Հայ առաքելական եկեղեցին՝ որպես պառակտիչ, խտրականություն քարոզող կառույց

[Rhayader]

Այս թեմայում կքննարկենք հայ առաքելական եկեղեցու ներկայացուցիչների հայտարարություններն ու գործողությունները, որոնք ունեն պառակտիչ, խտրականություն կամ ատելություն քարոզող բնույթ:

Թեման բացելու հիմք դարձավ Տեր Հովել Օհանյանի հետևյալ արտահայտությունը՝ մահմեդականացված հայերի սերունդների վերաբերյալ.

Գիտեք, միշտ մտածել եմ, եթե մահմեդական հայերին ընդունենք ինչպես որ կան` իրենց կրոնով, իրենց նամազով, և այլն: և ասենք, որ հայ լինելու համար պարտադիր չէ քրիստոնյա լինել, և այլն, և այլն.... հետո մի քանի տարի անց իրենց մահմեդական առաջնորդները` մոլլաները, ջիհադ հայտարարեն քրիստոնյաների դեմ, ինչ պիտի լինի մեր ազգի վերջը: Այդ նույն մահմեդական "հայերդ" սրերը պիտի հանեն ու Երևանը արյան մեջ ողողեն: Թէ պիտի ասեն, վայ, չէ, սրանք հայեր են, մեր արյունակից եղբայրներն են, սրանց չենք մորթի: Ախր մի քիչ պատմություն կարդացեք, ամեն ինչ այդքան մակերեսորեն մի դատեք:
Հայ Առաքելական Եկեղեցին եղել և մնում է Հայ ժողովրդի հոգևոր-ազգային անվտանգության երաշխավորն ու պահապանը:

Գրառումը կատարվել է Facebook սոցիալական ցանցում ու հասանելի է հետևյալ հղմամբ:

Հետաքրքիր է, որ, ելնելով Տեր Ասողիկ քահանա Կարապետյանի՝ Հայ Առաքելական եկեղեցու անունից արված հայտարարությունից, թե ՀԱԵ հետևորդ չհանդիսացող հայերը հայ չեն.

հանգում ենք հետևյալ պատկերին. Հայ Առաքելական Եկեղեցին նպատակ է դրել իր հետևորդների նկատմամբ ազդեցությունը մեծացնել ու իզոլացնել նրանց մնացած, ՀԱԵ հետևորդ չհանդիսացող հայերից, ինչն իրենով բավականին պառակտիչ գործունեություն է ու հետապնդում է ոչ թե հայերի՝ որպես ազգ, ոչ թե Հայաստանի Հանրապետության՝ որպես պետություն, այլ միայն Հայ Առաքելական Եկեղեցու շահերը:

Հետաքրքիր կլիներ լսել նաև մնացածի նկատողություններն այս առումով: