Սահմանին

[Շինարար]

Ժող, չեմ ուզում խուճապային գրառումներ և այլն՝ վայ պատերազմ ա սկսվում և այլն, անեմ, բայց վիճակը նորմալ չի: Նոր կարդացի ռազմինֆոյում

Երեկ` սեպտեմբերի 25-ին, հակառակորդը հարվածել է հասցրել ոչ թե առաջնագծում տեղակայված դիրքապահ ուժերին, այլ թիկունքային ստորաբաժանումներին, որի հետևանքով Արցախի Պաշտպանության բանակի 4 զինծառայող է զոհվել, ևս 16-ը վիրավոր են: Վիրավորների մասին տվյալներ է հաղորդում ՀՀ Քննչական կոմիտեի մամուլի ծառայությունը:

Սենց բաները պատահական չեն արվում: Ուզում եմ հավատամ, որ պատերազմ չի սկսվի, բայց նաև մտածում եմ, որ սա ինչ-որ ճնշում հետագայում Հայաստանին քաղաքական նոր պարտություններ պարտադրելու: Սիրտս լավ բան չի վկայում: Վերջը բերելու են օտար զորք կանգնացնեն Ղարաբաղում ու Ադրբեջանի հետ սահմանին:

[StrangeLittleGirl]

Չգիտեմ՝ ինչ ա, բայց ահավոր ա Հույս ունեմ՝ հերթական ռուս-ամերիկյան պատերազմը մեզ մոտ չի տեղափոխվում:

[Շինարար]

[Gayl]

Սենց բաները պատահական չեն արվում: Ուզում եմ հավատամ, որ պատերազմ չի սկսվի, բայց նաև մտածում եմ, որ սա ինչ-որ ճնշում հետագայում Հայաստանին քաղաքական նոր պարտություններ պարտադրելու: Սիրտս լավ բան չի վկայում: Վերջը բերելու են օտար զորք կանգնացնեն Ղարաբաղում ու Ադրբեջանի հետ սահմանին:

Տարեկան տասնյակ զոհեր ենք տալիս ու իսկապես ամեն օր համոզվում եմ, որ եթե խաղաղություն ես ուզում ուրեմն պետք է պատերազմես:

[Mephistopheles]

Տարեկան տասնյակ զոհեր ենք տալիս ու իսկապես ամեն օր համոզվում եմ, որ եթե խաղաղություն ես ուզում ուրեմն պետք է պատերազմես:

հալալ ա քեզ Գել ախպեր....

[Gayl]

Ինչպես արդեն տեղեկացրել է ԼՂՀ ՊՆ մամուլի ծառայությունը, ս.թ. սեպտեմբերի 25-ին 17:30-ի սահմաններում, ադրբեջանական զինուժի կողմից հրետակոծման է ենթարկվել ԼՂՀ հյուսիս-արևելյան ուղղությամբ տեղակայված ՊԲ զորամասերից մեկի պահպանության տեղամասը, որի արդյունքում հայկական կողմն ունի զոհեր և վիրավորներ: Հրետակոծման ժամանակ հակառակորդն առաջին անգամ կիրառել է 122մմ հրետանային միջոցներ` հարվածներ հասցնելով ոչ թե առաջնագծում տեղակայված դիրքապահ ուժերին, այլ նրանց թիկունքում տեղակայված ստորաբաժանումներին:

ՀՀ պաշտպանության նախարարությունը ԵԱՀԿ Մինսկի խմբի համանախագահների և միջազգային կառույցների ուշադրությունն է հրավիրում այն հանգամանքի վրա, որ հրադադարի ռեժիմի խախտման ընթացքում ադրբեջանական կողմից հրետանու կիրառումը շփման գծում նոր իրադրություն է ստեղծում, ինչը լայնածավալ ռազմական գործողությունների անցման հերթական քայլն է:

Հակամարտության կարգավորման քաղաքական գործընթացին աջակցելու նպատակով մինչ այժմ ՀՀ զինված ուժերի զուսպ պահվածքը, ԵԱՀԿ ՄԽ համանախագահների և միջագային կառույցների արձագանքը որևէ կերպ չեն ազգում հակառակորդի վրա հրադադարի ռեժիմի պահպանման հարցում, դեռ ավելին, նրա մոտ սեփական զինված ուժերի գերազանցության պատրանք են ստեղծում` հրահրելով անպատժելիության մթնոլորտում դիմելու նորանոր արկածախնդրությունների:

ՀՀ պաշտպանության նախարարությունը հայտարարում է, որ հակառակորդի կողմից իրադրության հետևողական լարումը, որը պարբերաբար հանգեցնում է մարդկային կորուստների, ինչպես նաև միջազգային հանրության անհասցե քննադատությունը և մտահոգություններն անընդունելի են: Ուստի հակառակորդին լռեցնելու, նրա գործողությունները կանխարգելելու և դրանով իսկ բանակցային գործընթացին աջակցելու նպատակով ՀՀ զինված ուժերի կողմից այսուհետ օգտագործվելու են հրետանային և հրթիռային խոցման համարժեք միջոցներ` մշտական խոցման տակ պահելով ադրբեջանական զինված ուժերի ստորաբաժանումների տեղակայման վայրերը, բոլոր զորաշարժերը, զինտեխնիկան և կենդանի ուժը:
http://www.blogbox.am/arm/index.php?...&st_refQuery=/

[Gayl]

Հակառակորդի հրետակոծության հետևանքով Լեռնային Ղարաբաղում վիրավորված 16 զինվորներից 4-ը տեղափոխվել են Երևան` Կենտրոնական զինվորական հոսպիտալ: Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, Երևան տեղափոխված զինվորների վիճակը գնահատվում է կայուն ծանր:

Զինվորներին է այցելել ՀՀ պաշտպանության նախարար Սեյրան Օհանյանը: Պաշտպանական գերատեսչության ղեկավարը զրուցել է տարբեր աստիճանի վիրավորումներ ստացած ՊԲ զինծառայողների հետ, քաջալերել է նրանց և մաղթել շուտափույթ ապաքինում: Սեյրան Օհանյանը հանդիպել է նաև վիրավոր զինծառայողների ծնողներին, հայրենասեր զավակներ դաստիարակելու համար շնորհակալություն և զորակցություն հայտնել նրանց, և հավաստիացրել, որ վիրավորների ապաքինման ընթացքը հոսպիտալի բուժանձնակազմի ուշադրության կենտրոնում է:

ՀՀ պաշտպանության նախարարությունն իր զորակցությունն ու ցավակցությունն է հայտնում ադրբեջանական զինուժի հրետակոծման հետևանքով զոհված ՊԲ զինծառայողների` կրտսեր սերժանտ Նորայր Միքայելի Խաչատրյանի, կրտսեր սերժանտ Ռոբերտ Սուրենի Մկրտչյանի, շարքային Հարութ Մաքսիմի Հակոբյանի և շարքային Կարեն Գևորգի Շահինյանի ընտանիքների անդամներին, հարազատներին և ծառայակիցներին:
http://mitk.am/2015/09/%D5%B0%D5%A1%...0%D5%A1%D5%BE/

[Chuk]

Շին ջան, էս պահին շատ կարճ ասեմ.

քանի դեռ մենք ունենք չկարգավորված հակամարտություն, յուրաքանչյուր պահին պատեզմի վտանգը կախված ա մեր վզին: Կոնկրետ հիմա, ես վստահ եմ, որ ոչ Ալիևեին, ոչ Սերժիկին ձեռ չի տալիս պատերազմը: Բայց նույնիսկ հիմա ամեն վայրկյանին էդ վտանգը կա: Մի հատ կայծ, մի հատ պատահական բան, մի հատ բռնկում ու պատերազմը կարող ա սկսվել:

Դրա համար ենք ասում, որ պետք ա խնդիրը լուծել:

Դրա համար ենք ասում, որ Սերժիկին ռադ անել ա պետք: Տարօրինա՞կ ա էս ասածս: Իհարկե ոչ: Տարօրինակ չի, որտև Սերժիկը մի քայլ անգամ չի արել խնդիրը լուծելու համար: Ինքը նավարկում ա, հույս ունենալով, որ պատերազմ չի լինի: Ինքը չի ուզում խնդիր կարգավորել: Նույնը չի ուզում նաև Ալիևը: Պետք ա գրողի ծոցն ուղարկել սրանց: Ալիևին մենք չենք կարող, Սերժիկին կարող ենք: