30-ամյա կնոջը դատապարտել են 22 տարվա ազատազրկման 17-ամյա տղաների հետ սեքսի համար

[Շինարար]

Ֆեյսբուքում մի քանի տեղ էս թեման աչքովս ընկավ: Ներքևում հղումը կտեղադրեմ, բայց համառոտ պատմեմ:


Ջենիֆեր Ֆիքթերը ԱՄՆ Ֆլորիդա նահանգում անգլերեն լեզվի ուսուցչուհի էր: Նա պարբերաբար սեռական հարաբերություններով է զբաղվել իր 17-ամյա 3 աշակերտների հետ, համենայն դեպս՝ երեք տղայի մասին տվյալներ կան: Նրանցից մեկից նույնիսկ հղիացել և աբորտ է արել: Տղաներից մեկի մայրը, երբ տղան տուն է վերադառնում համարյա լուսաբացին, տղայի հեռախոսում հայտնաբերում է հաղորդագրություն, որում քննարկվում էր տարիքային տարբերության հարցը: Մոր ճնշման տակ տղան խոստովանում է, որ հաղորդագրությունը Ֆիքթերից է: Բանը հասնսում է դիվանբաշուն: Նույնիսկ նրանից հետո, երբ ուսուցչուհին արտասուքն աչքերին իր զղջումն է հայտնում դատարանում, դատարանը որոշում է նրան դատապարտել 22 տարվա ազատազրկման: Ընդ որում, ուսուցչուհին իսկապես հակում ուներ պատանիների հանդեպ և նախկին դպրոցում էլ միջադեպ էր եղել, երբ նա տարվել էր աշակերտով, բայց բանը, հավանաբար, սեքսին չէր հասել:

Թե հայալեզու ֆեյսբուքում, թե անգլիալեզու հոդվածի տակ քննարկումները աչքի են ընկնում նրանով, որ մարդկանց ուղեղի մեջ չի տեղավորվում, թե որտեղ է այս կնոջ հանցանքը կամ արդյո՞ք այդքան մեծ է մեղքը: Ահա և խոստացված լինկը: Եթե թեմայով հետաքրքրվեք, խնդրում եմ՝ հոդվածի տակի քննարկումն էլ աչքի անցկացնեք:


Էնպես ա, որ ես էլ եմ 17 տարեկան եղել ու շատ լավ գիտեմ՝ ինչ ա նշանակում սեռապես մտահոգ լինելը (հուսով եմ տերմինը ճիշտ թարգմանեցի), բայց գալով հենց մեր ակումբում վերջերս շատ շրջանառվող սեքսիզմ տերմինին՝ բայց սակայն ի՞նչ տարբերություն էդ դեպքում: Եթե 30-ամյա տղամարդը սեքսով զբաղվեր իր 17-ամյա աշակերտուհիների հետ, հասարակությունը, մենք նույն կե՞րպ կվերաբերվեինք, թե՞ միանշանակ կդատապարտեինք ու կասեինք, որ իրան մահապատիժն էլ ա քիչ (հասկանում եմ, որ էստեղ 17 տարեկան լինելը համը հանում ա, մի քիչ շատ են մոտ չափահասությանը): Այսինքն՝ թե մի մեծ հանցանք չի տղաների դեպքում, ուրեմն չպիտի՞ մտածենք, որ աղջիկների դեպքում էլ մի մեծ հանցանք չի լինի: Ըստ էության նաև շատ լավ գիտեմ, որ համենայն դեպս Հայաստանում սեքսի պատրաստ մալալետկա աղջիկները չափահաս տղամարդկանց կողմից մեծ պահանջարկ են վայելում (17-ից էլ փոքր) ու մի մեծ հանցանք չի էլ ընկալվում շատ դեպքերում շատերի կողմից:

Գուցե էդ դեպքում սեքսի թույլատրելիության տարի՞քը պետք ա նվազեցնել երկու սեռերի համար էլ, թե՞ ամեն դեպքում էս էն դեպքն ա, երբ սեռերի հանդեպ պետք ա տարբերակված մոտեցում ունենալ, թե՞ գուցե սա հենց ամենաճիշտ որոշումն էր, որ կայացվել ա:


Մի խոսքով, ժող, ի՞նչ եք մտածում էս մասին:

[Հայկօ]

Ճիշտ են արել:

[Վահե-91]

Իմ կարծիքով եթե մարդը սեռահասուն ա (հուսով եմ բառը ճիշտ եմ ընտրել) ու ուզում ա սեքսով զբաղվի, ապա թող զբաղվի, ում հետ ուզում ա:

[ivy]

Գերմանիայում, 16 տարեկանից սկսած, սեռական կապը տվյալ մարդու հետ պատժելի չի, եթե փոխադարձ համաձայնությամբ է եղել։

Ասենք՝ էդ կինը 13-15 տարեկանների հետ լիներ, դեռ հասկանալի կլիներ պատիժը (իհարկե ոչ 22 տարի), բայց 17 տարեկանների հե՞տ, էդպիսի պատի՞ժ։
Խփնված են։

[Alphaone]

Գերմանիայում, 16 տարեկանից սկսած, սեռական կապը տվյալ մարդու հետ պատժելի չի, եթե փոխադարձ համաձայնությամբ է եղել։

Ասենք՝ էդ կինը 13-15 տարեկանների հետ լիներ, դեռ հասկանալի կլիներ պատիժը (իհարկե ոչ 22 տարի), բայց 17 տարեկանների հե՞տ, էդպիսի պատի՞ժ։
Խփնված են։

ՀՀ օրենսդրությամբ էլ ա 16:

[Վահե-91]

ՀՀ օրենսդրությամբ էլ ա 16:

Էն օրը մի տեղ կարդում էի, որ մեկը իրա 16 տարեկան կնոջը հղիացնելու համար տուգանվել ա 100000 դրամ:

[Mephistopheles]

Բա էդ դասատուներն ու՞ր էին երբ ես տասնյոթ էի...

[Sambitbaba]

թե՞ ամեն դեպքում էս էն դեպքն ա, երբ սեռերի հանդեպ պետք ա տարբերակված մոտեցում ունենալ, թե՞ գուցե սա հենց ամենաճիշտ որոշումն էր, որ կայացվել ա:

Կասկածում եմ, թե երեսուն տարեկան տղամարդու և տասնյոթ տարեկան կնոջ դեպքում նույնպիսի որոշում կայացվեր...

Տատուս տասնչորս տարեկանում էին ամուսնացրել...

Այս դատավճիռը մեկ անգամ ևս ցույց է տալիս, թե ինչպիսի "հմտությամբ" տղամարդիկ կարող են ցուցաբերել իրենց թերի լինելը...

Որովհետև, ինչի՞ համար են այդքան դաժանորեն դատապարտել այդ խեղճ ուսուցչուհուն: Մի՞թե ոչ նրա համար, որ տասնյոթամյա տղան ոչ թե հասուն տղամարդ է դեռևս, այլ երեխա: Իսկ արդյո՞ք երեխա է տասնյոթամյա տղամարդը:
Բայց երբեք այդքան դաժանորեն չէին դատապարտի երեսունամյա տղամարդ ուսուցչին`մաքսիմում մի քանի տարի, այն էլ ոչ թե անչափահաս երեխայի, այլ սեփական աշակերտի հետ սեքսի համար: Որովհետև ոչ մի դատավորի մտքով չէր անցնի տասնյոթամյա կնոջն անչափահաս համարել:

Եվ ստացվում է, որ.
Տասնյոթամյա աղջիկը հասուն մարդ է արդեն և ինքն է պատասխանատու իր արարքների համար;
Տասնյոթամյա տղան տհաս երեխա է դեռևս և նրա քայլերի համար պատասխանատու են ուրիշները...

Սրանից լավ էլ ինչպե՞ս մենք տղամարդիկս բացահայտենք մեզ...
Ու շատ պարզ երևում է, որ ոչ միայն տասնյոթամյա տղան, այլև "հարգարժան" դատավորը... դեռևս այն նույն տհաս երեխան է մնացել...

[Ռուֆուս]

Ժողովուրդ, նախքան երկար բարակ գրելը հաշվի առեք, որ Ֆլորիդայում age of consent-ը 18 տարին է, այնպես որ մինչև 18 տարեկանների հետ սեռական հարաբերություններ ունենալը քրեորեն պատժելի գործողություն է: Այնպես որ էդ դասատուին պատժելը օրինական էր ու արդարացված:

Այլ հարց է, որ 22 տարին չափից դուրս ծանր պատիժ է:

[ivy]

Ռուֆ, հասկանալի է, որ իրենց մոտ քրեորեն պատժելի է, պարզ է, որ գլխներից չեն հորինել պատիժը։
Հարց էն է, որ էդ աննորմալություն է։ Ու որ, հա, խփնված են։

[Ռուֆուս]

Ռուֆ, հասկանալի է, որ իրենց մոտ քրեորեն պատժելի է, պարզ է, որ գլխներից չեն հորինել պատիժը։
Հարց էն է, որ էդ աննորմալություն է։ Ու որ, հա, խփնված են։

Աննորմալություն չի, նոր տարբեր երկրների age of consent-ն էի նայում, պարզվեց եվրոպական շատ երկրներում դա 14 տարին է, Մեքսիկայում ու հարավային Ամերիկայում էլ 12-13 տարեկանից էր սկսվում, հիմա ո՞րն ա ստեղ աննորմալություն, հիմա 12-ն է աննորմալությու՞ն, թե՞ 18-ը:

Նոր մի հատ էլ Ֆլորիդայի օրենքը նայեցի, 16-17 տարեկանի հետ սեռական հարաբերություն ունենալը քրեորեն պատժելի չէ, եթե տարիքը 23-ից ցածր է, մնացած բոլոր դեպքերում համարվում է հանցագործություն:

[ivy]

Ռուֆ, հլը ձեռքդ դիր սրտիդ ու ասա, քո կարծիքով, եթե 24 տարեկան (23+) կինը/աղջիկը 17 տարեկան տղայի հետ քնի, որովհետև էդպես են ուզել, էդ հանցագործությո՞ւն է։
Չես կարծո՞ւմ, որ աբսուրդ է։

22 տարվա ազատազրկում, գժվելու բան է ախր։

[armen9494]

Սաղ էտ տղու մերն ա մեղավոր: Իրա նմանների պատճառով ա, որ մեր տասնյոթ տարեկանը տխուրա անցնում

[Ռուֆուս]

Ռուֆ, հլը ձեռքդ դիր սրտիդ ու ասա, քո կարծիքով, եթե 24 տարեկան (23+) կինը/աղջիկը 17 տարեկան տղայի հետ քնի, որովհետև էդպես են ուզել, էդ հանցագործությո՞ւն է։
Չես կարծո՞ւմ, որ աբսուրդ է։

22 տարվա ազատազրկում, գժվելու բան է ախր։

Ձեռս դնում եմ սրտիս ու ասում եմ, որ եթե 24ամյա կինն ու 17ամյա տղան գտնվում են Ֆլորիդա նահանգում, ապա այո, սա հանցագործություն է: Աբսուրդն էլ էնքան աբսուրդ է, ինչ ասենք էն, որ Հայաստանում վարորդական իրավունք կարելի ա հանել 18 տարեկանում (իսկ որոշ երկրներում 14-15 տարեկանից), կամ էն, որ ԱՄՆ-ում խմել ծխել կարելի է 21 տարեկանից:

Իսկ պատժի խստության պահով համաձայն եմ, որ աննորմալություն է:

[Արէա]

Օրենքի տառին են հետևում մարդիկ։ Գրվա՞ծ ա մինչև 18 տարեկան չի կարելի, ուրեմն չի կարելի։ Չե՞ս ուզում՝ գնա ուրիշ երկիր, կամ պայքարի թող օրենքը փոխեն, իսկ հիմա չի կարելի։ Տենց ա։

Բայց օրենքը հիմար օրենք ա։ Ու կվերանայեն էս աղմուկից հետո երևի։ 17 տարեկանն ու 30 տարեկանը շատ հարմար էլ կսիրեն իրար, առանց որևէ մեկին որևէ կերպ վնասելու։