- Բարև ձեզ։ Ժամանակ ունե՞ք մի քանի րոպե զրուցենք։
- Բարև։ Ինչի՞ մասին։ Ինչն է շատ՝ ժամանակը։
- Այդ դեպքում նստեք, խնդրում եմ։
- Լավ։ Լսում եմ ձեզ։
- Ի՞նչ եք կարծում, ի՞նչը կարող է փրկել այս աշխարհը։
- Մմմ..թույլ տվեք մտածել …երևի մեծ քանակությամբ էվտանազեպա՞նը..
- Չհասկացա։
- Կենարար հեղուկ է։ Գիտության ստեղծածն է։ Երջանկության կատարյալ զգացում է ապահովվում։
- Ինչո՞ւ դիմել ինչ որ կասկածելի արհեստական միջոցների, երբ կա մեր աստվածը՝ Եհովան։
- Եհովան ո՞վ է։
- Լավ հարց էր։ Տեսնում եմ դու մաքուր ես էությամբ ու պատրաստ նրան ճանաչելու ու ընդունելու։
- Կախված է նրանից, թե ով է ինքը։
- Եհովան մեր աստվա՛ծն է, գոյը, ամենը Երկրի վրա ու Տիեզերքում։
- Հետաքրքիր է։ Մինչ օրս ես գիտեի իմ աստվածը Կտուլհուն է։
- Ո՞վ։
- Այ քեզ բան։ Ինձ բան եք սովորեցնում, իսկ ինքներդ Կտուլհուին չգիտեք։ Ինքը Մեծ Հներից է, քնած է օվկիանոսի հատակին։
- Հեթանո՞ս եք։
- Օ, ոչ։ Հների պաշտամունքի քրմապետ եմ։
- Տղա՛ս, դու մոլորվել ու ընկել ես սուտ պաշտամունքի ազդեցության տակ։ Դարձի՛ եկ։
- Սո՞ւտ։ Ինչո՞ւ սուտ։ Նման բաներ մի ասեք, որովհետև արթնանալու օրը Մեծ Կտուլհուն խժռելու է բոլոր անհավատներին, Ազատո՛տը վկա։
- Այս ինչե՞ր ես խոսում։ Այս ինչպիսի՞ խավարի մեջ ես դու։
- Ես սիրում եմ խավարը։ Կտուլհուն ասում է՝ խավարը սնում է մեր հավատքը։
- Ո՛չ։ Հավատքը լո՛ւյս է։ Վերջ, ես պիտի ամեն ինչ անեմ, քո երիտասարդ հոգին դարձի բերելու համար։ Վերցրու սա, կկարդաս։
- Չեմ կարող։ Մեծ Մակարոնային Հրեշն արգելում է կարդալ ցանկացած բան Լավքրաֆթից բացի։
- Իիի՞նչ…դու զառանցո՛ւմ ես։
- Մեծ Մակարոնային Հրեշը Ալրային դրախտի պահապանն է, իսկ Լավքրաֆթը՝ նրա առաքյալը։
- Մի՛ հավատա նման բաների։
- Ինչո՞ւ։
- Որովհետև դա սո՛ւտ է։
- Ինչո՞ւ է Եհովան ճիշտ, իսկ Կտուլհուն՝ սուտ։
- Որովհետև Եհովայի մասին գրված է Սուրբ գրքում։
- Կտուլհուի մասին էլ գրված է Նեկրոնոմիկոնում։ Ի դեպ, գրված է մարդկային արյունով մարդկային կաշվի վրա։ Իմ կարծիքով խիստ համոզիչ է։
- Դու սատանի՞ստ ես։
- Ոչ, ես գիգերիստ եմ։
- Դա ի՞նչ է։
- Գիգերի ուսմունքը բիոմեխանիկական նիրվանայի մասին։
- Աստվա՛ծ իմ։
- Այ, օրինակ Կտուլհուն 120-րդ մակարդակի է, +1700 մանանա ունի։ Եհովայինն իչքա՞ն է։
- Խնդրում եմ, հեռացի՛ր։ Ու էլ աչքիս չերևա՛ս։ Սատանա՛։
- Լյուցիֆերը, ի դեպ, Կտուլհուի մոտիկներից է։
Էջանիշներ