարձր բարոյական գիտակցությամբ" հաշվեհարդար տեսնի կենդանասպան կենդանիների հետ և աշխարհը դարձնի մաքուր-բուսակեր

    Ես մի հարց էլ ունեի բուսակերներին։
    Այն, որ երբ մարդը սննդի համար կենդանի է մորթում, մորթվող կենդանու հանդեպ խղճահարություն եք զգում, իսկ մորթողի հանդեպ՝ առնվազն ոչ դրական վերաբերմունք, էդ հասկանալի ա։
    Իսկ ի՞նչ եք զգում, օրինակ, առյուծի հանդեպ և առհասարակ, երբ տեսնում եք, թե ինչպես է նա անխնա հոշոտում եղնիկին, ասենք։
    Վերջին խմբագրող՝ Բարեկամ: 25.01.2023, 09:13:

  11. Գրառմանը 1 հոգի շնորհակալություն է հայտնել.

    Վիշապ (25.01.2023)

  12. #114
    Պատվավոր անդամ
    Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    6,715
    Mentioned
    22 Post(s)
    Tagged
    0 Thread(s)
    Մեջբերում Ուլուանա-ի խոսքերից Նայել գրառումը
    ...
    Ինչ-որ սխալ եզրակացություններ ես անում: Ես որևէ կենդանու սպանելու առաջարկ չեմ արել: Ընդամենը առաջարկում եմ այլևս չբուծել, չբազմացնել էն կենդանիներին, որոնք մարդն արհեստականորեն բուծել-ընտելացրել ա ու դարձրել իրենից կախված, անօգնական, ինքնուրույն գոյատևելու անընդունակ արարածներ: Եղածները թող ապրեն իրենց համար, մինչև բնականորեն մեռնեն իրենց մահով: Թե՞ մորթելն ավելի մարդկային ես համարում, քան թողնելը, որ բնական մահով մեռնեն:
    Իսկ ընդհանրապես ես համարում եմ, որ ի սզբանե բնությունն ամեն ինչ ճիշտ ստեղծել ա, այսինքն` ինչից ինչքան որ պետք ա, ինչ ձևի որ պետք ա ու որտեղ որ պետք ա` ստեղծվել ա, որովհետև բնության մեջ ամեն կենդանի արարած իր դերն ունի, իր տեղն ունի ու իր ֆունկցիան, ոչ մեկն ավելորդ չի ստեղծվել, ու ցանկացած տեսակի պակասելը կամ վերանալն էլ, համոզված եմ, բացասաբար ա անդրադառնում բնության ու ընդհանրապես մոլորակի վրա` մեկինը մի քիչ շատ, մյուսինը` մի քիչ քիչ, բայց բոլորինն էլ ազդում ա, որովհետև բոլորը միասին բալանս են ապահովում. իրար ուտելով, իրար սիրելով թե ոնց, բայց փաստ ա, որ երբ մենք չենք միջամտում, իրենք իրենցով բնության մեջ բալանս են պահում, իսկ վերանում կամ պակասում են մենակ երբ մենք ենք միջամտում: Բնության մեջ ի սկզբանե խոզ, կով, հավ չեն եղել, հետևաբար էդ տեսակների վերանալու պատճառով մարդու քիմքից բացի, ուրիշ ոչինչ չի տուժելու, բնությունը չի տուժելու, հետևաբար ես բոլորովին չեմ ափսոսա, եթե էդ կենդանատեսակները մի օր ուղղակի վերանան: Ես ցավ կապրեմ դրանցից ամեն մեկի մորթվելուց, բայց զուտ որպես տեսակ վերանալուց` ոչ, քանի որ իրենք բնության մեջ ի սկզբանե տեղ չեն ունեցել:
    Ուլու ջան, դու չես կարող միաժամանակ համ բնության ճշտին հավատալ ու համ էլ կենդանիներին ուտելուն դեմ լինել։ Չե՞ս կարծում, որ ինքդ քեզ հակասում ես, արհեստական աշխարհ ես փորձում ստեղծել քեզ ցանկալի կատեգորիաներով։ Մարդը քարե դարից հետո սկսել է ընտանի կենդանիներ բուծել բույսեր աճեցնելու հետ մեկտեղ, սրանցից մեկը դու արհեստական ես համարում, մյուսը` բնական։ Խոզը, կովն ու հավը օդից չեն իջել այլ եղել են բնության մեջ վայրի տեսքով, մարդը սրանց դարձրել է ընտանի, որ սաղ օրը որսի քարշ գալու փոխարեն արվեստով ու մշակույթով զբաղվի ու փիլիսոփայի։
    Մենք բնության գործերին միջամտելու բոլոր սահմանները համարյա անցել ենք վերջին դարում, բայց սա կենդանիներին բուծելու ու ուտելու հետ վայթե հեչ կապ չունի։ Կլիմայական խնդիրների մեջ կովաբուծության վրա կենտրոնանալը «գիտնականների» կողմից փրփուրներից կախվել է ու նաև բիզնեսային կողմնակալության արդյունք։

    Վիշապ ջան, ես լրիվ հասկանում եմ, որ դու միս կյանքիցդ շատ ես սիրում ու պատրաստ ես նույնիսկ կյանքիդ գնով պաշտպանելու միս ուտելու քո իրավունքը: Այն քեզնից ոչ ոք չի խլում, ու քո կենդանության օրոք դժվար թե մարդկանց մսակերությունը հասցնի վերանալ (մի օր հաստատ վերանալու ա, դրանում կասկած չունեմ, բայց էս կյանքում մենք դա չենք տեսնի, իսկ հաջորդ կյանքին դու, մեկ ա, չես հավատում, չէ՞), նենց որ հանգիստ եղի :
    Իմ կարծիքով դու խառնում ես օբյեկտիվ իրականությունը իմ սուբյեկտիվ ցանկությունների հետ։ Եթե անկեղծ ասեմ, ես շատ եմ սիրում խմորեղեն, բրնձով փլավ ու սպագետի` իր լեչոյով, կամ լցոնած բադրիջանով բանով, բայց հանգամանքների բերմամբ ստիպված եմ հրաժարվել ածխաջրերից։ Ճիշտն ասած հաջորդ կյանքի հավես չունեմ, ներկան էլ առանձնապես ոգևորիչ չի, հաշվի առնելով մարդկության վառ օբյեկտիվությունն ու իրականության ադեկվատ ընկալումները։
    Si vis pacem, para bellum

  13. #115
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    41
    Գրառումներ
    12,491
    Բլոգի գրառումներ
    21
    Mentioned
    29 Post(s)
    Tagged
    0 Thread(s)
    Մեջբերում Բարեկամ-ի խոսքերից Նայել գրառումը
    Հիմա կոնկրետ հարցիս հիմնավոր բացատրություն-պատասխան ստացե՞լ եմ, թե՞ չեմ ստացել
    Ան, ինչի՞ ես տենց ընտրովի վերաբերմունք ցուցաբերում գրածներիս նկատմամբ: Ես մանրամասն ներկայացրել եմ մարդու ու կենդանու տարբերությունները միս ուտելու հարցում, որոնք քո հարցի պատասխանի մեջ էին մտնում: Դու էդ ամեն ինչը նախընտրել ես անտեսել ու կենտրոնանալ մենակ մի կետի վրա, որտեղ «ենթադրություն» բառը կար: Էսքանից հետո արդեն անիմաստ եմ համարում էդ հարցին անդրադառնալը: Համարի, որ ուզածդ ապացուցեցիր:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  14. #116
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    41
    Գրառումներ
    12,491
    Բլոգի գրառումներ
    21
    Mentioned
    29 Post(s)
    Tagged
    0 Thread(s)
    Մեջբերում Բարեկամ-ի խոսքերից Նայել գրառումը
    Դե տեսնում ես, փաստորեն մսակերության վերացման [հուսո] հեռանկարը բուսակերները համարում են ավելի ճիշտ ու բարոյական աշխարհ, ինչից ենթադրում ես, որ ամենակերներն են նաև (գիտակից, թե անգիտակից) իրենց կործանիչ լուման ներդնում աշխարհի նեիկայիս "սխալ ու անբարո" վիճակի մեջ։ Բա սա դատ ու մեղադրանք չի, ի՞նչ ա։
    Ասեմ ինչ ա. ցավ ա, ափսոսանք ա, տխրություն ա, երբեմն` անզորության զգացում, որ էդքան մարդ չի գիտակցում, որ դա սխալ ա` դաժան ու անարդար:

    Իսկ ո՞նց ես պատկերացնում․ էդ բուսակեր աշխարհում միայն մարդի՞կ են դադարելու կենդանիներին կյանքից զրկել՝ սնվելու համար, թե՞ կենդանիներն են։
    Եթե միայն մարդիկ, մի տեսակ անարդար խտրականություն ա ստացվում, ու նաև՝ այսպես կոչված "գիտակից" մարդը, իրեն բուսակերության ենթարկելով, արդյոք չի՞ միջամտում բնության բնականոն ընթացքին ու շրջանառությանը, ուր հենց բնությա՛ն ստեղծած կենդանի օրգանիզմները ստեղծված են այնպես, որ միս պիտի ուտեն, որ ապրեն /առանց որևէ գիտակից ընտրության/։
    Իսկ եթե կենդանիներն էլ էդ "իդեալական" աշխարհում սնվելու համար պիտի միմյանց կյանքից չզրկեն, ապա ի՞նչ ձևով են նրանք "դարձի գալու" Բնությունը, ինչպես տեսնում ենք, մսակեր կենդանիներին չի վերացնում որպես էվոլյուցիոն "սխալ"։ Ուրեմն, մնում ա դարձյալ մարդը, որ իր "բարձր բարոյական գիտակցությամբ" հաշվեհարդար տեսնի կենդանասպան կենդանիների հետ և աշխարհը դարձնի մաքուր-բուսակեր
    Ճիշտն ասած` ինձ համար լրիվ անհասկանալի ա, թե ինչի պիտի բանական մարդ արարածն իր պահվածքի ճիշտ ու սխալի հարցում որպես չափանիշ ընդունի կենդանիների, էն էլ` գիշատիչ կենդանիների պահվածքը: Հենց նրանով ա մարդը մարդ, որ լինելով բոլոր կենդանի էակների մեջ միակ բանական էակը` ունի և՛ գիտակցություն, և՛ բանականություն, և՛ խիղճ, և լայն ընտրություն. էս ամենը, հատկապես լայն ընտրությունը (տո ոչ էլ նեղ), կենդանին չունի: Հիմա դու ուզում ես ասել, որ զուտ էն պատճառով, որ կենդանիներն էլ են բնության մաս, մարդն էլ, էն ամենը, ինչ նորմալ ա կենդանու համար, մարդու համար է՞լ ա նորմալ: Լո՞ւրջ: Կամ էդ ի՞նչ տրամաբանությամբ ա կենդանուն մորթել-ուտելը «բնականոն ընթացքին» համահունչ ապրել համարվում, իսկ չմորթել-չուտելը, այսինքն` որևէ կերպ բնականոն ընթացքին չմիջամտելը` բնականոն ընթացքը խաթարել: Մի հատ զգա, էլի, անտրամաբանականության աստիճանը:

    Ես տարբեր առիթներով ասել եմ, նորից ասեմ. ինձ համար կա մի բացարձակ, անբեկանելի, երկաթյա ու միաժականակ ոսկե կանոն. ուրիշների հետ վարվիր էնպես, ինչպես որ կուզենայիր, որ քեզ հետ վարվեին: Կուզենայի՞ արդյոք, որ ինձ մորթեին-ուտեին: Բնականաբար` ոչ: Հետևաբար ինձ համար ոչ մի դեպքում, ոչ մի կերպ չի կարող ընդունելի լինել որևէ կենդանի արարածի նկատմամբ նույնն անելը` ո՛չ ուտելը, ո՛չ էլ մորթելու գործում որևէ կերպ լումա ունենալը: Կարող եք սա համարել միամտություն, պրիմիտիվություն, սենտիմենտալություն կամ հիմարություն` ձեր գործն ա: Ինձ համար սա անխափան գործող սկզբունք ա, որով միշտ առաջնորդվել եմ ու մտադիր եմ առաջնորդվել: Թե ով ում կուտի, ով ում կմորթի` մարդը կենդանուն, թե կենդանին մարդուն, թե բոլորն իրար` իմ պահվածքի համար կողմնորոշիչ լինել չի կարող: Ես իմ խղճով եմ առաջնորդվում, իսկ իմ խիղճն ինձ թելադրում ա ոչ մի կենդանի արարածի կյանքից չզրկել ու դրան հնարավորինս չնպաստել: Էդքան բան:

    Ես մի հարց էլ ունեի բուսակերներին։
    Այն, որ երբ մարդը սննդի համար կենդանի է մորթում, մորթվող կենդանու հանդեպ խղճահարություն եք զգում, իսկ մորթողի հանդեպ՝ առնվազն ոչ դրական վերաբերմունք, էդ հասկանալի ա։
    Իսկ ի՞նչ եք զգում, օրինակ, առյուծի հանդեպ և առհասարակ, երբ տեսնում եք, թե ինչպես է նա անխնա հոշոտում եղնիկին, ասենք։
    Ափսոսանք, որ նրան այլ տարբերակ տրված չի, ու ստիպված ա էդպես գոյատևել, բայց միաժամանակ մտածում եմ, որ եթե էդպես ա, ուրեմն գուցե էդպես ա պետք: Ես ամեն դեպքում վստահում եմ բնությանը:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  15. #117
    ավագ մոդեր
    Ուլուանա-ի ավատար
    Գրանցման ամսաթիվ
    17.03.2006
    Հասցե
    ԱՄՆ
    Տարիք
    41
    Գրառումներ
    12,491
    Բլոգի գրառումներ
    21
    Mentioned
    29 Post(s)
    Tagged
    0 Thread(s)
    Մեջբերում Վիշապ-ի խոսքերից Նայել գրառումը
    Ուլու ջան, դու չես կարող միաժամանակ համ բնության ճշտին հավատալ ու համ էլ կենդանիներին ուտելուն դեմ լինել։ Չե՞ս կարծում, որ ինքդ քեզ հակասում ես, արհեստական աշխարհ ես փորձում ստեղծել քեզ ցանկալի կատեգորիաներով։ Մարդը քարե դարից հետո սկսել է ընտանի կենդանիներ բուծել բույսեր աճեցնելու հետ մեկտեղ, սրանցից մեկը դու արհեստական ես համարում, մյուսը` բնական։ Խոզը, կովն ու հավը օդից չեն իջել այլ եղել են բնության մեջ վայրի տեսքով, մարդը սրանց դարձրել է ընտանի, որ սաղ օրը որսի քարշ գալու փոխարեն արվեստով ու մշակույթով զբաղվի ու փիլիսոփայի։
    Մենք բնության գործերին միջամտելու բոլոր սահմանները համարյա անցել ենք վերջին դարում, բայց սա կենդանիներին բուծելու ու ուտելու հետ վայթե հեչ կապ չունի։
    Պարզ ա, որ կովը, հավն ու խոզը օդից չեն իջել, եղել են վայրի, թող տենց վայրի էլ մնային: Դրանց մասին ես խոսեցի էն ժամանակ, երբ ասեցիր` բա ի՞նչ ենք անելու էդ կենդանիներին, որոնք վայրի բնության մեջ չեն կարող ապրել, կվերանան: Իմ ասածն էլ էն ա, որ եթե համարենք, որ կենդանիներին սպանելն ու ուտելն ընդհանրապես սխալ ա, անբնական ա, էդ տեսակների գոյությունն էլ ավտոմատ անիմաստ կդառնա որպես տեսակ, այսինքն` եղածներն իրենց մահով որ մեռնեն, ու նորերը չբուծվեն, չբազմացվեն, դա կլինի բնական ու ճիշտ: Եթե բնության մեջ հաջողացնեն գոյատևել` թող ապրեն, ուրեմն դա կլինի ճիշտը: Իսկ դու խորացար լրիվ ուրիշ ուղղություններով:

    Կլիմայական խնդիրների մեջ կովաբուծության վրա կենտրոնանալը «գիտնականների» կողմից փրփուրներից կախվել է ու նաև բիզնեսային կողմնակալության արդյունք։
    Բիզնեսային կողմնակալության հարց իրականում ճիշտ հակառակ կողմում կա: Նենց հետաքրքիր ա, թե ինչի հեչ չես խոսում մսամթերք արտադրող կորպորացիաների մասին, որոնք տակ կտան, եթե մարդիկ միս չուտեն: Հեչ մտքովդ չի անցե՞լ, թե նրանց ինչ աստիճանի ձեռնտու չի մսի սպառման նվազումը, էլ չեմ ասում` վերացումը, ու ըստ այդմ` հակաբուսակերական պրոպագանդան ու ուղեղալվացումը: Մի հատ խորացի, թե ինչքան բիզնեսներ են վարի գնալու, եթե մարդիկ սկսեն միս չուտել: Իսկ հակառակ կողմի դեպքում անձնական շահի հարց չկա. կա ընդամենը մտահոգություն աշխարհի` էկոլոգիայի, տնտեսության, առողջության ոլորտներում, որը բոլորին ա վերաբերում: Կարո՞ղ ես բուսակերությունից ստացվող որևէ անձնական շահի հնարավոր օրինակ բերել:

    Իմ կարծիքով դու խառնում ես օբյեկտիվ իրականությունը իմ սուբյեկտիվ ցանկությունների հետ։ Եթե անկեղծ ասեմ, ես շատ եմ սիրում խմորեղեն, բրնձով փլավ ու սպագետի` իր լեչոյով, կամ լցոնած բադրիջանով բանով, բայց հանգամանքների բերմամբ ստիպված եմ հրաժարվել ածխաջրերից։ Ճիշտն ասած հաջորդ կյանքի հավես չունեմ, ներկան էլ առանձնապես ոգևորիչ չի, հաշվի առնելով մարդկության վառ օբյեկտիվությունն ու իրականության ադեկվատ ընկալումները։
    Լավ, ուրեմն էդ հարցում սխալ տպավորություն եմ ստացել, կներես: Բայց էս վերջին նախադասությունիցդ արդեն սկսում եմ անհանգստանալ. կարո՞ղ ա` էս գրառումիցս հետո արդեն սուիցիդալ մտքեր առաջանան մեջդ:

    Էս թեման ահավոր շատ ժամանակ ու էներգիա ա խժռում ինձնից: Հուսով եմ` սա վերջին գրառումս կլինի էստեղ: Արդեն անիմաստ ա, չնայած հենց սկզբից պիտի հասկացած լինեի, որ հռետորական հարցի պատասխանելն անիմաստ, ժամանակատար ու էներգատար զբաղմունք ա:
    Վերջին խմբագրող՝ Ուլուանա: 26.01.2023, 02:53:
    Երջանկությունը ճամփորդելու ձև է, ոչ թե նպատակակետ։
    Ռոյ Գուդման

  16. #118
    Պատվավոր անդամ
    Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    6,715
    Mentioned
    22 Post(s)
    Tagged
    0 Thread(s)
    Ուլու ջան, խնդիրն այն է, որ դու դատում ես էմոցիաներով ու բարոյական նորմերով, որոնք սուբյեկտիվ են, դու չես ուզում ընդունել փաստերն ու օբյեկտիվ իրականությունը, որ մարդիկս գիշատիչ կենդանիներ ենք ու մարդս մարդ ա դառել կենդանիներին ուտելով:
    Էն որ, այնպես է ստացվել, որ մարդս «յոլա է գնում» միայն բույսերով (իրականում պիտի խոստովանես, որ լրացուցիչ ճիգեր ես թափում, որ ինչ-ինչ սննդանյութերի դեֆիցիտ չունենաս միս ու ձու չուտելու արդյունքում), դրանից քո տրամաբանությունը երկաթյա չի դառնում։

    Նախ եթե ես բուծարանում կով ծնված լինեի, իմ միսիան կլիներ կաթ տալ ու հետո սթեյք դառնալ որոշ անարժան ու զգացմունքներից զուրկ սրիկաների համար, բայց ինձ թվում է, որ ես որպես կով շատ չէի խորանա բարոյական նորմերի ու աշխարհի կարգի մեջ սթեյք դառնալու ընթացքում։
    Այսինքն դու սուբյեկտիվորեն փորձում ես զգալ այն ինչ կովն է զգում, բայց սխալմամբ կովի գիտակցության մեջ արդարության զգացում ես մտցնում, ու հավասարացնում իրար կենդանիներին ու մարդուն՝ «ուրիշների հետ վարվիր էնպես, ինչպես որ կուզենայիր, որ քեզ հետ վարվեին», առհամարելով բույսերը:
    Բույսերն էլ են կենդանի օրգանիզմ, ու միայն այն փաստը, որ մաղադանոսը կտրվելիս չի արտասվում ու արնահոսում, չի նշանակում, որ մաղադանոսը չէր ուզում ապրել մինչև չորանալը։

    Ենթադրում եմ, որ եթե դու զորություն ունենայիր մարդկանց անմահություն պարգևելու, ապա կպարգևեիր, որովհետև նույն «տրամաբանությամբ» չպարգևելը կհավասարեցնեիր սպանության հետ, ու շատ չէիր խորանա, թե անվերջ բազմացող մարդկությունը ոնց է գոյատևելու, երբ որ շատ արագ սպառի Երկիր մոլորակը։

    Էն որ մարդիկս ինչ-որ կասկածելի հանգամանքների արդյունքում ձեռք ենք բերել մտածելու ունակություն ու սուբյեկտիվ նորմեր ու հայացքներ, դրանից ավտոմատ չի բխում, որ ինքներս մեզ պիտի այսուհետ կառավարենք էմոցիաներով ու բարոյական նորմերով, ամեն ինչ ավելի բարդ է, քան թվում է:
    Վերջին խմբագրող՝ Վիշապ: 26.01.2023, 03:14:
    Si vis pacem, para bellum

  17. Գրառմանը 1 հոգի շնորհակալություն է հայտնել.

    Աթեիստ (26.01.2023)

  18. #119
    Պատվավոր անդամ
    Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    6,715
    Mentioned
    22 Post(s)
    Tagged
    0 Thread(s)
    Մեղա-մեղա, նոր թեմայի սկզբի գրառումները կարդացի ու հիշեցի, որ սկզբից առարկան եղել է խորհուրդներով ու փորձով փոխանակվելը, իսկ մենք հիմա ճիշտն ու սխալն ենք քննարկում։ Եսիմ․․․
    Si vis pacem, para bellum

  19. #120
    Պատվավոր անդամ
    Վիշապ-ի ավատար
    Գրանցման ամսաթիվ
    03.12.2007
    Հասցե
    Կալիֆորնիա, գյուղ Արևահովիտ
    Գրառումներ
    6,715
    Mentioned
    22 Post(s)
    Tagged
    0 Thread(s)
    Մեջբերում Ուլուանա-ի խոսքերից Նայել գրառումը
    ․․․
    Բիզնեսային կողմնակալության հարց իրականում ճիշտ հակառակ կողմում կա: Նենց հետաքրքիր ա, թե ինչի հեչ չես խոսում մսամթերք արտադրող կորպորացիաների մասին, որոնք տակ կտան, եթե մարդիկ միս չուտեն: Հեչ մտքովդ չի անցե՞լ, թե նրանց ինչ աստիճանի ձեռնտու չի մսի սպառման նվազումը, էլ չեմ ասում` վերացումը, ու ըստ այդմ` հակաբուսակերական պրոպագանդան ու ուղեղալվացումը: Մի հատ խորացի, թե ինչքան բիզնեսներ են վարի գնալու, եթե մարդիկ սկսեն միս չուտել: Իսկ հակառակ կողմի դեպքում անձնական շահի հարց չկա. կա ընդամենը մտահոգություն աշխարհի` էկոլոգիայի, տնտեսության, առողջության ոլորտներում, որը բոլորին ա վերաբերում: Կարո՞ղ ես բուսակերությունից ստացվող որևէ անձնական շահի հնարավոր օրինակ բերել: ․․․

    Էս բիզնեսի թեման վայթե երկար խոսակցություն է, ու դու ոնց որ Ամերիկայից չլինես:
    Վերամշակված սննդի ու ֆասթֆուդի բիզնեսն ու լոբբինգը (կարդա՝ մաֆիան) ահավոր ճնշում է Նահանգների ֆերմերությանը ու կլիմայական փոփոխությունների ու արտանետումների ալիքի տակ բիլլգեյթսանմանները նոր հողեր են նվաճում, լիքը նորաթուխ ու ոչ միայն սթարթափներ ու կոնցեռններ սինթետիկ ու լաբորատոր սնունդների վրա «խաղադրույքներ» են դրել, ու առհասարակ իրավիճակը մոտ է նողկալիին:
    Կարճ ասած՝ Նահանգների նույնիսկ բույսեր աճեցնող ֆերմերները վաղուց էլ նախկին թափն ու հզորությունը չունեն, ու բիզնեսն էլ առաջվանը չի, հիմա սուպերմարկետների ցանցերը շատ ավելի են «մտած» սննդամթերքի գների մեջ, քան հարիֆ ֆերմերները:
    Բայց ամբողջակերության (whole food) պուճուրիկ աճող տենդենց կա, որ հնարավոր է փոխարինի բուսակերության թրենդին, յութուբյան պրոպագանդան էլ վայթե դեր է խաղում։ Ընդհանուր առմամբ, 8 միլիարդանոց մոլորակի վրա, որտեղ ամեն տարի Իտալիայի չափ մարդ ա ավելանում, սննդամթերքի բավարարելու ու կայունության հարցերը ավելի ու ավելի են սրվում, մի օր կարող է տրաքել։ Բանջարեղենն ու մրգերն էլ արդեն ձգելով են բավարարում, ու ասում եմ՝ բուծարանները վերացնելիս դուք՝ բուսակերներդ մնացածների հետ սոված եք մնալու, որովհետև բուսականով փոխարինելիս որևէ մեկիդ մտքով չի էլ անցնում կենդանական սնունդի խտությունն ու տված էներգիան հաշվարկել։
    Si vis pacem, para bellum

Էջ 8 10-ից ԱռաջինԱռաջին ... 45678910 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Բուսակերություն
    Հեղինակ՝ MariKa, բաժին` Առողջ ապրելակերպ
    Գրառումներ: 333
    Վերջինը: 26.01.2009, 17:56

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •